Þjóðviljinn - 06.12.1979, Blaðsíða 7

Fimmtudagur 6. desember 1979 ÞJÓÐVILJINN — SIÐA 7
Sævar hinn nýi á siglingu heim.
Björgvin Pálsson oddviti og Sigurbjörn ögmundsson
ferjumaöur aftan við brú nýja Sævars.
1
1
ÞÁTTASKIL
í samgöngumálum
Frá fréttaritara Þjóðviljans i
Hrisey.
Klukkan 2.30 sunnudaginn 25.
nóv. voru langflestir Hrfsey-
ingar mættir niðri á bryggju i
Hrisey og þar að auki margir
gestir. Það var vægt frost, logn
og örlítið él. Fánar blöktu við
hún og það var ekki hægt annað
en vera snortinn af stemning-
unni, sem rikti. Hversdagsleiki
tilfinninganna var rofinn þenn-
an dag. Það var hátið i Hrisey.
Ný og langþráð ferja var vænt-
anleg isjónmál á hverri stundu.
Og þarna birtist hún vestur
með eynni, fyllti hljómmikinn
iúður sinn er nálgaðist bryggju
og stundin var hrifandi. Þessi
skipskoma boðaði þáttaskii i
samgöngumálum. Tuttugu og
tveggja tima siglingu frá
Seyðisfirði var lokið. Nýja Hris-
eyjarferjan var komin heim.
Skírnarathöfn
Ingveldur Gunnarsdóttir gaf
ferjunni nafn og skirði hana
með sjó úr álum Eyjafjarðar.
Ber nýja ferjan nafnið Sævar
eins og hin gamla, sem senn
kveður Hrisey eftir langa og
giftudrjúga þjónustu.
Séra Kári Valsson prestur i
Hrisey flutti bæn og blessunar-
orð og siðan gengu hinir full-
orðnu til kaffidrykkju i sam-
komuhúsinu S.æborg meðan
börnunum var boðið i stutta
siglingu með Sævari hinum
nýja. Þar fluttu ávörp fyrrver-
andi þingmenn kjördæmisins,
sem þar voru staddir, Björgvin
Pálsson, oddviti Hriseyinga,
ásamt fleirum. Eftir kaffi-
drykkju sigldu flestir við-
staddra með ferjunni fyrstu
áætlunarferðina upp á Arskógs-
sand. Konur úr Kvenfélagi Hris-
eyjar sáu um veitingar af
myndarskap og rausn.
Undirbúningur
Það gerðist hinn 11. april 1976
að kosin var af hálfu hrepps-
nefndar Hriseyjarhrepps
þriggja manna nefnd til þess að
vinna að ferjumálum eyjar-
innar. Rúmum tveim árum
siðar, eða 12. júli 1978,var svo
undirritaður samningur milli
Hriseyjarhrepps og vélsmiðj-
unnar Stál h/f á Seyðisfirði um
smiði ferjunnar, sem nú er að
hefja feril sinn i þjónustu Hris-
eyjar.Fram aðþeim tima hafði
undirbúningur málsins hvilt á
herðum Björgvins Jónssonar,
sem þá var oddviti i Hrlsey,en
siðan tók Björgvin Pálsson,
núverandi oddviti,við.
Ferjur frá fyrri tið
í mai 1941 var sjósettur I
Hrisey litill fiskibátur, sem
hlaut nafnið Július. Arið 1943
var Július gerður að fyrstu
raunverulegu Hriseyjar-
fer junni. Báturinn var gerður út
af bræðrunum Birni og Garðari
Ölasonum og Sigurði Gislasyni.
Allir þessir menn eru enn á lifi -
og Björn býr enn i Hrísey og
vinnur fullan vinnudag hjá fisk-
vinnslustöð KEA i eynni. Það er
aftur um Július að segja, að svo
skemmtilega vill til, að hann
kemur ennþá á hverju sumri til
Hriseyjar og leggur upp fisk.
Þegar Július hætti sem ferja
koma ýmsir við sögu. Arið 1958
var langt komið með smiði
nýrrar Hriseyjarferju i litilli
skipasmiðastöð I eynni. Sú fer ja
brann ófullgerð, ásamt til-
heyrandi húsakynnum.
En sama ár komst i gagn
ferja sú, sem fram til þessa
dags hefur þjónað Hriseyingum
ötullega. Sævar eldri er tré-
bátur, 7 tonn að stærö. Eigandi
hans fyrstu 13 árin og jafnframt
ferjumaður var Hilmar heitinn
Simonarson. Samfellt var
Hilmar ferjumaður I hartnær
aldarfjórðung. Hann fórst i
ferjuferð 27. mai 1972.
Sævar hinn nýi
Nýja ferjan, Sævar, er 30 tonn
að stærð, tekur 35-40 farþega i
sæti og lest er fyrir 3-4 tonn.
Skipið er búið 359 hestafla Cater
pilar aðalvél. Vindukrani er um
borð, sem getur borið allt að 6
tonn. Þess má geta að Sævar
hinn nýi er sennilega minnsta
skip á tslandi, sem hefur bóg-
skrúfu. Skipið er 17 m að lengd
og 5 m á breidd, búið öllum
helstu öryggis- og siglinga-
tækjum. Einn bill kemst á dekk.
Þrir menneruráðnir tilstarfa
við ferjuna, þeir Alfreð
Konráösson, Gunnar Jóhannes-
son og Sigurbjörn ögmundsson.
gb/mhg
Sævar hinn eldri þjónaði Hriseyingum með mikilli prýði allt frá 1958 og þar til nú. Þarna siglir Sævar til
móts við arftaka sinn.
Ahöfn Sævars frá vinstri: Aifreð Konráðsson, Sigurbjörn ögmunds-
son og Gunnar Jóhannesson. Myndir: Guðjón
Tvennir timar, nýi Sævar og sá gamli og dyggi við bryggju i Hrisey.
Fyrsti farþeginn. Kom af sjáifsdáöun um borð á leið frá Seyðisfirði.