Morgunblaðið - 30.03.1993, Blaðsíða 2

2
MORGUNBLAÐIÐ ÞRIÐJUDAGUR 30. MARZ 1993
íslenski hjartaþeginn í Gautaborg er kominn heim af sjúkrahúsi
Var meira úti í
vikunni en síðast-
liðna sex mánuði
Gautaborg, frá Sverri Guðmundssyni, fréttaritara Morgunblaðsins.
NÚ ERU liðnar fjórar vikur síðan skipt var um hjarta í
íslenskum dreng, Snorra Ásbjamarsyni, fjögurra ára, á
Östra-sjúkrahúsinu í Gautaborg. Síðan hefur Snorri verið
á lyfjagjöf en fékk að fara út af sjúkrahúsinu fyrir viku.
Hann hefur þó þurft að fara í eftirlit á sjúkrahúsið daglega.
Morgunblaðið heilsaði upp á
Snorra og fjölskyldu hans á heim-
ili þeirra í úthverfí Gautaborgar á
laugardag. Það var fyrsti dagurinn
sem Snorri þarf ekki að fara á
spítalann. Það var greinilegt að
hann undi því vel, hjólaði fram og
aftur um götuna með Hafdísi Emu,
systur sinni. Auk þess var hæfnin
reynd á nýjum fjarstýrðum kapp-
akstursbíl, ýmist á götunni eða
gangstéttinni.
Otrúlegur iéttir
„Hann er búinn að vera meira
úti í þessari viku en síðustu sex
mánuði," segir faðir Snorra, Ás-
bjöm Helgi Ámason, skipatækni-
fræðingur hjá Eimskip. „Það er
með ólíkindum hvað honum hefur
farið fram. Hann fór fljótlega að
hjóla eftir aðgerðina en byijaði að
labba í síðustu viku. Það er ótrúleg-
ur léttir að sjá framfarimar.“
Ásbjöm og kona hans, Helga
Snorradóttir, húsmóðir, búa í íbúð
í Gautaborg ásamt þremur börhum
sínum, sem eru auk Snorra Hafdís
Ema, sex ára, og Ámi, þriggja
mánaða. Ásbjörg segir að það hafi
komið upp mjög snögglega að fara
til Gautaborgar. Snorri litli hafí
verið meira og minna á sjúkrahúsi
síðan í október, þegar kallið hafí
komið frá Gautaborg. Þau komu
11. febrúar og verða eitthvað
áfram. Hversu lengi er ómögulegt
að segja sem stendur.
Ómetanlegur stuðningnr
Ásbjöm bætti við að allur stuðn-
ingur sem fjölskyldan hefði fengið
frá Eimskip hefði verið ómetanleg-
ur, bæði á íslandi og í Gautaborg.
Þá vildu þau einnig þakka öllum
þeim sem hefðu stutt og aðstoðað
fíölskylduna.
Morgunblaðið/Helena Stefánsdóttir
Hjólað af kappi
SYSTKININ Hafdís Erna og Snorri voru stolt af hjólunum sínum,
þar sem þau hjóluðu um við heimili þeirra í úthverfi Gautaborgar.
440 starfsmöimum Mikla-
g-arðs sagt upp störfum
Kauptilboð hefur borist í fjórar verslanir fyrirtækisins
ALLIR starfsmenn Miklagarðs hf., um 440 að tölu, fengu
uppsagnarbréf í gær. Fólkinu er sagt upp frá og með 1.
apríl. Forsvarsmenn fyrirtækisins stóðu í viðræðum fram
á nótt um kauptilboð, sem þeim hefur borizt í fjórar verzl-
anir fyrirtækisins, sem reknar eru undir nafninu Kaupstað-
ur. Ekki fékkst staðfest í gærkvöldi frá hveijum tilboðið
væri, en samkvæmt upplýsingum Morgunblaðsins er um
fleiri en einn aðila að ræða. Tilboðið mun eiga að renna út
á hádegi í dag.
