Morgunblaðið - 07.04.1999, Blaðsíða 67

MORGUNBLAÐIÐ
MINNINGAR
MIÐVIKUDAGUR 7. APRÍL 1999 67
Megi Guð veita ykkur ti*ú, von og
styrk á erflðum stundum.
Hvíl í friði, kæra vinkona,
Asta María, Erna, Guðrún,
Jóhanna, Ragna,
Stefanía og Svava.
Hvað er líf og hvað er heimur?
Klæddur þoku drauma geimur.
Elsku Asta. Þessar ljóðlínur leit-
uðu á hugann þegar mér barst sú
frétt að þú værir dáin. Ótal spurn-
ingar og vangaveltur um ranglæti
eða óréttlæti heltaka hugsanir mín-
ar og reiðin kraumar í hjartanu.
Hvers vegna ert þú, ung og góð
kona tekin frá eiginmanni og tveim
einkar skýrum og vel gerðum börn-
um? Engin fást svörin.
Það er svolítið skondið hvernig
leiðir okkar hafa legið saman. Þú
varst ári á undan í skóla og fylgdir
þess vegna mínum árgangi í gegn-
um allan grunnskólann. Arið 1985
eignuðumst við báðar fyrstu börnin
okkar, þú Björn ívar og ég Krist-
ínu. Á þessum tíma unnum við Kalli
saman. Síðan fluttuð þið til Reykja-
víkur og Kalli lærði læknisfræði.
Árið 1993 fluttuð þið heim til Eyja
aftur. Ég man þegar ég frétti að þið
Kalli ættuð von á barni, hugsaði ég
með mér: „0, ég væri til í að liggja
með henni Ástu á sæng.“ Og viti
menn, að kvöldi 27. júlí 1993
hringdi mamma í mig og sagði að
Ásta og Kalli hefðu eignast dóttur
þá um kvöldið. Ég var þungt hugsi
þegar ég sofnaði þetta kvöld. -
Þetta ætlaði að klikka. En klukkan
5 um morguninn vaknaði éjg með
verki og yngsta dóttir mín, Agústa,
er fædd aðeins 12 tímum á eftir
henni Berglindi. Á meðan við lág-
um á sæng tók Kalli sínar fyrstu
vaktir sem nýráðinn læknir á
Heilsugæslu Vestmannaeyja. Hann
skoðaði húsið í Stóragerði að innan
en þú horfðir bara á það út um
gluggann á spítalanum og þið
ákváðuð að taka það á leigu. Við
voi-um svo lukkulegar að eiga stelp-
urnar okkar rétt fyiir Þjóðhátíð.
Um miðnætti aðfaranótt laugar-
dags skeiðuðum við á náttsloppnum
fram ganginn á spítalanum til að
reyna að sjá þegar kveikt yrði í
brennunni. Ekki fannst okkur nú
mikið varið í þann bjarma sem við
sáum og þessar örfáu rakettur. Við
vorum fljótar að fara upp í rúm aft-
ur og horfa bara á litlu gullmolana
okkar.
Veturinn 1993-1994 byrjaðir þú
svo í saumaklúbbnum með okkur.
Það er sárt til þess að hugsa, Ásta
mín, að það er ekki fyrr en í veik-
indum þínum að virkilegur vinskap-
ur fer að myndast á milli okkar. Þá
fyrst gáfum við okkur tíma til að
sitja saman og spjalla um börnin
okkar og okkur sjálfar.
Elsku Ásta, þú varst hreinasta
perla, hæverska, gleði og hjarta-
hlýja er það sem einkenndi þig.
Minninguna um þig mun ég ávallt
geyma í hjarta mér, ég sakna þín.
Ég sendi þér kæra kveðju,
nú komin er lífs þíns nótt.
Þig umvefji blessun og bænir,
ég bið að þú sofir rótt.
Þótt svíði nú sorg mitt hjarta,
þá sælt er að vita af því
þú laus ert úr veikindum þínum,
þín veröld er björt á ný.
(Þ.S.)
Megi góður Guð varðveita og blessa
minningu þína. Guð veri með okkur öllum.
Þín vinkona
Guðrún Kristmanns.
Á fógrum vetrardegi, þegar
náttúran skartar sínu fegursta,
slokknar ljós Ástu Garðarsdóttur.
