Morgunblaðið - 18.03.1997, Blaðsíða 12

A\*'H
4
Yfirburðir
Guðmund-
arogEvu
FÁTT kom á óvart á íslandsmótinu í borðtennis sem fram fór
um helgina. Guðmundur Stephensen úr Víkingi ber enn höfuð
cg herðar yfir aðra borðtennismenn á íslandi, þó fjórtán ára sé,
og sigraði í meistaraflokki og tvíliðaleik þriðja árið í röð. í meist-
araflokki og tvíliðaleik kvenna sigraði Eva Jósteinsdóttir, einnig
úr Víkingi, en það var aðeins ítvenndarleik að þeim tókst ekki
að fullkomna þrennuna því Sigurður Jónsson og Lilja Rós Jóhann-
esdóttir, einnig úr Víkingi, gerðu sér Iftið fyrir og unnu.
Keppni hófst á föstudeginum
með tvenndarleik. Átta pör
voru skráð til leiks, þar á meðal
meistararnir Guð-
mundur og Eva úr
Víkingi, sem töld-
ust frekar sigur-
strangleg. En Sig-
urður Jónsson, sem
sigraði í 1. flokki karla degi síðar,
og Lilja Rós Jóhannesdóttir úr
Víkingi áttu skínandi dag og
hrepptu gullið úr höndum meistar-
anna, sigruðu í tveimur lotum en
Stefán
Stefánsson
skrifar
töpuðu einni; 21-19, 15-21 og
21-15.
Úrslit öðrum flokkum voru á
sunnudeginum. Hólmgeir Flosa-
son úr Stjörnunni byijaði á að
vinna 2. flokk karla og Margrét
Ösp Stefánsdóttir úr HSÞ 1. flokk
kvenna en það voru einu tveir
flokkarnir, sem Víkingum tókst
ekki að hampa sigri í. I tvíliðaleik
karla létu Markús Árnason og
Hilmar Konráðsson úr Víkingi fé-
laga sína Ingólf Ingólfsson og
Guðmund hafa fyrir sigrinum en
GUÐMUNDUR Stephensen áttl ekki í vandræðum með að
sigra I melstaraflokkl og tvíllðalelk karla þrlðja árið I röð.
Klára tíunda
bekk áður en
ég hugsa um
framhaldið
GUÐMUNDUR Stephensen,
borðtenniskappi úr Víkingi,
sýndi enn og sannaði hversu
öflugur keppnismaður hann er.
Pilturinn er aðeins fjórtán ára
en hefur sigrað í meistaraflokki
og tvíliðaleik undanfarin fjögur
ár þó að hann hafi „aðeins“ náð
öðru sætinu í tvenndarleik í ár.
í mörg ár hefur verið skegg-
rætt um framtíð hans, hvort
ekki skuli senda hann út í heim
til að staðna ekki heima fyrir
en það hefur oft orðið hlut-
skipti þeirra efnilegu. Guð-
mundur hefur hins vegar til að
bera mikla tækni og er klókur
spilari, sem nær að greina veik-
leika mótherja sinna, hvort sem
um er að ræða á móti á íslandi
eða í landsleik og virðist hafa
haldið sínu striki í gegnum árin.
Spurður hvað framtíðin bæri í
skauti sér sagði hann aðeins:
„Ég ætla að klára tíunda bekk-
inn fyrst, fyrr verður ekkert
ákveðið." Kjartan Briem úr KR,
sem lék til úrslita við Guðmund
í meistaraflokki, segir að Guð-
mundur eigi að fara utan sem
fyrst. „Hann er mjög taktískur
og les leikinn mjög vel en þó
að hann sé bestur hér á landi
er langt í frá að hann sé toppn-
um í Evrópu. Það er mikilvægt
fyrir hann að fara utan til að
halda í við jafnaldra sína í heim-
inum.“
Morgunblaðið/Ásdís
EVA Jóstelnsdóttlr úr Víklngl endurheimti íslandsmelstarat-
Itll sinn í einllöaleik kvenna.
Ekkert annað en sigur
kom til greina hjá Evu
EVA Jósteinsdóttir úr Víkingi náði að endurheimta íslandsmeist-
aratitil sinn af Lilju Rós Jóhannesdóttur i meistaraflokki en varð
að sleppa honum í tvenndarleiknum í staðinn. Það var greinilegt
í úrslitaleiknum að annað en sigur kæmi ekki til greina. „Ég var
sár eftir tapið í fyrra og ætlaði mér svo sannarlega sigur núna.
Það gekk að visu betur en ég bjóst við - fyrir utan aðra lotuna
þegar ég varð of kærulaus en tap þar dugði til að reka mig af stað
á ný og vinna tvær næstu,“ sagði Eva, sem er 19 ára og hefur æft í
7 ár. Hún er að ljúka stúdentsprófum og veit ekki hvað gerist á
næsta íslandsmóti. „Ég veit ekki hvort ég fer í skóia erlendis og
spila þá með svo að ég get ómögulega sagt hvað framtíðin ber
í skauti sér.“
urðu að játa sig sigraða eftir þijár
lotur; 22-20, 23-25 og 21-10.
Spennan var ekki eins mikil í tví-
liðaleik kvenna þar sem Eva og
Lilja Rós unnu örugglega og sem
fyrr segir sigraði Sigurður Jónsson
í 1. flokk karla.
