Morgunblaðið - 10.08.1993, Blaðsíða 22

22
MORGUNBLAÐIÐ ÞRIÐJUDAGUR 10. ÁGÚST 1993
Rússar mótmæla ál-
takmörkimum EB
Segja verðlækkunina hafa verið komna fram
að mestu leyti áður en Sovétríkin hrundu
Moskvu. Reuter.
ALÚMÍNÍJ, samband rúsSneskra álframleiðenda, mótmælti í gær
takmörkunum Evrópubandalagsins, EB, við álinnflutningi frá Sam-
veldisríkjunum, Sovétríkjunum fyrrverandi, og sagði það mundu
bitna mest á því sjálfu. Þá var því haldið fram, að verðlækkunin á
áli stafaði að minnstu leyti af samveldisáli þar sem hún hefði að
mestu verið komin til áður en Sovétríkin hrundu. Samkvæmt ákvörð-
un EB verður álinnflutningur frá Samveldisríkjunum takmarkaður
við 60.000 tonn til nóvemberloka.
Sergei Znamenskíj, yfirmaður er-
lendra viðskipta hjá Alúmíníj, segir
í yfirlýsingu sinni, að innflutnings-
takmarkanir EB muni verða verstar
fyrir bandalagið þar sem Rússar
hafi keypt af því hráefni, matvæli
og iðnaðarvörur fyrir um 300 millj.
dollara á ári og greitt fyrir með áli.
Úr þessum viðskiptum yrði nú veru-
lega dregið. Znamenskíj bendir einn-
ig á,' að árleg álþörf EB-ríkja sé
tveimur milljónum tonna meiri en
framleiðsla þeirra og því muni sam-
dráttur í álinnflutningi frá Samveld-
isríkjunum einfaldlega verða bættur
upp með áli annars staðar frá.
Orrustuþota ferst í miðborg Stokkhólms
Skaut sér út í fallhlíf
Jas 39 Gripen þotan hrapar til jarðar yfir miðborg Stokkhólms. Til
vinstri sést flugmaðurinn sem skaut sér út úr flugvélinni og er
myndin tekin rétt áður en fallhlíf hans opnast.
unum um,“ segir Znamenskíj en frá
1991 hefur verðið lækkað um 391
dollara.
Að sögn Znamenskíjs á efna-
hagssamdrátturinn mikinn þátt í
verðlækkun álsins auk þess sem ál-
framleiðendur víða á Vesturlöndum,
í Kanada, Frakklandi, Brazilíu, Ve-
nesúela og Ástralíu einnig, hafi auk-
ið framleiðslugetu sína verulega
1991-92 og þar með álframboðið í
Vestur-Evrópu og Japan.
Hálf milljón manna sá þot
Lækkaði um 902 dollara fyrir
hrun Sovétríkjanna
I yfirlýsingu Znamenskíjs er mark-
aðsþróuninni lýst með öðrum hætti
en hjá EB. Hann segir, að mestur
hluti verðlækkunarinnar, úr 2.546
dollurum tonnið 1988 í 1.254 dollara
á síðasta ári, hafi orðið _ áður en
Sovétríkin hrundu 1991. Á þessum
tíma Iækkaði verðið um 902 dollara
tonnið. „Þá kenndi engum Sovétríkj-
una verða stjómlausa á flugi
Stokkhólmi. Reuter.
LARS Radeström, flugmaður sænsku Jas 39 Gripen orrustuþotunnar
sem hrapaði í miðborg Stokkhólms á sunnudag, sagðist í gær hafa
neyðst til þess að skjóta sér út úr flugvélinni og svífa til jarðar í
fallhlíf. Kvað hann flugvélina fyrirvaralaust hafa orðið sljórnlausa
og allar tilraunir hans til ná valdi á henni hefðu mistekist. Hræðsla
greip um sig en hálf milljón manna fylgdist með þotunni sýna list-
flug yfir Stokkhólmsborg.
ÞU KEMUR TIL OKKAR
í MÁNAÐARPRÓGRAM
Við fitumælum þig og þú færð ítarlega tölvuútskriít
sem segir þér í hversu góðu eða slæmu formi þú ert.
Þú fyllir út matardagbók og færð ráðleggingar um
skynsamlegra mataræði.
Þú mætir eins oft og þú vilt í leikfimi og/eða
tækjaþjálfun.
Þú færð 10 skipti í sólbekkina - glænýjar perur.
Þú kemur svo aftur í fitumælingu að mánuði liðnum
og þá sérðu árangurinn svart á hvítu.
Misstu ekki af þessu frábæra síðsumartilboði.
Fullt verd: 9650.-
Okkar tilboð: 4650.
AGUSTU OG HRAFNS
SKEIFAN 7 108 REYKJAVÍK S. 689868
Radeström sagði að framan af
fluginu hefði þotan látið eðlilega
að stjórn. Er hann hefði verið að
ljúka bakfallslykkju hefði hún
skyndilega byijað að hegða sér
óeðlilega. „Hún byrjaði að höggva
og vagga hratt. Tilraunir til að ná
stjórn á henni báru ekki árangur.
Reisti hún sig allt í einu snöggt
upp og var eins og hún stæði kyrr
í loftinu á stélinu en byrjaði svo
að hrapa,“ sagði Olof Forsberg,
formaður flugslysanefndar, að
Radeström hefði sagt nefndinni.
