Morgunblaðið - 31.10.1989, Blaðsíða 22

22
caei .qaao'rao .ts fluoAaumuFi aiGAJ8HU03om
MORGUNBLAÐIÐ ÞRIÐJUDAGUR 31. OKTÓBER 1989
Landsfundur Kvennalistans
Kvemialistmn í bankaráð
KVENNALISTINN samþykkti á landsfundi sínum um helgina að
taka sæti í bankaráði ríkisbankanna. Kvennalistinn telur mikla þörf
á sjónarmiðum og áhrifum kvenna í bankaráðum, enda eru þar lagð-
ar línur í peningamálum.
Kvennalistakonur segjast munu
semja við hina flokkana í stjórnar-
andstöðunni, Sjálfstæðisflokkinn og
Fijálslynda hægrimenn, hvernig
flokkarnir skipta á milli sín' sætum
í bankaráðum Landsbankans, Bún-
aðarbankans og Seðlabankans.
Stjórnarandstaðan fær líklega tvö
sæti í hveiju ráði, sex alls og má
búast við því að Kvennalistinn hljóti
tvö sæti af sex.
Kvennadeild innan
Byggðastoftiunar
KVENNALISTINN leggur til að innan Byggðastofnunar verði stofn-
uð sérstök kvennadeild. Þar skulu aðeins starfa konur með reynslu
af jafnréttisstarfi og kvennaráðgjöf, sem sjái konuin um allt Iand
fyrir upplýsingum og fræðslu. Alyktun þess efhis var samþykkt á
landsfundi Kvennalistans um helgina.
Kvennalistinn leggur til að í lög- í annarri ályktun fundarins er
um um kvennadeild skuli bundið til fjallað um launamisrétti karla og
tíu ára að deildin fái a.m.k. 20%
af framlagi ríkisins til Byggðasjóðs.
Þessi hlutur skal notaður til at-
vinnusköpunar fyrir konur og til
námskeiðahalds og handleiðslu fyrir
þær, segir í ályktun fundarins.
Þá er einnig lagt til að kvenna-
deildin verði sjálfstæð éining við
útibú Byggðastofnunar á Akureyri,
enda sé um byggðaþróunarverkefni
að ræða.
kvenna og lagt til að Kvennalistinn
leiti samstarfs við verkalýðsfélögin.
í því samstarfi felst að konur skoði,
skilgreini og túlki kjarasamninga,
og fleira sem við kemur kjörum
kvenna, og komi upplýsingum á
framfæri við konur. Framkvæmda-
ráði Kvennalistans var falið að
vinna að þessari hugmynd í sam-
vinnu við verkalýðsfélögin.
Mótmæla endurvinnslu í Dounreay:
Islendingar hætti fisk-
sölu til Bretlands
Á LANDSFUNDI Kvennalistans um helgina var samþykkt ályktun
þar sem mótmælt er áformum um endurvinnslu kjarnorkuúrgangs
í Dounreay í Skotlandi. í ályktun fundarins segir að ,,. . .slík endur-
vinnslustöð yrði geigvænleg ógnun við lífríki sjávar, eina af mikilvæg-
ustu auðlindum Islendinga."
Kvennalistinn leggur til að Is-
lendingar íhugi að hætta algjörlega
allri fisksölu til Bretlands, þar til
fallið hefur verið frá þessum áform-
um.
og við verðum að mótmæla. Vissu-
lega gætum við tapað á því að
hætta að selja fisk en við verðum
að láta í ljósi andstöðu á táknrænan
hátt,“ sagði Þórhildur Þorleifsdótt-
„Það eru skammtímasjónarmið
sem ráða ferðinni í þessari ákvörðun
Gegn aðild að EB
Hafiia drögnm að firumvarpi um stjórnum fiskveiða
Á LANDSFUNDI Kvennalistans var mikið rætt um Eftiahagsbanda-
lag Evrópu og varð niðurstaða fúndarins að aðild að EB kæmi ekki
til greina. Sjálfsagt væri þó að kanna alla möguleika en afar brýnt
að gera öllum aðilum ljost að Islendingar muni aldrei afsala sér
yfirráðum yfir fiskveiðilögsögunni eða öðru er varðar sjálfstæði þjóð-
arinnar.
