Morgunblaðið - 12.07.1980, Blaðsíða 38

38
MORGUNBLAÐIÐ, LAUGARDAGUR 12. JÚLÍ 1980
Deila Ríkisútvarpsins við K.S.Í.
bitnar harðast a almenningi
Þegar áhugasamir knattspýrnuunnendur um allt
land streyma á vellina, oft í hverri viku alit sumarið,
eru þeir að sækja þangað skemmtun og ánægju sem
veitir svo mikið að öll önnur hujíðarefni verða að víkja
þá stundina. Flestir eiga sér uppáhaldslið, en oft vill
bregða til beggja vona um árangurinn, og menn eru þá
misjafnlega hressir eftir því hver úrslitin verða.
Grein þessi á eftir boltanum
átti að birtast á þriðjudag en
vegna mikilla þrengsla á
iþróttasíðu var ekki hægt að
birta hana fyrr en nú.
Þó við Kalli séum miklir mátar
þá fara óskir okkar ekki alltaf
saman um úrslit leikja því við
erum ekki í sama félagi. Á mið-
vikudagskvöldið var fór fram leik-
ur í Bikarkeppni K.S.Í. milli Fram
og Vals, en það eru okkar félög. Og
sigraði Fram í hörkugóðum leik. Á
leiðinni heim eftir leikinn segir
Kalli allt í einu: „Þú skalt ekki
vera dapur, vinur minn, því lið
sem leikur jafn góða knattspyrnu
og Valur gerði í þessum leik þarf
engu að kvíða, og enn er Islands-
mótið varla hálfnað svo tækifæri
sumarsins eru síður en svo að
engu orðin.“
Þetta var drengilega mælt hjá
vini mínum sem hans var von. En
hafi Valur leikið vel þá er það
einnig rétt að það gerðu Framarar
ekki síður, og erfitt er að sjá
hvaða lið fær sigrað þá. Það
kemur alltaf betur í ljós sem líður
að Framliðið er í sókn og allt spil
liðsins verður betra og árangurs-
ríkara með hverjum leik.
Við Kalli höfum áður rætt um
hlut þjálfarans, hve stór hann er í
árangri liðs. Kom þar fram að
erlendir þjálfarar hafa betri að-
stöðu en íslenskir til að afla sér
menntunar og fleiri tækifæri til
að auka við reynslu sína og
þekkingu. Þetta var ekki sagt til
að kasta rýrð á okkar menn því
vissulega eigum við nokkra mjög
færa þjálfara sem vel eru vand-
anum vaxnir. Og þegar litið er á
árangur Framliðsins þá er þjálf-
ari þess dæmi um einn slíkan.
Hann hefur frá upphafi metið rétt
hvar styrkur liðsins liggur og
byggt á því, enda hefur hann
góðum varnarspilurum á að skipa.
Og sýnt er að þeir verða eitt af
úrslitaliðunum í sumar. Annars er
eitt alveg greinilegt og kemur
betur og betur í Ijós með hverjum
leik að knattspyrnan sem liðin í 1.
deild leika í ár er nokkru risminni
en áður, og meiri sveiflur í leik
Iiðanna. Það er eins og alla
leikgleði vanti og margir leikmenn
sem þekktir eru fyrir baráttuvilja
og kraft ná sér ekki á strik. Það er
náttúrlega fleira en eitt sem
veldur þessu, en víst er að íslensk
knattspyrna þolir ekki þá blóð-
töku sem nú á sér stað á hverju
ári, þegar burðarásar og bestu
spilarar liðanna hverfa á braut í
atvinnumennsku.
En víkjum aðeins aö öðru. I
góðri grein um landsliðsmál sem
Árni Njálsson hefur skrifað bend-
ir hann á nokkur atriði sem betur
vættu fara. Þegar við Kalli rædd-
um um þetta á sínum tíma, — að
vísu nokkuð fast að orði kveðið, þá
var það annar megin tilgangurinn
að koma hreyfingu á málin og
vekja umræður um hvað helst
væri til úrbóta. Árni segir að
kveikjan að hans skrifum sé þetta
spjall okkar Kalla, — sé það rétt
er ljóst að ekki var til einskis á
stað farið því allir viljum við
framgang landsliðsins sem mest-
an.