Stöðugildi hjá Miklagarði eru
nokkru færri en starfsmennirnir
440, sem sagt var upp. Uppsagn-
imar taka gildi 1. apríl. Algeng-
asti uppsagnarfrestur meðal
starfsfólksins er þrír mánuðir, en
sumir hafa skemmri uppsagnar-
frest. Sigurður Markússon, stjóm-
arformaður Miklagarðs, sagði í
samtali við Morgunblaðið að við
sölu rekstrareininga fyrirtækisins
myndu stjómendur þess leitast við
að tryggja hagsmuni starfsfólks-
ins eftir því sem kostur væri.
Tilboð í Kaupstað
Miklagarði hefur borizt kauptil-
boð í íjórar af níu verzlunum sín-
um, þær sem reknar em undir
nafninu Kaupstaður. Eftir því sem
næst verður komizt hefur ekki
verið boðið í 11-11 verzlanirnar
fjórar eða stórmarkað fyrirtækis-
ins við Sund. Ekki fékkst staðfest
í gærkvöldi hver stæði að baki
tilboðinu. Sigurður Gísli Pálma-
son, framkvæmdastjóri Hofs hf.,
eignarhaldsfélags Hagkaups og
IKEA, sagði í samtali við Morgun-
blaðið að fyrirtæki hans hefði ekki
gert Miklagarði neitt tilboð. Júlíus
Jónsson, einn af eigendum Nóa-
túns, sagði einnig að fyrirtæki
hans ætti engan þátt í tilboðinu.
Kaupfélögin hafa sett á laggirn-
ar starfshóp kaupfélagsstjóra og
starfsmanna, sem skoða á mögu-
leika á að stofna nýtt fyrirtæki
um innflutningsþáttinn í starfsemi
Miklagarðs. Magnús Gauti Gauta-
son, kaupfélagsstjóri hjá Kaupfé-
lagi Eyfírðinga, sagði að of
snemmt væri að segja til um hvaða
form yrði á slíkum rekstri, það
væri hlutverk starfshópsins að
skoða alla möguleika.
Pósti og
síma verði
breytt í j
hlutafélag j
HALLDÓR Blöndal samgöngu-
ráðherra mun á næstunni leggja j
fram frumvarp í ríkisstjórn sem
felur í sér að Pósti og síma verði
breytt í hlutafélag.
„Frumvarpið gengur út á að
breyta stofnuninni í hlutafélag. Á
bak við það er sú hugsun að til þess
að Póstur og sími geti staðist þá
samkeppni sem orðin er erlendis frá
sé nauðsynlegt að geta brugðist
fljótt við breyttum markaðsaðstæð-
um og markaðskröfum, en opinberar
stofnanir eru oft seinar í svifum,"
sagði Halldór.
„Þetta frumvarp hefur verið í
vinnslu og ég vonast til að niðurstöð-
ur geti legið fyrir öðru hvoru megin
við páskana," sagði hann. „Þá liggur
fyrir að kynna það í ríkisstjóm og
fyrir starfsmönnum áður en lengra
er haldið,“ sagði Halldór.
-----» ♦ ♦
Slegist með
stólfótum
TIL átaka kom á ísafirði í
fyrrinótt, milli heimamanna og
hljómsveitar, sem hafði verið
að skemmta í Sjallanum fyrr
um kvöldið. Einn piltur skarst
nokkuð á höfði og kinnbeins-
brotnaði.
Þrír ölvaðir menn voru með ólæti
við Sjallann, spörkuðu, lömdu og
hentu gijóti í hurðina, en hljómsveit-
armeðlimir gistu á 2. hæð. Heima-
maður kastaði gijóti í glugga á efri
hæðinni, svo rúða brotnaði.
í frétt frá lögreglunni á ísafírði
segir að hljómsveitin og aðstoðar-
menn hennar hafi þust út úr húsinu,
vopnaðir stólum sem þeir mölvuðu
og notuðu sem barefli. Með þessum
bareflum hafi þeir ráðist á mennina
þrjá fyrir utan. Lögreglumaður brá
á það ráð að úða táragasi á hópinn.
