Morgunblaðið - 24.06.1994, Blaðsíða 11

MORGUNBLAÐIÐ
FÖSTUDAGUR 24. JÚNÍ 1994 11
FRÉTTIR
Landssamtökin Heimili og skóli
Vilja að grunnskólalögum
verði framfylgt að fullu
LANDSSAMTÖK foreldra grunnskólanema, Heimili og skóli, telja
að grunnskólinn sé vanræktur. Samtökin vilja að yfirvöld tryggi í
haust nægilegt fé til reksturs grunnskóla í samræmi við grunnskóla-
lög frá 1991, sem þau telja ekki hafa verið framkvæmd að fullu.
Þau telja að grunnskólinn fullnægi ekki kröfum til menntunar og
vilji breytingar á skipulagi, innihaldi og áherslum í grunnskólanum.
Unnur Halldórsdóttir, formaður
samtakanna, fullyrti á blaða-
mannafundi, sem Heimili og skóli
efndu til, að málefni grunnskól-
anna nytu ekki þeirrar athygli,
sem þau ættu skilið. Þessi mál
snertu um T00.000 manns beint
eða óbeint.
Unnur sagði að foreldrar hefðu
ákveðnar skoðanir á málefnum
grunnskólans og staðan í dag
væri ekki viðunandi. Hún nefndi
sem dæmi máli sínu til stuðnings
að vitað væri um að í haust yrðu
nokkrir 24 barna sex ára bekkir
á höfuðborgarsvæðinu. Auk þess
hefði þörf fyrir sérkennslu aukist
mikið undanfarið. Heimili og skóli
vilja fá mun meiri íjolbreytni í
skólastarfið en er í dag og vilja
ekki að skóladagurinn verði
lengdur ef starfsemi skólanna
breytist ekki um leið.
Arðbær fjárfesting
Guðbjörg Björnsdóttir frá
Samfok, samtökum foreldrafé-
laga í grunnskólunum, sagði að
öflugur grunnskóli skilaði arði.
Hún vitnaði til skýrslu Hagfræði-
stofnunar Háskóla Islands frá
1991. Þar sagði hún að kæmi
fram að einsetinn grunnskóli með
35 kennslustundum á viku krefð-
ist viðbótarfjárfestingar upp á
u.þ.b. 1,3 til 1,6 milljarða króna
á ári en myndi skila þjóðinni um
2,5 til 3,6 milljörðum króna á ári.
Þjóðhagslegur ábati yrði því
töluverður. Hún sagði að hægt
væri að sýna fram á bein tengsl
milli vanrækslu grunnskólans og
útgjalda til heilbrigðis- og félags-
mála. Heimili og skóli telja að
400 milljónir króna vanti upp á,
á ári til að lög frá 1991 séu fram-
kvæmd að fullu.
Morgunblaðið/Þorkell
Vilja bættan grunnskóla
SAMTÖKIN Heimili og skóli telja að grunnskólarnir hafi
verið vanræktir. Hér sjást þau f.v. Guðmundur Arason, for-
maður foreldrafélags Vogaskóla, Aðalbjörg Þorvarðardóttir
úr foreldrafélagi Langholtsskóla, Unnur Halldórsdóttir og
Guðbjörg Björnsdóttir ásamt nokkrum grunnskólanemendum.
Norrænt
bæklunarlæknaþing
Ný aðferð
við leng-
ingu beina
EINN helsti sérfræðingur Banda-
ríkjanna í lengingu og réttingu beina
var staddur hér á landi á norrænu
þingi bæklunarlækna, fyrir skömmu.
Þingið sóttu 600 manns, aðallega
frá Norðurlöndunum. Nokkrir gesta-
fyrirlesarar utan Norðurlandanna
voru á þinginu, þar á meðal Dr.
Dror Paley frá Bandaríkjunum.
Hann er sérfræðingur í bæklunar-
lækningum og er yfir stofnun í
Bandaríkjunum fyrir lengingar og
réttingar. Sú stofnun er í Baltimore
og er einn helsti spítali Bandaríkj-
anna á þessu sviði.
„Ég meðhöndla sjúklinga," sagði
Dr. Paley, „sem vegna sjúkdóms í
æsku, siysa eða strax frá fæðingu
eru með mismunandi langa fætur
eða aflöguð bein. Fyrr á árum var
hægt að rétta bein en ekki lengja
þau en nú er það hægt. Til dæmis
er hægt að hækka dverga um allt
að 30 cm.“
Endurbætt aðferði
„Við byijuðum á upphaflegu að-
ferðinni frá Rússlandi en smátt og
smátt höfum við endurbætt," sagði
Paley. Hann sagði að í grófum drátt-
um væru notaðar þijár aðferðir. í
fyrsta lagi hin hefðbundna aðferð,
þar sem grind utan um fótinn er
fest í beinin með pinnum. í öðru
lagi, þar sem ásamt grindinni er
stöng komið fyrir inni í beininu, með
því að taka beinið í sundur. Stöngin
er svo smátt og smátt lengd. Sami
árangur næst með þessari aðferð
að sögn Dr. Paleys á þriðjungi þess
tíma, sem áður þurfti. í þriðja lagi
er nýjasta aðferðin, þar sem aðeins
er notast við stöngina inni í beininu
og engin tæki em höfð utan á.
„Það bein, sem er erfiðast viður-
eignar, er lærleggurinn. Fullorðið
fólk, sem við höfum meðhöndlað
lærlegginn í, hafa í 93% tilfella náð
eðlilegum bata og hjá börnum er
þetta hlutfall 97%. Hlutfallið er enn
hærra hvað varðar önnur bein þann-
ig að árangur okkar er töluverður.
Þessa nýju aðferð er ekki hægt að
nota við meðferð á börnum þannig
að við þörfnumst enn allra þriggja
aðferðanna. Aðalatriðið er að sjúkl-
ingurinn nái eðlilegum bata og geti
jafnvel stundað íþróttir," sagði Dr.
Dror Paley.
Ný sending - gott verð
Mikið úrval afáklæðum
Ný mynstur - öðruvísi mynstur