Sólin var á lofti og baðaði allt með
geislum sínum og gyllti snæviþakin
fjöllin. Og nú er hún farin og algóð-
ur Guð hefur losað hana úr viðjum
sársaukans, en hann veitir okkur
líkn sem eftir lifum. Þegar sorgin
hellist yfir fólk, verður einatt fátt
um orð í fyrstu.
Söknuður og þakklæti fylgjast
að. Það finn ég svo vel nú þegar
Ásta Garðarsdóttir vinkona mín og
fyrrverandi starfsmaður er dáin.
Vinátta okkar hófst árið 1986 er
hún hóf störf hjá mér í leikskólan-
um Hraunborg.
Ég hafði þá nýverið tekið við
stjóm skólans. Ásta sýndi fljótt
hvað í henni bjó, var afar barngóð
og vann verk sín af mikilli fag-
mennsku og dugnaði. Hún var
traustur starfsmaður, listamaður í
samskiptum sínum við börnin. Hún
umgekkst hvern einstakling í
barnahópnum af einstöku næmi og
virðingu. I starfsmannahópnum var
hún traustur vinur og áttum við
margar ánægjustundir innan vinn-
unnar sem utan. Ásta og Karl,
ásamt Birni Ivari ungum syni sín-
um, voru þá nýkomin til Reykjavík-
ur. Karl var í námi við Háskólann
og vann Ásta við leikskólann á
námstíma hans. Eftir að fjölskyld-
an fluttist svo aftur til Vestmanna-
eyja fæddist þeim dóttirin Berg-
lind. Björn ívar var nú orðinn stóri
bróðir og var afar stoltur af litlu
systur sinni.
Vináttu Ástu átti ég áfram eftir
að fjölskyldan flutti til Eyja. Hún
vai- dugleg að viðhalda samband-
inu, sendi myndir af bömunum og
heimsótti okkur þegar tækifæri
gafst. Síðustu tvö ár hefur hún
komið oftar í heimsókn enda verið
oft á ferðinni vegna heimsókna til
lækna. Ásta hafði í tæp tvö ár tekist
á við andstæðing sem Ijóst var að
hafði undirtökin og raunar unna
stöðu, en henni hafði með hugrekki,
baráttukrafti og trú á lífíð tekist að
draga svo endataflið að maður trúði
að hún fengi lengi-i tíma.
Öllum þeim sem unnu og elskuðu
Ástu sendi ég mínar innilegustu
samúðarkveðjur. Eiginmanni,
börnum, Bimi Ivari og Berglindi og
foreldrum er missirinn sárastur.
Megi góður Guð styrkja ykkur í
sorginni. Blessuð sé minning Ástu
Garðarsdóttur.
Og því varð allt svo hljótt við helfregn þína
sem hefði klökkur gígjustrengur brostið.
Og enn ég veit margt hjarta harmi lostið,
sem hugsar til þín alla daga sína.
En meðan árin þreyta hjörtu hinna
sem horfðu eftir þér í sárum trega,
þá blómgast enn og blómgast ævinlega,
þitt bjarta vor í hugum vina þinna.
(Tómas Guðmundsson.)
Sigurborg Sveinbjörnsdóttir.
t
Systir mín,
HÓLMFRÍÐUR S. ÁRNADÓTTIR,
LILLÝ,
lést mánudaginn 5. apríl á Elli- og hjúkrunar-
heimilinu Grund.
Fyrir hönd aðstandenda,
Helgi. H. Árnason.
Elsku móðir okkar,
INGIBJÖRG GUÐMUNDSDÓTTIR,
lést á Sjúkrahúsinu í Keflavík þriðjudaginn
6. apríl.
Sigríður Júlíusdóttir,
Sólborg Júlíusdóttir,
Kristján Júlíusson,
Steinþór Júlíusson,
Bergmann Júlíusson,
Jóhanna Júlíusson,
Erlingur Björnsson.
t
Ástkær móðir okkar, amma og langamma,
ARNFRÍÐUR SIGURÐARDÓTTIR,
Austurbrún 6,
Reykjavfk,
áður til heimilís á Þingeyri,
Dýrafirði,
andaðist á Landspítalanum mánudaginn
5. apríl.