Vonast er til að hægt verði að leiða
í ljós á næstu dögum hvað úrskeið-
is fór en flugriti þotunnar fannst
strax á slysstað.
Anders Björk varnarmálaráð-
herra setti ótímabundið bann við
frekara flugi þeirra fimm Jas 39
Gripen flugvéla sem sænski flug-
herinn hefur fengið afhentar. Her-
inn hefur pantað 140 þotur af
þessu tagi en hver þeirra kostar
150 milljónir sænskra króna, jafn-
virði 1,35 milljarða íslenskra
króna. Þróun og srmði þotunnar
hefur kostað sænska skattgreið-
endur rúmlega 60 milljarða króna,
jafnvirði 540 milljarða íslenska, til
þessa.
Andstæðingar smíðinnar héldu
því fram að líklega mætti rekja
orsakir slyssins til rafeindakerfis
sem framkvæmir allar hreyfingar
stjómflata. Frumgerð þotunnar
fórst í lendingu í fyrsta tilrauna-
flugi hennar í febrúar 1989 og
hefur verið deilt um smíðina síðan.
Flaug Radeström þeirri flugvél
einnig.
Lítið tjón
í skjálfta
Agana. Reuter.
BILAR köstuðust til eins og leik-
föng á sunnudag þegar Guam-
eyja á Kyrrahafi skókst og hrist-
ist í öflugasta jarðskjálfta, sem
orðið hefur í heiminum sl. fjögur
ár. Mældist hann 8,1 stig á Richt-
er-kvarða en olli merkilega litlu
tjóni. Er ekki vitað um neitt
dauðsfall en eitthvað var um
minniháttar meiðsl.
Jarðskjálftafræðingar segja, að
hefði skjálftinn orðið á stöðum eins
og Manila, Tókýó eða Los Angeles,
hefðu afleiðingarnar orðið skelfileg-
ar en byggingar á Guam eru sér-
staklega styrktar til að standast
hamfarir af þessu tagi og fellibylji.
íbúar á Guam eru 133.000 og er
ferðaiðnaður helsti atvinnuvegur.
Færeyingar
flýja land
ÍBÚAR Færeyja flytjast nú unn-
vörpum burt frá eyjunum vegna
efnahagsástandsins og aukins at-
vinnuleysis. Yfirvöld búast við að
3000 manns flytjist á brott á þessu
ári. 85% brottfluttra eru yngri en
35 ára og flestir á aldrinum 15 -
24 ára. A öllu síðasta ári fluttu
800 manns burt frá eyjunum,
flestir tii Danmerkur.
Volkswagen
og GM
HELMUT Kohl, kanslari Þýska-
lands, skoraði í gær á forsvars-
menn Volkswagen-bílasmiðjanna
og General Motors að útkljá deilu-
mál fyrirtækjanna bakvið luktar
dyr. Sagði hann forsvarsmennina
veita of mörg viðtöl og eyða kröft-
um sínum of mikið í skítkast. Þeir
ættu heldur að sinna störfum sín-
um, og þá færi hagur þeirra að
vænkast.
Jarðskjálfti í
Pakistan
ÖFLUGUR jarðskjálfti skók norð-
urhluta Pakistan í gær, en engar
fregnir hafa borist um manntjón
eða skemmdir af þeim völdum.
Skjálftinn mældist 6,6 stig á Ric-
hter.
Mismunað
vegna kynferðis
BRESKUR læknir sem meinaði
konu nokkurri um ritarastarf á
þeim forsendum að hún væri
barnshafandi og að starfið gæti
valdið fósturláti, var í gær dæmd-
ur sekur um kynjamisrétti.
Blóðbað í Suð-
ur-Afríku
AÐ minnsta kosti 220 manns hafa
iátist í óeirðum í borgum blökku-
manna í Suður-Afríku á undan-
förnum 10 dögum. Um helgina
var 51 myrtur í borgum og bæjum
austan Jóhannesarborgar, þrátt
fyrir nærveru hersveita sem veittu
lögreglu lið.
Vextir lækka í
Frakklandi
FRANSKI seðlabankinn lækkaði
vexti á skammtímalánum í gær í
9,75%, og segja hagfræðingar að
þar á bæ verði farið mjög varlega
í allar vaxtalækkanir á meðan
frankinn á í vök að veq'ast. Segja
þeir bankann vera að leitast við
að færa vaxtastigið hægt og ró-
lega niður á við en halda um leið
gengi frankans stöðugu gagnvart
markinu.
Lést úr
hundaæði
STAÐFEST hefur verið að ellefu
ára gömul stúlka lést nýlega af
völdum hundaæðis í New York-ríki
í Bandaríkjunum. Þetta er í fyrsta
sinn í 40 ár sem uJpp kemur dánar-
tilfelli af þessum sökum í landinu,
og hefur vakið ugg vegna þeirrar
hættu sem mönnum stendur af
sjúkdómnum. Faraldur hefur að
undanfömu geisað meðal villtra
dýra í norðaustur hluta Bandaríkj-
anna, og þá sérstaklega í New
York-ríki, en tilkynnt var um 1761
tilfelli sýkingar í dýrum á síðasta
ári.
Aurskriður
bana 99
Gífurlegar rigningar og aftaka-
veður af völdum hitabeltisstorms
ollu því aurskriður flæddu yfir
fátækrahverfí og urðu við það 99
manns að bana og svipti um 400
heimilum sínum í og umhverfis
Caracas, höfuðborg Venesúela, á
sunnudaginn.