Skírnir - 01.01.1892, Page 5

Löggjöf og landstjórn.
6
Heiðwrsmerki fengu á árinu:
Kapteinn C. Berg á Framnesi í Dýrafirði var sæmdur riddarakrossi
dannebrogsorðunnar 19. maí og sömuleiðis prófastarnir Sœmundur Jónsson
í Hraungerði, Hjörleifur Einarsson að Undirfelli og Davíð Ouðmundsson
að Hofi 21. s. m. og enn fremur Báll Mélsteð sögukennari 27. sept. En
heiðursmerki dannebrogsmanna fengu bændurnir Einar B. Guðmundsson
á Hraunum í Fljótum og Jón Jóakimsson á Þverá í Laxárdal 21. maí og
enn fremur prestaskólaforstjðri Helgi Hálfdánarson 2. nóv.
Heiðursgjafir úr styrktarsjóði Kristjáns konungs IX fengu Guðmund-
ur Guðmundsson, bóndi á Auðnum á Yatnsleysuströnd, fyrir framúrskar-
andi hýsing, jarðabætur og sjávarútveg, og Jón Guðmundsson á Efribrú í
Grímsnesi fyrir framúrskarandi jarðabætur og hýsing á ábýlisjörð sinni,
140 kr. hvor.
Samgöngumál. Þar er frá fáum nýungum að segja að þessu sinni.
Að vegabótum á aðalvegum í ýmsum héruðum var unnið öllu meira en
áður hefir verið, þar sem fé til þess af landssjóði var ætlað nokkru ríf-
legra. Aðalvegabót á kostnað landssjóðs var gerð í Húnavatnssýslu og
var til hennar varið rúmum 11,000 kr., til vegagerðar i ölfusi var varið
tæpum 10,000 kr. og til vegabótar í Eyjafirði og milli Akureyrar og Odd-
eyrar var varið alls 6,500 kr., en til vegabóta og annars kostnaðar, er af
þeim stafar, var varið alls rúmum 36,000 kr.
Af mikilsverðum vegabótum, er að meira eða minna leyti voru gerðar
á kostnað einstakra sveitarfélaga, má nefna dragferju, er sett var á vestari
ós Héraðsvatnanna í Skagafirði; stóð fyrir smíði ferjunnar og öllum þeim
útbúningi Sigurður Ólafsson, bónda í Ási í Hegranesi, hagleiksmaður; má
á henni ferja 8—10 hesta í einu með öllu reiðveri og mönnum. Á Bjarna-
dalsá í önundarfirði var og gerð brú, þar sem áður hafði engin verið, og
Bömuleiðis á Skraumuhlaupsá í Hörðudal.
Samkvæmt fjárveiting síðasta alþingis og ákvæðum var póstferðum
fjölgað að góðum mun milli Beykjavíkur og endastöðva aðalpósta út um
landið, þar sem bætt var 2 nýjum póstferðum við þær, sem áður voru,
svo að þessar póstferðir voru nú 14 alls; enn fremur var aukapóstferðum
fjölgað að sama skapi og teknar upp nokkrar nýjar og aðrar lengdar, en
ný póstafgreiðsla stofnuð á Þingeyri í Dýrafirði og settir 43 nýir bréf-
hirðingastaðir, eu að eins 6 lagðir niður.
Samgöngur á sjó meðfram ströndum landsins voru þétta árið öllu lé-