Morgunblaðið - 24.04.1997, Blaðsíða 24

24 FIMMTUDAGUR 24. APRÍL 1997
ERLEIUT
MORGUNBLAÐIÐ
BENJAMIN Gilman, formaður
utanríkismálanefndar fulltrúa-
deildar Bandaríkjaþings, býður
hér hinn útlæga leiðtoga Tíbets
velkominn til Bandaríkjanna.
Þvert á aðvaranir Kínverja lét
Bill Clinton Bandaríkjaforseti
verða af því í gær að „líta inn“ á
fund hans með varaforsetanum
AI Gore í Hvíta húsinu. Sagðist
Clinton ætla að hvelja Kínveija
Clinton „lít-
ur inn“ til
Dalai Lama
til að hefja beinar viðræður við
Daiai Lama um framtíð Tíbets.
Reuter
Kínverskir embættismenn hafa
áður sagt að hitti bandarískir
ráðamenn Daiai Lama að máli
verði það túlkað svo í Peking að
Bandaríkin styðji „tilraunir hans
til að kljúfa Kína“. I ávarpi, sem
Dalai Lama hélt á ráðstefnu um
Tíbet í Washington sagði hann að
hann sæktist eftir sjálfsstjórn fyr-
ir heimaland sitt, ekki fullt sjálf-
stæði frá Kína.
Spenna hlaupin í bresku
kosningabaráttuna
Major herðir róð-
urinn gegn Blair
Innrlnn Rnntnr
MIKIL spenna hefur hlaupið í
kosningabaráttuna í Bretlandi
vegna skoðanakönnunar, sem sýn-
ir, að verulega hefur dregið saman
með Verkamannaflokknum og
íhaldsflokknum.
John Major, forsætisráðherra
Bretlands, hefur nú öðlast nýja von
um að sigra í kosningunum og
fylgdi því eftir í gær með hörðum
árásum á Tony Blair og Verka-
mannaflokkinn.
„Ég skora á ykkur að láta ekki
hugsanlega óánægju ykkar með
íhaldsflokkinn ráða ferðinni þegar
um framtíð Bretlands er að tefla,“
sagði hann á fundi í Aberdeen í
Skotlandi. Samkvæmt ICM-könn-
un fyrir dagblaðið The Guardian
munar nú ekki nema fimm pró-
sentustigum á flokkunum.
Kosningastjórar íhaldsflokksins
segja, að áhersla Majors á Evrópu-
málin hafi verið rétt en Gordon
Brown, talsmaður Verkamanna-
flokksins í efnahagsmálum, benti
á, að Gallup-könnun, sem The
DailyT'elegraph birti í gær, sýndi,
að munurinn á flokknunum væri
21 prósentustig, fimm stigum
meiri en fyrir viku.
Efast um
ICM-könnun
Margar skoðanakannanastofn-
anir hafa gagnrýnt ICM-könnun-
ina og telja, að hún sé vafasöm
og geti haft óeðlileg áhrif á kjós-
endur. ICM-kannanir sýna ávallt
minni mun á flokkunum en aðrar
kannanir og ástæðan er sú, að þar
er gert ráð fyrir, að kjósendur
íhaldsflokksins séu tregari til að
gefa upp afstöðu sína en kjósend-
ur annarra flokka. Þess er hin
eiginlega niðurstaða ICM-kann-
ana „leiðrétt" íhaldsflokknum í
vil.
/T
FASTEIGNA
MARKAÐURINN ehf
S. 551-1540 F. 562-0540
Faxafen 7
%
Vorum að fá til sölu þetta glæsilega sérstæða verslunarhús við
Faxafen 7. Húsið er kjallari og tvær hæðir, samtals að gólffleti
1243 fm. Innkeyrsla bæði í kjallara og á götuhæð. Næg bílastæði.
Húsið er til afhendingar fljótlega.Teikningar og allar frekari upp-
lýsingar á skrifstofu.
■ C,C>iL(Ccp,'t *

Qfic
Allar frekari upplýsingar á skrifstofu okkar.
=m
Jón Guðmundsson lögg., fasteignasali
Ólafur Stefánsson lögg., fasteignasali
Fjársterkir
kaupendur
óska eftir:
• Raðhúsi - einbýli í Fossvogi, Gerðum eða
Smáíbúðahverfi.
• Einbýli - parh. í Foldum - Hömrum eða
Húsahverfi.
• 5 herb. íb. eða sérh. í Rvík - Kóp.
• 3-4 herb. í Háaleiti - Vesturbæ.
Ofangreindir kaupendur eru þegar búnir að selja
sínar eignir.
Uppl. hjá Bárði, Ingólfi eða Þórarni á Valhöll
fasteignasölu á föstud. í síma 588-4477
eða í dag í síma 896-5222 Ingólfur
eða 896-5221 Bárður.
Áhugaverð eign á Stokkseyri
142 fm einbhús er til sölu á Stokkseyri. Stendur á
fallegum stað viS stöðuvatn. TilvaiiS sem sumarhús.
Upplýsingar gefa:
Lögmenn Su&urlands, sími 482-2988,
Fasteignaþjónustan Skúlagötu 30, sími 552-6600.
Réttarhöld haf-
in yfir McVeigh
Denver. The Daily Telegraph.
RETTARHOLD í málinu gegn Ti-
mothy MeVeigh, sem ákærður er
fyrir að hafa sprengt stjórnsýslu-
bygginguna í Oklahoma-borg fyrir
tveimur árum, hefjast í dag. Miklar
öryggisráðstafanir eru vegna rétt-
arhaldanna, sem fara fram í Den-
ver í Colorado-ríki, og er þess enn-
fremur vandlega gætt að blaða-
menn komist ekki í tæri við kvið-
dómendur. Hefur verið reistur hvít-
ur veggur í réttarsalnum til að
fólkið sem valið var í kviðdóminn,
sjáist ekki.