Hlutverk
Ríkisútvarpsins
Ekki er hægt að ljúka þessu
spjalli án þess að minnast aðeins á
mál sem nú er rætt meðal
knattspyrnuunnenda um allt land,
en það er deila Ríkisútvarpsins við
K.S.I. um breytt fyrirkomulag í
peningamálum, og svo hvernig það
bitnar á öllum almenningi í land-
inu.
Það hefur verið föst regla und-
anfarin ár að Ríkisútvarpið hefur
samið beint við K.S.Í. um greiðsl-
ur fyrir sýningar og lýsingar á
leikjum. Fé þessu hefur mjög
verið í hóf stillt og K.S.Í. stjórnin
ekki farið fram á hækkanir nema
það sem fullkomlega eðlilegt er
milli ára vegna verðbólgunnar. Nú
bregður svo við að Ríkisútvarpið
neitar öllum samningum, og til að
draga málið á langinn eða eyða því
býr það sér til tylliástæðu um
heildarsamninga við Í.S.Í. og lokar
fyrir allar útsendingar á þessu
efni á meðan. Þessi ástæða er
alveg handónýt og einskis virði,
Ríkisútvarpinu var í lófa lagið að
hafa knattspyrnuna á dagskrá
eins og áður meðan leitað var
samkomulags um breytt fyrir-
komulag þessara mála.
Alls staðar í heiminum kapp-
kosta sjónvarps- og útvarpsstöðv-
ar að fá þetta efni til flutnings, og
nýtur það forgangs hjá þeim í
útsendingum. Það er ekki fjarri
lagi að álykta að eins sé hjá okkur
um vinsældir knattspyrnunnar
því ekkert dregur eins marga
áhorfendur að og hún, en mikill
fjöldi landsmanna á þess ekki kost
að vera viðstaddur landsleiki eða
aðra stórleiki og bíður þess ætíð
spenntur að fá að sjá keppnina í
sjónvarpi eða heyra lýsingu á
henni.
Þó þessi deila um peningamál
standi milli Ríkisútvarpsins og
K.S.Í. þá er þriðji aðilinn að
málinu, og bitnar þetta harðast á
honum. það er alveg óskiljanlegt
að forráðamenn ríkisstofnunar
skuli loka augunum fyrir skyldum
sínum við almenning og neita að
verða við óskum hans.
I síðustu viku voru háðir hér
landsleikir í knattspyrnu við Fær-
eyjar og Grænland, og komu
hingað útvarpsmenn frá báðum
þessum þjóðum og lýstu leikjun-
um beint frá keppnisstað. Þeir
gáfu þannig löndum sínum kost á
að fylgjast með hverjum leik um
leið og hann fór fram. Forráða-
menn útvarps hjá þessum smá-
þjóðum hikuðu ekki við að leggja í
mikinn kostnað og fyrirhöfn þegar
um það var að ræða að koma til
móts við óskir almennings. Þeir
skildu sitt hlutverk og fram-
kvæmdu það.
Miklu varðar að ekki sé aðeins
horft á peningahlið þessa máls
heldur leiði menn hugann að
öðrum verðmætum. Ég hef nú
rætt aðeins um deilur Ríkisút-
varpsins við K.S.Í. og skemmtun
almennings af knattspyrnunni, en
það er enn önnur hlið á þessu máli
og ekki minnst um verð.
Ein stærsta hugsjón hjá öllum
þjóðum er að beina áhuga æsk-
unnar að íþróttum því það er
vísasti vegurinn til að forða henni
frá iðjuleysi og alls konar óreglu.
Áhrifaríkustu fjölmiðlarnir, út-
varp og sjónvarp, hafa stóru
hlutverki að gegna hvað þetta
varðar. Það er því von okkar allra
að engin bið verði á því að
ráðamenn þar opni dyrnar á ný.
Magnús
SigurjónssöiT 1
A EFTIR
BOLTANUM
/ŒLÁ
V A [ " l
■w * g JL : mSrnmm
jySk ‘ í
1 • Nú eru golfmótin í fullum gangi um allt land. Þessi mynd sýnir okkur stóran hóp af kylfingum sem
^ hlutu glæsileg verðlaun á opna GR-mótinu i golfi sem fram fór um siðustu helgi. En í því móti voru
^ verðlaun einstaklega glæsileg. Fremst fyrir miðju má sjá systkinin óskar og Steinunni Sæmundsbörn sem
h sigruðu. Þeim á hægri hönd er íslandsmeistarinn í golfi Hannes Eyvindsson, og á vinstri hönd cru Kolbeinn
I Kristinsson og Ingólfur Bárðarson, báðir þekktir kylfingar. Þeir voru hér á árum áður góðir
J frjálsíþróttamenn. Kolheinn keppti í stangarstökki og Ingólfur var goður hástökkvari. Ljósm. ós.
