Dagur - 28.05.1986, Blaðsíða 2

2 - DAGUR - 28. maí 1986
—viðtal dagsins.
ÚTGEFANDI: ÚTGAFUFÉLAG DAGS
SKRIFSTOFUR:
STRANDGATA 31, PÓSTHÓLF 58, AKUREYRI
SlMI: 24222
ÁSKRIFT KR. 420 Á MÁNUÐI
LAUSASÖLUVERÐ 40 KR.
RITSTJÓRI OG ÁBYRGÐARMAÐUR:
HERMANN SVEINBJÖRNSSON
FRÉTTASTJÓRI:
GYLFI KRISTJÁNSSON
BLAÐAMENN:
ÁSLAUG MAGNÚSDÓTTIR, BRAGI V. BERGMANN,
GESTUR E. JÓNASSON, GESTUR KRISTINSSON (Blönduósi simi 95-4368),
HELGA JÓNA SVEINSDÓTTIR, INGIBJÖRG MAGNÚSDÓTTIR (Húsavík),
KRISTJÁN G. ARNGRÍMSSON, KRISTJÁN KRISTJÁNSSON,
MARGRÉT Þ. ÞÓRSDÓTTIR,
AUGLÝSINGASTJÓRI: FRÍMANN FRlMANNSSON
ÚTBREIÐSLUSTJÓRI:
HAFDlS FREYJA RÖGNVALDSDÓTTIR, HEIMASÍMI 25165
FRAMKVÆMDASTJÓRI: JÓHANN KARL SIGURÐSSON
PRENTUN: DAGSPRENT HF.
Ueiðari._______________________________
Hverju móðguðust
alþýðubandalags-
og sjálfstæðismenn?
Skoðanakönnun sú sem Dagur gerði um fylgi
stjórnmálaflokkanna á Akureyri fyrir bæjar-
stjórnarkosningarnar á laugardaginn hefur
farið mjög fyrir brjóstið á forystumönnum
tveggja þessara stjórnmálaafla, Alþýðu-
bandalags og Sjálfstæðisflokks.
Ástæðan er auðvitað augljós: Báðir þessir
flokkar fá minna fylgi samkvæmt þessari
könnun heldur en þeir gerðu sér vonir um að
fá í kosningunum sjálfum. Þessi gremja er
e.t.v. eðlileg þar sem skoðanakannanir á
Akureyri eru nýmæli en þegar dagblöð í
Reykjavík byrjuðu með skoðanakannanir fyrt-
ust þeir gjarnan við sem fengu lélega
útkomu.
Nú eru stjórnmálaleiðtogar hins vegar
orðnir vanir þessu og hættir að móðgast við
niðurstöðum skoðanakannana, nema á Akur-
eyri þar sem menn eru óvanir þeim. En það er
til lítils að móðgast út í Dag vegna þess að
einhverjir telja niðurstöðurnar ekki nógu hag-
stæðar. Þeir sem þannig láta ættu að móðgast
út í þá sem svöruðu — væntanlega kjósendur
á laugardag.
Þá er einnig á það að líta, að það er skoð-
anakönnunin á laugardag, sjálf kosningin,
sem gildir. Skoðanakönnun Dags gefur að-
eins ákveðnar vísbendingar. Forystumenn
Alþýðubandalags og Sjálfstæðisflokks segja
nú að ekkert sé að marka skoðanakönnun
Dags. Til hvers er þá að vera með allan þenn-
an hamagang út af því sem ekki er mark tak-
andi á? Ef þeir telja að niðurstöður kosning-
anna verði allt aðrar og þeim meira í hag geta
þeir bara verið rólegir.
Allt tal um það að óeðlilega hafi verið stað-
ið að málum er vísað heim til föðurhúsanna.
Úrtakið er vísindalega unnið af Reiknistofu
Háskólans samkvæmt leyfi Hagstofu íslands.
