Dagblaðið Vísir - DV - 31.01.1992, Blaðsíða 25

FÖSTUDAGUR 31. JANÚAR 1992.
33
„Meira öryggi sýnist mér í þvi að Gorbatsjov væri æðsti yfirmaður hermála austur þar...“
A leiksviði
lífsins
Merkilegir, heimssögulegir at-
burðir hafa gerst hin síðustu ár:
konunúnisminn í Austur-Evrópu
hrunið til grunna og Sovétríkin
endanlega lögð niður um síðustu
áramót. En þjóðir eru Vestur-
Evrópu hins vegar að búa sig undir
að leggja niður landamæri og
stofna kapítaliskt stórríki þar sem
miðstjórn auðvaldsherranna í Evr-
ópu stjórnar að miklu marki lífi og
starfi fólksins til ystu endimarka
stórríkisins. Þar sem gilda sameig-
inlegir stjórnarhættir og efnahags-
stefna. (Ef ég skil rétt það sem á
spýtunni hangir).
Erfitt er að átta sig á þvi hvemig
öll þessi ósköp geta gerst á svo
stuttum tíma. - Gott eitt er um það
að segja að harðstjórum Austur-
Evrópuríkja hefur verið steypt af
stólum. - Það er mikil sorgarsaga
hve þeim hefir tekist að draga
kommúnismann djúpt niður í fen
spillingar, kúgunar og ofbeldis,
sem ekkert á skylt við kommún-
isma eða sósíalisma, er byggir á
frelsi, jafnrétti og félagslegu vel-
ferðarkerfi, heldur hreinræktaður
fasismi í sinni dýrslegu mynd og
kapítaliskt siðleysi.
Þetta var sá skaðvaldur sem
hindrað hefir vöxt heilbrigðrar
vinstri stefnu á Vesturlöndum (sem
íslendingar hafa fengið að kynnast
flestum betur) þess vegna var líka
svo léttur leikur fyrir auðvalds-
stefnur vestrænna þjóða að hasla
sér völl og búa til risastóra grýlu í
austri, byggja upp öndvegi auð-
magnsins og þrýsta manngildi und-
ir spilaborð peningavaldsins.
En allt hefir sín takmörk. Nú er
hún gamla grýla dauð svo að ekki
hjálpar hún lengur. Og valdakerfi,
sem er rotið og spillt, er dæmt til
að hrynja. Það er lögmál sem kapít-
alisminn fær ekki undan vikist. Þó
auðvald Evrópu æth að reisa hon-
um órjúfandi vígi í evrópsku stór-
ríki hlýtur það vígi fyrr eða síðar
að grotna niður. Réttlætið lætur
ekki að sér hæða. Þetta er aðeins
spurning um tíma.
Blikur á lofti
Uggvænlegt ástand ríkir nú í
Austur-Evrópu og ekki er séð fyrir
endann á því hvaða afleiðingar það
hefur fyrir þær þjóðir, sem áður
nefndust Sovétríki að hafna forystu
Mikhails Gorbatsjov og ekki er
ólíklegt að það hafi alvarlegar af-
KjaHarinn
Aðalheiður Jónsdóttir
verslunarmaður
leiðingar fyrir allan heiminn.
Meira öryggi sýnist mér í því að
Gorbatsjov væri æðsti yfirmaður
hermála austur þar en Jeltsín eða
að þessu yrði skipt milli ríkjanna.
Það er næstum því grátbroslegt
að lýðræðissinnarnir svo kölluðu,
sem stofnuðu þetta ríkjasamband,
hafa engin lög og vita ekkert hvað
þeir geta gert eða eiga að gera eftir
að þeir sundruðu Sovétríkjunum,
brutu gildandi lög og vildu ekkert
við forsetann tala heldur taka völd-
in í sínar hendur. Voru þetta lýð-
ræðisleg vinnubrögð eða var þetta
valdarán?
Lýðskrum og valdagræðgi
Það er staðreynd að lýðskrumur-
um hefir oft tekist á undraverðan
hátt að ná til fólksins og það hefir
Jeltsín svo sannarlega tekist þótt
eitt sinn væri búið að afskrifa hann
sem pólitíkus en allt er breytingum
háð og fólk fór að trúa á hann sem
hinn mikla foringja sem leiða
mundi það til velsældar! Kannski
verður því að trú sinni? - En fyrr-
verandi forseti Sovétríkjanna, sem
leysti það úr þrælatökum kerfisins,
má líklega þakka fyrir að lýðurinn
hrópi ekki „krossfestið hann“.
Stormsveitarmenn
En það er ekki aðeins úti í hinum
stóra heimi sem pólitískir storm-
sveipir geisa heldur einnig í okkar
litla samfélagi svo að jafnvel hrikt-
ir í undirstöðu títtnefnds menning-
ar og velferðarþjóöfélags. Þar sem
íjármagnið ríkir í allri sinni dýrð
og fjármagnseigendur lifa lúxúslífi
af vaxtatekjum einum saman sem
enginn leyfir sér að skattleggja. En
hinum, sem þurfa að lifa á vinnu
sinni, segja valdhafar að dirfast
ekki að nefna kjarabætur þótt laun
þeirra hrökkvi vart fyrir brýnustu
lífsnauðsynjum.
