Þjóðviljinn - 31.05.1967, Blaðsíða 12
■'■IVS
Blaðamaður Þjóðviljans hitti þessa ungu pilta fyrir utan
Melaskólann í gær, en þar stendur yfir atkvæðagreiðsla
utankjörfundar, og voru piltarnir að koma út frá því að
kjósa til alþingis i fyrsta sinn á ævinni.
Þeir eru báðir nemendur í Tækniskólanum, þessa dagana
eru þeir að ljúka prófi upp úr 1. bekk og eru á förum
út á land til að vinna sér inn peninga fyrir námið næsta
vetur. Til vinstri á myndinni er Egill Viktorsson, búsettur
hér í Reykjavik, en ættaður frá Akureyri. Við hlið hans
er Guðni Hansson frá Hjalla í Kjós, og heldur hann á um-
slagi í hendinni innsigluðu af kjörstjórn, en í þvi er hinn
dýrmæti kjörseðill.
Blaðamaður spurði þá formálalaust hvað þeir hefðu kosið,
og sögðu þeir að þeim væri engin launung á því, nema síður
væri, að þeir hefðu kosið G-listann, og mætti gjarnan segja
frá því í Þjóðviljanum, ef það gæti orðið hvatning til ann-
arra sem ganga nú að kjörborðinu í fyrsta sinn að gera það
sama.
„Það sem öllu máli skiptir núna er að fella ríkisstjórnina
og taka upp breytta stjórnarstefnu, og þetta verður ekki gert
öðru vísi en að sem flestir kjósi Alþýðukandalagið nú í kosn-
ingunum. Allt annað er að kasta atkvæði sínu á glæ. Við
megum ekki una því, og allra sízt unga fólkið, að hér verði
áfram sami óskapnaður í stjórn atvinnulífsins og öll sú
vansæmd sem fylgir hemáminu og auðmýkt stjórnarvalda
fyrir yaldi erlendra auðhringa. Það er hlutverk okkar unga
fólksins fyrst og fremst að þessari óheillaþróun verði snúið
við, og þess vegna kusum við G-listann“.
f sama mund og hvatningarræða þessara ungu kjósenda
stóð sem hæst, renndi í hlað á kjörstaðnum bíll, einn af hin-
um fjölmörgu kosningasmölum Sjálfstæðisflokksins. Ut úr
honum leiddi hann fjögur hrum gamalmenni á Hrafnistu —
þar ætlaði ihaldið sér fjögur atkvæði. Með fullri virðingu fyrir
þessum gamalmennum og lífi þeirra og starfi fyrir þjóðina
á liðinni tíð er þessi sviðsmynd táknræn fyrir það sem nú
er að gerast í þessum kosningum.
Egill og Guðni voru að kjósa í fyrsta sinn til alþingis í gær.
Myndin er tekin utan við Melaskólann þar sem kosið er utan
kjörfundar. — (Ljósm. Þjóðv. Hj. G.).
Kosningasmalar íhaldsins draga gamalmennin á kjörstað
til að kjósa íhaldic^ af gömlum vana, en þessir ungu nemend-
ur í Tækniskólanum eru fulltrúar hins sívaxandi fjölda æsku-
fólks, sem þekkir sinn vitjunartíma og fylkir sér um Alþýðu-
bandalggið og kýs G-listann nú í kosningunum.
Frá sýningunni „hinn lesandi maður“.
Homo legens, eða
hinn lesandi maður
nefnist sýning í Myndlistar- og handíðaskólanum
í dag kl. 5 verður opnuð sýn-
ing í Myndlistar- og handíða-
skóla Islands að Skipholti 1 og
nefnist hún HOMO LEGENS,
eða hinn lesandi maður.
Á sýningunni eru samtals 110
mýndir, eftirprentanir af lista-
verkum, Ijósmyndir og teikning-
ar sem lýsa á margvíslegan og
skemmtilegan hátt sambúð
manna við bækur, blöð og bók-
menntir í nær öllum heimsálfum
og á ýmsum tímum. Auk þess
verða til sýnis þýzkar og íslenzk-
ar bækur-
Sýningin er fengin hingað að
láni með aðstoð þýzka sendi-
ráðsins frá „Martin-Behaim’’ fé-
laginu í Darmstadt. Markmið fé-
lagsins er að kynna þýzkar
baekur og bókmenntir erlendis,
sagði Kurt Zier, skólastjóri blaða-
mönnum í gær. Einkar athyglis-
vert þykir að þessi sýning hefur
umfram ofangreint markmið al-
mennt listrænt gildi og er það
þess vegna að skólinn hefur á-
kveðið að efna til hennar.
Á sýningunni má sjá hvernig
tugir og hundruð miljónir manna
grípa til bóka og blaða i fyrsta
skipti, hvernig heilar þjóðir
vakna til sjálfsvitundar með því
að lesa. Þessu er lýst með ágæt-
um ljósmyndum frá Asíu og Afr-
íku.
Sýningin verður opin daglega
frá kl. 3 til 10 síðdegis frá 1. til
10. júni og eru menn hvattir til
að sjá hana því að hér er bæði
um athyglisverða og skemmtilega
sýningu að ræða.
Tveir smábarna-
gæzluvellir opn-
aðir 1. júní n.k.
Tveir ' smábamagæzluvellir
taka til starfa 1. júní n.k. Eru
þeir á skólalóðum Vesturbæjar-
skóla við Öldugötu og Höfða-
túnsskólans við Sigtún (Félags-
heimili Ármanns). Leikvellir
þessir eru ætlaðir bömum á
aldrinum 2—5 ára.
