Morgunblaðið - 11.11.2000, Blaðsíða 65
MORGUNBLAÐIÐ
LAUGARDAGUR 11. NÓVEMBER 2000 65
V..
KIRKJUSTARF
Kristniboðarnir vinna meðal margra afskekktra þjóðflokka. Þetta er kirkja
lítils safnaðar Gúdsjímanna skammt frá Arba Minch í Suðvestur-Eþíópíu.
Safnaðarstarf
Kristniboðs-
messa í
Hallgríms-
kirkju
SUNNUDAGURINN 12. nóvember
er hinn árlegi kristniboðsdagur
þjóðkirkjunnar. Þá verður kristni-
boðsstarf íslendinga til umfjöllunar í
kirkjum landsins. Samband ís-
lenskra kristniboðsfélaga hefur unn-
ið að kristniboðs- og líknarstarfi í
Eþíópíu og Kenýu undanfarna ára-
tugi og hefur starfið borið ríkulegan
ávöxt. Einnig stendur kristniboðs-
sambandið straum af útvarpssend-
ingum til Kína. Neyð fólks í andleg-
um og líkamlegum efnum er oft
mjög mikil í þriðja heiminum og er
þörf á að linna þjáningar þeirra og
neyð. íslenskir kristniboðar eru að
störfum í báðum þessum Afríkuríkj-
um.
Þennan dag verður sérstök
kristniboðsguðsþjónusta í Hall-
gn'mskirkju kl. 11.00 þar sem Guð-
laugur Gunnarsson predikar en
hann hefur um langt árabil starfað
sem kristniboði í Eþíópíu. Sr. Sig-
urður Pálsson þjónar fyrir altari. Við
guðsþjónustuna mun Scola Cantor-
um syngja undir stjórn Harðar As-
kelssonar auk þess sem Kanga-
kvartettinn mun syngja en hann
skipa fjórar stúlkur sem hafa allar
kynnst starfi kristniboðsins í Eþíóp-
íu og Kenýu af eigin raun og ber
söngvaval og söngstíll þeirra oft vott
um afríkanskar rætur þeirra. I guðs-
þjónustunni verður kirkjugestum
gefinn kostur á að láta gjafir af
hendi rakna til starfs Sambands ís-
lenskra kristniboðsfélaga. Bein út-
sending verður frá þessari guðsþjón-
ustu á Rás eitt hjá Ríkisútvarpinu.
Poppmessa í Hafn-
arfjarðarkirkju
SUNNUDAGURINN 12. nóvember
er kristniboðsdagur þjóðkirkjunnar.
Af því tilefni bjóða fermingarbörn í
Hafnarfjarðarkirkju til mikillar
veislu eins og vaninn er ár hvert á
þessum degi. Veislan hefst með
poppmessu í kirkjunni kl.20.30. í
poppmessunni syngur Páll Rósin-
kranz ásamt hljómsveitinni „Léttir
strengir" og gengið verður til altaris
við gospelsöng. Allir prestar kirkj-
unnar þjóna. Eftir poppmessuna
heldur veislan áfram í safnaðarheim-
ili kirkjunnar, Strandbergi. Þar
bjóða fermingai-börn foreldrum sín-
um, systkinum, vinum og öðrum sem
til kirkju koma upp á kaffihlaðborð
að hætti heimamanna. Allir eru að
sjálfsögðu velkomnir. Hefðbundin
guðsþjónusta fer fram kl. 11.00 um
morguninn og einnig er sunnudaga-
skólastarf bæði í kirkjunni og Hval-
eyrai-skóla.
Prestar Hafnaríjarðarkirkju.
Seljasöfnuður
tuttugu ára
NÚ í ár eru tuttugu ár liðin síðan
stofnuð var sérstök kirkjusókn í
Seljahverfinu í Breiðholti. Hverfið
hafði áður verið hluti af Breiðholts-
sókn en árið 1980 var Seljasókn
stofnuð enda hröð uppbygging í
hverfinu og fjöldi barna og unglinga.
Sr. Valgeir Ástráðsson hefur verið
sóknarprestur Seljasóknar nánast
frá stofnun safnaðarins. Seljasókn
þurfti, eins og allar kirkjusóknir í
nýbyggðahverfum, að búa við mjög
erfiðar starfsaðstæður í upphafi.
