Morgunblaðið - 10.08.1993, Blaðsíða 1

88 SIÐURB/C
STOFNAÐ 1913
177. tbl. 81.árg.
ÞRIÐJUDAGUR10. AGUST 1993
Prentsmiðja Morgunblaðsins
Yfirlýsingar ísraelskra ráðamanna
Reuter
Konungshjónum fagimð
ALBERT II. nýkrýndur konungur Belgíu gengur ásamt Paolu drottningu sinni til hersýningar í Brussel
eftir að hann hafði svarið embættiseið sinn í gær. Albert tekur við konungdómi eftir bróður sinn, Baldvin,
sem lést þann 31. júlí og var borinn til grafar á laugardag.
Sjá „Þykir lífsglaður ...“ á bls. 23.
Verður samið
beint við PLO?
Rabin vísar því á bug en utanríkisráð-
herra hans segir allt hafa sinn tíma
Amman, Jerúsalem, Túnisborg. Reuter.
HELSTI samningamaður Palestínumanna í viðræðunum um frið í Mið-
austurlöndum kvaðst í gær telja hugsanlegt, að ísraelar tækju upp
beinar viðræður við PLO, Freisissamtök Palestínumanna. ísraelsstjórn
vísaði þessu á bug en Shimon Peres utanríkisráðherra gaf í skyn að
ekki væri hægt að útiloka slíkar viðræður.
Haidar Abdel-Shafi, helsti samn-
ingamaður Palestínumanna í friðar-
viðræðunum, kom í gær til Túnis til
viðræðna við PLO en þrír félaga
hans í sendinefndinni höfðu áður
hótað að segja af sér vegna óánægju
með ruglingslegar fyrirskipanir PLO-
forystunnar og lítið samráð af henn-
ar hálfu. Þá virtist í fyrsta sinn vera
komin upp sú staða, að leiðtogar PLO
vildu ganga lengra til móts við ísra-
ela en sendinefndin. Þá er einnig um
að ræða óánægju með Yasser Ara-
fat, leiðtoga PLO, en hann er sagður
þráast við að fá leiðtogum Palestínu-
manna á Vesturbakkanum og Gaza
meiri völd í hendur. í gærkvöld var
tilkynnt, að samningamennirnir
hefðu dregið uppsagnir sínartil baka.
Ummæli stangast á
Abdel-Shafi vitnaði í orð háttsetts
embættismanns í Jerúsalem, máli
sínu til stuðnings. Shimon Peres,
utanríkisráðherra Israels, sagði að
allt hefði sinn tíma, líka að ræða við
PLO, en lagði áherslu á, að enn um
sinn væri viðmælandinn sendinefnd-
in. Yitzhak Rabin, forsætisráðherra
ísraels, sagði hins vegar í gær, að
aðeins yrði rætt við palestínsku
sendinefndina í friðarviðræðunum.
Til varnar
Fundur Atlantshafsbandalagsins um aðgerðir gegn Bosníu-Serbum
ósónlagi
Jóhannesarborg. Reuter.
SUÐUR-afrísk skólastúlka,
klædd hermannabúningi og
vopnuð lásboga, tók í gær
bekkjarfélaga sína í gíslingu
og krafðist þess að fá að ræða
við umhverfisverndarsinna
um götin á ósónlaginu.
Að sögn lögreglu tókst að
lokum að telja stúikunni, sem
er 16 ára, hughvarf og fá hana
til að sleppa félögum sínum.
Hún afhenti einnig skólastýru
sinni vopnið eftir að hin síðar-
nefnda hafði sannfært nemand-
ann um að sér væri umhverfis-
vernd alveg jafn hugleikin.
Boutros-Ghali taki loka-
ákvörðun um loftárásir
Frá Sarajevo til London
LÆKNIR á sjúkrahúsi í Sarajevo hugar að Irmu Hazimuratovic, fimm
ára gamalli múslimskri telpu sem er lífshættulega slösuð eftir sprengju-
árás Serba á borgina þann 30. júlí sl. Komið var með Irmu til London
í gær þar sem læknar vilja freista þess að bjarga lífi hennar, eftir að
læknir hennar hafði í nokkra daga lagt að skipuleggjendum hjálpar-
starfs Sameinuðu þjóðanna í Bosníu að telpan yrði flutt til annars
lands þar sem hún gæti fengið nauðsynlega meðferð. Hann sagðist í
gær ekki vera bjartsýnn á að Irma ætti mikla möguleika á að halda lífi.
Genf, Brussel, Sar^jevo, Bonn. The Daily Telegraph og Reuter.
