Morgunblaðið - 21.02.1984, Blaðsíða 17

MORGUNBLAÐIÐ, ÞRIÐJUDAGUR 21. FEBRÚAR 1984
17
Inflúensufaraldur
í Sovétríkjunum
Mikil bið eftir nauðsynlegum lyfjum
Moskvu, 20. febrúar. AP.
FÓLK, sem veikzt hefur af skæðri
inflúensu, er nú herjar á Sovétríkin,
hefur orðið að bíða vikum saman
eftir því að fá nauðsynleg lyf. Stafar
þetta af því, hve seint í vöfum dreif-
ingarkerfið er gagnvart þeirri stór-
auknu þörf, sem nú er komin upp.
Hefur blaðið Sovietskaya Rossiya
skýrt svo frá, að framleitt hafi verið
aukið magn af þeim lyfjum, sem
mest eru notuð gegn veikinni en það
eru interferon og annað lyf, sem
nefnist „remantadine". Er veikin nú
orðin að farsótt, sem geisar í 7 stór-
borgum í Sovétríkjunum.
Blaðið segir, að afhending og
sending lyfjabirgðanna hafi verið
illa skipulögð og eigi þetta mikinn
þátt í lyfjaskortinum. Skorturinn
hafi orðið uppvís, er kvartanir
tóku að berast frá fólki í Moskvu,
sem hefði mátt fara frá einni
lyfjaverzluninni tii annarrar í von
um nauðsynleg Iyf en án árangurs.
Samt hefði blaðið fengið þau svör,
er það lét hringja í heilbrigðisyf-
irvöld Moskvuborgar, að fullnægt
hefði verið „sérhverri beiðni lyfja-
búðanna um nauðsynleg lyf“.
Sök sér að
nauðga
vændiskonu
London, 15. febrúar. AP.
TVEIR menn, sem voru sekir
fundnir um að nauðga átta kon-
um, voru aðeins dæmdir í 15
mánaða fangelsi í Old Bailey,
sakamáladómstólnum, vegna
þess, að konurnar voru vændis-
konur.
„Vændiskonur njóta sömu
lagaverndar og aðrar konur en
hér vantar þó nokkuð á, að
nauðgunin sé jafn alvarlegs
eðlis og hún alla jafna er,“
sagði dómarinn, Robert Lym-
bery. „Konurnar urðu ekki
fyrir meiðslum eða andlegu
áfalli og hefðu haft kynmök við
sakborningana ef þeim hefði
verið greitt fyrir það." Menn-
irnir tveir höfðu þann háttinn
á, að þeir sömdu við vændis-
konurnar og tóku þær síðan
með sér i íbúð sína. Þar neit-
uðu þeir að borga þeim en
komu vilja sínum fram við þær
engu að síður.
Óttast vaxandi
áhrif Samstöðu
Skyndifundur hjá pólskum kommúnistum
Varsjá og BriisHel, 20. februar. AP.
WOJCIECH Jaruzelski hershöfðingi, leidtogi pólsku kommúnistastjórnar-
innar, sagði í gær, að setja yrði lög til þess að berjast gegn vaxandi glæpum,
mistökum í stjórnsýslu og spillingu í landinu. Sagði Jaruzelski þetta á eins
dags fundi miðstjórnar kommúnistaflokksins, sem kallaður var saman í
skyndi og fram fór á sunnudag. Jafnframt varð honum tíðrætt um, að í
kommúnistaflokki Póllands væru allt of fáir verkamenn, konur og ungt fólk
í ábyrgðarstöðum. Þetta gæti haft það í för með sér, að flokkurinn yrði
veikari og fjarlægðist þjóðina og slíkt byði heim sams konar hættuástandi og
skapaðist í landinu 1980, er Samstaða varð til.
Sonur þekkts forystumanns
Samstöðu, samtaka hinna frjálsu
verkalýðsfélaga í Póllandi, fannst
látinn í brunni fyrir 10 dögum.
Skýrði talsmaður lögreglunnar í
borginni Inowroclaw frá þessu í
gær, en greindi hins vegar ekki frá
dánarorsökinni. Pilturinn, sem
hét Piotr Bartoszcze, dó 9. febrúar
og var jarðsettur 12. febrúar. Fað-
ir hans er Macie Bartoszcze, sem
er einn helzti forystumaður Sam-
stöðu í miðhéruðum Póllands og
var hinn látni sonur hans einnig
meðlimur samtakanna.
Þá var frá því skýrt í dag, að
heilsu Janusz Palubicki hefði
hrakað mjög, en hann hefur verið
í hungurverkfalli frá því 5. des-
ember í fangelsinu, þar sem hon-
um er haldið. Palubicki, sem er
kunnur verkalýðsforingi, var
handtekinn 12. desember 1981,
sama dag og herstjórnin í Póllandi
tók öll völd þar í landi. Palubicki
var látinn laus 8. marz 1982, en
síðan handtekinn aftur 30. des-
ember sama ár og dæmdur í fjög-
urra ára fangelsi.
Fjarskiptahnöttur Indónesíumanna er honum var skotið frá geimskutl-
unni í síðusu viku. Miklar athuganir fara nú fram á því, hvort ekki sé
unnt að koma þessum gervihnetti svo og gervihnettinum Westar á rétta
braut umhverfis jörðu, svo að þeir geti framkvæmt ætlunarverk sitt,
sem var á sviði fjarskipta. Vísindamenn telja þetta framkvæmanlegt, en
kostnaðurinn er hugsanlega það mikill, að verkið yrði óviðráðanlegt af
þeim sökum.