Guðsþjónustur og safnaðarstarfsemi
voru á ýmsum stöðum til þess tíma
að söfnuðurinn kom sér upp góðri
starfsaðstöðu í kirkjumiðstöð Selja-
kirkju. Seljakirkja var vígð árið
1987. Þar fer nú fram viðamikið
safnaðarstarf. Prestar Seljakirkju
auk sóknarprests eru sr. Ágúst Ein-
arsson og sr. Irma Sjöfn Óskarsdótt-
ir. Formaður sóknarnefndar Selja-
sóknar er Jón Guðmundsson.
Afmælis Seljasafnaðar verður
minnst sunnudaginn 12. nóvember.
Þá verður barnaguðsþjónusta í
kirkjunni kl. 11 með fjölbreyttri dag-
skrá. Kl. 14 verður guðsþjónusta.
Þar munu prestar kirkjunnar þjóna
fyrir altari, kirkjukórinn syngja og
Magnea Gunnarsdóttir syngja ein-
söng. I guðsþjónustunni predikar
Ólafur Skúlason biskup. Áð henni
lokinni verður boðið upp á hressingu
í kirkjumiðstöðinni. Kl. 16 verða tón-
leikar með léttri sveiflu í kirkjunni.
Þar syngja kirkjukór og barnakór
kirkjunnar undir stjórn Gróu
Hreinsdóttur. Hjördís Geirsdóttir
og Anna Sigríður Helgadóttir munu
einnig syngja. í kirkjunni verður
komið upp sýningu með myndum úr
tuttugu ára starfi ásamt því sem
sýndar verða tillöguteikningar að
nýjum steindum glergluggum í
kirkjusal.
I tilefni afmælisins verður gefið út
afmælisrit sem verður borið út í öll
heimili sóknarinnar. Einnig er hægt
að fá ritið í kirkjunni. Safnaðarfólk
og aðrir velunnarar Seljakirkju er
hvatt til að taka þátt í dagskrá
kirkjunnar 12. nóvember.
Guðsþjónusta
kvennakirkj unnar
KVENNAKIRKJAN heldur guðs-
þjónustu í Grensáskirkju sunnudag-
inn 12. nóvember kl. 20.30. Yfirskrift
messunnar er vináttan. Jóhanna
Þráinsdóttir, nýútskrifaður guð-
fræðingur, predikar um vináttu
kvenna. Margrét Guðmundsdóttir
kennai-i talar um skort á vináttu og
tengir það við vináttuskortinn við
kennarastéttina.
Ásgerður Júníusdóttir syngur ein-
söng við undirleik Aðalheiðar Þor-
steinsdóttur. Kór Kvennakirkjunnar
leiðir almennan söng. Kaffi verður á
eftir í safnaðarheimilinu.
Fimmtudaginn 16. nóvember kl.
17.30 verður síðdegisboð í Þingholts-
stræti 17. Gestir verða höfundar
skáldsögunnar Dísar, þær Oddný
Sturludóttir, Silja Hauksdóttir og
Birna Anna Björnsdóttir. Dís fjallar
um líf ungrar konu sem býr í miðbæ
Reykjavíkur og tekst á við vandann
sem fylgir því að fóta sig í kynhlut-
verkinu og velja hvað hún ætlar að
verða þegar möguleikarnir virðast
óteljandi. Heitar vöfflur og kaffi
verða á boðstólum. Allt fólk er vel-
komið.
Sr. Sigurður Grétar
settur í embætti
SUNNUDAGINN 12. nóvember kl.
11 mun sr. Jón Dalbú Hróbjartsson,
prófastur í Reykjavíkurprófasts-
dæmi vestra setja sr. Sigurð Grétar
Helgason í embætti sóknai-prests í
Seltjamarneskirkju.
Sr. Sigurður Grétar hefur starfað
sem prestur við Seltjarnarneskirkju
frá febrúar 1998 en hann var skipað-
ur sóknarprestm- í Seltjarnarnes-
prestakalli frá og með 1. október sl.
Við athöfnina mun kammerkór
Seltjarnarneskirkju syngja undir
stjórn Vieru Manásek organista og
Eiríkur Öm Pálsson leikur á tromp-
et.