En þetta finnst ríkisstjórn Davíðs
Oddssonar ekki nærri nógu mikið
ranglæti og misþyrming á þjóðfé-
laginu heldur ræðst hún á velferð-
arkerfið og undirstöðu menningar
og mennta af slíkri hörku að það
er rétt eins og hún hafi orðið snar-
geggjuö. - Þetta hugsa ég að sé
versta ríkisstjóm sem yfir þetta
land hefur dunið allt frá lýðveldis-
stofnun og er þá mikið sagt. Eitt
sinn höíðum við ríkisstjóm sem
þvingaði okkur í hemaðarbanda-
lag og fékk inn í landið erlendan
her. - En nú er það svo að af þess-
um vinnubrögðum stæra þeir
flokkar sig stöðugt sem þar áttu
hlut að máli. En svo ber við að þaö
em einmitt þeir sömu flokkar sem
nú fara með völd.
Þetta eru líka þeir flokkar sem
Morgunblaðið sagði á dögunum að
alla tíð hefðu haft hreinan skjöld í
utanríkismálum. Hvers vegna í
ósköpunum er blessaður Mogginn
annars að segja frá þessu? Finnst
honum þetta annað en eðlilegt og
sjálfsagt eða er hann að reyna að
sannfæra aðra um það sem hann
trúir ekki sjálfur? Varla getur hann
verið að koma með aprílgabb rétt
um miðjan janúar!
Aðalheiður Jónsdóttir
„Það er næstum því grátbroslegt að
lýðræðissinnarnir svokölluðu, sem
stofnuðu þetta ríkjasamband, hafa eng-
in lög og vita ekkert hvað þeir geta
gert eða eiga að gera eftir að þeir sundr-
uðu Sovétríkjunum.“
Orðsending
til atvinnurekenda frá
félagsmálaráðuneytinu
Að gefnu tilefni vill ráðuneytið hér með vekja at-
hygli atvinnurekenda á ákvæði 55. gr. laga nr. 13
10. apríl 1979 um stjórn efnahagsmála o.fl. en þar
segir að atvinnurekendum sé skylt að tilkynna vinnu-
málaskrifstofu félagsmálaráðuneytisins og viðkom-
andi verkalýðsfélagi með tveggja mánaða fyrirvara
ráðgerðan samdrátt eða aðrar þær varanlegar breyt-
ingar í rekstri er leiða til uppsagnar fjögurra starfs-
manna eða fleiri.
Félagsmálaráðuneytið 30. janúar 1992
Tölvuteiknari
Óskum eftir hugmyndaríkum
Macintosh-teiknara til að vinna kort, gröf
og myndskreytingar.
Umsækjandi þarf að vera skipulagður og
fljótvirkur, og hafa þekkingu á MacDraw,
Freehand og Illustrator (Macintosh).
Upplýsingar gefur Halldór Bragason
í síma 632983.
Lausafjáruppboð
6. febrúar 1992
Eftir kröfu Tryggva Guðmundssonar hdl., Innheimtu ríkisins, Sigríðar
Thorlacius hdl., Hróbjarts Jónatanssonar hrl„ Grétars Haraldssonar hrl.,
Andra Árnasonar hrl., Símonar Ólafssonar hdl., Jóhannesar Alberts Saevars-
sonar hdl., Tómasar H. Heiðars lögfr., Garðars Briem hdl., Gunnars Sæ-
mundssonar hrl., Islandsbanka hf. og sýslumanns Barðastrandarsýslu verða
eftirtaldir munir seldir á nauðungaruppboði sem haldið verður á lögreglu-
stöðinni að Aðalstræti 92, Patreksfirði, fimmtudaginn 6. febrúar 1992, kl.
16.00, eða þar sem þessir munir kunna að finnast:
Case jarðýta nr. 1450, JBC 3 D4 grafa, beltagrafa, OK RH9, Subaru E10,
Sharp litsjónvarp, Samsung sjónvarp, Xenon sjónvarpstæki, sjónvarps-
skermir, Nordmende sjónvarpstæki, Saloria sjónvarpstæki, Technics hljóm-
flutningstæki, AEG ís- og frystiskápur, Tec litsjónvarp, Pioneer plötuspilari,
bifreiðin HJ-169, Subaru E10, bifreiðin HD-284, Nissan, Lada B-1702,
Bluebird, bifreiðin B-1535, bifreiðin Y-15765, bifreiðin R-21778, bifreiðirí
Y-15765, Mitsubishi Colt, árg. '82, bifreiðin B-1675, Volvo, árg. 74, Volvo
í-2075, árg. '81, hlutafjáreign í Steinbjörgu hf„ hlutafjáreign I Auðnu hf„
gervihnattadiskur og kassaþvottavél.
Greiðsla við hamarshögg.
Sýslumaður Barðastrandarsýslu
Smáauglýsing
í Helgarblað
þarf að berast
fyrir kl. 17
föstudag!!!
63 27 00