Morgunblaðið - 07.10.1990, Blaðsíða 13

MORGUNBLAÐIÐ SUNNUDAGUR 7. OKTÓBER 1990
13
ennþá. Sagði viðmælandi „gengið í
fjármálaráðuneytinu" standa á bak
við þessar hugmyndir.
Einnig hefur það verið viðrað til
lausnar á deilunni að annað hvort
Svavar eða Ólafur Ragnar færi sig
út á land, t.d. Vestfirði eða Vestur-
land. Það má þó telja í hæsta máta
ólíklegt að eitthvað í þeim dúr verði
ofan á ekki síst eftir aS Ragnar
Arnalds ákvað að halda áfram.
Ólafur Ragnar Grímsson segist
ekki vilja tjá sig um framboðsmál
flokksins fyrr en að þau hafi verið
rædd í félögum Alþýðubandalags-
ins.
Annars staðar en í Reykjavík og
á Reykjanesi er ekki búist við stór-
tíðindum innan Alþýðubandalags-
ins. Skúli Alexandersson, þingmað-
ur Alþýðubandaiagsins á Vestur-
landi, sagði aðspurður um hvort
hann ætlaði að gefa kost á sér
áfram: „Það hefur ekki komið upp
neitt annað hjá okkur en að halda
áfram uppi óbreyttu merki. Ég
reikna með að það haldist."
Á Vestfjörðum á Alþýðubanda-
lagýð engan þingmann en Kristinn
Gunnarsson var þar í fyrsta sæti í
síðustu kosningum. Segir hann
líklegt að hann gefi kost á sér í það
sæti áfram.
Þingmaður Alþýðubandalagsins
á Norðurlandi vestra Ragnar Arn-
alds var lengi talinn ætla að hætta
þingmennsku enda sótti hann fast
að fá embætti Þjóðleikhússtjóra.
Af því varð hins vegar ekki og
hyggst Ragnar halda áfram þing-
mennsku.
Á Norðurlandi eystra segist
Steingrímur J. Sigfússon, landbún-
aðarráðherra, ætla að gefa kost á
sér aftur og á Austurlandi má bú-
ast við að Hjörleifur Guttormsson
verði í framboði á ný þó að hann sé
á engan hátt óumdeildur í kjördæm-
inu. Um tíma töldu menn líklegt
að einhver aðili frá Neskaupstað
myndi fara fram gegn honum en
slíkt virðist ekki vera á dagskrá
lengur.
Margrét Frímannsdóttir, þing-
maður Alþýðubandalagsins á Suð-
urlandi, er talin vera nokkuð rót-
föst og ekki von á mótframboði.
Ef reynt yrði að stugga við henni
er helst talið líklegt að það yrði
gert frá Eyjum en eftir úrslit sveita-
stjórnarkosninganna í vor eru menn
þar ekki taldir líklegir til stórræða.
Prófkjör hjá Alþýðuflokknum
Samkvæmt starfsreglum Al-
þýðuflokksins eru framboðslistar
flokksins valdir í prófkjöri.
Fyrir síðustu alþingiskosningar
höfðu alþýðuflokksmenn í
Reykjavík þann hátt á að einungis
þrír aðilar gáfu kost á sér í þrjú
efstu sætin. Var Jóhanna Sigurðar-
dóttir.varaformaður Alþýðuflokks-
ins, í fyrsta sæti, Jón Sigurðsson í
öðru sæti, og Jón Baldvin Hannib-
alsson, formaður Alþýðuflokksins,
í þriðja sæti.
