Skírnir - 01.01.1910, Page 39

Gláma.
39
breðar1) eða skriðjöklar. í harðindaárum eru fannalög
auðvitað mikil á fjallinu og þar af er jökulnafnið komið.
Þegar þess er gætt, að snælínu- eða jökulmarkahæðin
sunnan á Snæfellsjökli er um 3200 fet og 2000 fet sunnan
á Drangajökli, þá er ekki ósennilegt eftir afstöðunni, að
hún sé einhversstaðar þar á milli á kjálkanum norðan
Breiðafjarðar sunnanverðum, enda er það nú sýnt og
sannað með því sem þegar er sagt, að jökulmörkin liggja
þar ekki neðar en 2700—2800 fet yfir sjó, þar sem Gláma,
2872 feta há, er jökullaus. En sjálfsagt mætti hún ekki
hækka mikið til þess hún hyldist samfeldri jökulbreiðu.
Væri það rétt, sem stendur í lýsingu Islands, að snjó-
línan á þessu svæði muni vera um 2000 fet yfir sjó, hlyti
Gláma öll að vera jökli hulin, ekki síður en Drangajökuls-
bungurnar; í krikanum vestan undir hábungunum mundi
þá liggja mörg hundruð feta þykk jökuldyngja, og niður
frá þessum mikla jökulfláka mundu þá að öllum líkindum
teygja sig bungóttir og sprungnir breðafossar niður i
dalabotnana, sem að henni liggja, — en engu slíku er
hér til að dreifa. Sögu Glkmu-jöktds ætti þá að vera
lokið í bráð.
*) Norska orðið „öree“ = skriðjökull er eflaust sama og ísl. orðið
breði. Er ekki ólíklegt, að skriðjöklar hafi til forna heitið bretSar.
Þessi ákveðna merking orðsins hafi svo haldist i Noregi, en gleymst
hér. En nú ætti að taka orðið upp aftur í þessari merkingu.
Stefán Stefánsson.