Morgunblaðið - 09.04.1999, Qupperneq 29

MORGUNBLAÐIÐ
FÖSTUDAGUR 9. APRÍL 1999 29
LISTIR
Morgunblaðið/Sigurgeir Jónasson
ÞRIR af stofnenduni Lúðrasveitar Vestmannaeyja mættu á afmælis-
tónleikana. Frá vinstri: Haraldur Kristjánsson, Kjartan Bjarnason og
Árni Guðjónsson.
Lúðrasveit Vest-
mannaeyja 60 ára
Vestmannaeyjum. Morgunblaðið.
LÚÐRASVEIT Vestmannaeyja
fagnaði fyrir skömmu 60 ára af-
mæli sveitarinnar. Lúðrasveitina
stofnaði Oddgeir Kristjánsson,
tónskáld og tónlistarkennari,
ásamt fleirum og varð Oddgeir
fyrsti stjórnandi sveitarinnar en
fyrsti formaður hennar var
Hreggviður Jónsson. Oddgeir var
prímusmótor í starfí Lúðrasveit-
arinnar i áratugi og stjórnaði
henni til dauðadags árið 1966.
I sextíu ár hefur Lúðrasveitin
verið fastur punktur í tónlistar-
starfi í Eyjum og hefur leikur
sveitarinnar verið fastur liður á
ýmsum samkomum í Eyjum svo
sem á Sjómannadegi og Þjóðhá-
tíð.
Auk Lúðrasveitar Vestmanna-
eyja hefur verið starfrækt skóla-
lúðrasveit í Eyjum og hafa hljóð-
færaleikarar hennar skilað sér
upp í Lúðrasveit Vestmannaeyja
þegar þeir hafa náð þroska til.
Núverandi stjórnandi Lúðra-
sveitarinnar er Stefán Siguijóns-
son en hann hefur verið stjórn-
andi sveitarinnar samfellt frá ár-
inu 1988 en formaður Lúðrasveit-
arinnar er Hafsteinn Guðfinnsson.
Fjöldi hljóðfæraleikara Lúðra-
sveitarinnar hefur sveiflast tals-
vert til gegnum árin en nú eru um
20 hljóðfæraleikarar í sveitinni.
I tilefni afmælisins gaf Lúðra-
sveitin út veglegt afmælisblað þar
sem rakin voru brot úr sögu sveit-
arinnar í máli og myndum. Þá var
haldin í Listaskólanum sýning á
ýmsum munum, myndum og
hljóðfærum sem tengjast sögu
Lúðrasveitar Vestmannaeyja.
Einnig voru haldnir afmælistón-
leikar í sal Listaskólans og troð-
fylltu Eyjamenn salinn á tónleik-
unum til að samfagna með Lúðra-
sveitinni. I lok tónleikanna voru
Lúðrasveitinni færðar ýinsar gjaf-
ir í tilefni afmælisins en síðan hélt
Lúðrasveitin afmælishóf þar sem
öllum hljóðfæraleikurum sem
leikið hafa með sveitinni gegnum
árin var boðið.
LÚÐRASVEIT Vestmannaeyja á afmælistónleikunum í Listaskólanum.
Glefsur úr starfi
leigumorðingj a
ERLEIVDAR
BÆKUR
Spennusaga
LEIGUMORÐINGINN
„HIT MAN“
eftir Lawrence Block.
Avon Twilight 1999. 309 síður.
„HONUM fannst hann ekki vera
neinn sérstakur óþokki. Honum
fannst hann vera venjulegur ein-
hleypur náungi frá New York sem
bjó einn, borðaði úti eða tók mat
með sér heim, hunskaðist með
þvottinn í þvottahús, réð krossgát-
una í Times með morgunkaffinu.
