Morgunblaðið - 31.10.1989, Blaðsíða 4
4
MORGUNBLAÐIÐ ÞRIÐJUDAGUR 31. OKTÓBER 1989
Utanríkismálanefiid sæmilega
ánægð með skýrslu ráðherra
EFTA - EB
UTANRÍKISMÁLANEFND virðist vera sæmilega ánægð með
skýrslu Jóns Baldvins Hannibalssonar, utanríkisráðherra um könn-
unarviðræður EFTA og EB, sem hann flutti nefhdinni á fundi
hennar sl. laugardag. Jóhann Einvarðsson, formaður nefndarinnar
og Eyjólfur Konráð Jónsson, fulltrúi Sjálfstæðisflokksins í nefhd-
inni sögðu skýrsluna hafa verið ítarlega.og greinargóða, en Kristín
Einarsdóttir, fulltrúi Kvennalista taldi að verið væri að rasa um
ráð fram í ákvarðanatöku í þessum efhum.
Kristín Einarsdóttir sagði í sam-
tali við Morgunblaðið í gær: „Mér
finnst sem þama sé búið að taka
ákvörðun um að ganga til samn-
inga við Evrópubandaiagið án þess
að Alþingi hafi tekið afstöðu til
þess að ganga til slíkra samninga.
Mér finnst ekki liggja fyrir hveijir
fyrirvarar íslands eru að því er
varðar aðgang að auðlindunum og
sérstöðu Islands að því er varðar
fjármagnsmarkaðinn. Auk þess
finnst mér vera hættulega mikill
hraði á öllum þessum viðræðum
og vara eindregið við honum.“
Eyjólfur Konráð Jónsson sagði
að ráðherra hefði flutt ítarlega og
greinargóða skýrslu um gang
mála, en fátt hefði komið sér á
óvart í máli ráðherra. „Þessi mál
eru í þeim farvegi sem ég hafði
hugsað mér að þau gætu verið.
Það er hreyfing á málum, en ekk-
ert stórvægilegt hefur gerst,“
sagði Eyjólfur Konráð.
Jóhann Einvarðsson, formaður
utanríkismálanefndar tók í sama
streng: „Skýrsla ráðherra um það
hvemig mál standa var ítarleg og
góð. Nú eru málin á borði ríkis-
stjórnarinnar og því ekki mikið
umjrnu að segja að svo stöddu.“
Asgeir Hannes Eiríksson, full-
trúi Borgaraflokksins i utanríkis-
málanefnd sagðist ekkert hafa um
skýrsluna að segja, þar sem hún
hefði verið flutt á fundinum sem
trúnaðarmál. Hann kvaðst á hinn
bóginn hafa áhyggjur af því
hversu takmarkaða þekkingu Is-
lendingar hefðu á þessum tveimur
bandalögum, EFTA og EB. Leggja
þyrfti áherslu á að kynna þau sér-
staklega nú á næstunni.
Sjá samtal við Jón Baldvin
Hannibalsson utanríkisráð-
herra í miðopnu.
VEÐUR
/ DAG kl. 12.00;
Heimild: Veðurstofa íslands
á veðurspá kl. 16.15 i gær)
VEÐURHORFUR í DAG, 31. OKTÓBER:
YFIRLIT í GÆR: Um 450 km vestsuðvestur af landinu er 945 mb
víðáttumikil, en minnkandi lægð sem hreyfist lítið í bili. Yfir norð-
austur Grænlandi er 1020 mb hæð. Heldur mun kólna í veðri.
SPÁ: Suðaustlæg átt á landinu, allhvöss eða hvöss með éljúm
suðvestanlands, skúrir suðaustanlands en hægari og bjart veður
nyrðra. Lægir síðdegis. Hiti 2—5 stig vestanlands en heldur hlýrra
á Norður- og Austurlandi.
VEÐURHORFUR NÆSTU DAGA:
HORFUR Á MIÐVIKUDAG OG FIMMTUDAG:Suðaustan- og siðar
austanátt. Skúrir við suður- og austurströndina en léttir til á Norð-
ur- og Vesturlandi. Hiti 2—7 stig.
TÁKN:
Heiðskírt
x Norðan, 4 vindstig:
' Vindörin sýnir vind-
stefnu og f|aðrirnar
vindstyrk, heil fjöður
er 2 vindstig.
r r r
r r f f Rigning
r r r
* r #
r * r * Slydda
r * r
* * *
## * # Snjókoma
* * *
10 Hitastig:
10 gráður á Celsíus
V Skúrir
= Þoka
= Þokumóða
’, > Súld
OO Mistur
—j* Skafrenningur
Þrumuveður
VEÐUR VÍÐA UM HEIM
kl. 12:00 í gær að ísl. tíma
hiti veður
Akureyri S hálfskýjað
Reykjavík 5 haglél
Bergea 11 léttskýjað
Helsinki 5 rigning
Kaupmannah. 11 skýjað
Narssarssuaq +6 skýjað
Nuuk +10 skafrenningur
Osió 7 rigning
Stokkhólmur 9 þokumóða
Þórshöfn 9 skýjað
Algarve 24 léttskýjað
Amsterdam 14 skúr
Barcelona 24 léttskýjað
Berlín 14 rigning
Chicago 13 léttskýjað
Feneyjar 12 þokumóða
Frankfurt 17 skýjað
Glasgow 13 léttskýjað
Hamborg 12 rigning
Las Palmas 26 skýjað
London 14 skýjað
Los Angeles 14 iéttskýjað
Luxemborg 14 rigning
Madríd 18 léttskýjað
Malaga 23 léttskýjað
Mallorca 23 léttskýjað
Montreal 8 þokumóða
New York 13 mistur
Orlando 21 alskýjað
París 17 skýjað
Róm 21 þokumóða
Vín 16 skýjað
Washíngton 12 þokumóða
Winnipeg +6 léttskýjað
Morgunblaðið/Árni Sæberg
Frá fundi utanríkisráðherra með utanríkismálanefnd sl. laugardag,
þar sem ráðherra flutti nefndinni skýrslu sína af gangi könnunarvið-
ræðna EFTA og EB.
