Morgunblaðið - 02.02.1993, Blaðsíða 19
MORGUNBLAÐIÐ ÞRIÐJUDAGUR 2. FEBRÚAR 1993
19
Reuler
Pólitískir fundir
bannaðir í Zaire
Yfirvöld í Kinshasa, höfuðborg Afr-
íkuríkisins Zaire, settu í gær bann
við öllum pólitískum samkomum og
fjöldafundum eftir óeirðir sem kost-
uðu að minnsta kosti 65 manns líf-
ið síðustu dagana. Allt virtist með
kyrrum kjörum í borginni í gær en
til skotbardaga kom milli stjórnar-
andstæðinga og stjórnarhersins í
fyrrinótt. Franskir hermenn hafa
verið sendir til landsins í því skyni
að flytja á brott útlendinga. Á
myndinni tekur hermaður á móti
frönskum ríkisborgurum í Kins-
hasa, sem verða fluttir til nágranna-
ríkisins Kongó.
■ ■■
ERLENT,
Short mætir Kasparov
__________Skák_______________
Margeir Pétursson
NIGEL Short og Jan Timman
gerðu jafntefli í þrettándu og
siðustu einvígisskákinni á
Spáni á laugardag og Short
tryggði sér þar með öruggan
sigur, 7‘/2-5‘A. Hann teflir í
haust 24 skáka einvígi við
Garrí Kasparov um heims-
meistaratitilinn í skák. Borís
Spasskí hefur verið sigursæll
eftir einvígið við Bobby Fisc-
her og er nú um það bil að
hefja 12 skáka einvígi við Júd-
it Polgar í Búdapest. Anatólíj
Karpov sigraði á útsláttarmót-
inu í Wijk aan Zee sem lauk
um helgina. Hér heima er Is-
firðingurinn Guðmundur
Gíslason gersamlega óstöðv-
andi. Hann hefur unnið allar
tíu skákir sínar á Skákþingi
Reykjavíkur.
Jan Timman barðist hetjulega
í þrettándu skákinni við Short,
en hann hélt enn í veika von um
að geta jafnað metin. Timman
blés til sóknar í 20. leik með því
að fórna peði og síðan öðru. Short
hélt hins vegar ró sinni, náði
uppskiptum á drottningum og
gaf annað peðið til baka. I loka-
stöðunni var hann ennþá peði
yfir en hróksendataflið var jafn-
tefiislegt.
Nú hefur Short sex mánuði til
að undirbúa sig fyrir heimsmeist-
araeinvígið. Honum veitir ekki
af að nýta þann tíma vel. Þátt-
tökurétturinn tryggir honum
a.m.k. eitt hundrað milljóna
króna verðlaun. Fyrir sigurinn á
Spáni fékk hann hins vegar jafn-
virði átta milljóna, en Timman
fimm. Senn verður tekin loka-
ákvörðun um það hvar heims-
meistaraeinvígið fer fram, en lík-
legt er talið að það verði í Barcel-
ona.
Þrettánda skákin:
Hvítt: Jan Timman
Svart: Nigel Short
Drottningarbragð
1. c4 - e6 2. Rc3 - d5 3. d4
— Rf6 4. cxd5 — exd5 5. Bg5
— c6 6. Dc2 — Be7 7. e3 —
Rbd7 8. Bd3 - 0-0 9. Rge2 -
He8 10. 0-0 - g6 11. f3 - Rh5
12. Bxe7 - Dxe7 13. e4 - Rb6
14. e5 - c5 15. g4 - Rg7 16.
Rf4 - Be6 17. Df2 - Hec8 18.
Rfe2 - Bd7 19. Hael - Re6
20. f4?! - cxd4 21. Rxd4 -
Rxd4 22. Dxd4 — Bxg4
23. e6 - fxe6 24. f5 - Dc5!
25. Dxc5 - Hxc5 26. fxg6 -
hxg6 27. Hf6 - Hc7 28. Rb5 -
Hg7 29. Rd4 - Rd7 30. Hf4 -
Bf5 31. Rxe6 — Bxe6 32. Hxe6
- Rc5 33. He3 - Rxd3 34.
Hxd3 - Hd7 35. Hfd4 - Had8
36. Kg2 - He8 37. Hxd5 -
Hxd5 38. Hxd5 — He2+ 39.
Kg3 — Hxb2 og samið jafntefli.
Spasskí á sigurbraut
Fyrir stuttu tefldi Borís
Spasskí sína fyrstu skák eftir
einvígið fræga við Bobby Fischer
í haust. Það var í frönsku deilda-
keppninni þar sem Spasskí hefur
fengið orð á sig fyrir að vera
friðsamur og gera stutt jafntefli.
En nú varð annað upp á teningn-
um. Andstæðingur Spasskís var
hinn þrautreyndi úkraínski stór-
meistari Jósef Dorfman (2.580),
sem var nánasti aðstoðarmaður
Kasparovs til margra ára.
