Morgunblaðið - 16.10.1998, Blaðsíða 34

34 FÖSTUDAGUR 16. OKTÓBER 1998
MORGUNBLAÐIÐ
MORGUNBLAÐIÐ
JltargtsiiHafeib
STOFNAÐ 1913
ÚTGEFANDI: Árvakur hf., Reykjavík.
FRAMKVÆMDASTJÓRI: Hallgríraur B. Geirsson.
RITSTJÓRAR: Matthías Johannessen,
Styrmir Gunnarsson.
UPPLAUSNÁ
VINSTRI VÆNG
KRISTINN H. Gunnarsson er fjórði þingmaðurinn,
sem segir sig úr þingflokki Alþýðubandalagsins
vegna átakanna í flokknum um sameiginlegt framboð
vinstri manna. Ursögn hans hlýtur að teljast áfall fyrir
sameiningarsinna innan flokksins. Með úrsögn Krist-
ins hefur tæpur helmingur þingmanna Alþýðubanda-
lagsins og óháðra sagt sig úr þingflokknum, eða fjórir
af níu.
Hörð andstaða þessara fjögurra fyrrverandi þing-
manna Alþýðubandalagsins gegn sameiningu vinstri
manna leiðir hugann að því, hvort afstaða þeirra sé úr
takt við meirihluta stuðningsmanna flokksins. Tillaga
formannsins, Margrétar Frímannsdóttur, um sameig-
inlegt framboð með Alþýðuflokki, Þjóðvaka og
Kvennalista, var samþykkt með yfírgnæfandi meiri-
hluta atkvæða á aukalandsfundi í júlíbyrjun. Ríflega
sjö af hverjum tíu landsfundarfulltrúum studdu sam-
einingu, fólk, sem er í forustu flokksins í byggðum um
land allt. Enginn vafi er því á, að flokksformaðurinn
hefur fullt umboð til að leiða sameiningarferlið til
lykta. Margrét Frímannsdóttir hafði einnig afgerandi
meirihluta á reglulegum landsfundi Alþýðubandalags-
ins fyrir tæpu ári.
Afstaða þingmannanna er því ekki i samræmi við
skoðanir þorra virkra flokksmanna. En með því að
efna til sjálfstæðs framboðs til vinstri við samfylking-
una svonefndu eru þingmennirnir í raun að tryggja, að
það verði almennir kjósendur Alþýðubandalagsins,
sem felli hinn endanlega dóm í þessu ágreiningsmáli
innan flokksins.
FORELDRA-
SAMNINGAR
A
AHYGGJUR foreldra af uppeldi barna sinna eru
ekki nýjar af nálinni. Áhyggjurnar magnast þó um
allan helming, þegar flóðbylgja vímuefna skellur á
þjóðinni, eins og fram kom í ræðu félagsmálaráðherra
nýlega á Alþingi. Hvað er til ráða og hvernig geta for-
eldrar brugðizt við til að bjarga börnum sínum frá
þeim voða sem fíkniefni eru í nútíma þjóðfélagi? Til
þess og eins til að keppa að því markmiði, sem kynnt
var fyrir nokkrum misserum undir yfirskriftinni „Is-
land án eiturefna 2002“, hefur verið sett á stofn átaks-
verkefnið „Fyrirmyndarforeldrar“ á vegum foreldra-
samtakanna Heimilis og skóla.
Skýrt var í Morgunblaðinu í gær frá einum slíkum
átakssamningi, sem gerður var á Akureyri, en foreldr-
ar nemenda hafa gert slíka samninga víða um land.
Ataksverkefnið „Fyrirmyndarforeldrar“ hófst í fyrra
og voru þá gögn til kynningar send í 21 skóla í Reykja-
vík og á landsbyggðinni. Nú er verið að senda þau aft-
ur til allra skóla í landinu, sem hafa nemendur í 6. til 8.
bekk, alls 200 skóla. Samningurinn er í 9 liðum og þar
er meðal annars hvatt til þess að foreldrar láti aðra
foreldra vita sjáist börnin reykja eða neyta áfengis.
Ennfremur er samningurinn hvatning til foreldra um,
að þeir sjái til þess að almenn atriði í reglugerðum séu
haldin, svo sem eins og lögboðinn útivistartími o.s.frv.
