Morgunblaðið - 24.06.1994, Blaðsíða 14

14 FÖSTUDAGUR 24. JÚNÍ 1994
MORGUNBLAÐIÐ
VIÐSKIPTI
Kaupávöxtunarkrafa Seðlabankans í spariskírteini og húsbréf hækkar um 0,23%
Aukið framboð bréfa
þrýstir upp vöxtiun
SEÐLABANKI íslands hækkaði í
gærmorgun kaupávöxtunarkröfu
sína í húsbréf og spariskírteini til
lengri tíma um 0,23 prósentustig.
Þannig hækkaði kaupávöxtunar-
krafa bankans í 10 ára spariskír-
teini úr 4,82% í 5,05% og ávöxtun-
arkrafa húsbréfa úr 4,97% í 5,20%.
Sölukrafa 10 ára skírteina hækkar
úr 4,57% í 4,87% og húsbréfa úr
4,96% í 5,1%. Þessar hækkanir
koma í kjölfar og vaxandi þrýstings
á bankann að undanförnu á að
kaupa ríkistryggð bréf. Hins vegar
lækkaði bankinn ávöxtunarkröfu
sína lítillega í skammtímabréf til
30-90 daga og stystu spariskírteini
eða um 0,05-0,14%. Verðbréfa-
fyrirtækin hækkuðu í kjölfarið
ávöxtunarkröfu sína í húsbréf í
5,30%. Viðskipti voru stöðvuð með
hlutdeildarskírteini í verðbréfasjóð-
um Kaupþings, Einingabréf, um
tíma í gær vegna vaxtahækkunar-
innar og var gengisskráning aftur-
kölluð. Nýtt gengi sem tók gildi í
gær var 0,5-1% lægra frá því sem
verið hafði.
Ekki breyting á vaxtastefnu
Seðlabankinn hefur metið þá
þróun sem einkennt hefur verð-
bréfamarkaðinn að undanförnu
þannig að meiri munur þurfi að
vera á milli ávöxtunar á skemmri
tíma skuldbindingum og langtíma-
skuldbindingum. Bankinn lækkaði
því ávöxtunarkröfu sína á bréfum
til skamms tíma og hækkaði á bréf-
um til lengri tíma. Af hálfu bank-
ans er lögð áhersla á að þessar
breytingar feli ekki í sér afturhvarf
frá markaðri vaxtastefnu heldur
fyrst og fremst viðurkenningu á
vísbendingum frá markaðinum.
Útgáfa húsbréfa hefur verið mun
meiri það sem af er árinu en á
sama tíma í fyrra og stefnir í að
hún verði um 14 milljarðar króna
á árinu í stað 11,5 milljarða eins
og áætlað hafði verið. A sama tíma
í fyrra var búið að afgreiða hús-
bréf að nafnvirði 4,7 milljarðar en
núna hafa verið afgreidd bréf fyrir
6 milljarða, samkvæmt upplýsing-
um Morgunblaðsins. Þá hafa tæp-
lega 5 milljarðar runnið til kaupa
á verðbréfum erlendis og sömuleið-
is hefur útgáfa skuldabréfa sveitar-
félaga verið mikil á árinu.
Vegna aukins framboðs hefur
Seðlabankinn keypt allmikið af rík-
istryggðum skuldabréfum á mark-
aði að undanförnu og verið undir
Seðlabankinn hefur
hækkað kaupávöxtun-
arkröfu sína í húsbréf
o g spariskírteini ríkis-
sjóðs. Af hálfu bankans
er sagt, að hér sé ekki
um fráhvarf frá mark-
aðri stefnu í vaxtamál-
um að ræða heldur við-
brögð við stöðunni á
markaðnum.
talsverðum þrýstingi á að kaupa.
„Við höfum orðið áþreifanlega var-
ir við það að undanförnu að ójafn-
vægi hefur skapast á markaðnum,“
sagði Birgir ísleifur Gunnarsson,
seðlabankastjóri. „Það er augljós-
lega meira framboð af bréfum en
eftirspurn þannig að það hefur ver-
ið þrýstingur á vextina. Að okkar
mati er þetta að hluta til árstíða-
bundin sveifla. Ávöxtunarkrafa
húsbréfa hefur jafnan hækkað í
maí og júní hin síðari ár og núna
er búið að gefa út meira af húsbréf-
um en á sama tíma í fyrra. Þá
hefur komið fram í yfirliti Seðla-
bankans yfir nýútgefin skuldabréf
fyrirtækja að framboð slíkra bréfa
hefur verið um einn milljarður á
undanförnum vikum.“
Seðlabankinn með 18 milljarða
í ríkisskuldabréfum
Birgir ísleifur sagði að Seðla-
bankinn ætti nú 3,4 milljarða í
húsbréfum og húsnæðisbréfum en
bankinn hefði fyrst keypt slik bréf
í lok janúar. Heildarkröfur bankans
á ríkissjóð nettó væru nú 14,7 millj-
arðar og um 18 milljarðar að með-
töldum húsnæðisbréfum og hús-
bréfum.
Seðlabankinn mun ekki lengur
reyna að festa einhveija ávöxtun-
akröfu í sessi heldur stýra dagleg-
um aðgerðum sínum á markaði
með hliðsjón af aðstæðum hverju
sinni. Má því búast við að ávöxt-
unarkrafan í tilboðum bankans á
Verðbréfaþingi muni sveiflast
nokkuð frá degi til dags, bæði upp
og niður. Raunar gerir bankinn
jafnvel ráð fyrir því að ávöxtunar-
krafan lækki á ný á bréfum til
lengri tíma.
Seðlabankinn telur ekki forsend-
ur til að endurmeta verðbólguspá
sína fyrir árið en hún felur í sér
að framfærslukostnaður hækki um
1,5% frá ársmeðaltali 1993 til árs-
meðaltals 1994 og um tæplega 1%
yfir árið 1994. I þessu sambandi
leggur bankinn áherslu á að gengi
krónunnar er traust og telur að
hvorki ákvörðun um afla á næsta
fiskveiðiári né nokkuð annað breyti
þar nokkru, enda nægt borð fyrir
báru til þess að mæta áhrifum nið-
urskurðar þorskveiðiheimilda.
Raungengið sé í sögulegu lágmarki
og hafi raunar lækkað það sem af
er árinu.
Vaxtahækkanir erlendis
Seðlabankinn telur jafnframt að
það sem kunni að ýta undir hækk-
un vaxta hér séu miklar vaxta-
hækkanir sem átt hafa. sér stað
erlendis á liðnum vikum og mánuð-
um. „Það hafa orðið miklar breyt-
ingar að undanförnu og nafnávöxt-
un á 5 ára bréfum er lægst hér á
landi miðað við Norðurlöndin.
Vextir í Bretlandi eru einnig tölu-
vert hærri svo og vextir í Banda-
ríkjunum og Þýskalandi. Vextir
sveiflast upp og niður í löndunum
í kringum okkur þannig að þó svo
við séum að hækka vextina um 0,2
prósentustig þá lítum við ekki mjög
alvarlegum augum á það,“ sagði
seðlabankastjóri.
Guðmundur Hauksson, forstjóri
Kaupþings, sagði að staðan á verð-
bréfasjóðum í vörslu fyrirtækisins
hefði verið endurreiknuð í ljósi
breytinga á vöxtum. Við vaxta-
breytingar breyttist verðmæti verð-
bréfa í sjóðunum um 0,5-1% og
gengið endurspeglaðist af því.
Hann sagðist telja vaxtabreyting-
una mjög eðlilega aðgerð hjá Seðla-
bankanum og benti á að framboð
hefði aukist. á ýmsum tegundum
verðbréfa. „Ég hef enga trú á því
að stórkostlegar vaxtahækkanir
séu í deiglunni,“ sagði Guðmundur.
Sigurbjörn Gunnarsson, deildar-
stjóri hjá Landsbréfum, sagði að
ekki væri óeðlilegt að vextir hreyfð-
ust á verðbréfamarkaðnum eins og
gerst hefði á erlendum mörkuðum.
Um ástæður vaxtahækkunarinnar
sagði hann að eftirspum eftir ríkis-
tryggðum langtímabréfum hefði
verið dræm að undanförnu en meiri
eftir bréfum til skemmri tíma.
í
j— Nafnávöxtun
Verðbólga*
Naf návöxtun og verðbólga í nokkrum löndum
(nafnávöxtun (júní, % á ári)
Ríkisvíxlar, 3ja mánaða (eftirmrkaður)
Bandaríkin
Bretland
Japan
Þýskaland
Danmörk
Svíþjóð
Noregur
Finnland
ÍSLAND
0123456789
Ríkisskuldabréf, 5 ára (eftirmarkaður)
10%
Bandaríkin
Bretland
Japan
Þýskaland
Danmörk
Svíþjóð
Noregur
Finnland
ÍSLAND