í meistaraflokki reyndi Lilja Rós
að veija titil sinn en mátti sín
ekki mikils gegn Evu stöllu sinni
úr Víkingi, sem ætlaði sér að end-
urheimta hann eftir tap í úrslita-
leik í fyrra og sigraði nú 21-17 í
fyrstu lotu, steinlá í annarri 9-21
en sigraði næstu tvær 21-12 og
21-16.
Hápunktur mótsins, úrslitaleik-
ur meistaraflokks karla, var síð-
astur á dagskrá en þar áttust við
Kjartan Briem úr KR, sem spilar
í dönsku úrvalsdeildinni og Guð-
mundur úr Víkingi. Kjartan byij-
aði vel og hafði yfirhöndina þar
til staðan var 18-18, þá sneri
Guðmundur vörn í sókn, vann þijú
næstu stig og lotuna og fór frem-
ur létt með tvær næstu lotur. „Ég
var alveg frosin í fyrstu lotunni
en tókst að vinna úr því,“ sagði
Guðmundur eftir sigurinn.
meistarar
HEIMSBIKARKEPPNINNI í
alpagreinum skíðaíþrótta lauk
í Vail í Colorado um helgina.
Luc Alphand varð heimsbikar-
meistari í karlaf lokki og um leið
fyrstur Frakka til þess síðan
Jean-Claude Killy vann fyrir 29
árum. Pernilla Wiberg varð
fyrst Norðurlandabúa til að
sigra í kvennaflokki.
Alphand endaði tímabilið með
70 stigum meira en Norðmað-
urinn Kjetil Andre Ámodt, sem
þurfti að ná fyrsta eða öðru sæti í
sviginu á sunnudaginn til að kom-
ast upp fyrir Frakkann. Það tókst
hins vegar ekki og hann endaði í
sjöunda sæti og þá gat Frakkinn
loks fagnað.
„Ég var í mikilli geðshræringu
meðan ég beið eftir úrslitunum,"
sagði Alphand sem fylgdist með
keppninni við markið ásamt vinum
sínum. „Þetta er eins og að vera
laus úr álögum. Síðustu tVær vik-
urnar hafa verið mjög erfiðar fyrir
mig því ég hef verið undir miklu
álagi. Þetta er stór dagur í lífi mínu.
Áður en keppnistímabilið hófst
hefði ég ekki einu sinni getað látið
mig dreyma um að vinna heimsbik-
arinn og bæði brun- og risasvigstit-
ilinn. Þetta er stórkostlegt," sagði
Alphand.
„Það hefði þurft kraftaverk til
að ég næði öðru sætinu eftir að
hafa verið með 16. besta tímann í
fyrri umferðinni," sagði Ámodt.
„Alphand vann sex mót á tímabilinu
en ég aðeins eitt og því á hann
þetta fyllilega skilið. Ég óska hon-
um til hamingju."
Finn Christian Jagge frá Noregi
sigraði í sviginu um helgina. Hann
náði langbesta tímanum í fyrri
umferð og gat leyft sér að renna
sér af öryggi í síðari umferðinni og
var 0,12 sekúndum á undan Austur-
ríkismanninum Thomasi Stangass-
inger. Alberto Tomba varð þriðji.
„Sigurvegari dagsins er Luc Alp-
hand,“ sagði Jagge eftir svigið á
sunnudaginn. „Þetta var lokamótið
og við komum hingað til að krýna
heimsbikarmeistarann."
Wiberg deildi fyrsta
sætinu með Magoni
Pernilla Wiberg frá Svíþjóð end-
aði keppnistímabilið með sigri í svigi
á sunnudag. Hún deildi fyrsta sæt-
inu reyndar með Laru Magoni frá
Italíu sem kom í mark á sama tíma.
Wiberg, sem fyrir rúmri viku hafði
tryggt sér heimsbikartitilinn, var í
fimmta sæti eftir fyrri umferðina
en átti frábæra síðari umferð.
Urslit / B11
KNATTSPYRNA / PILTALANDSLIÐIÐ
Á förum til Ítalíu
PILTALANDSLIÐIÐ, skipað leikmönnum undir 18 ára, tekur þátt í alþjóða
móti á Ítalíu í næstu viku en það á titil að veija. 12 lið leika í fjórum riðlum
og er ísland í b-riðli með Belgíu og Bandaríkjunum auk þess sem leikið
verður við Rúmeníu í a-riðli. Guðni Kjartansson hefur valið 18 leikmenn til
fararinnar og eru eftirtaldir í hópnum:
Árni Ingi Pjetursson, Freyr Karlsson, Haukur Hauksson og Stefán Logi Magnús-
son f Fram, Arnar Jón Sigurgeirsson, Edilon Hreinsson og Egill Skúli Þórólfsson
frá KR, Bjarni Guðjónsson, Guðjón Skúli Jónsson og Reynir Leósson frá ÍA, Kefl-
víkingarnir Haukur Ingi Guðnason og Kristján Jóhannesson, Gylfi Einarsson,
Fylki, Arnar Hrafn Jóhannsson, Val, Sæmundur Friðjónsson, Stjörnunni, Björn
Jakobsson, ÍBV, Óðinn Árnason, Þór Akureyri, og Stefán Gíslason, Arsenal.
MWUK
BORÐTENNIS / ISLANDSMOTIÐ
SKIÐI
Alphand og
Wiberg
heimsbikar-