í kynningu verkefnisins segir: „Verkefninu „Fyrir-
myndarforeldrar“ er ætlað að vekja okkur til umhugs-
unar og ábyrgðar og auðvelda okkur að ræða um
áfengi og vímuefni við börnin okkar. Titillinn fyrir-
myndarforeldrar skírskotar til þess að við erum fyrir-
myndir barna okkar og miðlum þeim ýmsum viðhorf-
um beint og óbeint. Hlutverk okkar er því afar mikil-
vægt í forvörnum, og reynslan sýnir að unglingar taka
meira mark á foreldrum sínum en margir halda.“
Þetta verkefni lofar góðu. Það er rík ástæða til að
ætla, að það geti skilað umtalsverðum árangri.
Alþjóðlegar flugprófanir á GPS-flugleiðsögutækni á Keflavíkurfluffvelli
BANDARÍSKU flugmennirnir Keith J. Biehl, Larry Van Hoy og John Talthan flugu Boeing 727 þotu FAA við prófanimar.
Morgunblaðið/RAX
Fyrstu sam-
prófanir á
bandarískum
og evrópskum
kerfum
Leiðréttingarkerfi fyrir GPS-gervihnatta-
leiðsögu í flugi hafa verið prófuð á Keflavík-
urflugvelli síðustu daga. Flugmenn og
tæknimenn Flugmálastjórnar hafa tekið þátt
í þessum prófunum ásamt starfsbræðrum
frá bresku og bandarísku flugmálastjórnun-
um. Jóhannes Tómasson kynnti sér hvað um
var að vera í Keflavík í gær.
HÓPUR íslenskra og erlendra tæknimanna og flugmanna hefur unnið við
flugprófanirnar og hér eru nokkrir þeirra saman komnir í vél FAA.
FLUGMÁLASTJÓRNIR Ís-
lands, Bandaríkjanna og
Bretlands ásamt fulltrúum
Evrópusambandsins kynntu
í gær á Keflavíkurflugvelli sam-
starfsverkefni um flugprófanir sem
byggist á GPS-staðsetningartækni.
Undanfama daga hafa staðið yfir
prófanir á þessari tækni á vellinum
og er það í fyrsta sinn sem Evrópu-
búar og Bandaríkjamenn prófa kerf-
in á sama flugvelli. Segir Þorgeir
Pálsson flugmálastjóri þetta tímamót
og heiður fyrir ísland að prófanimar
skuli fara fram hérlendis.
Flugmálastjórn íslands og Flug-
málastjórn Bandaríkjanna, FAÁ,
sömdu fyrir nokkrum árum um sam-
starf um prófanir og gagnaöflun
vegna GPS-leiðréttingarkerfa sem
fram hafa farið undanfarið bæði í
Bandaríkjunum og hérlendis. Hefur
vél flugmálastjórnar, Beechcraft
King Air 200 skrúfuþotan, verið við
prófanir á flugvöllunum í Reykjavík,
Keflavík, Akureyri og Vestmanna-
eyjum auk þess sem vélin hefur farið
eins langt norður og kerfið á að ná,
þ.e. nyrst á Grænlandi til að stað-
festa drægi þess. Þá hafa þotur FAA,
Boeing 727 þota, og Flugmálastjóm-
ar Bretlands, sem er af gerðinni
BAC 1-11, verið við prófanir á Kefla-
víkurflugvelli síðustu daga og lauk
þeim í gær. Framundan eru frekari
prófanir og samkvæmt þriggja ára
áætlun mun Flugmálastjórn leggja
fram alls um 40 milljónir til þessa
verkefnis.
Leiðréttingarkerfi við GPS
Það sem verið er að prófa eru svo-
nefnd víðáttustoðkerfi sem notuð eru
til að leiðrétta GPS-gervihnattaleið-
sögukerfið. Rekin eru í dag tvö til-
raunakerfi, annað í Bandaríkjunum
og hitt í Evrópu og munu ný leiðrétt-
ingarkerfi leysa þessi kerfi af hólmi á
næstu árum. Bandaríska kerfið er
mun lengra komið og er stefnt að því
að taka það í notkun á næsta ári en
það evrópska nokkrum árum síðar.