Jarðarförin verður auglýst síðar.
Grétar Sig. Arnaz,
Ósk Árnadóttir,
Kristján Sverrisson, Elísabet Sigurbjarnadóttir,
Arnar Sverrisson, Sólveig Hilmarsdóttir,
Sigurlaug Kr. Pétursdóttir, Stefán Þór Jónsson,
Garðar J. Grétarsson, Kristín Högnadóttir,
Arnfríður Ingibjörg Grétarsdóttir, Viktor Jónsson,
Bjarni Sigurður Grétarsson
og barnabarnabörn.
+
Ástkær móðir okkar, tengdamóðir, amma og
langamma,
FRÚ HANNA ANDERSEN,
Hlaðhömrum 2,
Mosfellsbæ,
lést laugardaginn 27. mars.
Jarðarförin hefur farið fram í kyrrþey að ósk
hinnar látnu.
Fyrir hönd vandamanna,
Helga Kristjánsdóttir,
Ágústa Þ. Kristjánsdóttir.
+
Elskuleg móðursystir okkar,
MAGNEA S. HALLDÓRSDÓTTIR,
Hrafnistu Hafnarfirði,
áður til heimilis á
Kaplaskjólsvegi 1, Reykjavík,
lést sunnudaginn 4. apríl.
Dóra Gunnarsdóttir Jónasson,
Hilmar Gunnarsson.
+
Elskuleg móðir okkar, tengdamóðir, amma og langamma,
EYRÚN ÁRNADÓTTIR,
Hrafnistu,
Hafnarfirði,
áður Baðsvöllum 13,
Grindavík,
lést að kvöldi páskadags.
Ásta Karlsdóttir Lauritsen, Jens Christian Lauritsen,
Edda Karlsdóttir, Finnbogi Björnsson,
Ásrún Karlsdóttir, Kristján Árni Kristjánsson,
barnabörn og barnabarnabörn.
Elskuleg eiginkona mín, móðir, tengdamóðir,
amma og langamma,
KRISTÍN AXELSDÓTTIR,
Álfhóli 5,
Húsavík,
lést á Sjúkrahúsi Húsavíkur sunnudaginn 28.
mars. Jarðarförin fer fram frá Húsavíkurkirkju
fimmtudaginn 8. apríl kl. 14.00.
Reynir Jónasson,
Jakobína Reynisdóttir, Kristinn Jónsson,
Jónas Reynisson, Brynja Björgvinsdóttir,
Oddfríður Dögg Reynisdóttir, Magnús Hreiðarsson,
Axel Reynisson, Jóhanna Guðjónsdóttir,
barnabörn og barnabarnabörn.
Elskuleg vinkona mín, móðir, tengdamóðir og
amma,
GUÐRÚN GUÐMUNDSDÓTTIR,
Sólheimum 23,
Reykjavík,
lést á Landspítalanum laugardaginn 3. apríl.
Andrés Finnbogason,
Ingibjörg Jónsdóttir, Sveinbjörn Einarsson,
Guðrún Dóra.
+
Eiginmaður minn, faðir okkar, tengdafaðir og afi,
HALLDÓR GUNNARSSON,
frá Einarsstöðum,
lést á Fjórðungssjúkrahúsi Akureyrar fimmtudaginn 25. mars sl.
Jarðarförin hefur farið fram í kyrrþey að ósk hins látna.
Stefanía Ingimarsdóttir,
börn, tengdabörn og barnabörn.
+
Elskulegur eiginmaður minn, faðir okkar,
tengdafaðir, afi og langafi,
EINAR EGILSSON
fyrrverandi innkaupastjóri,
Sólheimum 25,
Reykjavík,
sem lést á Landakotsspítala sunnudaginn
28. mars, verður jarðsunginn frá Langholts-
kirkju í dag, miðvikudaginn 7. apríl kl. 13.30.
Margrét Thoroddsen,
María L. Einarsdóttir, Hannes Sveinbjörnsson,
Egill Þ. Einarsson, Hlaðgerður Bjartmarsdóttir,
Þórunn S. Einarsdóttir, Halldór Árnason,
Sigurður Th. Einarsson, Auður Vilhjálmsdóttir,
Margrét H. Einarsdóttir,
barnabörn og barnabarnabörn.