Morgunblaðið - 18.03.1997, Blaðsíða 4

4 B ÞRIÐJUDAGUR 18. MARZ 1997
MORGUNBLAÐIÐ
■ GUÐJÓNHjörleifsson, bæjar-
stjóri í Vestmannaeyjum, setti
Innanhússmeistaramót íslands
stundvíslega klukkan fímm á
föstudaginn. Um leið og hann hafði
lokið máli sínu rak hver sveitin á
fætur annarri upp striðsöskur til
að efla andann áður en haldið var
til keppni í lauginni.
■ HAFÞÓR Guðmundsson, ný-
ráðinn landsliðsþjálfari í sundi,
fylgdist að sjálfsögðu grannt með
mótinu í Eyjum um helgina og tók
m.a. mjólkursýrupróf af mörgum
fremstu sundmönnum mótsins í
þeim tilgangi að sjá í hvemig æf-
ingu þeir eru um þessar mundir.
■ HAFÞÓR sagði það vera nauð-
synlegt fyrir sig að fylgjast með
því framundan væru ýmis verkefni
fyrir bæði yngri og eldri landsliðs-
menn. Þeir yngri keppa á opna
Lúxemborgarmótinu í byrjun apríl
og þeir eldri á heimsmeistaramót-
inu í Gautaborg sem fram fer er
líða tekur á sama mánuð.
■ ÖRN Arnarson getur ekki
keppt á heimsmeistaramótinu í
Gautaborg því á sama tíma standa
yfir samræmd próf í grunnskólum
landsins og Örn er einn þeirra sem
þau þarf að þreyta.
■ ÞULURINN á mótinu var dug-
legur að greina frá metaslætti
sundmannana og var það vel því
ekki eru allir áhorfendur með öll
sundmet landsins á takteinunum.
Einu sinni skaut hann þó yfír
markið og það var er Elín Sigurð-
ardóttir, sundkona úr SH, kom
fyrst í mark í 50 skriðsundinu á
föstudag.
■ ÞÁ tilkynnti þulurinn hátt og
snjallt að nýtt Islandsmet hefði
verið sett af Elínu og hún fagnaði
eðlilega. En því miður fyrir Elínu
hafði þulurinn farið línuvillt og lit-
ið á metið í greininni í 50 laug en
ekki 25 m laug en verulegur mun-
ur er þar á.
■ HVORT sem það var af þess-
ari ástæðu eður ei þá var annar
þulur á mótinu á laugardaginn og
sunnudaginn.
■ FRIÐFINNUR Krístinsson,
sundmaður frá Selfossi, setti pilta-
met í 50 m skriðsundi á föstudag-
inn, 24,79 sekúndur og bætti fyrra
metið um 15/100 úr sekúndu.
Metið stóð hins vegar ekki lengi
því innan við fimm mínútum síðar
bætti Örn Arnarson, SH, metið í
síðari riðli sundsins, synti á 24,21
sekúndu.
■ ÖLL tölvuvinnsla á úrslitum
mótsins gekk hratt og vel fyrir sig
en hún var í öruggum höndum
tveggja 15 ára gamalla Vestmann-
eyinga, þeirra Jóns Helga Erl-
ingssonar og Ólafs Jóhanns
Borgþórssonar. Þeir sáu einnig
um að koma úrslitum mótsins inn
á alnetið jafnóðum og þau lágu
fyrir.
■ HJALTI Guðmundsson ís-
landsmethafi í bringusundi fékk
flest stig fyrir tvær greinar í karla-
flokki, 1.736 talsins, fyrir 100 og
200 m baksund en hann setti ís-
Iandsmet í báðum greinum.
■ EYDÍS fékk flest stig fyrir
tvær greinar í kvennaflokki, 1.641.
Þau fékk hún fyrir árangur sinn í
fyrrgreindu baksundi og í 200 m
fjórsund.
■ ELÍN Sigurðardóttir og
Hjalti Guðmundsson, sundfólk úr
SH, fara utan á fimmtudaginn og
keppa á alþjóðlega sundmóti í
Cardiff í Wales um næstu helgi.
Þar keppa þau í 50 m laug og
ætlar Hjaiti að reyna við íslands-
metin í 100 og 200 m bringusundi
í þess háttar laug, hvorugt þeirra
er í hans eigu. Hann á bara metin
í þessum greinum í 25 m laug.