Víðáttustoðkerfi er net leiðrétting-
arstöðva sem tengdar eru móðurstöð
sem leiðréttir upplýsingar frá GPS-
gervihnöttunum. í dag eru þeir 24 en
GPS-kerfinu var upphaflega komið á
fót til nota í hernaði þótt almenn not
þess séu nú mun víðtækari en fyrir
hernað. Leiðréttingarnar eru sendar
í GPS-viðtæki notenda, í þessu tilviki
í flugvélar.
Hægt er með þessu móti að nota
eitt eða fleiri gervitungl til að þjóna
stóru svæði þannig að ekki þarf að
koma upp leiðréttingarstöð fyrir
hvern flugvöll. Prófanirnar á Kefla-
víkurflugvelli síðustu daga hafa
gengið út á svonefnt nákvæmnisað-
flug þar sem notað er merki frá GPS-
gervihnattaleiðsögukerfinu leiðrétt
með merkjum frá leiðréttingarstöðv-
um til að auka nákvæmni og öryggi.
GPS-leiðréttingarstöðvamar auka
nákvæmni staðsetningar í um sjö
metra í lóðréttum og láréttum flötum
og leiðréttingarstöðvarnar flytja við-
vörunarupplýsingar til flugvéla á
innan við sex sekúndum ef einhver
GPS-gervihnattanna 24 bilar. í dag
geta liðið allt uppí 20 til 30 mínútur
frá því einhver GPS-gervilinötturinn
bilar og þar til stjórnstöð tekur hann
úr notkun.
Prófanirnar í Keflavík eru þær
fyrstu í heiminum þar sem notuð
voru bæði víðáttustoðkerfin á sömu
flugbraut en notkunarsvæði beggja
kerfanna liggur um ísland. Einn
megintilgangurinn með tilraununum
hér var að reyna samvirkni kerfanna
og eru þær nýjasta skrefið í þá átt að
nota megi samhæft kerfi um allan
heim. Vonir eru bundnar við að hægt
sé að nota GPS-kerfið á víðtækari
hátt í flugi í framtíðinni, þ.e. við al-
menna flugleiðsögu, ferð flugvéla
milli staða hvort sem er yfir landi eða
hafi, sem verður þá enn nákvæmari
en nú er, aðflug og lendingu og jafn-
vel akstur á flugvelli. Höfðu banda-
rísku tæknimennirnir á orði að flug-
félög myndu spara sér umtalsverðan
kostnað með nákvæmari flugleiðsögu
og myndi sá sparnaður greiða upp
fjárfestingu vegna GPS-tæknibúnað-
ar.
Aðflug mögulegt við
verri veðurskilyrði
Þessi nýi búnaður gefur möguleika
á aðflugi á flugbrautum sem hafa
takmarkaðan blindflugsaðbúnað eins
og er sums staðar á Grænlandi og ís-
landi. Hefur slíkum búnaði reyndar
þegar verið komið upp við flugvöllinn
við Höfn í Hornafirði sem þýðir að
þar er aðflug nú mögulegt við viss
skilyrði sem ekki var unnt áður.
Fram kom í viðræðum við tækni-
menn bandarísku flugmálastjórnar-
innar, FAA, þegar blaðamenn Morg-
unblaðsins fóru í prófunarflug í
fyrradag að nákvæmnin er yfirleitt
mun meiri en sjö metra frávik sem
fyrr var nefnt eða á bilinu einn metri
til þrír metrar. Þá sögðu þeir að
kostir þess að taka upp GPS-kerfið
væru meðal annars þeir að auka
mætti afkastagetu þar sem hægt er
að hleypa meiri flugumferð á ákveðin
svæði án þess að auka áhættu þótt
aðskilnaður sé minnkaður. Einnig
mætti einfalda tæknibúnað við flug-
velli og leggja af ýmsan dýrari búnað
á jörðu niðri og þeir bentu einnig á
að búnaður í flugvélunum væri einnig
einfaldari. Nokkur tími mun hins
vegar líða áður en þetta verður.
Fyrir utan þessa notkun í fluginu
má minna á að GPS-tæknin hefur
verið notuð um árabil á skipum og
bátum, til leiðbeiningar í hvers konar
hálendisferðum eins og margir ís-
lendingar þekkja og í Evrópu sjá
menn fyrir sér aukin not varðandi
ýmsar aðrar samgöngur á landi, svo
sem járnbrautir.
Árangursríkar flugprófanir
Fyrstu niðurstöður úr flugprófun-
um undanfarinna daga á Keflavíkur-
flugvelli voru árangursríkar að sögn
tæknimanna og verða notaðar við
frekari þróun nýju tilraunakerfanna.