Á fundinum kom einnig fram að
nauðsyn væri að auka fræðslu um
EB og hvaða áhrif aðild hefði fyrir
hagsmuni íslendinga. Þá var bent
á að ýmislegt sé enn óljóst t.d. varð-
andi umhverfismál og félagsleg
réttindi.
Kvennalistinn er mótfallinn drög-
um að frumvarpi um stjórnun fisk-
veiða. Á fundinum kom fram að í
drögunum sé aðeins um að ræða
hertan ramma núgildandi kerfis og
koma þurfi í veg fyrir kvótasölu.
„Það er augljóst að skipin eru
of mörg. Það hefur sýnt sig að
ekki er hægt að halda úti öllum
þessum flota. Auk þess er nauðsyn-
legt að bæta vinnslu og nýtingu
aflans því það er ljóst að við getum
ekki gengið endalaust á auðlind
hafsins," sagði Þórhildur Þorleifs-
dóttir.
Þórhildur Þorleifsdóttir og Elín G. Ólafsdóttir útskýra stefnu Kvennalistans, á blaðamannafundi í gær.
Nauðsyn að auka hlut kvenna
í sveitarstjórnarmálum
Gera þarf átak í sjálfstæðisbaráttu kvenna
Á SJÖUNDA landsfúndi Kvenna-
listans sem haldin var um helgina
í Básnum, Ölfusi, var mikið rætt
um sjálfstæðisbaráttu kvenna en
að mati fúndarins þarf að gera
átak í þeim málum. Einnig kom
fram að auka þurfi hlut kvenna
í sveitarsljórnum og að nauðsyn
sé að auka möguleika kvenna á
vinnumarkaðnum.
„Konur þurfa að taka virkan
þátt í sveitarstjórnum og það er
áhyggjuefni hve margar þeirra, sem
starfa við sveitarstjórnarmál,
hyggjast ekki gefa kost á sér til
áframhaldandi starfa," sagði
Kristín Einarsdóttir. „Ein ástæðan
er að yfirleitt eru fundir á kvöldin
og það er mjög erfitt að koma því
við vegna heimilishalds. Auk þess
eru þessi störf illa launuð og kosta
jafnvel bein fjárútlát. Okkur finnst
því réttast að þátttaka í sveitar-
stjórnum yrði launuð dagvinna,“
sagði Kristín.
Kvennalistinn telur að í næstu
sveitarstjórnarkosningum beri að
leggja áherslu á dagvistunar,- öldr-
unar,- umhverfis,- og umferðarmál,
auk atvinnumála, með tilliti til
kvenna.
í aðalályktun fundarins var fjall-
að um sjálfstæðisbaráttu kvenna.
Lögð yar sérstök áhersla á félags-
legt- og ijárhagslegt sjálfstæði
kvenna auk þess að móðurhlutverk
kvenna og líkamlegt- og menning:
arlegt sjálfstæði þeirra verði virt. í
þessu felst m.a. uppstokkun á
launakerfi þjóðfélagsins með nýju
mati á verðgildi atvinnu, endur-
skoðun atvinnulífs, út frá hugmynd-
um kvenna og með hagsmuni þeirra
í huga, og virðing fyrir hefðbundn-
um kvennastörfum.
Takmarkaðir mögxileikar
kvenna
Einnig kom fram að möguleikar
kvenna til atvinnu væru takmarkað-
ir. „Það kemur oftar í hlut kvenna
að sjá um heimilishald og ef kona
með tvö börn, sem ekki eru komin
á skólaaldur, ætlar að vinna fulla
vinnu þarf hún að greiða hálfa millj-
ón króna á ári í dagvistunargjöld.
Við þetta bætast skattar og það
þarf há laun til að konur geti farið
út að vinna. Þetta dregur skiljan-
lega verulega úr möguleikum
kvenna og það er lágmarkskrafa
að konur fái bætur vegna dagvist-
unargjalda, hvort sem þær koma í
formi launa eða skattafrádráttar,"
sagði Þórhildur Þorleifsdóttir.
„Það er mikið misrétti í atvinnu-
málum sem sést best á því að störf
kvenna eru illa launuð. Þegar kon-
um fjölgar í karlastörfum þá Iækka
launin og kvennastörf eru illa laun-
uð á meðan karlar bera mun meira
úr býtum fyrir sambærileg störf,“
sagði Þórhildur.