Einn heimamanna lá þá sár eftir,
með stórt skurðsár á enni og kinn-
beinsbrotinn.
Einn meðlimur hljómsveitarinnar
var handtekinn, ásamt umboðs-
manni hennar, grunaðir um að vera
valdir að áðumefndum áverkum.
Óskað var eftir því við hina í hljóm-
sveitinni að þeir færu ekki suður
fyrr en með seinna flugi, en málið
er enn í rannsókn.
Hörður Gurniarsson um íslandsferðir á vegum Úrvals-Útsýnar
Stefnir í 10% aukningu
erlendra ferðamanna
AÐ SÖGN Harðar Gunnarssonar, framkvæmdasljóra Úr-
vals-Útsýnar, stefnir í að markmið þau sem fyrirtækið setti
sér um 10% fjölgun erlendra ferðamanna í Islandsferðum
muni nást í sumar. Hann segist telja að fjölgunina megi
ekki skýra með því að fyrirtækið hafi náð til sín viðskipta-
vinum keppinauta hér á landi eða erlendis, heldur sé um
að ræða hreina fjölgun. í ákveðnum tegundum ferða stefnir
í að dvalartími ferðamanna verði þó skemmri en áður.
í dag
Ársreikningur LÍ______________
Vaxtamunur Landsbankans lækk-
aði frá fyrra ári úr 3,9% í 3,5% 20
Hóta hryöjuverkum_____________
Yfir 150 liðsmenn „Fimmtu her-
deildar Frelsishersins“ eru sagðir
tilbúnir til sjálfsmorðsárása 23
18 mánuði á hestbaki__________
Löng leið og strangir dagar eru
framundan hjá Dönunum, sem ætla
á hestum frá Danmörku til Kína 29
Leiöari ______________________
Út fyrir 200 mílumar 24
íþróttir
► Keflvíkingar frábærir og
stefna hraðbyri að íslands-
meistaratitli í körfuknattleik.
Stjömustúlkar komnar í úrslit
Islandsmótsins í handknatt-
leik.
• Hörður sagði að í föstum ferðum,
hringferðum um landið, væru
styttri ferðir vinsælli en áður og
virtist hátt verðlag ráða þar mestu.
„Við höfum aukið framboð af styttri
hringferðum um landið. Síðan er
okkar stærsti markaður í ráðstefn-
um og viðurkennjngarferðum, þar
sem hópar starfsmanna erlendra
fyrirtækja koma hingað í stuttar
ferðir, og þar eru horfur á að við
bætum allt að 10% við farþegafjöld-
ann í fyrra,“ sagði hann.
Hörður sagðist telja að almennt
byggjust aðilar í ferðaþjónustu hér
á landi við að sumarið yrði ekki
óhagstætt.
Hann sagði að Úrval-Útsýn hefði
lagt áherslu á að halda svipuðu
verði milli ára og hafí verðlagi ver-
ið haldið niðri með því að breyta
þeim ferðaáætlunum sem í boði
væru og stytta ferðir. Að sögn
Harðar er greinileg fjölgun ferða-
manna frá Italíu og Spáni og einn-
ig muni stofnun ferðaskrifstofu í
Danmörku skila sér.
Nóg framboð
af íslensk-
um gúrkum
FRAMBOÐ á íslenskum gúrk-
um er nú orðið það mikið að
lokað hefur verið fyrir allan
innflutning á erlendum gúrk-
um. Heildsöluverðið er svipað
og var í fyrravor, eða rúmlega
300 kr. kílóið.
Að sögn Kolbeins Ágústssonar
sölustjóra hjá Sölufélagi garð-
yrkjumanna er uppskeran á gúrk-
um í ár um einni viku á eftir því
sem verið hefur í meðalári, en
þar er fyrst og fremst um að
kenna dimmviðrinu sem var í
febrúar. Þá er uppskeran á blaða-
salati einnig viku á eftir meðalári.