Liggur til dæmis fyrir að nákvæmni í
aðflugi niður í allt að 200 feta hæð er
talsvert meiri en krafist er og að kerf-
in uppfylla ennfremur skilyrði um
skekkjumörk í farflugi. Frekari úr-
vinnsla gagna fer fram hjá viðkomandi
flugmálastjómum næstu vikurnar.
Þorgeir Pálsson flugmálastjóri
segir að stefnt sé að því að ljúka
gagnasöfnun vegna verkefnisins
næsta vor. Ekki hafi verið tekin
ákvörðun um hvort víðáttustoðkerfið
verði tekið upp hérlendis sem myndi
geta bætt aðflugsskilyrði á vissum
stöðum. Hann sagði rekstri núver-
andi flugleiðsögukerfa hérlendis ekki
hætt þótt GPS-kerfið yrði notað í
auknum mæli. Flugmálastjórn á í
viðræðum við FAA og Evrópusam-
bandið um að stofnunin taki virkan
þátt í áframhaldandi þróunarverk-
efnum vegna víðáttustoðkerfanna og
sagði Þorgeir að erlendu aðilarnir
væru áhugasamir um frekara sam-
starf við íslendinga.
FÖSTUDAGUR 16. OKTÓBER 1998 35.
ÞRAVIRK LIFRÆN EFNI
Raunhæft að
banni verði kom-
ið á árið 2002
Andy Gilman, sem hefur tekið mikinn
þátt í samningaviðræðum um bann við
notkun þrávirkra lífrænna efna, segir að
Island hafí gegnt mikilvægu hlutverki í
samningavinnunni. Hann segir í samtali
við Egil Ólafsson að skilningur hafí skap-
ast á mikilvægi banns við notkun þessara
efna og raunhæft sé að ætla að samningur
um slíkt bann verði fullgildur árið 2002.
ANDY Gilman, deildarstjóri
umhverfisdeildar við heil-
brigðisráðuneytið í
Kanada, segir góðar líkur
á að lokið verði við gerð samnings
sem bannar alla notkun þrávirkra
lífrænna efna árið 2000 og samning-
urinn taki gildi árið 2002. Nú sé til
staðar vísindaleg þekking á áhrifum
þessara efna og útbreiðslu þeirra.
Alþjóðasamfélagið viðurkenni nauð-
syn á að banna notkun þeirra.
Vinna við gerð alþjóðlegs samn-
ings sem bannar notkun á þrávirk-
um lífrænum efnum er nýlega hafin.
Sú spurning vaknar hvort það taki
ekki langan tíma að koma á banni
sem nái til alls heimsins, ekki síst í
ljósi þess að talsvert langan tíma
hefur tekið að ná samningum um
svæðisbundið bann við notkun
efnanna.
„Stefnt er að því að ljúka
gerð samningsins árið 2000.
Það mun trúlega taka tvö ár
fyrir öll aðildarlöndin að full-
gilda hann. Samningurinn mun
þegar í stað hafa áhrif því að
hann mun innihalda dagsetn-
ingar um notkun og meðferð
þrávirkra lífrænna efna sem
aðildarlöndin gangast inn á að
uppfylla.
Það hefur tekið okkur um 10
ár að komast á það stig að geta
hafið viðræður um alþjóðlegan
samning um takmörkun á notk-
un þrávirkra lífrænna efna. Það
er fyrst núna sem vísindaleg
þekking um áhrif þessara efna
er álitin það sterk að alþjóða-
samfélagið er tilbúið að semja
um að hefta notkun þeirra. Eg
hef því þá trú að viðræður um
samninginn gangi hratt fyrir
sig.“
Bann við notkun 12 efna
því að stíga fleiri skref og bæta við
efnum á bannlistann.“
Eru þessi efni mikið notuð enn í
dag?
„ísland notar þessi efni ekki í dag.
Norður-Ameríka og Evrópa hafa
sömuleiðis stöðvað notkun þeirra.