Starfsfólk og sóknarnefnd kirkj-
unnar býður sr. Sigurð Grétar
velkominn til starfa og hvetur söfn-
uðinn til að mæta til helgrar stundar
og samfélags næstkomandi sunnu-
dag.
Að guðsþjónustu lokinni verður
kirkjugestum boðið til safnaðar-
heimilis í léttar veitingar.
Sóknarnefnd Seltjarnarnes-
kirkju.
*
Hver var Olafía r
Jóhannsdóttir?
GUÐRÚN Ásmundsdóttir leikkona
mun flytja erindi um Ólafíu Jó-
hannsdóttur næstkomandi sunnu-
dag, 12. nóvember, á fræðslumorgni
í Hallgrímskirkju sem hefst kl. 10
f.h. Ólafía starfaði í Osló, einkum
meðal stúlkna sem lent höfðu á
glapstigum, og var henni reistur
minnisvarði þar fyrir óeigingjarnt
brautryðjendastarf. Einnig kom hún
við sögu kirkju og kristni á íslandi á
fyrstu áratugum 20. aldar. Guðrún
hefur verið að rannsaka æviferil
þessarar frænku Einars Benedikts-
sonar, sem m.a. er getið í ævisögu
hans, og verður án efa fróðlegt að
heyra hvers Guðrún hefur orðið vís-
ari.
Kl. 11 hefst svo í kirkjunni messa
á kristniboðsdegi þar sem Guðlaug-
ur Gunnarsson kristniboði mun
predika og séra Sigurður Pálsson
þjóna fyrir altari.
Neskirkja. Félagsstarf eldri borgai’a
í dag kl. 14 í safnaðarheimilinu. Sleg-
ið á létta strengi. Bingó. Kaffiveit-
ingar. Munið kirkjubílinn. Allir vel-
komnir.
Grafarvogskirkja. AA-hópur kl. 11.
Langholtskirkja. Sjálfstyrkingar-
námskeið fyrir konur; seinni hluti kl.
14-17 í loftsal Langholtskirkju.
Fríkirkjan Vegurinn: Fjölskyldu-
samkoma kl. 11. Brauðsbrotning.
Samkoma kl. 20. Brauðsbrotning.
Högni Valsson predikar. Allir hjart-
anlega velkomnir.
KEFAS: Samkoma í dag laugardag
kl. 14. Ræðumaður Björg R. Páls-
dóttir. Gleði, friður og fögnuður í
húsi drottins. Allir hjartanlega vel-
komnir. Þriðjud.: Bænastund kl.
20.30. Miðvikud.: Samverustund
unga fólksins kl. 20.30. Fim.: Menn
með markmið kl. 20. Föstud.: Bæna-
stund unga fólksins kl. 19.30. Allir ,
hjartanlega velkomnir.
Landakirkja í Vestmannaeyjum. Kl.
14.15 æfing hjá Litlum lærisveinum
og hljómsveit í safnaðarheimilinu
fyrir þjóðlagamessu sem verður 19.
nóv.
Hvammstangakirkja. Sunnudaga-
skólikl. 11.
Akraneskirkja. Kirkjuskóli kl. 11.
TTT-starf (10-12 ára) kl. 13. Um-
sjón: Hreiðar Örn Stefánsson.
ÞAÐ ER ALLT ORÐIÐ HVÍTT!
Nú er vetur gengin í garð og tími til komin að setja
vetrardekkin undir bílinn. Hjá Bílkó færðu úrvals
vetrardekk af öllum stærðum og gerðum. Spólaðu
ekki í sama farinu! Pantaðu tíma í síma 557 9110
eða komdu við á smiðjuvegi 34-36 og þú færð
toppþjónustu á hreint ótrúlegu verði.
BÍLKÓ EHF.- Bifreiðaþjónusta - Dekkjaverkstæði ■ Bílaþvottur Smiðjuvegur 34-36 ■ Kópavogi ■ Sími 557 9110 ■ Rauð gata OPIÐ 08-18 MÁN-FÖS. OPW 10-16 LAU. NEYOARÞJÓNUSTAN ALLTAF 0P1N SÍMI800 4949.
C