Frjáls verslun - 01.07.2000, Síða 16

FORSÍÐUGREIN
Frumkvöðull
Stundum er mikilvægt að vera
réttur maður á réttum stað. Þetta
byrjaði sem könnunarverkefni
fyrir varaforseta alheimsmarkaðssviðs
Ford. Eg var beðinn um að kanna hver
stefnumótun fyrirtækisins ætti að vera
í framtíðinni. Þegar ég var búinn að
leggja fram skýrslu var mér sagt að
koma tillögum mínum í verk. Það var
fyrir tæpum þremur árum. Síðan hef
ég byggt upp starfsemi Ford á Netinu
og mótað í framhaldi af því ferlana inn-
an fyrirtækisins í Bandaríkjunum.
Starfsemin byijaði sem deild sem átti
að sjá um innkaup og sölu hjá öllum Fordumboðum í Kanada
og Bandaríkjunum og þróaðist smám saman í það að verða sjálf-
stætt fyrirtæki. Eg sá líka um nýtt sölukerfi á vefnum þar sem
viðskiptavinurinn gat fengið bílinn sniðinn að sínum þörfum,"
segir Þorgeir Ibsen Þorgeirsson.
Ford náði forystunni Þorgeir er 34 ára gamall Hafitfirðingur
sem hefur náð ótrúlega langt á skömmum tima innan Ford stór-
veldisins í Bandaríkjunum. Á aðeins sex mánuðum var hann
kominn með stóra deild, 70-80 starfsmenn, og uppbyggingastarf
þessa bandaríska stórfyrirtækis á Netinu á sína könnu. En hann
brást ekki því trausti sem honum var sýnt Ford fór á undraverð-
um hraða úr því að vera h'tt þekkt yfir í það að taka forystuna á
Netinu. Þorgeir notaði meðvitaða aðferðafræði til að ná árangri.
Hann blandaði saman fólki sem kom utan fyrirtækisins og
reyndum starfsmönnum innan úr fyrirtækinu. Nýja fólkið átti að
leiða deildina í átt að tæknilausnum og nýjum viðskiptamódelum
en reyndu starfsmennirnir áttu að gefa deildinni traust og trú-
verðugleika innan fyrirtækisins. Allir voru þessir starfsmenn
opnir fyrir breytingum og leiðtogar hver á sínu sviði.
Þorgeir beitti líka öðruvísi aðferðum í sínu daglega starfi.
Þorgeir byggði uþþ vefFord frá uþþhafi. Slóðin erford.com.
16
Hann beið til dæmis ekki eftir leyfi að
ofan heldur notfærði sér svigrúmið til
hins ítrasta og lagaði einfaldlega ijár-
mála- og starfsmannakerfi Ford að
Netinu og þörfum deildarinnar. Ef
hann þurfti að ná í aðra stjórnendur þá
ræddi hann málin þegar hann hitti þá
á göngunum eða hringdi þegar þeir
voru á leiðinni heim úr vinnunni frem-
ur en að panta fund og bíða. Hann
hvatti líka samstarfsmenn sína, sem
fljótlega voru orðnir um 100 talsins, til
að starfa sjálfstætt og taka fremur
ákvarðanir en að bíða eftir því að hann
gerði það. Starfsemin varð árangursrík og skotheld.
„Þetta hefur verið mjög skemmtileg ganga þar sem við höf-
um haft það einstaka tækifæri að breyta stefnumótun og áhersl-
um fyrirtækisins. Við gátum haft þau áhrif að kjörferlar fyrir-
tækisins breyttust án þess að mikið væri gert úr þvi. Við kom-
um til dæmis á beinni sölu til viðskiptavina á Netinu án þess að
umboðin væru sett til hliðar. Við spurðum aldrei um leyfi til
þess. Við létum bara á það reyna,“ segir hann.
Gengið frá bílakaupum á Netinu Deild Þorgeirs hét „eConsu-
mer Group“, deild rafrænna viðskipta, og tilheyrði hún einni af
helstu viðskiptaeiningunum innan Ford, „Consumer Connect"
sem þýða mætti sem tenging við viðskiptavini. I lok síðasta árs
var áherslunni breytt og nýtt fyrirtæki stofnað í samstarfi við
Trilogy Software frá Austin í Texas. I því sameinast tækni og
þekking starfsfólksins úr deildinni sem Þorgeir stýrði. Nýlega
var svo tilkynnt um stofnun annars fyrirtækis, Ford Direct, sem
er samstarfsverkefni milli Trilogy og ríflega ijögur þúsund bíla-
umboða í Bandaríkjunum. Nýja fyrirtækið á að reka
forddirectcom, vef þar sem viðskiptavinir geta fengið upplýs-
ingar um allt sem við kemur kaupum á bifreiðum Ford og geng-
ið frá kaupunum á vefnum. Margur gæti haldið að Netið væri
ekki hentugt til bílaviðskipta en Þorgeir segir að það sé þveröf-
ugt, á örfáum mínútum geti viðskiptavinir aflað sér nauðsyn-
legra upplýsinga og gengið frá bílakaupum í gegnum Netið.
„Við vorum sannfærðir um að fólk myndi ekki kaupa bíla á
vefnum en við sjáum að stór hluti fólks hikar ekki við að ganga
frá viðskiptum sínum með þessum hætti. Um helmingur þeirra
sem keyptu bíla í Bandaríkjunum í fyrra notuðu vefinn að ein-
hveiju leyti við kaupin. Sex prósent gengu ffá kaupunum og
fóru aldrei inn í umboð nema til að taka við lyklunum. í sumum
tilvikum var komið með bílinn og hann afhentur heima hjá við-
komandi. Um þijú prósent af öllum bílakaupum voru endanlega
afgreidd á vefhum. Það er frábært hlutfall en ekki má gleyma
því að hluti af þessum viðskiptum eru viðskipti frá fyrirtæki til
fyrirtækis þar sem viðskiptavinurinn endurnýjar samninga sjálf-
virkt á Netinu," segir hann.
Þorgeirlbsen Þorgeirsson er mabur-
inn sem byggði upp Ford á Netinu í
Bandaríkjunum. Innan fyrirtækisins
er litið á hann sem brautryðjanda og
pví hefur hann verið fenginn til að
leiða uppbyggingu jyrirtækisins á
Netinu i Evrópu.
Eftír Guðrúnu Helgu Sigurðardóttur Myndin Geir Ólafsson