Fór í líkamsrækt, átti í ómöguleg-
um ástarsamböndum við kvenfólk,
fór einn í bíó. Það voru átta milljón
sögur í borginni og fæstar merki-
legar, þar á meðal hans.“
Þannig lýsir hún sér aðalsögu-
hetjan í nýjustu sakamálasögu
bandaríska rithöfundaríns
Lawrenee Blocks, Leigumorðing-
inn eða „Hit Man“, sem kom út fyr-
ir skemmstu í vasabroti hjá Avon-
útgáfunni. Hann heitir Keller og er
ósköp venjulegur New York-búi
sem lifir rólegu og tilbreytingar-
lausu lífi einstæðingsins í stórborg-
inni. Ekki frábrugðinn nokkrum
manni nema jú, að einu leyti. Hann
er margfaldur morðingi. Þó dytti
honum aldrei í hug að drepa nema
fyrir pening.
Undarleg samkennd
Lawrence Block er afkastamikill
höfundur sakamálasagna og hefur
unnið til verðlauna fyrir skrif sín.
Eftir hann liggja fimmtíu bækur
eða svo og margar þeirra um Matt-
hew nokkurn Schudder. Hann til-
einkar Leigumorðingjann kollega
sínum, Evan Hunter, sem kannski
er betur þekktur undir nafninu Ed
McBain. Sá hefur efiaust gaman af
þessari nýjustu Blocksögu, kald-
hæðnislega húmornum, leigumorð-
ingjanum Keller, sem lesandinn
finnur undarlega samkennd með
um leið og hann auðvitað fyrirh'tur
hann, aðstæðum Kellers sem ein-
mana New York-búa sem gengur
til sálfræðings og krísum hans sem
miðaldra manns með vafasama for-
tíð og óráðna framtíð.
Það er auðvitað eitthvað stór-
kostlega brenglað við mann sem
tekur fé fyrir að stúta fólki en við
verðum aldrei vör við bilunina.
Þvert á móti. Maður spyr sig:
Hvernig getur hann verið svona
geðþekkur þessi morðingi? Bloek
gerir Keller að svo venjulegum
miðaldra manni að hann gæti þess
vegna verið tryggingasali. Bókin
skiptist í nokkra kafla sem lýsa
Keller í starfi og leik og heita eitt-
hvað eins og Val Kellers eða
Karma Kellers og Síðasta athvarf
Kellers. Ekkert er sagt frá því
hvernig hann leiddist út í þetta
„starf“ eða hverjum hann tengist.
Einhver maður, sem er á góðri leið
með að verða elliær, lætur hann
hafa upplýsingar í gegnum skrif-
stofudömuna sína, Dot, og annað er
það ekki. „Stai-fið“ krefst mikilla
ferðalaga og Keller er mest einn
með sjálfum sér. Hann er dæmi-
gerður einyrki og þjáist af lífsleiða.
Líka riddari
Það er ekki auðvelt að gera sér
grein fyrir hvernig Block kemst
upp með að gera morðingjann svo
viðkunnanlegan og fyrst og fremst
mannlegan. Það er eitthvað grát-
broslegt við Keller. Hann er ekki
geðsjúkur sadisti sem hefur unun
af því sem hann gerir. Hann hefur
engar tilfinningar til þess. Morðin
era eins og hvert annað starf. Ef
hann innti það ekki af hendi gerði
það einhver annar og græddi á því.
Stundum gerir hann mistök en þau
eru ekki honum að kenna heldur
elliæra kallinum sem útdeilir verk-
efnunum; hann getur ruglast á
númeri hótelherbergis og póst-
númeri og Keller myrðir á röngum
hótelgangi. Fylgir starfinu.
Hann er líka riddari. Bjargar
ungum dreng frá drukknun. En
mestmegnis er hann einn með
sjálfum sér að velta fyrir sér kross-
gátunni og hugsa um áhugamál
sem gæti hjálpað honum að drepa
tímann. Block hefur samið glefsur
úr lífi leigumorðingja og fjallað um
lífsleiðann í sömu andrá í bók sem
er alltaf áhugaverð aflestrar.
Arnaldur Indriðason
SIÐUSTU DAGAR
RÝMINGARSÖLUNNAR
20-70% afsláttur af öllum
vorum.
Við tokum á Nýbýlavegi og í Ármúla frá og
meó 12. apríl.
Opnum nýja, gtæsilega verslun f Bæjartind 6,
17. apríl.
Nýbýlavegi 30, (Dalbrekkumegin), sími 554 6300.
ÁrmúLa 7, sími 553 6540. Netfang: www.mira.is