Elín er vís til þess að reyna við
sitt eigið met í 50 m skriðsundi
en það er 26,79 sekúndur.
IÍMNAIMHÚSSMEISTARAMÓTIÐ í SUNPI_
Þarsemsett
var á fulla ferð
PETTA mót hefur verið mjög
skemmtilegt og mörg met ver-
ið sett, ekki bara í fullorðinsflokkum
heldur einnig í yngri aldursflokkun-
um og þar hafa Kolbrún Kristjáns-
dóttir og Örn Arnarson verið sér-
staklega afkastamikil. Mér fmnst
breiddin einnig vera meiri sem sést
best á þem stóra hópi sem hefur
unnið sér sæti í uglingalandsliðinu,“
sagði Eðvarð Þór Eðvarðsson, sund-
þjálfari Keflavíkur og einn allra
fremsti sundmaður sem þjóðin hef-
ur alið, í mótslok á sunnudagskvöld-
ið. „Það sama má segja um landslið-
ið, þar eigum við orðið tvo góða
sundmenn í öllum greinum. Þetta
segir meira en mörg orð um þann
uppgang sem við erum að verða
vitni að í sundíþróttinni hér á landi.
Undir þessi orð tekur Petteri
Laine þjálfari hjá Ægi sem nú stýrði
sínum hópi í síðasta skipti á meist-
aramóti. „Þetta er besta meistara-
mót sem ég hef tekið þátt í síðan
ég kom til landsins árið 1992. í
öllum greinum var mikil barátta og
miklar framfarir. Hvert sekúndu-
brot skipti meira máli en nokkru
sinni fyrr. Hópur góðra sundmanna
er að aukast og ég kveð sundíþrótt-
ina hér á landi með söknuði en er
jafnframt glaður yfir þeim framför-
um sem hún er að taka og á enn
eftir að fara mikið fram á næstu
árum haldi menn áfram jafn öflugu
uppbyggingarstarfi og hefur verið
með markvissri þjálfun.“
Sjá og sigra
Það var ljóst strax er keppni
hófst á föstudaginn að til Eyja voru
sundmenn komnir í þeim tilgangi
að leggja sg fullkomlega fram.
Heróp fylkinganna lýstu grimmd
og baráttunni sem framundan var
í 32 greinum, ákveðni, ákveðni, við
erum komin til að sjá og sigra.
Ekki þurfti að bíða lengi þar til
fyrsta íslandsmetið féll. Ríkarður
Ríkarðsson, Ægi, stakk sér til
sunds í 50 m skriðsundi og bætti
eigið íslandsmet um fjóra hundr-
aðshluta, kom í mark á 23,47 sek-
úndum. I kjölfarið fylgdu Friðfínnur
Kristinsson, Selfossi, Órn Arnarson,
SH, Kolbrún Ýr Kristjánsdóttir, ÍA,
og stúlknasveit Skagamanna og
settu aldursflokkamet. Aður en
menn tóku á sig náðir voru úrslit
ljós í átta greinum og eitt íslands-
met og átta aldursflokkamet höfðu
verið bætt.
Með bros á vör mættu sveinar
og meyjar ti leiks á laugardaginn
og strax í undanrásum um morgun-
inn byijuðu aldursflokkametin að
fjúka. Órn synti 400 m fjórsund á
4.37,40 mín. og Kolbrún 200 m
baksund á 2.23,80 mín. Hjalti virt-
ist líklegur til að höggva nærri eig-
in meti í 100 m bringusundi í undan-
rásum en sparaði kraftana þar til
í úrslitum síðar um daginn. Ríkarð-
ur virtist einnig í metahugleiðingum
í 100 m flugsundinu og var aðeins
6/100 frá eigin meti í undanrásum.
Strax í fyrstu grein úrslitanna
bætti Örn piltamet sitt frá því um
morguninn er hann kom fyrstur í
mark á 4.37.07 mín. „Þetta kom á
óvart því ég ætlaði bara að taka
því rólega og spara kraftana fyrir
200 m baksundið síðar í dag,“ sagði
Örn og var yfirvegunin uppmáluð.
