Morgunblaðið - 21.10.1978, Síða 48
LAUGARDAGUR 21. OKTÓBER 1978
Lokun smjörlikis-
og gosdrykkjaverksmiðjanna:
Málið leysist inn-
an fárra daga
— segir viðskiptaráðherra
ALLAR smjörlíkisgerðir landsins og jjosdrykkjaverksmiðjurnar
þrjár, Coca Cola-verksmiðjan. Sanitas og Olgerðin Egill Skallagríms-
son, voru lokaðar í gær, þar sem ekkert gilt verð var að mati
forráðamanna fyrirtækjanna á söluvörum þeirra. Verðlagsstjóri telur
sig ekki geta gefið út verðskrár fyrir þessi fyrirtæki, þar sem honum
beri að gcfa þær út í samræmi við ákvarðanir verðlagsnefndar, en eins
og skýrt var frá í Morgunblaðinu í gær breytti ríkisstjórnin ákvörðun
verðlagsnefndar og lcyfði hækkun samkvæmt fyrri samþykkt
nefndarinnar. Georg Ólafsson, verðlagsstjóri vildi ekkert láta hafa
eftir sér um málið á þessu stigi og sagði að ekkert myndi gerast í því
fyrr en að lokinni helgi.
Morgunblaðið ræddi í gær við
Svavar Gestsson, viðskiptaráðherra,
og spurðist fyrir um það, hvernig
ríkisstjórnin myndi leysa þetta mál.
Hann kvað ríkisstjórnina hafa haft
gamla hækkunarbeiðni þessara
aðila til meðferðar á þriðjudag. Hafi
hún þá frestað henni og afgreitt á
fimmtudag. í millitíðinni hafi verð-
lagsnefnd síðan gert nýja samþykkt.
„Sú samþykkt var ekki til afgreiðslu
á fundi ríkisstjórnarinnar í gær,“
sagði Svavar. Hann kvað fram-
leiðendur setja þetta upp þannig að
vafamál sé hvaða verð sé í gildi.
Vandinn hér væri hins vegar sá að
verið væri að reyna að halda niðri
verðhækkunum. Það væri í sjálfu
sér ekki einfaldur hlutur, þegar
staðan væri þröng. Svavar sagðist
hafa verið í sambandi við þessa
framleiðendur og kvaðst hann
vonast til þess að málið leystist
farsællega áður en margir dagar
liðu.
Flugleiðir hækkuðu í gær flugfar-
gjöld á innanlandsleiðum i samræmi
við ákvarðanir ríkisstjórnarinnar,
Eitt slys
Um 20 árekstrar urðu í
Reykjavík á tímabilinu frá
kl. 8 í gærmorgun til kl. 20 í
gærkvöldi, en hins vegar
varð aðeins eitt minni:
háttar slys í Reykjavík. I
nágrannabæjunum varð
aðeins eitt minniháttar slys
og fáir árekstrar.
en hækkunin er 15%. Með 20%
söluskatti kostar flugfar aðra leið-
ina frá Reykjavík til Egilsstaða
12.610 krónur, til Akureyrar 9.400
krónur, til Vestmannaeyja 6.260
krónur og til ísafjarðar 8.700
krónur.
Sjá írétt á bls. 15 — um
vísitöluútreikning.
Fíkniefnasmygl:
Húsgagnaverzlunin Ingvar og Gylfi seldi í gær iokrekkju, eða ástarkúlu, þá sem verzlunin framieiddi
nýverið og er nú til sýnis á Húsgagnavikunni 1978 sem opnaði í ÁG-húsinu á Ártúnshöfða í gær. Að
sögn Ingvars Þorsteinssonar gerði verzlunin í gær samning í votta viðurvist þar sem maður nokkur
gerði verzluninni ákveðið tilboð í lokrekkjuna, en hún kostar um fimm milljónir. Ingvar sagði að ekki
væri um sölu að ræða fyrr en hann hefði fengið peninga í hendur frá kaupanda, en sá samningur sem
gerður var í gær bindur verzlunina að því leyti, að hún getur ekki selt öðrum lokrekkjuna meðan
tilboðið stendur.
Sjö íslendingar teknir
erlendis í þessari viku
20 Lslendingar hafa verið handteknir erlendis í ár og þar aí sitja 9 í fangelsum
SJÖ íslendingar hafa verið handteknir erlendis í þessari
viku með fíkniefni, fjórir í Helsingborg í Svíþjóð og þrír
í London. Það sem af er þessu ári hafa 20 íslendingar
verið handteknir erlendis fyrir að hafa fíkniefni undir
höndum, aðallega hass, og nú sitja 9 íslendingar í
fangelsum eriendis fyrir fíkniefnameðhöndlun.
Þessar upplýsingar fékk Mbl. í
gær hjá Guðmundi Gígju lögreglu-
fulltrúa í Fíkniefnadeild logregl-
unnar í Reykjavík og Ásgeiri
Friðjónssyni sakadómara í ávana-
og fíkniefnamálum.
