Morgunblaðið - 28.02.1984, Blaðsíða 3
MORGUNBLAÐIÐ, ÞRIÐJUDAGUR 28. FEBRÚAR 1984
3
Endurreisn Bernhöftstorfunnar:
Móhúsin í endurbyggingu
FRÁ ÞVÍ í september í haust hefur
verið unnið að því að endurbyggja
móhúsin svokölluðu í Bernhöftstorf-
unni, sem brunnu ásamt fleiri hús-
um árið 1977. Verkinu miðar vel
áfram og er reiknað með að það hús
sem nú er í „endurreisn“, verði upp
risið í júnímánuði nk., en um þessar
mundir er verið að reisa grind húss-
ins.
„Húsin verða að sjálfsögðu
byggð eftir sinni upprunalegu
mynd, það er að segja koma til
með að hafa sömu stærð lögun og
vera úr timbri eins og gömlu hús-
in,“ sagði Þorsteinn Bergsson,
framkvæmdastjóri Torfusamtak-
anna í samtali við blm. Mbl.
„Menn hafa verið að furða sig á
þeirri steypuvinnu sem þarna hef-
ur farið fram, en þar er aðeins um
að ræða steypta gafla í eldvarna-
skyni,“ sagði Þorsteinn.
1 móhúsunum gömlu var á sín-
um tíma geymdur mór, eldiviður,
fyrir bökunarofn bakarísins. Það
hús sem nú er í byggingu fær hins
vegar nýtt hlutverk í framtíðinni,
þar verður aðstaða fyrir veitinga-
húsið Lækjarbrekku, verslunar-
aðstaða á neðri hæð og á efri hæð-
inni er hugmyndin að verði lítill
salur undir súð fyrir fundi og
smærri samkomur, en húsið er 130
fermetra stórt á tveimur hæðum.
Kostnaðaráætlun fyrir þennan
áfanga er 3,5 milljónir króna.
Næst á dagskrá Torfusamtak-
anna er að reisa aftur kornhlöð-
una, sem stendur við Skólastrætið.
Þar verður innréttaður salur fyrir
140 manns, sem meiningin er að
nýta undir leiklistarstarfsemi
meðal annars, og hafa þegar farið
fram lauslegar viðræður á milli
Torfusamtakanna og Þjóðleik-
hússins um hugsanleg afnot Þjóð-
leikhússins af þessum sal undir
hluta af sinni starfsemi, að sögn
Þorsteins.
Þetta hús sem nú er í endurbyggingu í Bernhöftstorfunni rís á þeim stað þar
sem gömlu móhúsin voru áöur. Reiknað er með að húsið verði tilbúið í júní
nk. Morgunblaðið/Ól.K.M.
Aðalfundur
Verzlunar-
ráðs íslands
haldinn í dag
AÐALFUNDUR Verzlunarráðs ís-
lands verður haldinn í dag í Átthaga-
sal Hótel Sögu frá klukkan 10.15 til
16.00. Fundurinn hefst með setn-
ingarræðu Ragnars S. Halldórsson-
ar, formanns VÍ.
Á dagskrá fundarins auk venju-
legra aðalfundarstarfa verða sam-
skipti ríkisvalds og helstu hags-
munahópa í þjóðfélaginu. Dr.
Þorvaldur Gylfason flytur erindi
um verkalýðsfélögin og stjórnmál-
in og dr. Arthur Shenfield flytur
erindi um atvinnulífið og stjórn-
málin. Þá mun Guðmundur H.
Garðarsson, blaðafulltrúi SH,
kynna undirbúning að stofnun
Framfarasjóðs, alhliða fjárfest-
ingarfélags í þágu einkarekstrar.
Tveir seldu
ytra í gær
TVÖ fiskiskip seldu afla sinn er-
lendis í gær, mánudag.
Haforn GK seldi í Hull samtals
108,2 lestir, en fyrir þann afla fékk
hann 1,729 milljónir króna, en með-
alverð á kíló samkvæmt því eru
15,99 krónur, sem þykir lágt.
Þá seldi Bjarni Benediktsson
RE í Cuxhaven, samtals 187,3 lest-
ir, en fyrir það fékk hann 4,102
milljónir króna, en meðalverð er
21,90 krónur fyrir kílóið.
Þrjár sölur eru áformaðar í
Þýskalandi í vikunni, en í dag,
þriðjudag mun Már selja, ögri á
miðvikudag og Karlsefni á
fimmtudag. Þá mun Ársæll Sig-
urðsson selja í Grimsby á Eng-
landi á fimmtudag.
Ekið á tröpp-
ur og bfl
EK HÚSRÁÐENDUR á Vesturgötu
29 vöknuðu í gærmorgun brá þeim
heldur en ekki í brún. Tröppur fram-
an við húsiö höfðu nánast verið eknar
niður, auk þess sem bfll húsmóðurinn-
ar hafði veriö skemmdur.
Sá sem olli þessu tjóni hvarf af
vettvangi án þess að gera vart við
sig og ekki er vitað um vitni að at-
burðinum, sem trúlega hefur átt sér
stað milli klukkan 8.45 og 8.30 í
gærmorgun. Þeir sem upplýsingar
geta gefið um málið eru beðnir að
hafa samband við Umferðardeild
lögreglunnar.
Fordinn frá upphafi“
Þegar bílablaöamenn skrifta um hinn byltingarkennda bíl frá Ford verk-
smiðjunum, Ford Sierra, dettur þeim aldrei í hug aö líkja Sierra viö aöra
bíla en þá, sem eru í miklu dýrari verðflokki. Umsagnir þeirra eru allar á
einn veg:
„Við gátum ekki fundið einn veikan blett“ (Autorevue, Austurríki).
„Sierra er einfaldlega stórkostlegur bíll“ (Jyllandsposten, Danmörk).
„Sierra. Framtíðin komin á vegina“ (L’Est, Frakklandi).
„Þetta er risastökk fram á við að öllu leyti“ (Autocar, Bretlandi).
„Hann er besti fj... bíllinn á vegum írlands“ (Sunday World, írlandi).
„Besti Fordinn frá upphafi" (Auto Motor und Sport, Þýzkalandi).
„Fyrsti bíllinn, sem lítur út eins og bíll framtíðarinnar“ (Echo de la Bourse, Belgíu).
Þannig hafa umsagnirnar veriö fermetra eftir fermetra í erlendum blööum, enda
hefur Ford sierra þegar fengiö 15 alþjóðleg verölaun (á aðeins rúmu ári), - fleiri
verölaun en nokkur Ford bíll frá upphafi bílaaldar.
Vegna sérstakra samninga viö Ford-verksmiðjurnar í Köln, V-Þýzka-
landi, getum viö boöiö þennan frábæra bíl - á mjög góöu veröi í tak-
mörkuöu magni. _ ^
Verð frá aðeins 377.000 kr.
Við erum stoltir af þessum bíl
Sveinn Egilsson hf.
Skeifan 17-Sími: 85100