Hann kom sjö sekúndum á undan
Marteini Friðrikssyni, Ármanni, í
mark. I sömu grein í kvennaflokki
kom Lára Hrund Bjargardóttir,
Þór, Þorlákshöfn, fyrst í mark og
setti stúlknamet, 5.06,86, og bætti
fyrra met sem var í eigu Hugrúnar
Átta íslandsmet og á þriðja tug aldursflokkameta
voru slegin í sundveislu ársins sem stóð yfir í
Sundlauginni í Vestmannaeyjum um nýliðna helgi.
Forráðamenn sundíþróttarinnar eru skýjum ofar
vegna þessa mikla uppgangs eftir lægð undanfar-
—
inna ára. Ivar Benediktsson var við sundlaugar-
bakkann í Vestmannaeyjum um helgina og fylgd-
ist grannt með hverri hreyfingu sundfólksins.
Ólafsdóttur, um rétt-
ar tvær sekúndur.
„Ég hafði lengi
stefnt að þessu meti
og loks tókst það,“
sagði Lára er hún
kom í mark.
Spenna í
bringusundi
Morgunblaðið/Sigfús Gunnar
EYDÍS KonráAsdóttir fagnar hér óvœntu
íslandsmeti í 100 m baksundi.
Næstu greinar,
100 m bringusund
karla, var beðið með
eftirvæntingu því
þar áttu menn von á
Islandsmeti, enda
ljóst að þar mættust
stálin stinn. íslands-
methafinn Hjalti
Guðmundsson, SH,
og Magnús Konráðs-
son, Keflavík,
fremstu bringu-
sundsmenn landsins
undanfarin ár. Það
hefði mátt heyra
saumnál detta er
kappamir köstuðu
sér til sunds. Hjalti
tók strax forystuna
og synti ákveðið til
sigurs en Magnús
var aldrei langt á
eftir. Og Hjalti náði takmarki sínu,
kom fyrstur í mark á nýju íslands-
meti, 1.03,33 mín., en gamla metið
var 1.03,52 mín. Magnús varð ann-
ar á 1.04,49 mín. „Það small allt
saman hjá mér og sundið var gott
svo ég get ekki annað en verið sátt-
ur,“ sagði methafinn. Magnús, sem
lengi hefur staðið á efsta palli sagði
að lokinni þessari grein: „Auðvitað
er sárt að vera númer tvö þegar
ég er öðra vanur, en ég er sáttur
því ég er í læknanámi og hef því
æft minna en áður. Árangurinn var
betri en ég bjóst við,“ sagði hann.
Halldóra Þorgeirsdóttir sigraði
af öryggi í 100 m bringusundi
kvenna. Enginn átti roð í Norður-
landameistara unglinga er hún
komst á skrið. Tími hennar var
1.13,94 mín., sem er hennar besti
tími í greininni til þessa. „Auðvitað
er ég ánægð, annað er ekki hægt
eftir að hafa bætt árangur sinn og
vinna þar á ofan,“ sagði þessi efni-
lega sundkona, sem er 16 ára.
Hársbreidd vantaði upp á að
stúlknametið félli, sem er 1.13,14.
Einn var sá sundmaður sem hafði
setið fjarri skarkala mótsins og ein-
beitt sér sem aldrei fyrr, staðráðinn
í að gera betur en nokkra sinni fyrr
í 100 m flugsundi. Það var Ríkarð-
ur Ægismaður. Nú var komin röðin
að honum og sem fyrr var gefín
góð þögn áður en byssa dómara
gaf merki og kapparnir ijórir í úr-
slitum stungu sér til sunds. Ljóst
var strax að Ríkarður var í ham
og efir 25 m var tími hans 25,67
sekúndur. Hann sló ekki slöku við
og kom fyrstur í mark á 55,88,
sautján hundraðshlutum betri tíma
en gamla metið frá því í nóvember
sl. „Mér leið vel í morgun og fór
nærri metinu og var því ákveðinn
í að setja allt á fullt nú og það tókst,
þetta var mjög fínt,“ sagði Ríkarður
eftir að hann hafði kastað mæð-
inni. Annað íslandsmetið í höfn hjá
honum.