Næstu þingmannaskipti
ekki fyrr en næsta haust
SAMKVÆMT þeirri reglu sem Samtök um kvennalista hafa sett
sér, þá á engin kona sem gegnir trúnaðarstarfi fyrir samtökin að
gegna því lengur en sex ár samfleytt. Því hefur fi-á þvi sl. ár verið
rætt um það að Guðrún Agnarsdóttir hætti þingmennsku nú í haust,
og hennar sæti tæki Guðrún Halldórsdóttir. Guðrún Agnarsdóttir
upplýsti hins vegar blaðamann Morgunblaðsins um það í gær, að
nafiia hennar Halldórsdóttir væri svo önnum kafin við að ljúka
ákveðnu verkefni, að hún myndi líklega ekki taka sæti hennar á
þingi íyrr en að ári.
„Gurún Halldórsdóttir tekur mitt
sæti, en það ræðst af því hvenær
hún er búin að ljúka þessu samnorr-
æna verkefni, sem á að nýta hjá
Evrópuráðinu um áhrif menntunar
á stöðu og kjör kvenna í verkalýðs-
félögum," sagði Guðrún Agnars-
dóttir er hún var spurð hvort hún
myndi hætta á Alþingi um næstu
áramót.
Guðrún sagði að Guðrún Hall-
dórsdóttir vildi svo gjarnan ljúka
þessu verkefni áður en hún tæki
sæti á þingi og líklega yrði því ekki
lokið fyrr en næsta vor. „Við höfum
þetta bara eins og það hentar guð-
rúnu. Við ætlum ekkert að hlaupa
yfir hana, því hún er búin að vera
að undirbúa sig fyrir það að taka
sæti á þingi," sagði Guðrún. Því
mætti alveg eins gera því skóna
að hún sæti út þetta þing, en Guð-
rún Halldórsdóttir tæki svo sæti á
Alþingi næsta haust.
Þrír hreppar á Norður-
landi vestra sameinaðir
UM HELGINA var samþykkt að sameina þrjá hreppa á norðurlandi
vestra. Hofsóshreppur, Hofshreppur og Fellshreppur verða að einum
frá og með sveitarstjórnarkosningum í vor. í þessum þremur hrepp-
um búa um 430 manns.
Greidd voru atkvæði um samein-
inguna og var hún samþykkt I öllum
hreppunum. í Hofsóshreppi með 85
atkvæðum gegn 6, í Hofshreppi
með 50 gegn 24 og í Fellshreppi
með 11 gegn 4.
„Þetta er ekki mikil breyting því
hreppirnir hafa verið svo gott sem
sameinaðir síðustu ár. Hér höfum
við sameiginlegan skóla og félags-
heimili óg því verður hér allt með
svipuðu sniði og áður,“ sagði Anna
Steingrímsdóttir, í hreppsnefnd
Hofsóshrepps.
Ekki hefur verið ákveðið hvað
nýi hreppurinn á að heita en hug-
mynd hefur komið fram um að
kalla hann Grafaróshrepp sem er
gamalt örnefni við Hofsós.
íslensk bókaskrá
1987 er komin út
ÍSLENSK bókaskrá 1987 er nýlega komin út á vegum Landsbókasafns
íslands og er hún unnin í þjóðdeild safiisins. I formála er gerð grein
fyrir skránni, umfangi hennar og efni. Þá er skrá um skammstafanir
þær, sem notaðar eni og um útgáfúfyrirtæki.
Þá er töluyfirlit um íslenska bóka- gáfa íslenskra korta, bæði landa-
útgáfu 1987 og sést þar að á árinu
voru gefnar út 900 bækur og 331
bæklingur (bæklingur 5-48 bls.) eða
samtals 1.231. I heftinu er einnig
endurskoðað töluyfirlit um bó-
kaútgáfu 1986. Fullnaðartölur eru
þar 887 bækur og 395 bæklingar
eða samtals 1.282.
í skránni eru einnig ný blöð og
tímarit ársins 1987 og greind út-
korta og sjókorta.
íslensk hljóðritaskrá_ er fylgirit
íslenskrar bókaskrár. I henni er
greint efni gefið út á hljómplötum
og snældum. Fjöldi útgáfna alls 83.
íslensk bókaskrá og hljóðritaskrá
1987 fást í anddyri Safnahússins
við Hverfisgötu.
(FréU frá Landsbókasafni íslands)