Skírnir - 01.01.1909, Blaðsíða 65
Ágrip
af
upptökum og sögu kvenréttindahreyfingarinnar
í Ameriku.
II.
Sagan um kvennafundinn í Seneca Falls flaug eins
og eldur í sinu um alla Ameríku og gerði þennan smábæ
sem fáir þektu, frægan á fáum dögum. Alt komst í upp-
nám út af þessum dæmafáu tíðindum. Blöðin skopuðust
napurlega að konunum, prestarnir þrumuðu á móti þeim
frá prédikunarstólnum, kölluðu þær »Belialsdætur« og
ýmsurn öðrum sæmdarnöfnum. Eiginmenn ýmsra fundar-
kvennanna náðu ekki upp í neflð á sér út af allri þeirri
svívirðingu, sem þær hefðu gert þeim. Faðir E. Stanton
kom með fyrstu hraðlest um nóttina á eftir til að vita
hvort hún væri með öllu ráði. Og hún segir sjálf, að ef
heilbrigðisástand sitt hefði ekki verið jafn-gott og það var,
þá mundi sér hafa verið stungið inn í vitlausra spítala.
Árið 1849 sendu þeir Garrison og Phillips áskorun
um kosningarrétt kvenna til þingsins í Massachusetts,
undirskrifaða af 2000 konum. Árið 1850 myndaðist
fyrsta kvenréttindafélagið í Boston, og sama árið boðaði
Mrs. Paulina Wright Davis til fundar í bænum Worcester
í Massachusetts. Þessi fundur var miklu betur undirbúinn
en fundurinn í Seneea Falls. Meðal fundarboðendanna
var Abbey Kelly, ein af allra harðvítugustu og dugleg-
ustu fyrirlestrakonunum, Garrison, Phillips, Friðrik
Douglass, (hinn frægasti maður, einn af þrælunum, sem
6