„Hún er dugleg"
Sunddrottningin Eydís Konráðs-
dóttir sigraði örugglega í 100 m
flugsundi kvenna og Elín Sigurðar-
dóttir, SH, varð önnur og litla syst-
ir Eydísar, Hanna Björg, kom í kjöl-
far systur sinnar og tryggði sér
bronsverðlaun. „Ég stefni ekki á
nein met heldur bara sigra í þeim
greinum sem ég keppi í,“ sagði
Eydís og brosti sínu breiðasta er í
mark var komið. En hvað með litlu
systur, er hún farin að ógna stóra
systur? „Hún er dugleg,“ var það
eina sem Eydís sagði.
Örn bætti enn einu piltametinu
við er hann sigraði örugglega í 200
m baksundi karla og var tæplega
15 sekúndum á undan silfurhafan-
um, Tómasi Sturlaugssyni, Ægi.
Kolbrún sló heldur ekki slöku við í
úrslitum sömu greinar kvenna og
bætti telpnamet sitt frá morgninum
um rúmar fjórar sekúndur er hún
kom fyrst í mark á 2.19,32 og hafði
þá fært metið í flokknum niður um
rúmar átta sekúndur á nokkram
klukkutímum. Gamla metið setti
hún í janúar er hún bætti gamalt
met Eydísar sem þótti frábær tími
á sinni tíð.
Jafnasta sund mótsins var þreytt
þegar synt var til úrslita í 200 m
skriðsundi kvenna, þar sem m.a.
mættust Eydís og Lára Hrund.
Eydis var eilítið á undan allan tím-
ann en á síðustu 15 m bætti Lára
kolum í ofninn og sótti að Eydísi.
Þegar þær komu í mark var hægt
að greina hvor hefði haft betur, en
fullkomið tímatökukerfí laugarinn-
ar sýndi að ekki lék vafi á að gull-
ið var Eydísar, hún hafði orðið ein-
um hundraðshluta úr sekúndu á
undan í mark.
Gamalt met slegið
Þriðja íslandsmet dagsins var
sett í 4x100 m fjórsundi karla er
sveit SH kom langfyrst í mark á
3.54,67 mín. Gamla metið var
3.55,22 mín. frá árinu 1991 en það
var einnig sett í Vestmannaeyjum
af svokallaðri „súpersveit" sem
sundmenn minnast með virðingu.
Hún var skipuð Eðvarði Þór Eð-
varðssyni, Maignúsi Má Ólafssyni,
Æfi meðan ég hef gaman af
„ÉG ER fullkomlega ánægður
með minn hlut hér um helgina
og reyndar má segja að hann
sé framar vonum,“ sagði Magn-
ús Konráðsson, sundmaður úr
Keflavik. Hann hefur lengi ver-
ið í fremstu röð og margoft
borið sigur úr býtum á Innan-
hússmeistaramótinu. Nú bar
hins vegar svo við að hann fékk
ekkert gull með heim.
„Ég byrjaði síðasta haust í
læknanámi i Háskólanum og af
þeirri ástæðu hef ég þurft að
fækka æfingum frá þvi sem
áður var. Fyrir áramót æfði ég
að jafnaði þrisvar í viku en hef
nú fjölgað æfíngum upp í fimm
á viku. Magnús segist slður
en svo verajá þeim buxunum
að hætta. „Ég verð í þessu á
meðan ég hef gaman af og nú
hef ég sett stefnuna á Smá-
þjóðaleikana í vor. Til þess að
keppa þar verð ég að vera í
betri æfingu en nú.“
Magnús segist vera ny'ög
bjartsýnn fyrir hönd sundíþrótt-
arinnar hér á landi og mótið
um helgina undirstriki þá skoð-
un enn frekar. Ungiingametin
falla eitt af öðru og yngri sund-
menn eru farnir að nálgast ís-
landsmet fullorðinna. „Nú er ég
að bara að vona þeir sem stjórna
málum sjái að tími er kominn
til að verðlauna þessa ungu
sundmenn með betri aðstöðu og
þá á ég við 50 metra innilaug.
Hún ætti að vera löngu komin,
en þvi miður hefur ekkert gerst
í því máli. Nú er hins vegar lag
að verðlauna þessi ungmenni
sem hafa staðið sig svo vel með
þvi að koma upp sómasamlegri
aðstöðu fyrir þau svo þau geti
æft við bestu aðstæður og þann-
ig náð í fremstu röð.“