■ ■■■■■■ ■■■■■■■■■■!■ ■■■■■■■ ■■■■■■■■■■■■■■•(■■■*> m\
Hafnarfjörður |
Kosningaskrifstofa Al- ■
þýðubandalagsins í Haájpar- ■
firði í Gúttó er opin frá
kl. 1—10. Sími 51598.
Stuðningsmenn Aiþýðu- j
bandalagsins eru beðnir að ■
koma á skrifstofuna og •
taka happdrættismiða til j
sölu. — Verið er að vinna :
í spjaldskránni og er fólk |
beðið að koma og aðstoða ■
við það verk.
■
■■■■■■■■■■■■■■■■■■■■■■■■■■■■■■■■■■■■■■■■■■■»■■
Engin lausn hjá
farmönnam
Allt situr við það sama í far-
mannadeilunni og hvert skipið
á fætur öðru stöðvast í höfn.
Enginn sáttafundur hefur ver-
ið boðaður svo Þjóðviljanum
væri kunnugt um í gærkvöld.
Mótmælastaðan
við bandaríska
Myndin er frá mótmælastöðunni
við bandaríska scndiráðið sem
efnt var til sl. laugardag. Stóðu
þar um 20 manns undir mót-
mælaspjöldum frá því um kl.
10 um morgruninn til um 2.30
um daginn er fundur stuðnings-
manna Reykjavíkurgöngunnar
1967 hófst í Tjarnarbúð en þar
var rætt um fyrirkomulag göng-
unnar og hafin skráning þátt-
takenda.
Miðiviloadagur 31. maí 1967 — 32. árgangur,— 119. töluiblað.
HáspQnnulínan frá Búrfelli:
Sex tilboð bárust
frá fimm löndum
1 gær voru opnuð tilboð í efni
og uppsetningu háspennulínunn
ar frá Búrfelli til Reykjaivíkur og
Straumsvikur, en samkvæmt út-
boðslýsingunni á þvi verki að
Ijúka vorið 1969. Tilboð bárust
frá 6 firmum í 5 löndum, og var
tilboðsupphæð hvers firma, þeg-
ar miðað er við samanburðar-
grundvöll útboðslýsingarinnar:
Canadian Hoosier Engineering
Company Ltd„ Kanada: krónur
147.603.853,—.
Starkstromanlagen-Gemeinschaft,
V-Þýzkal. kr. 122.865.733,—.
Carczynski & Traploir ásamt 3
öðrum frönskum firmum: kr.
114.281.115,—.
Compagnie Generale d’Entrepris-
es Electriqucs, Frakkland: kr.
163.397.950,—.
Transelectric AB, Svíþjóð: krón-
ur 151.531.022,—.
Societa Anonima Elettrificazione,
Italíu kr. 124.088.228,—.
Tilboðin verða metin bæði
tæknilega og fjárihagslega með
hliðsjón af útboðslýsingunni og
Eiríkur Smith
sýnir í London
Eiríkur
^mith.
N.k. mánudag, 5. júní, opnar
Eiríkur Smith listmálari mál-
verkasýningu í Alwinggaller.y í
London og verða þar til sýnis
eftir hann tæplega 20 málverk.
Mun sýningin standa út júní-
mánuð- Þetta er fyrsta sjálf-
stæða sýningin sem Eiríkur hef-
ur haldið erlendis en hann átti
3 málverk á Norðurlandasýn-
ingunni um daginn. Hér heima
sýndi hann síðast í Bogasalnum
í fyrra.
verkið síðan veitt að því loknu,
en bjóðendur eiga að standa /ið
tilboð sín í sex mánuði.
(Frétt frá Landsvirkjun.)
Willy Brandt ti!
Islands 24. jnní
BONN 30/5 — Willy Brandt, ut-
anríkisráðherra og leiðtogi vest-
urþýzkm sósíaldemókrata, kemtir
til íslands í opinbera hei-msókn
24. júní. Til Rvíkur kemur hann
frá Stokkihólimi, en áður mun
hann hafa dvalizt í Kaupmanna-
höfn og Helsinki og frá Rvík
fer hann til Oslóar.
16 fyrirtæki í
7 löndum sendu
tilboð til SVR
í gær voru opnuð tilboð
sem Innkaupastofnun Rvík-
urborgar hafði auglýst eft-
ir í smíði 38 strætisvagna
fyrir Strætisvagna Reykj-a-
víkur.
Alls sendu 16 fyrirtæki
frá 7 löndum tilboð en þar
sem sum tilboðin eru
margskipt eru þau í raun-
inni alls um 30.
Eitt íslenzkt fyrirtæki,
Sameinaða bílasmiðjan,
sendi tilboð og er það í
fernu lagi. Önnur fyrixrtæki
sem buðu í verkið eru frá
Bretlandi, Noregi, Þýzka-
, landi, ' Tékkóslóvakíu,
Belgíu og Svíþjóð.
Forstjóri Innkaupastofn-
unar Reykjavíkurborgar
skýrði Þjóðviljanum svo
frá í gær að ænn væri ekki
hægt að segja til um hvaða
tilboð væri lægst þar eð
eftir væri að umreikna
verðið í íslenzkar krónur.
Þá væri heldur ekki víst
að lægsta tilboðinu yrði
tekið þar eð önnur gætu
verið hagkvæmari, t.d. að
því er varðar lán o.fl. Bjóst
hann við að það tæki hálf-
an mánuð til þrjár vikur
að yfirfara tilboðin og
samningar yrðu væntan-
lega ekki gerðir fyrr en um
mánaðamótin júní—júlí.
I
/