Það eru enn nokkur lönd á norður-
slóðum sem nota PCB. Rússland hef-
ur ekki hætt notkun skordýraeiturs
og þrávirk lífræn efni eru enn notuð í
suðlægum löndum. DDT er t.d. enn
talsvert mikið notað í baráttu gegn
skordýrum sem valda malaríu. Lönd
í Mið-Ameríku og Afríku segja að ef
þau hætta notkun á DDT muni það
leiða til þess að mannskaði vegna
malaríu muni aukast, raunar svo
mikið að þau tala um hundruð þús-
unda manna í þessu sambandi.
erfiða baráttu við malaríu?
„Það eru aðrar árangursríkar að-
ferðir til sem geta ráðið við
moskítófluguna sem veldur malaríu.
Breytt landnotkun getur dregið úr
hættu á þessum sjúkdómi og einnig
er hægt að nota önnur skordýralyf.
í Mexíkó hefur verið unnið ötullega
að því að útrýma notkun á DDT og
stefnt er að því að þar verði notkun
efnisins hætt innan 5 ára. Það verð-
ur mjög merkur áfangi. Við getum
því náð árangri, en það kallar á
mikla vinnu og fjármuni. Þróuðu
ríkin verða að leggja sig fram um að
gera þróunarlöndunum kleift að
nota bestu fáanlegu tækni og þekk-
ingu í þessari baráttu."
Líður ekki nokkur tími frá því að
notkun á þrávirkum lifrænum efn-
Er þá ekki mikil andstaða við
gerð samningsins?
„Eg held að andstaðan við hann sé
ekki mjög mikil. Samningurinn mun
innihalda bann við notkun 12 tiltek-
inna efna. Ég get nefnt efni eins og
PCB, DDT díoxín, sem era vel
þekkt. Þarna er um að ræða efni
sem hafa verið framleidd í ákveðnum
tilgangi til notkunar í iðnaði eða
landbúnaði, en einnig efni sem verða
til sem aukaafurð í ákveðinni fram-
leiðslu. Aðildarlöndin munu því fall-
ast á að hætta notkun þessara til-
teknu 12 efna og ég á ekki von á
mikilli andstöðu við það. En það má
búast við að það kalli á talsvert mik-
ið starf að fá þjóðirnar til að fallast á
að bæta við efnum á þennan bann-
lista. Þegai’ samningurinn verður
farinn að virka og menn sjá strax já-
kvæðan árangur af tilvist hans vona
ég að menn sjái einnig ávinning af
Morgunblaðið/RAX
GILMAN sagði að Island hefði átt mikinn þátt í því að koma á samningum um bann
við notkun þrávirkra lífrænna efna.
Ávinningur fólks á norðlægum
slóðum af banni við notkun þessara
efna er mikill. Þegar þrávirk lífræn
efni safnast upp í líkama fólks draga
þau úr hæfleika fólks til að læra, þau
hafa áhrif á ónæmiskerfið, á tauga-
kerfið og draga úr þroska ungra
bama. Það er kannski ekki hægt að
tala um að þau séu bráðdrepandi
með sama hætti og malaría er. Við
verðum þess vegna að finna jafnvægi
milli sjónarmiða landa sem fást ann-
ars vegar við langtímaafleiðingar
notkunar þrávirkra efna og hinna
sem nota þau til að berjast við alvar-
lega sjúkdóma."
DDT notað í baráttu
gegn malaríu
En hvert er þitt svar við rök-
semdum suðlægra þjóða sem heyja
um í heiminum er hætt þar til þess
fer að gæta í norðlægum löndum?
„Jú, það er rétt. Ef notkun efn-
anna verður stöðvuð árið 2000 má
reikna með að hlutfall þeirra haldi
áfram að hækka í norðlægum lönd-
um í allt að 20 ár. Að því leyti eru
áhrifin svipuð og áhrif af notkun
ósoneyðandi efna. Ósoneyðandi efni
sem fara út í andrúmloftið í dag
mun hafa áhrif í næstu 15 ár.
Áhrifa af banni við notkun þrá-
virkra lífrænna efna mun hins veg-
ar gæta mun fyrr í löndum sem
nota þau. Banni við notkun á DDT
var komið á í N-Ameríku á árunum
1970-1974 og leiddi það til þess að
95% minna fannst af efninu í mönn-
um 10 árum síðar. Vænta má sömu
áhrifa í þeim löndum sem nota
DDT í dag.“
Hættuleg efni
Era þau 12 þrávirku eiturefni sem
samningurinn nær til hættulegustu
efnin eða era þetta þau efni sem auð- ->
veldast er að ná samningum um
bann við?