Þar sem óvíst er, ef tekið er mið
af skoðanakönnunum, að Alþýðu-
flokkurinn fái aftur 'þijá menn
kjörna í Reykjavík, myndi þessi
sama röðun í næstu alþingiskosn-
ingum þýða að einn af þremur ráð-
herrum gæti ekki gengið að þing-
sæti vísu ef sömu aðilar skipa þijú
efstu sætin. Benda sumir alþýðu-
flokksmenn einnig á að ekki sé
æskilegt að allir ráðherrar flokksins
séu úr einu kjördæmi. Það er því
vel hugsanlegt að einhver ráðherr-
anna skipti um kjördæmi og hefur
nafn Jóns Sigurðssonar oftast
heyrst nefnt í því sambandi. Að-
spurður um áform sín sagði Jón:
„Ég hef nú ekki nein áform um
breytingar að svo stöddu. Satt best
að segja hef ég verið um annað að
hugsa að undanförnu þó ekki sé
rétt að segja að ég hafi ekki leitt
hugann að þessu. En þetta hefur
ekki verið efst á baugi.“
Þegar hann var spurður hvort
ekki væri rétt að alþýðuflokksmenn
af Reykjanesi hefðu leitað til hans
um framboð þar svaraði Jón: „Ég
neita því ekki að til eru menn í því
kjördæmi sem hafa spurt mig um
það. Þar eru nú breytingar á fram-
boðslistanum en ég vil ekki gera
neitt meira úr því en efni standa
til.“
Á Reykjanesi
er staðan sú að
sá sem var í
fyrsta sæti lista
Álþýðuflokksins
þar í síðustu
kosningum,
Kjartan Jó-
hannsson, hefur
tekið við stöðu
sendiherra ís-
lands hjá fasta-
nefnd EFTA í
Genf. Færðist
Karl Steinar
Guðnason við
það upp í fyrsta sætið og varaþing-
maðurinn Rannveig Guðmundsdótt-
ir tók sæti á Alþingi. Þau Karl
Steinar Guðnason og Rannveig
Guðmundsdóttir hafa bæði lýst því
yfir að þau stefni að því að halda
sínum sætum.
Guðmundur Árni Stefánsson,
bæjarstjóri í Hafnarfirði, útilokar
ekki þátttöku í prófkjöri og segist
sækjast eftir fyrsta sætinu fari
hann í prófkjör á annað borð.
Á Vesturlandi mun Eiður Guðna-
son gefa kost á sér áfram en ekki
er enn ljóst hvort báðir þingmenn
Alþýðuflokksins á Vestfjörðum,
þeir Karvel Pálmason og Sighvatur
Björgvinsson haldi áfram. Sighvat-
ur er talinn ætla að halda áfram
en Karvel vill ekki gefa upp áform
sín fýrr en hann hefur skýrt flokks-
mönnum á Vestfjörðum frá þeim.
Jón Sæmundur Siguijónsson
þingmaður á Norðurlandi vestra
ætlar að halda áfram en Árni Gunn-
arsson tilkynnti um síðustu helgi
að hann ætlaði ekki fram aftur á
Norðurlandi eystra. Árni útilokar
samt ekki að hann fari í framboð
annars staðar á landinu og segir
Sunnlendinga hafa verið í þreifíng-
um við sig um framboð þar.
Tveir aðilar hafa nú þegar til-
kynnt um þátttöku í prófkjöri á
Norðurlandi, þeir Sigbjörn Gunn-
arsson, kaupmaður á Akureyri, og
Hreinn Pálsson, bæjarlögmaður.
Guðmundur Einarsson, aðstoðar-
maður Jóns Sigurðssonar, var í
fyrsta sæti lista Alþýðuflokksins á
Áusturlandi. Hann sagði aðspurður
um hvort hann stefndi að því að
vera áfram í framboði á Austur-
landi:„Ég fer ekki í framboð þar
né annars staðar að sinni. Því veld-
ur hvorki pólitískur leiði né von-
brigði við kosningaúrslitin síðast.
Það vantaði ekki nema sjö atkvæði
upp á að ég kæmist inn og í aldar-
fjórðung hefur Alþýðuflokkur ekki
komist svo nálægt þingsæti á Aust-
urlandi. En það breytist margt og
af persónulegum ástæðum hygg ég
ekki á framboð núna.“
Allir áfram hjá Framsókn
Framsóknarflokkurinn er tiltölu-
lega skammt á veg kominn fram-
boðsmál sín en ekki er von á miklum
breytingum á framboðslistum
flokksins. Hefur enginn þingmann-
anna lýst því yfir að hann ætli að
draga sig í hlé. Helst er búist við
að einhveijar væringar kunni að
verða á Vestfjörðum. Þar verður
framboðslistinn ákveðinn í skoðana-
könnun og hafa þeir Ólafur Þ. Þórð-
arson, alþingismaður, og Pétur
Bjarnason, frá ísafirði, báðir lýst
því yfir að þeir stefni á fyrsta sæti
listans. Þeir Ólafur Þ. og Pétur tók-
ust einnig á um þetta sæti fyrir
síðustu kosningar.