ALIJA Izetbegovic, forseti Bosníu, mætti ekki á samningafund
deiluaðila í Genf í gær. Hann sagði að múslimar settu sem skil-
yrði fyrir því að viðræður hæfust í dag að Bosníu-Serbar drægju
herlið sitt frá tveim mikilvægum hæðum við Sarajevo. Fastafulltrú-
ar aðildarríkja Atlantshafsbandalagsins, NATO, samþykktu á
fundi sínum í Brussel í gær að ekki yrði gripið til loftárása gegn
Serbum nema Boutros Boutros-Ghali, framkvæmdastjóri Samein-
uðu þjóðanna, heimilaði þær.
Radovan Karadzic, leiðtogi Bos-
níu-Serba, tjáði fréttamönnum í gær
að brottflutningur liðs Serba frá
hæðunum væri hafinn en ekki var
ljóst í gærkvöldi hvort svo væri í
reynd. Veður var slæmt og torveld-
aði eftirlitsflug, einnig er víða búið
að koma fyrir jarðsprengjum. Sums
staðar töfðu mótmælendur úr röðum
almennings fyrir eftirliti. Talsmenn
SÞ sögðu þó að Serbar væru búnir
að fjarlægja fána sína og hermenn
af Bjelasnica-hæð, erfiðara væri að
meta stöðu mála á Igman-hæð.
Izetbegovic hvetur Bill Clinton
Bandaríkjaforseta til að láta gera
loftárásir á stöðvar Serba ellegar
láta múslimum í té vopn, annars séu
þeir dauðadæmdir. Forsetinn ætti
ekki að fást um það þótt bandamenn
hans samþykktu ekki aðgerðir af
þessu tagi, var haft eftir Izetbegovic
í viðtali sem birtist í þýska tímarit-
inu Stern, en láta sjálfur til skarar
skríða.
Fundur NATO-ríkjanna krafðist
þess að Bosníu-Serbar afléttu tafar-
laust umsátrinu um Sarajevo og létu
SÞ-herlið taka yfír hæðirnar fyrr-
nefndu. Ennfremur sagði í yfirlýs-
ingu fundarmanna að samþykktar
hefðu verið tillögur hermálanefndar
Reuter
Boutros-Ghali
bandalagsins um
tilhögun loft-
árása ef til þeirra
yrði gripið. Lögð
var áhersla á að
árásunum yrði
aðeins ætlað
tryggja hjálpar-
starf og mætti
ekki túlka þær
sem beina íhlutun í átökin.
Efasemdir um hátæknivopn
Þótt rætt hafi verið um að beita
hátæknivopnum með ieysimiðun,
eins og Bandaríkjamenn gerðu í
Persaflóastríðinu 1991, er ekki lík-
legt að það verði gert fyrst í stað.
Kannanir sýndu að nær 40% slíkra
vopna misstu marks og hyggjast
Bretar m.a. nota þess í stað eldri
og reyndari gerðir árásarvopna. Tal-
ið er að mjög erfitt verði að finna
stórskotavopn Serba sem eiga mikið
af slíkum vopnum og þar að auki
er auðvelt að fela þau í fjöllum og
skóglendi Bosníu.
Um 500 friðarsinnum frá mörgum
löndum tókst í gær að komast inn
í borgina Mostar í Bosníu og dvelj-
ast þar í þijár stundir. Fólkið stóð
þögult fyrir framan dómkirkju borg-
arinnar, hélst í hendur og vildi þann-
ig hvetja til friðarsamninga en
hundsaði hættuna af leyniskyttum
og stórskotaliðsárásum. Stöðugir
bardagar hafa verið í borginni milli
Króata og múslima síðustu vikurn-
ar. Bosníu-Króatar leyfðu fólkinu
að aka inn í borgina á tíu strætis-
vögnum en bönnuðu öllum frétta-
mönnum að fara með; ítölskum ljós-
myndara tókst þó að laumast inn í
einn bílinn.
Óþolandi rifrildi
London. Rcutcr.
BRESK hjón, sem þjakað höfðu
nágranna sína ineð því að rífast
hástöfum í allt að 12 stundir
samfleytt, hafa nú verið dæmd
til tveggja vikna fangelsisvistar.
Fólk í rúmlega 500 metra fjar-
lægð frá húsi hjónanna kvartaði
undan hávaða. Um 160 km verða
á milli fangelsanna þar sem þau
afplána dóminn.
Hjónin, Wiiliam og Elizabeth
Greechan, eru á sjötugsaldri og
höfðu áður hlotið áminningu dóm-
ara en allt kom fyrir ekki. Eliza.-
beth segist aðeins muna eftir því
að þau hafi rifist lengst í stund-
arfjórðung en viðurkennir að þau
deili oft um íjármálin. Diykkja
hafí alls ekki komið við sögu „við
fengum okkur aðeins einn dósa-
bjór“. Nágranni segir hjónin kunna
öll blótsyrði enskrar tungu.