Spurningalistinn var á engan hátt leiðandi og
spyrjendur fulls trausts verðir. Menn geta
svo leyft sér að túlka niðurstöðurnar eftir vild
og það gera menn gjarnan þegar um slíkar
kannanir er að ræða. Áð bera brigður á það að
heiðarlega hafi verið staðið að þessari skoð-
anakönnun er léleg pólitík og þeim síst til
framdráttar sem það gera.
Framsóknarflokkurinn á Akureyri hefur
aukið fylgi sitt samkvæmt skoðanakönnun
Dags. Vonandi verður sú raunin í kosningun-
um. Framboðslisti flokksins er einstaklega
góð blanda fólks með mikla reynslu, ungs
fólks af báðum kynjum. Farsældarstefna
framsóknarmanna verður vonandi til þess að
fjórir nái kjöri af B-listanum á Akureyri.
Greifarnir frá Húsavík:
„Asnalegt að heita
ekki íslensku nafni“
Þann 26. apríl s.l. voru Greifarn-
ir frá Húsavík valdir hljómsveit
no. 1 á músíktilraunum sem
Tónabær og Rás 2 stóðu fyrir.
Um hvítasunnuhelgina voru þrír
af fimm meðlimum hljómsveitar-
innar staddir á Húsavík, þeir
Sveinbjörn Grétarsson, Kristján
Viðar Haraldsson og Jón Ingi
Valdimarsson.
Gunnar Hrafn Gunnarsson
sem einnig er frá Húsavík hafði
brugðið sér til að aðstoða við
sauðburðinn í sveitinni, en Felix
Bergsson sem er að sunnan var
fyrir sunnan.
Þegar spurt var um deili á Felix
sögðust félagar hans halda að
hann væri bróðir Jóns Bergssonar
fréttaritara útvarpsins í Austur-
Landeyjum.
Húsvíkingar eru stoltir af
Greifunum og að sjálfsögðu litu
þeir inn á skrifstofu Dags og féll-
ust á að veita smáviðtal.
- Áður en nafnið Greifarnir
kom til hétuð þið Spesial Tread-
ment, hvenær byrjuðuð þið með
þá hljómsveit?
„í júní ’83, þá höfðum við aldr-
ei snert á neinu svona áður, höfð-
um að vísu lært í Tónlistarskólan-
um. Við þrír vorum saman fyrst,
Gunnar kom síðar og Felix sein-
ast í hljómsveitina. Við spiluðum
saman fyrsta sumarið, fórum síð-
an suður í skóla um haustið.
Sumarið ’84 ákváðum við að taka
þátt í hljómsveitakeppninni í
Atlavík og þá bættist Gunnar í
hópinn viku fyrir keppnina, en þá
komumst við ekki í úrslit.
Um haustið fórum við suður og
vorum skólahljómsveit í Ármúla-
skóla um veturinn, um vorið tók-
um við þátt í músíktilraunum og
urðum í öðru sæti. í fyrrasumar
urðum við í þriðja sæti í Atlavík
og svo unnum við músíktilraunir
nú í vor.“
- Þið hélduð tónleika hér á
Húsavík, ég man að einu sinni
var bíóhúsið komið í risastórar
nærbuxur.
„Já, við létum sérsauma nær-
buxur á bíóið til að auglýsa tón-
leikana, okkur dettur margt í hug
en það er ekki allt framkvæman-
legt. Við fórum líka með þessar
buxur í Atlavík og víðar, nú
hanga þær í æfingahúsnæðinu
okkar og veita okkur innblástur
en nafnið á þeim er ekki rétt
lengur. Spesial Treadment er
málað á þær með olíumálningu
svo þær eru orðnar úreltar."
- Af hverju skipti hljómsveitin
um nafn?
„Okkur fannst asnalegt að
heita ekki íslensku nafni, því nú
er stefnan hjá okkur að breyta
öllum textum yfir á íslensku.
Margar hljómsveitir heita ensk-
um nöfnum sem eru alveg út í
hött. í dag eru menn orðnir já-
kvæðari út í íslenska texta og
íslensk nöfn.
Rétt fyrir músíktilraunir skipt-
um við um nafn, Viddi stakk upp
á nafninu Greifarnir."
