Bókasafnið - 01.04.1993, Side 24

skráningu, leit og móttöku á færslum. Ekki er hægt að
bæta öðrum forritum við EMBLU LITLU. Sérstakt til-
boðsverð er á kerfinu, og með því reynt að koma til
móts við lítil fjárráð minni bókasafna.
Umboð fyrir EMBLU hefur Lindin hf. útgáfa og
dreifing. Rúmt ár er síðan EMBLA kom á markað hér-
lendis.
EMBLA með skráningu og upplýsingaleit kostar kr.
186.750 (með vsk), öll útprentun og skýrslugerð innifal-
in. Verð á öðrum þáttum: Utlán kr. 80.925, samskipti og
nettenging kr. 18.675, aðföng kr. 24.900, tímarit kr.
24.900, lyklun kr. 24.900, fjarskipti kr. 37.350, samskrá
kr. 49.800, flutningur á Dobis-færslum kr. 6.250.
EMBLA er í stöðugri þróun með nýjar útgáfur einu
sinni til tvisvar á ári, eða eins oft og þurfa þykir, notend-
um að kostnaðarlausu. Umboðsaðilar taka á móti ábend-
ingum og vandamálum sem upp koma hverju sinni, og
vinna í nánu samráði við hönnuðina. Um þessar mundir
er verið að mynda notendahóp hér á landi.
Notendur Emblu:
Bókasafn Landlæknisembættisins, Bókasafn Hagstofu
Islands, Sjávarútvegsbókasafnið, Héraðsbókasafn Borg-
arfjarðar í Borgarnesi, Héraðsbókasafn A-Skaftafells-
sýslu á Höfn, Héraðsbókasafn Strandasýslu á Hólmavík,
Safnadeild Ríkisútvarpsins, Skólasafnamiðstöð Reykja-
víkur, Glerárskóli, Lundarskóli og Síðuskóli, allir á Ak-
ureyri.
Notendur Emblu litlu:
Sorpa, Rafmagnsveita Reykjavíkur, Bókasafn starfs-
manna Landsbanka Islands, Kópavogsskóli, Iðnskóli
Hafnarfjarðar.
Eiríkur Þ. Einarsson
EMBLA í Sjávarútvegsbókasafninu
/
Sjávarútvegsbókasafninu er notað ástralska bóka-
safnskerfið Embla. Kerfið var sett upp á tölvukerfi
Rannsóknastofnunar fiskiðnaðarins. Hafist var handa
við skráningu bóka og tímarita um mitt ár 1992 og um
áramótin höfðu verið skráðar um 1500 bækur og u.þ.b.
600 tímarit.
Enn er ekki farið að gera kerfið aðgengilegt fyrir al-
menning, en það er fyrst og fremst vegna húsnæðisbreyt-
inga á Rannsóknastofnun fiskiðnaðarins.
Aðgangur almennings er annars hugsaður þannig að
starfsmenn Rannsóknastofnunar fiskiðnaðarins geta
klikkað með mús á upplýsingaleit í „Windows“-kerfinu
og fengið upp leitarglugga Emblu og leitað beint frá
skrifborðum sínum. Verið er að kanna möguleika á því
að þetta verði einnig unnt á tölvukerfi Hafrannsókna-
stofnunar. Tölvukerfi þessara tveggja stofnana eru ekki
samhæfð eins og stendur, en það verður vonandi áður en
langt um líður.
Á báðum stofnunum sem aðild eiga að bókasafninu
eru myndbönd sem einnig eru skráð inn í bókasafnskerf-
ið og ennfremur er fyrirhugað að skrá ljósmyndasöfn
stofnananna í kerfið. Þannig er unnt að skrá í eitt kerfi
gögn í ýmsu formi sem til eru á stofnununum. Enn sem
komið er hefur Sjávarútvegs-
ráðuneytið ekki tekið þátt í
samstarfinu um bókasafnið, en
það er í bígerð.
Embla er tiltölulega auðveld í
notkun og þarf ekki að leita í
leiðbeiningabæklingum til að
finna út hvernig á að gera hlut-
ina.
Helstu kostir eru þeir að
kerfið er auðvelt í notkun,
skráning safnefnis er auðveld.
Aðeins ein valmynd er notuð en
innskotsvalmyndir birtast þegar
höfundar eru skráðir og sést þar hvort viðkomandi höf-
undur er kominn áður inn í kerfið. Er hann þannig
skráður einu sinni, og seinni rit tengd við hann. Sama á
við um útgefanda og efnisorð. Þegar bók er skráð sem
hefur svipaðan titil og bók áður skráð í Emblu, lætur
kerfið vita og gefur kost á að laga fyrri skráningu. Þetta
er mjög þægilegt þegar margra binda verk með sama titli
eru skráð. Þarf þá aðeins að breyta því sem er öðruvísi,
eins og t.d. samlögn. Flest efnisorð hjá okkur eru á
ensku, en reynt er að vísa á milli eftir því sem við á ef
efnisorð eru á íslensku.
Kerfið gerir ráð fyrir að allt safnefni, þ.e. tímarit, bæk-
ur og annað efni, fái strikamerki þegar það er skráð inn í
kerfið. Það er reyndar val hvort tímarit eru strikamerkt
eða ekki, en ef valið er að sleppa strikamerkingu tímarita,
er kerfið nokkuð takmarkandi. Það gefur t.d. ekki
möguleika á að lykla greinar úr tímaritum nema þau séu
strikamerkt. Þetta er ef til vill skiljanlegt vegna þess að
lyklunarþáttur er seldur sérstaklega. Aðrar takmarkanir
hafa ekki verið áberandi við skráningu og aðra notkun á
kerfinu.
Nýjar útgáfur af kerfinu hafa verið settar inn eftir því
sem þær hafa birst og hafa engin vandkvæði komið upp
sem við höfum þurft að kvarta
yfir. Reyndar erum við svo vel
sett hér að tæknimaður sá sem
sér um uppsetningu á kerfinu
vinnur í húsinu og fáum við
þess vegna skjóta og góða þjón-
ustu ef eitthvað kemur upp á.
Samstarf við önnur söfn sem
keypt hafa kerfið hefur ekki
verið neitt. Við höfum lítillega
ræðst við í síma og talað hefur
verið um að koma á fót not-
endaklúbb, en ekkert hefur orð-
ið úr því enn sem komið er.
24