Á Vesturlandi er enn óráðið
hvernig framboðslistinn verður
ákveðinn en kjördæmisþing tekur
ákvörðun um það þann 20. þessa
mánaðar. Á Suðurlandi verður hald-
ið kjördæmisþing 26.-27. október,
sömuleiðis á Áusturlandi og á Norð-
urlandi vestra 27.-28. október. Að
sögn Egils Heiðars Gíslasonar,
framkvæmdastjóra Framsóknar-
flokksins, er líklegt að þetta verði
„tvöfalt" kjördæmisþing, þ.e. með
tvöföldum fulltrúafjölda og að þar
verði stillt upp framboðslista.
Einnig má gera ráð fyrir að fram-
boðslisti verði ákveðinn á kjördæm-
isþingi á Norðurlandi eystra og á
Reykjanesi.
I Reykjavík er ekki enn ljóst
hvort gerð verður skoðanakönnun
innan fulltrúaráðsins eða hvort stillt
verður upp lista. Viðmælandi úr
Framsóknar-
flokknum í
Reykjavík sagði
lengi vel hafa
stefnt í að listan-
um yrði stillt upp
einfaldlega
vegna þess að
ekki fengist fólk
í prófkjör. Nú
væru hins vegar
í auknum mæli
að koma upp
raddir sem vildu
láta gera skoð-
anakönnun.
Guðmundur G. Þórarinsson, alþing-
ismaður, skipaði fyrsta sæti listans
síðast og mun hann ekki vera með
öllu óumdeildur. Þá hefur Finnur
Ingólfsson, aðstoðarmaður heil-
brigðisráðherra, verið talinn hafa
augastað á fyrsta sætinu en hann
var í öðru sæti síðast. Einnig hefur
Bolli Héðinsson, efnahagsráðgjafi
Steingríms Hermannssonar, verið
nefndur sem líklegur í eitt af efstu
sætunum og Gissur Pétursson, fyrr-
verandi formaður Sambands ungra
framsóknarmanna, er talinn vilja
sæti ofarlega á lista.
Kvennalisti stefnir að
framboðslista fyrir jól
Kvennalistakonur eru tiltölulega
skammt á veg komnar með fram-
boðsmál sín en að sögn Kristínar
Halldórsdóttur, starfskonu Kvenna-
listans, er stefnt að því að þau verði
komin á hreint fyrir jól. Á Reykja-
nesi og í Reykjavík hefur verið
ákveðið að halda eins konar skoð-
anakönnun eða lokað prófjör en
fyrirkomulagið er nokkuð annað en
hjá öðrum flokkum. Verður skráð-
um kvennalistakonum í kjördæm-
unum í fyrstu umferð sendur seðill
þar sem þær eiga að tilnefna konur
sem þær vilja sjá á lista. Fá þær
sendar með félagalista til glöggvun-
ar. Verður síðan haft samband við
þær konur sem tilnefndar hafa ver-
ið og spurt hvort þær séu reiðubún-
ar að taka þátt í skoðanakönnun-
inni. Að því loknu vinnur uppstillin-
garnefnd upp lista yfir 10-15 konur
sem sendur er til félagskvenna og
þær beðnar um að raða þeim í þá
röð sem þær kysu að sjá þær á
framboðslista.
Kvennalistinn fékk þingmenn í
síðustu kosningum, þær Guðrúnu
Agnarsdóttur, Kristínu Halldórs-
dóttur, Málmfríði Sigurðardóttur,
Danfríði Skarphéðinsdóttur. Þór-
hildi Þorleifsdóttur og Kristínu Ein-
arsdóttur. Samkvæmt skipulags-
reglum flokksins mega þingmenn
Kvennalistans ekki sitja lengur en
6-8 ár á þingi. Lét Kristín Halldórs-
dóttir af þingmennsku fyrir ári sam-
kvæmt því og Anna Ólafsdóttir
Björnsson kom inn í hennar stað.
Þá hefur nú Guðrún Agnarsdóttir
látið af þingmennsku og Guðrún
Halldórsdóttir hefur störf á næsta
þingi fyrir hana.
Borgaraflokkur býður fram í
öllum kjördæmum
Borgaraflokksmenn hafa ákveðið
að bjóða fram í öllum kjördæmum
og hefur forystu flokksins og kjör-
dæmisfélögum verið falið að hefja
undirbúning þess nú þegar. Ekki
er enn ljóst hvernig valið verður á
lista hjá Borgaraflokknum en Júlíus
Sólnes, formaður flokksins, segir
ólíklegt að prófkjör verði viðhöfð
nema þá hugsanlega í Reykjavík.
Hann sagðist reikna með að allir
þingmenn flokksins myndu gefa
kost á sér til áframhaldandi þing-
setu að undanskilinnni Aðalheiði
Bjarnfreðsdóttur, sem lýsti því yfir
fyrir all nokkru að hún hygðist
draga sig í hlé að loknu þessu
kjörtímabili.