„Þetta era hættulegustu efnin og
vegna þess hvað þau eru hættulegt
er jafnframt auðveldast að ná samn-
ingum um bann við notkun þeirra.
Það era til fleiri hættuleg efni sem
valda umhverfisspjöllum, en þau
valda annars konar hættu. Þrávirk
lífræn efni byggjast upp eftir því
sem komið er ofar í lífkeðjunni og
era þess vegna hættuleg. Þau finn-
ast í 10 milljón sinnum hærra hlut-
falli í hvalspiki en í vatni. Þau eru .
einnig hættuleg vegna þess hvað þau
geta ferðast langar leiðir. Þekking á
útbreiðslu efnanna er tiltölulega ný
og hún hefur komið vísindamönnum
nokkuð á óvart.
Þrávirk lífræn efni geta borist upp
í andrúmsloftið og borist langar leið-
ir með vindum. Þegar efnin berast
yfir í kalt loftslag falla þau niður til
jarðar. Þegar þau eru einu sinni
komin á norðlægar slóðir er mjög
erfitt fyrir þau að komast upp í and-
rúmsloftið að nýju og þess vegna era
þau þar kyrr. Þau berast síðan í líf-
keðjuna og valda röskun eins og ég
lýsti áðan. Þau era hins vegar ekki
hættuleg að því leyti að ég get
stungið hendinni í PCB án þess að ‘
verða fyrir alvarlegu heilsutjóni.
Mælingar á Islandi
mikilvægar
Hægt er að finna öll þessi 12 efni í
íslenskum fiski líkt og í fiski í flest-
um öðrum löndum. Efnin finnast í
litlum mæli og fiskurinn er eftir sem
áður mjög hollur matur. Þrávirk líf-
ræn efni berast að norður heim-
skautinu úr þremur áttum, frá Norð-
ur-Ameríku, frá meginlandi Evrópu
og frá Asíu og Rússlandi. Efnin sem
berast frá meginlandi Evrópu fara
yfir ísland og vægi þeirra í lífkeðj-
unni er mun minna en á Grænlandi
vegna þess að þau berast til Græn-
lands bæði frá Evrópu og N-Amer-
íku. Sama gildir raunar um N-
Kanada. Minna mælist af efnunum í
Skandinavíu en á íslandi. Mæl-
ingar í Rússlandi sýna að þar
finnst mikið af tilteknum efnum
en minna af öðram.
Mælingar frá íslandi hafa
hjálpað okkur mikið til að fylla
út í þá mynd sem við höfum í
dag af dreifingu þrávirkra líf-
rænna efna.“
Berast nægilega miklar tölu-
legar upplýsingar frá íslandi
um dreifingu þessara efna?
„Það er nauðsynlegt að fylgj-
ast stöðugt með útbreiðslu efn-
anna og hvemig vægi þeirra
breytist frá einum tíma til ann-
ars. Við þurfum því meiri upp-
lýsingar og vonandi getur Is-
land eins og hin löndin gert
meiri rannsóknir á þessu sviði.
Við getum alltaf gert betur.
Eitt af því sem væri nauðsyn-
legt að rannsaka betur hér er
breytileiki frá einum stað til
annars og frá einum hópi til
annars.“
Gilman sagði að ísland hefði
átt mikinn þátt í að koma á
samningum um takmörkun á
notkun þrávirkra lífrænna efna.
íslendingar væru ekki fjölmenn
þjóð, en fulltrúar þeiira hefðu talað
kröftugi’i röddu fyrir nauðsyn slíkra
samninga og svo sannarlega haft
áhrif. Mikilvægt væri að rödd ís-
lands yrði áfram sterk á þessum
vettvangi.
Löndin sem liggja að norður
heimskautinu, Kanada, Bandaríkin,
Grænland, ísland, Svíþjóð, Noregur,
Finnland og Rússland hafa með sér
samstarf sem miðar að verndun líf-
ríkisins. í vikunni var haldinn í
fyrsta skipti á íslandi fundur í heil-
brigðisnefnd þessa samstarfs. Gilm-
an sagði að á fundinum hefði verið
lögð fram áætlun um starf nefndar-
innar til næstu fimm ára. Lögð hefði
verið fram áætlun um söfnun upp-
lýsinga sem yrði grandvöllur að
starfi nefndarinnar næstu árin.