Morgunblaðið - 07.04.1999, Blaðsíða 11
MORGUNBLAÐIÐ
MIÐVIKUDAGUR 7. APRÍL 1999 11
FRÉTTIR
Slapp
ómeiddur
úr hrá-
efnistanki
Morgunblaðið/Arni Sæberg
GÓLF hinnar nýju Gullinbrúar var steypt í blíðuveðri á skírdag en
þegar brúargólf eru steypt verður að vinna án uppihalds þar til verk-
inu er lokið. Tók það allan daginn og fylgdist fjöldi manna með verk-
inu við aðalleiðina í þetta fjölmenna hverfi í Reykjavík.
Gólf Gullinbrúar steypt á skírdag
Verklok áætluð
fyrsta júlí
STARFSMAÐUR SR-mjöls
var hætt kominn er hann varð
fyrir súrefnisskorti í hráefn-
istanki verksmiðjunnar í
Helguvík um páskana. Rétt
viðbrögð starfsfélaga hans
urðu til þess að hann slapp
óskaddaður frá atvikinu, að
mati Eggerts Olafs Einars-
sonar verksmiðjustjóra.
Slysið bar að með þeim
hætti að maðurinn fór ofan í
hráefnistank tO að fjarlægja
aðskotahlut sem þai- var. Varð
hann var við að loftið í tankn-
um væri ekki nógu gott og tók
að loftræsta hann. Taldi hann
ástandið vera orðið í lagi en
svo var ekki og hneig hann nið-
ur áður en hann komst upp úr
tanknum á ný, að sögn Egg-
erts.
„Félagar hans tóku strax
loftslöngu og köstuðu niður til
hans þar sem hún lenti við vit
hans þannig að hann fékk súr-
efni nánast strax. A meðan
náði verkstjórinn í grímu og
sótti hann niður í kassann,"
segir Eggert sem segir að at-
burðarásin hafi verið mjög
hröð og telur að maðurinn hafi
einungis verið í nokkrar mín-
útur ofan í kassanum.
Að mati Eggerts varð það
manninum til happs að starf-
sélagarnir bruðgust hárrétt
við. Komst hann fljótlega til
meðvitundar á ný en var lagð-
ur inn á Landspítalann þaðan
sem hann var útskrifaður síð-
ar sama dag.
FRAMKVÆMDIR við tvöföldun
Gullinbrúar í Reykjavík eru á
áætlun en á skírdag var gólf
nýju brúarinnar steypt. Fóru í
það 150 rúmmetrar af steypu og
þurfti 30 ferðir steypubíla í
verkið. Járnbending ehf. sér um
brúarsmíðina og segir Elfar Óla-
son markaðsstjóri að margir hafi
fylgst með verkinu af áhuga,
ekki síst góðviðrisdagana um
páska, enda snertir framkvæmd-
in marga.
Um 23 þúsund bflar fara í dag
um Gullinbrú og segir Elfar við-
búið að umferðin verði enn meiri
þegar nýja brúin bætist við og
leiðin verður orðin greiðari inn
og út úr Grafarvogi. Verða þá
tvær akreinar í hvora átt. Verk-
lok eru áætluð 1. júlí og þá verður
einnig búið að smíða nýja bni fyr-
ir gangandi og hjólandi vegfar-
endur. Hún á að hanga milli
brúnna tveggja og stendur lægra
en bflabrúin. Segir Elfar göngu-
leiðina síðan greiða til beggja
handa undir brúarsporðana en
hann segir mjög mikla umferð
gangandi fólks um Gullinbrú.
Steypuvinnan gekk vel og stóð
hún allan skírdag. Elfar Ólason
segir að samkvæmt verkáætlun
hafi átt að steypa gólfið 1. aprfl
og stóðst það. Gólfið verður orðið
fullhart eftir um það bil mánuð.
Næsta verkefni er að ganga frá
handriðum og breyta handriði
eldri búarinnar. Hátt í 20 manns
vinna við verkið.
Morgunblaðið/Jón Svavarsson
Sumarbú-
staður ónýtur
eftir bruna
SUMARBÚSTAÐUR við Elliðavatn
er ónýtur eftir bruna aðfaranótt
mánudags. Húsið var mannlaust er
eldurinn kom upp og var bústaður-
inn alelda þegar Slökkvilið Reykja-
víkur kom á vettvang skömmu eftir
útkall klukkan 3.45. Mannaferðir
höfðu verið í bústaðnum kvöldið áð-
ur, en eldsupptök eru ekki kunn.