McVeigh er ákærður fyrir að
hafa komið sprengiefni fyrir í
sendibíl og sprengt hann í loft upp
fyrir framan stjórnsýslubygging-
una, með þeim afleiðingum að 168
manns fórust. Flytja varð réttar-
höldin í annað ríki, vegna þess að
ekki þótti mögulegt að rétta í
málinu í Oklahoma, vegna tilfinn-
ingahitans í málinu og vegna þess
að nánast útilokað var að finna
kviðdómendur sem ekki höfðu þeg-
ar myndað sér skoðun á málinu.
Tók enda sextán daga að skipa
kviðdóminn nú.
Vart eru fordæmi fyrir svo mik-
illi gæslu um kviðdómendur eins
og er við réttarhöldin nú. Þó eru
dæmi um að ekki megi sjást í kvið-
dóminn í réttarhöldum yfir mafíu-
foringjum. Ástæða varkárninnar
er ótti við að öfgamenn, skoðana-
bræður McVeighs, kunni að leita
hefnda, verði hann dæmdur sekur,
auk þess sem dómarinn vill kom-
ast hjá því að málið verði sami
fjölmiðlafarsinn og réttarhöldin
yfir O.J. Simpson.
Samkvæmt lögum eru mynda-
vélar bannaðar í réttarhöldum sem
dómstólar einstakra ríkja rétta í.
Þá hefur dómarinn bannað teiknur-
um að rissa upp myndir í salnum
og lögmönnum að ræða við þá
2.000 blaðamenn sem bíða frétta
fyrir utan dómssalinn.
McVeigh á yfir höfði sér dauða-
dóm og urðu kviðdómendur að lýsa
því yfir að þeir treystu sér til að
fella slíkan dóm, kæmust þeir að
þeirri niðurstöðu að hann væri sek-
ur. Þykir McVeigh koma nokkuð
vel fyrir nú, vel klæddur og af-
slappaður, gjörólíkur þeim manni
sem heimurinn sá á mynd, stjarfur
í andliti og í fangabúningi.
Reuter
Merki að-
skilnaðar-
stefnu hverfa
BRJÓSTMYND af Hendrik
Verwoerd, upphafsmanni aðskiln-
aðarstefnunnar í Suður-Afríku,
var í gær fjarlægð af sjúkrahúsi
í Pretoríu, sem nefnt var eftir
honum en sjúkrahúsinu verður
gefið nýtt nafn. Er þetta til marks
um það að sýnileg ummerki að-
skilnaðarstefnunnar eru smám
saman að hverfa.
Sj’ónarvottar lýsa hrotta-
legri árás á þorp í Alsír
rís. Reuter.
SJÓNARVOTTAR að hrikalegasta
fjöldamorði, sem framið hefur verið
í Alsír á undanförnum fimm árum,
lýstu í gær hvernig múslimskir upp-
reisnarmenn skáru og skutu 93
menn til bana aðfaranótt þriðjudags.
Tæpur helmingur hinna myrtu var
konur og ungar stúlkur. Árásar-
mennimir hikuðu ekki við að myrða
börn og voru þijú börn á aldrinum
níu mánaða til fjögurra ára meðal
hinna myrtu. Fómarlömbin höfðu
ýmist verið skorin á háls, hálshöggv-
in eða skotin til bana. BÍóðbaðið átti
sér stað á einangruðum búgarði um
25 km frá Algeirsborg, höfuðborg
landsins, og lauk ekki fyrr en í dögun.
„Þegar þeir fóru stóð ég upp og
þarna í garðinum var ekkert nema
blóð, blóðugir líkamar og höfuð um
allt,“ sagði Radia, fjórtán ára gömul
stúlka, sem lést vera dauð á meðan
fjölskylda hennar var myrt. „Það
leið yfir mig.“
Alsírsk dagblöð höfðu eftir vitnum
að milli 40 og 50 manns hefðu tekið
þátt í árásinni. „Við vöknuðum við
sprengingu," sagði Houria, 33 ára
gömul kona. „Nokkrum mínútum
síðar hófu þeir að draga okkur út í
miðju þorpsins þar sem þeir fóru að
skera fólk á háls.“
Stjórn Alsírs sagði að ekki væru
fordæmi fyrir slíkri grimmd og verið
væri að leita morðingjanna. Öryggis-
sveitir hefðu þegar skotið nokkra
árásarmannanna. Ahmed Ouyahia
forsætisráðherra hét því að binda
enda á hryðjuverkastarfsemi í landinu.
Ali Rachedi, talsmaður samfylk-
ingar sósíalista, sem er í stjórnar-
andstöðu, sagði að kominn væri tími
til þess að Ouyahia segði af sér.
Hann hefði hvað eftir annað lýst ,
yfir því að stjórnin hefði sigrað
hryðjuverkamennina: „Fjöldamorðin
sýndu að það er ekki satt.“
Árásin var gerð í sama mund og
fresturinn rann út fyrir frambjóð-
endur til að skrá sig í fyrstu kosning-
arnar frá því kosningunum í janúar
1992 var aflýst þegar ljóst var að
rétttrúnaðarflokkur múslima hafði
náð afgerandi forustu.
Tæplega 300 manns hafa verið
myrtir í svipuðum árásum á undan-
förnum vikum í Alsír, en alls er tal- .
ið að 60 þúsund manns hafi látið '
lífið í ofbeldisverkum frá því að kosn- í
ingunum var aflýst.