Þegar Júlíus var spurður hvort
að það væri ekki mikil bjartsýni- að
ætla að bjóða fram í öllum kjör-
dæmum í ljósi hverfandi fylgis
flokksins í skoðanakönnunum sagði
hann mönnum vera það ljóst að
staðan væri ekki auðveld. Menn
væru hins vegar einhuga um að
fara í þennan slag og ætluðu að
gera sitt besta.
Minnsti þingflokkurinn á Alþingi
er þingflokkur Samtaka um jafn-
rétti og félagshyggju. Stefán Val-
geirsson, þingmaður samtakanna,
segir fund verða haldinn nú um
helgina þar sem framboðsmál
flokksins verða rædd og að hann
hafi ekki mikið um málið að segja
þangað til. Það sé samt verulegur
áhugi víða á að bjóða fram um allt
land og verði að sýna sig hvað úr
verður. Aðspurður hvort hann ætl-
aði sjálfur að halda áfram þing-
mennsku sagði Stefán: „Ég hef allt-
af litið þannig á að í sambandi við
lista eigi að athuga hveijir eru
líklegir til að komast lengst. Ef að
þeir geta orðið við því að fara fram
af persónuiegum ástæðum þá hafi
þeir skyldur við sína félaga. Það
gildir um karla jafnt sem konur
unga jafnt sem aldna. Annað get
ég ekki sagt um það. Þetta hefur
verið viðhorf mitt frá því ég var
ungur maður.“
UPPBOÐ
29. uppboð Gallerí Borgar, í samráði við Listmunauppboð Sigurðar
Benediktssonar hf., verður haldið á Hótel Sögu í dag, sunnudaginn
7. október, og hefst kl. 20.30.
Boðin verða upp 70 verk samkvæmt uppboðsskrá.
Meðal verka sem boðin verða upp má nefna:
58. Þorvaldur Skúlason
59. Gunnlaugur Blöndal
60. Jóhannes S. Kjarval
61. Gunnlaugur Blöndal
62. Jóhannes S. Kjarval
63. Ásgrímur Jónsson
64. Kristján Davíðsson
65. Sverrir Haraldsson
66. Jón Reykdal
67. Jóhannes S. Kjarval.
68. Ásgrímur Jónsson
69. Snorri Arinbjarnar
70. Jón Stefánsson
Sumar. Vatnslitur 1950. 27x32 cm. Merkt.
Bátar. Pastel. 50x70 cm. Merkt.
Foss. Vatnslitur og penni. Jólakort frá Kjarval og Tove ca.
1916. Áritun á baki. Merkt.
Model. Olía. 74x55 cm. Merkt.
Vífilsfell. Olía frá 1930-'40. 81x105 cm. Ómerkt.
Úr Borgarfirði. Hvítá, Hvanneyri og Skessuhorn. Vatnslitur
1904. 38x50 cm. Merkt.
„Abstraktion". Olía á striga. 205x245 cm. Merkt. Var á
sýningunni „íslensk abstraktlist" á Kjarvalsstöðum 1987.
Sprautumynd. Olía 1963. 149x60 cm. Merkt.
íslandsminni. Vatnslitur, gerð fyrir íslandsbanka 1989.
40x30 cm. Myndin er prentuð á ávísunarblöð íslandsbanka.
Merkt.
Hrafnagjá. Olía ca. 1955. 112x113 cm. Merkt.
Gamli bærinn. Frá Snæfellsnesi (Arnarstapi). Vatnslitur
1906. 44x71 cm. Var keypt á sýningu Ásgríms í Reykjavík.
Merkt.
Uppskipun. Olía ca. 1941 til '43. 90x106 cm.
Gullfoss. Ölía á striga. 80x105 cm. Merkt.
Myndirnar verða sýndar í Gallerí Borg við Austurvöll milli klukkan
14.00 og 18.00 í dag.
Ath.: Þeir, sem ekki eiga heimangengt meðan á uppboði stendur,
geta skilið eftir forboð í verkin í Gallerí Borg eða hringt á uppboðs-
stað á meðan á uppboðinu stendur. Símar á uppboðsstað eru 985-
28167 og 985-28168.
BÖRG
STEFNIR í HARÐAN
PRÓFKJÖRSSLAG
HJÁ SJÁLFSTÆÐIS-
MÖNNUMÁVEST-
FJÖRÐUM