Spasskí tefldi skákina af miklum
baráttuvilja og vann örugglega.
Spasskí teflir fyrir Belfort og er
á þriðja borði á eftir þeim Karpov
og Shirov. Dorfman er hins vegar
með Lyon-Oyonnax, núverandi
meisturum. Viðureigninni lauk
með jafntefli 4'/2-4'/2. í næstu
tveimur umferðum vann Spasskí
síðan tvo franska meistara.
Undirritaður ræddi við Spasskí
í desember nokkrum vikum eftir
að einvíginu við Bobby Fischer
lauk. Það lá vel á Spasskí og
mátti skilja á honum að einvígið
hefði kveikt í honum nýjan
neista. Spasskí sagðist ætla að
fara að tefla mun hvassar en
áður og fyrir ánægjuna. Af þess-
ari glæsilegu byijun að dæma
verður gaman að fylgjast með
Spasskí í einvíginu við Júdit Polg-
ar sem nú er að hefjast í Búda-
pest. Verðlaunasjóðurinn þar er
jafnhár og í einvígi Timmans og
Shorts, eða 13 milljónir ísl. króna.
Júdit býst við sigri í einvíginu,
en það er greinilegt að Spasskí
er sýnd veiði en ekki gefin.
Karpov sigraði í Wijk aan Zee
Anatólíj Karpoy sigraði á út-
sláttarmótinu í Wijk aan Zee í
Hollandi sem lauk um helgina.
Karpov byijaði hrikalega illa á
mótinu, fyrstu skákinni tapaði
hann í aðeins 12 leikjum fyrir
Larry Christiansen frá Banda-
ríkjunum. Eftir það hefur heims-
meistarinn fyrrverandi sýnt
mikla hörku, slegið hvern stór-
meistarann út á fætur öðrum og
í úrslitunum vann hann Spánveij-
ann Illescas 2'h-Vh. Spánveij-
inn kom geysilega á óvart með
góðri frammistöðu, hann var með
unnið í síðustu skákinni við
Karpov, en henni lyktaði með
jafntefli.
Sigurganga á Skákþingi
Reykjavíkur
Oslitin sigurganga Guðmund-
ar Gíslasonar frá ísafirði heldur
enn áfram á Skákþingi Reykja-
víkur og hefur Guðmundur nú
unnið hvorki meira né minna en
allar tíu skákir sínar. Á sunnu-
daginn vann hann stigahæsta
keppinaut sinn, Þröst Þórhalls-
son, alþjóðlegan meistara. Guð-
mundur, sem hefur tryggt sér
sigur á mótinu, teflir í síðustu
umferðinni á miðvikudagskvöldið
við Sævar Bjarnason, alþjóðlegan
meistara, og hefur svart. Þótt
úrslit mótsins séu ráðin ríkir nú
mikil spenna um það hvort Guð-
mundi muni takast að vinna
mótið með fullu húsi. Dan Hans-
son hefur einnig náð frábærum
árangri á Skákþinginu. Átta og
hálfur vinningur hefur oft dugað
til sigurs, þó nú nægi það aðeins
til að tryggja annað sætið.
Staðan fyrir siðustu umferð:
1. Guðmundur Gíslason 10 v.
2. Dan Hansson 8V2 v.
3. -6. Ólafur B. Þórsson, Sævar
Bjarnason, Þröstur Þórhallsson
og Arnar E. Gunnarsson 7 v.
7.-14. Þröstur Árnason, Áskell
Orn Kárason, Stefán Briem,
Haukur Angantýsson, Snorri
Karlsson, Bragi Þorfinnsson,
Hlíðar Þór Hreinsson og Berg-
steinn Einarsson 6V2 v.
Nigel Short
EINSTAKT TILBOÐ!
ALLTAÐ
AFSLÁTTUR
Seljum næstu
daga skápa og
húsgögná
stórlækkuðu
verði.
Lítið
útlitsgallaðir
fataskápar
með miklum
afslætti.
Dæmi um einstök tilboð:
Áður Nú st.gr
Bókahilla 80x60 cm. 10.200.- 4.900.-
Rúm m/dýnu 70x190 cm. 27.950.- 17.900.-
Fataskápur 100x180 cm. 14.700.- 13.950,-
Rúm án dýnu 95x205 cm. 20.859,- 13.870,-
Baðskápur 30x68 cm. 4.900.- 2.900.-
Bókahilla 95x100 cm. 13.836.- 9.200,-
Skrifpúlt 95x1 OOcm. 16.571.- 10.990.-
Landsbyggðarþjónusta:
Tökum við símapöntunum og
sendum um land allt
VISA
Opið: 9-18 virka daga
10-16 laugardaga
Visa raðgreiðslur í allt
að 18 mán., engin útborgun.
/ó(IS
AXIS HUSGOGN HF.
SMIÐJUVEGl 9, KÓPAVOGI
SÍMl: 43500 FAX 43509.