Skólablaðið - 01.07.1919, Page 14

IIO
SKÓLABLAÐIÐ
skylda kennarana til að ganga í sumarskóla á þriggja til fimm
ára fresti. Hefi jeg ritað nokkuð um þetta í grein, sem heitir:
,,Stjórnarbylting á skólasviðinu." Læt jeg mjer nægja, að sinni,
að vísa til hennar.
Steingrímur Arason.
Samtök með kennurum.
Almennur kennarafundur.
Mánudaginn 30. f. m. var haldinn almennur kennarafundur
í barnaskólahúsinu í Reykjavík. Fyrir fundinum gengust nokkrir
kennarar utan af landi, sem staddir voru í bænum (Björn H
Jónsson úr Vestmannaeyjum, Snorri Sigfússon á Flateyri o. fl.).
Morten Hansen skólastjóri stýrði fundi, en ritari var kjörinn
Helgi Hjörvar. Fundurinn var boðaður með fárra stunda fyrir-
vara og komu þó saman um 40 kennarar, um helmingur þeirra
úr Reykjavík, en hinir víðs vegar af landinu, staddir í bænum
í ýmsum erindum.
í fundarbyrjun flutti Steingrímur Arason, sem þá var nýkom-
inn úr Vesturheimsför sinni, erindi um nýjustu stefnu Banda-
ríkjamanna um starfsaðferð og stjórn í barnaskólum.
petta var daginn fyrir þingsetningu. Fundarmönnum var það
Ijóst, að frumvarp stjórnarinnar um kjör kennara skifti nú mestu
máli að sinni, og sneri fundurinn sjer einkum að því. Var í því
máli samþykt einum rómi ávarp það til Alþingis, sem birt er
fremst í þessu blaði.
pá var kjörin nefnd þriggja manna, til þess að vinna þegar að
almennum samtökum með kennurum, sjerstaklega um einhver
úrræði, ef þingið skyldi enn engu sinna kröfum þeirra eða setja
þá eina hjá um launabætur. Kosnir voru Björn H. Jónsson,
skólastjóri úr Vestmannaeyjum, Hallgrímur Jónsson og Stein-
grtmur Arason. Nefndin hefir þegar náð sambandi við allan
fjölda kennara úti um land, enda höfðu margir þeirra að fyrra
bragði snúið sjer til kennara hjer í Reykjavík um þessi hin sömu