Síðast í fyrradag voru tveir
Islendingar handteknir á
Heathrow-flugvelli í London, þar
sem á þeim fannst eitthvað af
hassi. Voru þeir að koma frá
Aþenu. Eftir því sem bezt er vitað
sitja mennirnir í fangelsi og bíða
dóms. Þriðji karlmaðurinn var
handtekinn í London fyrr í vikunni
með fíkniefni í fórum sínum. Hann
fékk þunga sekt og var honum
síðan sleppt.
Þá hefur það tvívegis gerst í
þessari viku að Islendingar hafa
verið handteknir með fíkniefni í
Helsingborg í Svíþjóð. Ekki liggja
fyrir nákvæmar upplýsingar um
ferðir þessa fólks, en líklega hefur
það verið að koma með ferjum frá
Danmörku. Fyrst var ungt par
handtekið en síðan tveir karl-
menn. Þessir fjórir Islendingar
sitja nú í fangelsi í Svíþjóð og bíða
dóms eftir því sem bezt er vitað.
Samtals mun þetta fólk hafa verið
með á sér hátt í 200 grömm af
hassi.
Til viðbótar þessum sex íslend-
ingum sitja tveir Islendingar í
fangelsi í Þýzkalandi og bíða dóms
og níundi Islendingurinn afplánar
strangan dóm á Spáni fyrir
fíkniefnasmygl. Annar Islending-
anna, sem situr inni í Þýzkalandi,
er bróðir þess, sem afplánar dóm á
Spáni.
Samráðsfulltrúar fengu ekki
fj árlagafrum varpið
að sjá
I>RIR ráðherrar, sem skipa hina
svokölluðu samráðsnefnd, Tómas
Árnason. Kjartan Jóhannsson og
Svavar Gestsson, héldu í gær fund
með fulltrúum launþega og
vinnuveitenda vegna fyrirhugaðs
samráðs í kjara- og efnahags-
málum. Einn fulltrúanna, sem
sátu fundinn. sagði f samtali við
Morgunblaðið í gær, að í raun
hefði fundurinn vcrið haldinn til
þess að hafa samráð við aðila
vinnumarkaðarins um hvernig
haga skyldi frekara samráði milli
þessara aðila. Varð niðurstaða
fundarins að til slikra samráðs-
funda yrði boðað mánaðarlega,
en þess í milli yrðu samráð höfð
við minni hópa.
Allmargir aðilar, sem boðaðir
voru á fundinn höfðu vænzt þess
að ráðherrarnir gerðu þar grein
fyrir fjárlagafrumvarpi ríkis-
stjórnarinnar, sem enn hefur ekki
verið lagt fyrir Alþingi. Tómas
Árnason sagði á fundinum, að svo
væri ekki, slíkt væri ekki við hæfi
þar sem frumvarpið yrði fyrst að
leggja fyrir Alþingi. Kristján
Thorlacius, formaður Bandalags
starfsmanna ríkis og bæja lýsti þá
á fundinum furðu sinni á ummæl-
um Tómasar, að ekki væri við hæfi
að ræða fjárlagafrumvarpið. Þeir
væru einmitt komnir á fundinn til
þess að ræða það þar. Yfirleitt
voru fulltrúarnir samkvæmt
upplýsingum, sem Mbl. fékk í gær,
óánægðir með það skipulag, sem
haft er á þessum fundum. Fundinn
sátu um 20 manns.
í fréttatilkynningu frá ríkis-
stjórninni, þar sem skýrt er frá
fundinum, segir m.a. að fundurinn
sé haldinn í samræmi við ákvæði í
samstarfsyfirlýsingu ríkisstjórn-
arinnar. Þau samtök, sem áttu
fulltrúa á fundinum, voru Alþýðu-
samband íslands, Bandalag starfs-
manna rikis og bæja, Vinnuveit-
endasamband Islands og Vinnu-
málasamband samvinnu-
félaganna. Þá segir í fréttatil-
kynningunni: „Gert er ráð fyrir, að
fulltrúar fleiri hagsmunasamtaka
taki þátt í starfi þessu á
næstunni.“
Kjartan Jóhannsson og Tómas Árnason heilsa fulltrúum BSRB við
upphaf samráðsfundarins f gær, Kristjáni Thorlacius og Einari
ólafssyni. — Ljósm.. Emilía
Flensa
komin á
kreik?
MJÖG kvillasamt hefur verið í
Reykjavík og nágrenni að
undanförnu. Grunur leikur á
að inflúensa sé farin að leika
iausum hala, en pestin lýsir
sér einkum í kvefi, beinverkj-
um og hita og Ieggst meira á
ungt fólk en þá sem eldri eru
að sögn Ileimis Bjarnasonar,
aðstoðarborgarlæknis. Ilann
sagði hins vegar, að nokkur
sýni hcfðu verið tekin til
ræktunar og þær niðurstöður
sem borizt hefðu þaðan hefðu
alls ekki rennt stoðum undir
þessar grunsemdir, en tók
fram að reyndar lægju ekki
enn fyrir nægilega margar
niðurstöður til að unnt væri að
segja að þessar grunsemdir
væru ekki á rökum reistar.