Flugráð mælir með flugi Arnarflugs
til Vestmannaeyja og Húsavíkur:
Vel 1 stakk búnir til
að takast á við flugið
- segir Arni Ingvason hjá Arnarflugi
„VEITI samgönguráðherra okkur leyfi til áætlunarflugs til Vest-
mannaeyja og Húsavíkur, eins og meirihluti flugráðs hefur mælt
'með, erum við ágætlega undirbúnir til að takast á við það verk-
efiii. Við munum nota Dornier-skrúfiiþotur til flugsins og höfiim
þegar eina slíka til umráða," sagði Árni Ingvason, framkvæmda-
sljóri Arnarflugs-innanlands. Bæjarstjórar Vestmannaeyja og
Húsavíkur segja afstöðu flugráðs í samræmi við samþykktir bæjar-
stjórnanna. Búist er við að samgönguráðherra taki ákvörðun um
veitingu sérleyfa í vikulok.
Eins og skýrt var frá í Morgun-
blaðinu á sunnudag mælti flugráð
með því að Arnarflugi yrði veitt
heimild til áætlunarflugs til Vest-
mannaeyja og Húsavíkur, en Flug-
leiðir.hafa haft sérleyfi.á flugi til
þessal-a staða. Arnarflug sótti
einnig um heimild til að fljúga
tveggja annarra áætlunarstaða
Flugleiða, Patreksfjarðar og Hafn-
ar, auk núverandi áætlunarstaða
félagsins. Árni sagði að ef allar
óskir Arnai-flugsmanna um sér-
leyfi innanlands rættust myndu
þeir fá aðra Dornier-þotu til um-
ráða um áramót, en eína hafa
þeir haft á leigu frá því í sumar.
„Dornier-vélar taka 19 farþega og
henta mjög vel við íslenskar að-
stæður,“ sagði hann. „Þær eru
framleiddar hjá verksmiðjum í
eigu Daimler-Bens, þykja mjög
fullkomnar og það er fáránlegt
þegar minnihluti flugráðs gefur í
skyn að þær séu ekki nógu örugg-
ar. Þá eru einnig rangar fullyrð-
ingar Flugleiða um að Fokker-
vélar þeirra fljúgi ofar veðrum.
Fokker eru ágætis vélar, en veðra-
hvolfið nær miklu hærra en þær
fljúga.“
Árni sagði að eins og komið
hefði fram í fjölmiðlum myndi
Arnarflug greiða skuíd sína við
Flugmálastjórn, vegna lendingar-
og þjónustugjalda, síðar í þessari
viku.
Páll Einarsson, settur bæjar-
stjóri í Vestmannaeyjum, segir að
niðurstaða flugráðs sé í anda sam-
þykktar bæjarstjórnarinnar, frá
því á miðvikudag í síðustu viku.
Þar mælir bæjarstjórn með því við
samgönguráðherra, að þeim aðil-
um, sem áhuga hafa á ,að halda
uppi flugþjónustu við Vestmanna-
eyjar, hvort sem um er að ræða
áætlunarflug eða annað, verði
heimilað að veita þá þjónustu.
Sérstaka áherslu beri að leggja á
nauðsyn þess að flugrekstur Vals
Anderssen verði efldur. Hafi ráðu-
neytið hins vegar í huga að veita
einum aðila sérleyfi til áætlunar-
flugs milli Vestmannaeyja og
Reykjavíkur mælir bæjarstjórnin
hins vegar með að Flugleiðum
verði veitt leyfið. Ekki var fneiri-
hluti um þessa samþykkt í bæjar-
stjórn. Fimm greiddu atkvæði með
samþykktinni en íjórii- sátu hjá.
Minnihlutinn lagði fram tillögu,
sem var felld, um að Flugleiðum
yrði veitt sérleyfið.
Það skal tekið fram, að Valur
Anderssen sótti einnig um sérleyfi
á þessari flugleið og mælti meiri-
hluti flugráðs einnig með að hann
fengi slíkt leyfi.
Bjarni Þór Einarsson, bæjar-
stjóri á Husavík, segist treysta því
að réttir aðilar fylgist með að ör-
yggismál þeirra flugfélaga, sem
fá leyfi til áætlunarflugs, séu í
lagi. „í samþykkt bæjarstjórnar
Húsavíkúr í síðustu viku kemur
fram, að bæjarstjómin telur nauð-
synlegar flugsamgöngur milli
Húsavíkur og Reykjavíkur vera
daglegar, beinar ferðir, án milli-
lendingar," sagði hann. „Bæjar-
stjórnin beindi því til ráðherra að
úthlutun sérieyfa til flugs á þess-
ari leið miðist við þessa þjónustu
og notaðar verði flugvélar sem
uppfylli ströngustu öryggiskröfur
og anni flutningaþörf leiðarinnar.
Til þessa að ná þessu markmiði
telur bæjarstjórnin koma til greina
að fleiri en einn aðili annist áætl-
unarflug á leiðinni," sagði Bjarni
Þór Einarsson.
Dornier-skrúfiiþotan, sem Arnarflug hefúr á leígu.