Fara þurfti um nokkurn veg til að
afla vatns og lauk slökkvistarfi á
klukkustund, en vakt var höfð við
húsið nokkru lengur. Varðstjóri hjá
Slökkviliði Reylq'avíkur taldi tjónið
verulegt því um var að ræða góðan
bústað. Litlar sem engar skemmdir
urðu á gróðri vegna eldsins.
Söfnun fyrir fjölskylduna sem
glímdi við veggjatítlu
310 þúsund kr.
hafa safnast
ALLS höfðu í gær safnast tæpar
310 þúsund krónur til handa fjöl-
skyldu sem varð fyrir því óláni að
veggjatítlur eyðilögðu hús hennar,
en fjölskylduna vantar um fimm
milljónir króna til að greiða kostnað
við uppbyggingu nýs húss. Þá hefur
glerverksmiðjan ÍSPAN boðist til
að gefa spegla og allt gler í húsið, að
sögn Jóhönnu Harðardóttur, for-
svarsmanns þeirra sem að söfnun-
inni standa. Einnig hefur húsgagna-
verslun boðist til að gefa fjölskyld-
unni húsgögn, en hún þarf að
brenna eldri húsgögn sín og bækur.
„Nú eru fyrstu dagarnir sem
bankar eru opnir eftir mánaðamót
og því viðbúið að fólk hafi meira fé
handa á milli á næstu dögum og geti
fremur látið aur af hendi rakna. Það
vantar meira, án þess þó að við för-
um fram á einhverjar sérstakar
upphæðir. Margt smátt gerir eitt
stórt og við gerum okkur vonir um
að landsmenn taki við sér nú og
leggi eitthvað inn á söfnunarreikn-
inginn,“ segir Jóhanna.
Óvissa um húsnæði
Söfnunarreikningurinn er í Spari-
sjóði Hafnarfjarðar og er númer
12000, en sparisjóðurinn er jafn-
framt fjárgæsluaðili söfnunarinnar.
Að sögn Jóhönnu mun fjölskyldan
þurfa að rýma kjallaraíbúðina sem
Hafnarfjarðarbær útvegaði henni 1.
maí næstkomandi. VíIjtöí hafi feng-
ist fyrir annarri íbúð á vegum bæj-
arins þangað til uppbyggingu húss
lýkur, en þau mál séu ófrágengin og
ekki vitað hvort af því verði eða
hvenær.
Morgunblaðið/Valdimar Kristinsson
ORRI frá Þúfu er óumdeilanlega eftirsóttasti stóðhestur landsins og
með langbestu stöðu allra hesta í kynbótamati Bændasamtakanna.
Knapi er Rúna Einarsdóttir.
Stóðhesturinn Orri frá Þúfu
Folatollurinn
hækkar um 67%
ÞRÍR af eigendum stóðhestsins
Orra frá Þúfu gerðu nýlega tilboð í
þá tíu folatolla sem seldir hafa verið
árlega á frjálsum markaði. Buðu
þeir 1,5 milljónir króna í pakkann
sem þýðir að hver tollur fer á 150
þúsund krónur. Er það 67% hækk-
un frá því verði sem tollarnir hafa
verið seldir á.
Samþykkt var að taka tilboði
þremenninganna sem tekur til
tveggja ára og fá þeir því að halda
alls 20 sinnum undir hestinn. Kjör-
in eru þau sömu og verið hafa á
þeim tollum seldir voru á frjálsum
markaði. Þessi samþykkt félagsins
rýrir mjög aðgang utanfélags-
manna að hestinum en mögulegt er
að einstakir eigendur selji undir
hann.
Samþykkt um hundahald á Kjalarnesi afgreidd í borgarráði eftir viku
Tekið verði tillit til
siónarmiða eigenda
MÓTMÆLAPLAGG sem meiri-
hluti kosningabærra íbúa á Kjalar-
nesi undirritaði og lagði fram 30.
mars síðastliðinn, gegn hugmynd-
um um bann við hundahaldi á Kjal-
arnesi er nú til skoðunar í borgar-
ráði en málið verður tekið íyrir og
afgreitt á fyrsta fundi ráðsins eftir
páska hinn 13. apríl.
Guðni Einarsson, hundaeigandi á
Kjalarnesi, er einn af foivígismönn-
um undirskriftasöfnunarinnar.