- Hvað eruð þið að gera fyrir
sunnan?
„Tveir okkar eru í skólum en
þrír í vinnu, í sumar erum við all-
ir að vinna.“
- Hvernig tilfinning var að
vinna í músíktilraunum?
„Það var yndisleg tilfinning.
Kvöldið sem undanrásirnar fóru
fram vorum við í upptöku fyrir
þáttinn Rokkarnir í sjónvarpinu.
Þeir slepptu okkur svo seint að
meðan þulurinn var að kynna
okkur vorum við ekki allir komn-
ir inn í húsið. Þulurinn sagði
brandara meðan við vorum að
bera græjurnar inn. Felix flýtti
sér svo mikið inn á sviðið að hann
datt og við byrjuðum að spila
alveg í paník.
Við höfðum leigt smókinga en
höfðum ekki tíma til að fara í þá.
Fyrsta lagið var sungið og spilað
öðruvísi en nokkurn tíma hafði
verið gert en við redduðum því.
Við unnum þetta kvöld en vor-
um hálfhissa á því, það voru þrjú
svona undanúrslitakvöld og tvær
til þrjár hljómsveitir komust
áfram eftir hvert þeirra.“
- En á úrslitakvöldinu, höfðuð
þið tíma til að fara í smókingana
þá?
„Já og það höfðu margir orð á
því að við værum best klædda
hljómsveitin, þá gekk allt miklu
betur þó það yrðu svolítil tækni-
leg mistök. Við urðum í öðru sæti
hjá dómnefnd en fyrsta sæti hjá
áhorfendum. Við tölum við
áheyrendur og reynum að ná til
þeirra, komum ekki bara og
spilum."
- Áttuð þið von á að vinna
þarna?
„Fyrir keppnina áttum við von
á því en þegar við vorum búnir
að spila bjuggumst við aðeins við
einu af efstu sætunum. Ætli það
að vinna sé ekki hámark lífsins
hingað til.“
- Þýðir þetta ekki í raun mikið
fyrir ykkur?
„Þetta er alveg stökkpallur, í
fyrra vorum við í öðru sæti, það
þýðir bara ekkert á við að vera í
fyrsta sæti þeir fá alla athyglina.
Við fengum tilboð um að spila á
listahátíð í Laugardagshöll 17.
júní og á Arnarhóli 19. ágúst á
afmæli Reykjavíkur. Við verðum
örugglega eitthvað í Galtalæk um
verslunarmannahelgina og höf-
um hug á að vera á fleiri stöðum,
það er nóg að gera.
Okkur langar líka mikið að
koma hingað norður til að spila í
sumar, sérstaklega Felix, hann er
farið að dreyma um Húsavík.“
- Getið þið kannski haft fulla
vinnu af þessu?
„Nei, þó það stefni í þá átt og
sé náttúrlega draumurinn að geta
unnið við þetta á sumrin. Kostn-
aðarhliðin er líka stór við þurfum
að bæta við okkur græjum."
- Hvað er mest gaman við að
spila í svona hljómsveit?
„Að spila þegar okkur er vel
tekið. Við leggjum mikla vinnu í
þetta og það er gaman að sjá
árangurinn.
Þetta er mikill félagsskapur,
við erum allir góðir vinir og það
er mikið atriði. Líka er stór hóp-
ur í kringum okkur sem styður
við okkur og vinnur með. Það
þarf að sjá um hljóð og útlits-
hönnun. I dag þarf að vera smá
show í kringum músíkina, manni
líður líka mikið betur að vera vel
til hafður."
- Hvernig er strákum frá
Húsavík tekið fyrir sunnan, er lit-
ið á ykkur sem sveitamenn?
„Nei, ég held að ekki sé gerð'ur
neinn greinarmunur á því hvort
hljómsveitin er frá Húsavík eða
Reykjavík.
Við erum mjög stoltir af því að
vera frá Húsavík. Þegar við unn-
um músíktilraunir fengum við
heillaóskaskeyti frá bæjarstjórn-
inni og það var gaman að sjá að
fylgst er með þessu hérna
heima.“ IM