• Þessir tveir kunnu kappar Ottó Guðmundsson, KR, og Pétur
Ormslev, Fram, verða í landsliðshópnum sem heldur utan i dag til
Noregs. íslenska landsliðið í knattspyrnu mun leika tvo landsleiki í
næstu viku. Á mánudag móti Norðmönnum og á fimmtudag gegn
Svíum.
KKÍ stofnar Mdk
NÝRVERIÐ var stofnuð Mennt-
unardeild Körfuknattleiksins.
Deildin var stofnuð af stjórn
KKÍ. Henni er stjórnað af sér-
stöku ráði Menntunarráði körfu-
knattieiksins, sem stjórnin skip-
ar samkvæmt tilnefningu þeirra
aðila sem annast fræðslu i korfu-
knattleik.
Menntunardeild körfuknatt-
leiksins skammstafað Mdk mun
yfirtaka allt fræðsluefni í eigu
KKÍ og framvegis annast nám-
skeiðahald, útgáfu og kennslu í
körfuknattleik.
Deildin hefur á boðstólum mjög
vandað kennsluefni fyrir leiðbein-
endur í íþróttinni. Þetta efni
stendur öllum til boða sem þess
óska.
Sérstaklega vill Mdk vekja at-
hygli á því að þetta efni er mjög
hentugt til kennslu í íþróttabraut-
um framhaldsskóla.
Deildin útvegar skólum einnig
sérfróða kennara til að kenna
efnið og veitir ráðleggingar um
notkun þess.
Fyrsta námskeiðið á vegum
Mdk verður haldið á Laugarvatni
dagana 13. og 14. ágúst n.k.
Það er svonefnt A-stigs nám-
skeið fyrir leiðbeinendur. Þátt-
tökutilkynningar þurfa að berast
skrifstofu KKÍ sem fyrst en at-
hygli er vakin á því að félagar í
HSK og þátttakendur í sumarbúð-
um KKI ganga fyrir. Þátttöku-
gjaldi er mjög stillt í hóf, 25
þúsund kr. og er kennsla og
kennsluefni auk fæðis og gistingar
í tvo sólarhringa innifalið í verð-
inu.

Lið Í.B.K.
Jón Örvar Arason 5
óskar Færseth 5
Guðjón Guðjónsson 5
Kári Gunnlaugsson 5
Gisli Eyjólfsson 6
Björn Ingólfsson 5
Hilmar Hjálmarsson 5
Sigurjón Sveinsson 5
Ragnar Margeirsson 7
Steinar Jóhannsson 5
Ólafur Júliusson 7
Skúli Rósantss., varam. 4
Lið Í.A.
Bjarni Sigurðsson 5
Guðjón Þórðarson 5
Július Ingólfsson 4
Sigurður Lárusson 5
Jón Gunnlaugsson 5
Sigurður Ilalldórsson 6
Kristján Olgeirsson 5
Jón Askelsson 4
Sigþór ómarsson 7
Kristinn Björnsson 7
Árni Sveinsson 7
Björn H. Bjarnason varam. 4
Ástvaldur Jóhannss. varam. 4
Hreiðar Jónsson dómari 6
Lið UBK:
Guðmundur Ásgeirsson
Tómas Tómasson
Einar Þórhallsson
Benedikt Guðmundsson
Valdimar Valdimarsson
Vignir Baldursson
Þór Hreiðarsson
Sigurður Grétarsson
Helgi Bentsson
Gunnlaugur Helgason
Ólafur Björnsson
Ingólfur Ingólfsson (vm)
Lið Fram:
Guðmundur Baldursson
Trausti Haraldsson
Gunnar Guðmundsson
Marteinn Geirsson
Kristinn Atlason
Jón Pétursson
Kristinn Jörundsson
Gústaf Björnsson
Pétur Ormslev
Guðmundur Steinsson
Gunnar Bjarnason
Guðmundur Torfason (vm)
Dómari Vilhjálmur Þór
Vilhjálmsson 8
cn o* a* a* co