Hann segir þá sem skrifuðu undir
óánægða með að Kjalnesingar
hefðu ekki verið hafðir með í ráðum
við samningu reglugerðai'innar.
Guðni segir hundaeigendur á
Kjalarnesi ekki telja þörf á þeim
ströngu reglum sem gilda í Reykja-
vík. Það hafi vissulega verið í gildi
reglur á Kjalarnesi sem hafi dugað
hingað til. „Þetta er ekkert „villta
vestur“ hérna. Hundar er skráðir,
fara í hreinsun og eiga ekki að vera
á fiækingi.“ Guðni bendir á að
byggð á Kjalarnesi sé dreifð, eins
og í hverri annarri sveit. Hann sér
því ekkert til fyrirstöðu að mismun-
andi reglur um hundahald gilai á
Stór-Reykjavíkursvæðinu, eftir að-
stæðum á hverjum stað.
Óánægja hefur einnig komið fram
með hækkun gjalda á hundaeigend-
ur, að sögn Guðna. Til þessa hafi
Kjalnesingar borgað 2.000 króna
hundaeftirlitsgjald en eftir nýju
samþykktinni sé þeim gert að borga
9.100 krónur. Hundaeigendum hafi
því brugðið í brún þegar þeim bár-
ust bréf frá Heilbrigðiseftirliti
Reykjavíkur þar sem gjaldtakan er
tilkynnt og þeim ennfremur gert að
sækja um leyfi til hundahalds í
Reykjavík. Þeir telji tæplega
ástæðu til að sækja um leyfi sem
þeir hafi þegar. Þá fari þeir fram á
að veittur verði afsláttur á gjaldinu
á svæðinu ofan Leii’vogsár, líkt og
fordæmi eru fyrir í innheimtu
gatnagerðargjalda.
Guðni vildi leggja áherslu á að
með mótmælunum væri ætlunin að
knýja á um að meira tillit verði tek-
ið til þeirra sjónarmiða sem ríkt
hafa í Kjalarneshreppi. „Eg treysti
því að þessum sjónarmiðum verði
vel tekið.“
Jónas Vigfússon, fyrrverandi
sveitarstjóri Kjalarneshrepps og
núverandi formaður samstarfs-
nefndar Kjalarness, ráðgefandi
nefndar á vegum borgarinnar um
málefni Kjálarness, vísaði í bókun
nefndarinnar sem gerð var á fundi
hennar hinn 14. mars síðastliðinn
þar sem vakin er athygli á því að
„með þeirri lausn sem Heilbrigðis-
eftirlitið kynnti væri gengið lengi-a í
gjaldtöku en samkomulag vegna
sameiningar kvað á um.“
Samkomulagið er skýrt að mati
Jónasar. „I því segir: „Heilbrigðis-
eftmlit Reykjavíkur tekur við heil-
brigðiseftirliti á Kjalarnesi. Eigend-
ur hunda í dreifbýli verða undan-
þegnir hundaefth-litsgjaldi." Þetta er
það sem samið var um og við viljum
að staðið verði við, ef það er hægt.
Sveitarfélagið verður auðvitað að
gæta jafnræðis en það er svolítið að
vefjast fyrir mönnum,“ segir Jónas.
Að sögn Jónasar er vilji fyrir
hendi til þess að fylgja ákvæðum
samkomulagsins. „Menn eru að
reyna það eftir fremsta megni. Ég
held að það borgi sig frekar að gera
meira heldur en kveðið er á um í
samkomulaginu heldur en öfugt. Ég
trúi ekki öðru en menn geri það sem
hægt er.“
Helgi Pétursson, borgarfulltrúi,
formaður heilbrigðis- og umhverfis-
nefndar, og formaður sérskipaðrar
nefndar sem samdi drög að sam-
þykkt um hundahald í Reykjavík,
sem mótmælin beinast gegn, segir
að reynt verði að taka tillit til fram-
kominna sjónarmiða við endanlega
afgreiðslu málsins.
„Við höfum tekið við þessum at-
hugasemdum og gerum okkur grein
fyrir því að aðstæður eru mismun-
andi,“ segir Helgi. „Það sem menn
hafa verið að horfa á er skilgrein-
ingin á „dreifbýli“. Við lítum svo á
að Kjalarnes sé hluti borgarinnar,
eitt hverfa hennar. En aðstæður á
Kjalarnesi eni vissulega öðruvísi og
nú er bara að finna rétta lendingu í
málinu.“