Skírnir - 01.01.1892, Page 24

24
Frá. öðrum löndum.
var bæði bermálaráðgjafi og æðBti ráðgjafi — og Ribot, hélt áfram að vera
utanríkisráðgjafi. Constans hafði hlaupið á sig á þingi og gefið einum
Boulangersliða, Laur, löðrung i þingsalnum. Þótti mörgum nú vænt um,
að hann komst ekki í hið nýja ráðaneyti:
Loubet er talinn ráðvendnismaður. Hann lýsti yfir á þingi 3. marz,
að 8tjórnin vildi halda öllu í gamla horfinu, beita lögum þeim, sem til
væru, en ekki skilja sundur ríki og kirkju að svo komnu.
Nokkru síðar varð líka ráðgjafaskipti á Ítalíu. Káðaneyti Budinis
átti í kröggnm, er stöfuðu af fjáreklu. Ítalía eyðir ðgrynni fjár til hers
og flota vegna þess, að hún er þriðji liður þrenningarsambandsins. Þing-
ið lýsti vantrausti sínu á fjárhagsstjðrn Rudinis. Vék hann þá úr sessi,
en Giolitti, sem áður sat í ráðaneyti Cripsis, skipaði ráðaneyti. Hinn 25.
maí lýsti hann yfir á þingi, að hann mundi enga nýja skatta leggja á
þjóðina, en reyna að minnka útgjöld. „Utanrikissamband vcrt, sem að eins
er til þess stofnað, að vernda friðinn við öll ríki, gefur oss afi til að sýna,
að Ítalía tryggir friðinn, sem allar Evrópuþjóðir þurfa". Af þessu sést,
að Giolitt.i fylgir stefnu Rudinis í utanríkismálum. Ítalíukonungur sýndi
Þýzkalandskeisara vinátturnerki. Umberto konungur og Mnrgarita drottn-
ing hans heimsóttu keisara í Berlín í júnímánuði. Berlínarbúar fögnuðu
Umberto forkunnar vel, og mörg voru þau vinahót og vinaorð, sem fóru
ítölum og Þjóðverjum á milli þá dagana. Fögur orð voru töluð um sam-
bandið. Allt annað hljóð var í strokknum í júlímánuði.
Hinn 7. júlí hittust þeir Rússakeisari og Þýzkalandskeisari í Kiel.
Alexander þriðji kom þangað á skipi sínu „pólstjörnunni" frá Höfn, en
þar dvaldi hann sem gestur tengdaföður síns, Kristjáns niunda, við gull-
brúðkaup hans. Vilhjálmur keisari gaf honum nafnbót aðmiráls í Þýzka-
landsflota og þakkaði hann fyrir það i veizlunni, er honum var haldin, á
frönsku. Og ekki samdi þeim keisurunum betur en svo, að samdægurs um
kveldið sigldi Alexander aptur burt á skipi sínu til Hafnar. Þýzku blöð-
in fóru nú að kvisa, að Rússakeisari hefði lofað í Kiel, að styðja ekki
Frakkland, ef það reyndi að taka aptur Elsass-Lothringen frá Þýzkalandi;
en þessu var þverneitað af rússnesku blöðunum.
Reyndar hafði, í júnímánuði, föðurbróðir Alexanders keisara, Constantin
Constantinovitsj, komið til Nancy (bæ við austurlandamæri Frakklands),
að heilsa upp á Carnot forseta. Voru þar mikil hátíðahöld, sem fimleika-
félög franskra stúdenta stóðu fyrir, og höfðu þau boðið þangað stúdentum
allra Evrópuþjóða nema Þjóðverja. Einkum voru Tjekkarnir frá Bæheimj