Nafnávöxtun
Verðbólga*
1 2 3 4 5
7 8 9 10%
Ríkisskuldabréf, 10 ára (eftirmarkaður)
Bandaríkin
Bretland
Japan
Þýskaland
Danmörk
Svíþjóð
Noregur
Finnland
ÍSLAND

J 1 Lr~ Nafn ávöx

1
. 1

J
, 1

0 1 2 3 4 5 6 7 8 9 10%
*Spá um breytiugu ney5luv6ru»e(ðs milli éranna 1994 og 1995. Fyrir feiand er noluð spá um taytíngu Iramfærstuvfsitölu 1994.
Skuldabréfaútboð
Umtalsverð lækkun vaxta-
kostnaðar fyrir borgina
EGGERT Jónsson, borgarhagfræð-
ingur, segir að það leiði til umtals-
verðs sparnaðar fyrir borgina, að
mæta lánsfjárþörf sinni með skulda-
bréfaútgáfu í stað yfirdráttar á
hlaupareikningi.
Borgarráð samþykkti á þriðjudag
að taka tilboði Verðbréfamarkaðs
íslandsbanka í 430 milljóna skulda-
bréfaútboð. Borgarhagfræðingur
segir að sala skuldabréfanna standi
til 14. júlí og ekki sé gott að meta
sparnað í vaxtakostnaði fyrr en eftir
þann tíma. Þá sé almennt ekki ein-
falt að bera saman kostnað vegna
skuldabréfaútgáfu og yfirdráttar-
lána, en ljóst sé að skuldabréfaút-
gáfan sé ódýrari.
Þú færð vextina af Launabréfum
senda heim á þriggja mánaða fresti
Raunávöxtun Launabréfa hefur verið framúrskarandi hvort sem miðað er við
síðustu 6, 12 eða 24 mánuði.
Kynntu þér kosti Launabréfa, eignarskattsfrjálsra bréfa sem
byggja einvörðungu á ríkistryggðum verðbréfum.
Þú færð Launabréf hjá Landsbréfum hf. og umboðsmönnum
í Landsbanka íslands um allt land. Landsbankinn stendurmeð okkur I
Suðurlandsbraut 24, 108 Reykjavík, sími 91-889200, fax 91-888598 £
Löggilt verðbréfafyrirtæki. Aðili að Verðbréfaþingi íslands. |
LANDSBRÉF HF.
—----