Morgunblaðið - 01.08.1996, Blaðsíða 25
MORGUNBLAÐIÐ
FIMMTUDAGUR 1. ÁGÚST 1996 25
LISTIR
„FJÖLSKYLDAN" eftir hinn sjálflærða Peter Anderson
fékk önnur verðlaun.
Portrett á uppleið
ÁHUGI á andlitsmyndum,
portrettum, hefur aukist mjög
í Bretlandi og fyrir skemmstu
voru afhent verðlaun í sam-
keppni um slíkar myndir. Sig-
urvegarinn, James Hague,
hlaut sem svarar til einnar
milljónar í verðlaun fyrir
sjálfsmynd sína. Hún er til sýn-
is ásamt öðrum verðlaunaverk-
um í National Portrait Gallery
í London.
Stofnað var til verðlaunanna
árið 1980 til að hvetja unga
myndlistarmenn til að mála
andlitsmyndir en á þeim tíma
þótti lítið varið i slika mynd-
list. Þetta hefur breyst og
segja dómarar að margar mjög
góðar myndir hafi verið á
meðal þeirra 772 verka sem
bárust í keppnina. Búist er við
því að mikill fjöldi manns muni
skoða sýningu á verðlaunaverk-
unum, gestir í fyrra voru
140.000, sem er helmingi meira
en árið þar á undan. Þá hefur
listas'afnið ekki undan að svara
fyrirspurnum frá fólki sem vill
láta mála af sér myndir.
Ánægjulegast segir formaður
dómnefndar þó vera hvernig.
Sjálfsmyndin sem hlaut fyrstu
verðlaun er eftir James Hague.
portrettið hafi þróast en það
hafi um áratuga skeið verið fast
í því fari og þeirri hefð sem skap-
ast hafi á síðustu tveimur öldum.
Þessi greinhafi gengið í gegnum
ýmsar þrengingar, t.d. í báðum
heimsstyrjöldunum en hún hafi
ævinlega risið upp úr öskus-
tónni. Svo sé einng nú.
Tekist á um Britten
Deilt um tónlist
o g mannkosti
Benjamins Brittens
HART er nú deilt um hvort heiðra
eigi tónskáldið Benjamin Britten með
því að reisa af honum styttu í
heimabæ hans. Britten bjó um þrjá-
tíu ára skeið í bænum Aldeburgh og
er grafinn þar. Deilan stendur ekki
aðeins um hvort tónlist Britten muni
lifa heldur einnig um það hvern
mann tónskáldið hafði að geyma, að
því er segir í The Independent.
Það er Malcolm Williamson, tón-
listarstjóri drottningar, sem hefur
andmælt hugmyndinni um að heiðra
Britten. Williamson bendir á að
fimmtíu ár hafi liðið frá dauða Edw-
ard Elgar þar til reist var stytta af
honum í heimabæ hans, og hafi hann
þó verið mun merkara tónskáld en
Britten. Segir Williamson að tónlist
Brittens muni ekki lifa.
Þá telur Williamson að athyglin
muni á næstu árum beinast æ meira
að einkalífi Brittens og að þar muni
ýmislegt ófagurt líta dagsins Ijós.
Tveir áratugir eru liðnir frá láti tón-
skáldsins og hafa vinir hans reynt
að veija minningu hans.
Snúist gegn Britten
Williamson segir sannleikann að
hluta til hafa komið í ljós í ævisögu
Brittens sem út kom árið 1992 en
þar segir höfundurinn, Humphrey
Carpenter, frá því að Britten hafi
kysst og faðmað kórdrengi. Segir
Williamson að fjöldi bóka um Britten
muni koma út á næstu árum þar sem
samkynhneigð hans, svo og hneigð
hans til ungra drengja, verði umfjöll-
unarefnið. Spáir hann því að almenn-
ingsálitið muni snúast gegn Britten,
enda sé af nógu að taka.
Nefnir Williamson, sem var þó
einn af vinum Brittens, að tónskáldið
hafi dvalið í Bandaríkjunum í heims-
styijöidinni síðari til að komast hjá
því að vera sendur á vígstöðvarnar.
Þá segir hann Britten hafa verið
lævísan og leikið tveimur skjöldum;
hann hafi verið sér afar góður en
einnig ákaflega grimmur. Segir Will-
iamson að þegar hann hafi unnið að
minningarþáttum um Britten
skömmu eftir dauða hans hafi hann
mátt taka á honum stóra sínum til
að segja ekkert óviðeigandi. Nú sé
hins vegar kominn tími til að sann-
leikurinn komi í ljós.
Til varnar Britten
Ummæli Williamsons hafa vakið
hörð viðbrögð í Bretlandi og hefur
Britten-Pears-stofnunin farið þar
fremst í flokki. Henni var komið á
fót til að reka eignir Brittens eftir
lát hans, en hún heitir eftir tónskáld-
inu og sambýlismanni hans, Peter
Pears.
Stofnunin andmælti útkomu bókar
Carpenters fyrir ijórum árum og
segir ummæli Williamsons nú vera
„sérviskuleg" og röng. Tónlist Britt-
ens sé flutt æ víðar um heim og að
fullyrðingar um að Britten hafi kom-
ið sér hjá herskyldu séu ósannar.
Hann hafi snúið aftur til Bretlands
er stríðið stóð sem hæst, árið 1942.
Lét einn stuðningsmanna Brittens,
Alexander Goehr, prófessor í tónlist
og tónskáld, hafa það eftir sér að
best væri ef menn hættu að fjalla
um einkalíf tónskálda og einbeittu
sér að tónlistinni einni og sér.
/
af.vöru
| Switchback
Fullt verð kr. 36.820
Útsöluverð kr. 22.091
Brúsi, brúsahaldari og stelltaska fylgja
, með í kaupum á Switchback.
Aita
Fullt verð kr. 59.852
Útsöluverð kr. 47.881
20% afsláttur
Hilltopper
Fulít verð kr. 46.851
Útsöluverð kr. 37.481
20% afsláttur
takmarkað maic
Sycamore
Fullt verð kr. 39.900
Útsöluverð kr. 31.919
20% afsláttur
Threshold
Fullt verð kr. 29.900
Útsöluverð kr. 20.930
30% afsláttur
Maneuver
Fullt verð kr. 25.556
Útsöluverð kr. 17.889
30% afsláttur
30% afsláttur af öllum fylgihlutum s.s. brettum, dekkjum, hraöamælum,
hnökkum, bögglaberum, brúsahöldurum, demparastömmum, táklemmum ofl
Kúji 50%
■__^ afsláttur
G.A.PETURSSON ehf
Faxafeni 14 • Sími 568 5580
?• ■ aididuui
iJQQO af hjálmum
sértilboð á fylqihlutum