Þjóðviljinn - 17.10.1987, Blaðsíða 2
P-SPURNINGINi
Etur þú rjúpu?
Ragnar Jóhann Guðjóns-
son,
húsgagnasmiður:
Nei, reyndar geri ég það ekki.
Mér finnst hún ekki góð. Þegar
mór hefur verið gefin rjúpa skipti
ég á henni fyrir hangikjöt.
__________________FRÉTTIR_______________
Skrifstofubáknið
Ráðuneytin halda sínu
Stór aukning fjárveitinga á milli ára til allra ráðuneyta
nemafjármálaráðuneytisins. Aukning til landbúnað-
arráðuneytis 86%
Niðurskurður ríkisstjórnarinn-
ar bitnar ekki á skrifstofum
ráðuneytanna, með einni undan-
tekningu þó, Jón Baldvin hefur
ákveðið að sýna gott fordæmi og
minnkar því fjárveiting til skrif-
stofuhalds fjármálaráðuneytisins
á milli áranna ‘87 og ‘88 um
5,3%.
Mest er hækkunin í prósentum
hjá landbúnaðarráðuneytinu.
Fjárveiting á fjárlögum 1987 var
rúmar 20 milljónir, sem á fjár-
lögum ‘88 verða að tæpum 38
milljónum króna. Hækkunin er
því um 86% á milli ára en verð-
bólga á milli þessara tveggja ára
er um 20%.
Næst mest er hækkunin hjá
dóms- og kirkjumálaráðuneyt-
inu, eða rúm 78%. Félagsmála-
ráðuneytið með rúm 73% og
heilbrigðis- og tryggingamála-
ráðuneytið með rúmlega 70%
hækkun.
Dýrast er skrifstofuhaldið hjá
menntamálaráðuneytinu, en til
þess fara tæplega 118,5 milljónir
á næsta ári. A þessu ári hefur
menntamálaráðuneytið rúmlega
75,7 milljónir til ráðstöfunar við
skrifstofuhaldið. Hækkunin er
því 56,4% á milli áranna.
Hækkunin hjá forsætisráðu-
neytinu er um 63% og hjá utan-
ríkisráðuneytinu 52%. Skrifstof-
uhaldið hjá Steingrími Her-
mannssyni er þó mun dýrara en
hjá Þorsteini Pálssyni, en á fjár-
lögum er gert ráð fyrir rúmum
80,8 milljónum króna til yfir-
stjórnar utanríkisráðuneytisins
en tæpum 30,5 milljónum til
forsætisráðuneytisins.
Einsog fyrr sagði minnkar fjár-
veiting til skrifstofuhalds fjár-
málaráðuneytisins úr tæpum 44
milljónum í tæpa 41,5 milljón
króna.
- Sáf
Örnólfur Björnsson:
Nei. Mér þykir hún ekkert sér-
stök á bragðið. Mér þykir vænt
um fuglinn og finnst leiðinlegt
hvað menn eru áfjáðir í að drepa
hana.
Guömundur Jónsson,
fyrrum bílamálari:
Ég er lítið fyrir fuglakjöt. Þegar
ég var ungur leiddist mér alltaf að
vita til þess þegar konurnar suðu
hænurnar sem drápust á skíta-
haugunum.
Ósk Guðvarðardóttir,
13ára:
Já mér finnst hún góð. Ég
borða rjúpu stundum á stórhátíð-
um.
Eyrún Kristinsdóttir,
sjúkraliði:
Nei aldrei. Ég borða kjúklinga,
en ekki rjúpur. Ég veit það ekki,
ætli ég hafi bara nokkurn áhuga á
að reyna bragðið af þeim.
GEFIÐ
UPPÁ
NÝTT
í frumvarpi til fjárlaga
fyrir árið 1988 er að finna
narc/ar Ktrf" r
Fjárlög
Gefið
upp á
nýtt
Það hefur ekki farið framhjá
landsmönnum að Jón Baldvin
Hannibalsson, fjármálaráð-
herra, kann að notafæra sér fjöl-
miðlana. Hefur verið talað um að
fyrirmyndina sæki hann til
Bandaríkjanna.
í kringum fjárlagafrumvarpið
hefur verið mikið fjölmiðlafár og
þegar fjármálaráðherra kynnti
frumvarpið á blaðamannafundi,
var dreift um úrdrætti úr frum-
varpinu sem ráðherra vildi vekja
athygli á.
Urdráttur þessi bar nafnið
„Gefið upp á nýtt“, sem útlegst á
engilsaxnesku: „New deal“.
Jóni Baldvini nægir því ekki að
taka sér bandaríska pólitíkusa
sem fyrirmynd hvað framkomu í
fjölmiðlum varðar, heldur
skreytir hann sig með slagorðum
þeirra, því einsog lesendur muna
þá var „New deal“ hornsteinninn
undir efnahagsstefnu Roosevelts
forseta á sínum tíma. -Sáf
Frá boruninni í Hrísey. Guðjón Björnsson sveitarstjóri mælir hita vatnsins. Ljósmynd: Ólafur G. Flóvens.
Hrísey
Kominn ta'mi til að tengja
Guðjón Björnsson sveitarstjóri: Nýja vinnusluholan gefur af sér tugi
sekúndulítra af80gráðu heitu vatni. Áœtlaður kostnaður um fimm
milljónir króna
Þessi nýja vinnsluhola gefur af
sér tugi sekúndulítra af lið-
lega 80 gráðu heitu vatni og við
stefnum að því að tengja hana inn
á hitaveitukerfið eins fljótt og
auðið er fyrir veturinn, sagði
GuSjón Björnsson, sveitarstjóri í
Hrísey í símtali við Þjóðviljann.
Nýlega fannst í eynni heita-
vatnsæð á miklu dýpi með vatni
sem vænta má að sé alveg snautt
af súrefni. En á undanförnum
árum hafa eyjarskeggjar orðið að
búa við það hlutskipti að heita
vatnið sem séð hefur íbúunum
fyrir hita, hefur verið með svo
mikið súrefni í sér að það hefur
eyðilagt yfir 1000 ofna vegna tær-
ingar og lagnir hafa skemmst
vegna úrfellinga af sömu orsök-
um.
Að sögn Guðjóns hófust bor-
anir á rannsóknarholum í eynni
seinni partinn í september síð-
astliðnum og í framhaldi af þeim
borunum var boruð þessi vinnslu-
hola. Það var borfyrirtækið ísbor
hf. sem annast hefur borverkið í
náinni samvinnu við sérfræðinga
Jarðhitadeildar Orkustofnunar
og heimamenn
Jarðhitadeild Orkustofnunar
byrjaði sumarið 1984 ítarlegar
rannsóknir á jarðhitasvæðinu í
eynni og með hjálp hitamælinga í
borholum, kortlagningar jarð-
laga og mælinga á rafleiðni í
jörðu tókst að fá ákveðnar vís-
bendingar um hvar heita vatnið
streymdi upp um nær lóðréttar
sprungur djúpt úr jörðu.
„Áætlaður kostnaður við þess-
ar framkvæmdir, tengingu hol-
unnar, byggingu nýs húss yfir
hana og vegalagningu að henni sé
um fimm milljónir króna. Einnig
er nauðsynlegt sökum þess hve
hún liggur nálægt sjónum, að
vemda hana fyrir ágangi sjávar
með grjótfyllingu," sagði Guðjón
Björnsson sveitarstjóri. -grh
2 SÍÐA - ÞJÓÐVILJINN Laugardagur 17. október 1987