Frjáls verslun - 01.07.2000, Side 49

Charles Bentley er sálfrœðingur. Þessi brosmildi og alskeggjaði maður á áttrœðis-
aldri hefursett upþ fyrirtœkið Lifecoach. „Aðalatriðið er að vera, ekki að verða.“
sálgreinendum og geðlæknum. Og lífsþjálfinn er
heldur enginn skriftafaðir, því auðvitað er hugtakið
um synd og sekt ekki hluti af þessu nútímafyrir-
bæri.
„Það sem við veitum viðskiptavininum er algjör
og óskipt athygli. Okkar afstaða er að allir hafi allt
sem þeir þurfa til að ná settu marki. Fólk hegðar sér
oft eins og það sé í ljóslausum helli, en áttar sig ekki
á að í raun er það með logandi vasaljós í hendinni,"
fullyrðir Bentiey, sem hefur tröllatrú á mannskepn-
unni og heilbrigðri skynsemi.
Þessi athygli er notuð til að veita viðskiptavinin-
um sýn á sjálfan sig, ekki til að segja honum eitt né
neitt. „Það er einmitt heili galdurinn að koma ekki
til fundar við viðskiplavininn með fyrirfram ákveðn-
ar hugmyndir heldur hlusta og fylgja honum eftir. í
raun rétt eins og góður skemmtikraftur. Bestu
skemmtikraftarnir eru þeir sem mæta ekki með ut-
anaðlært handrit heldur ná stemmningunni í saln-
um og endurspegla hana,“ segir Bentley. Aðspurður
segist hann reyndar vera ágætur skemmtikraftur, ef
því sé að skipta, og hlær við. Almennt eigi hann
miklu auðveldara með að tala og koma fram heldur en skrifa.
Galdurínn að búa við velgengni í samræmi við aðrar sjálfs-
hjálparstefnur í Bandaríkjunum stefnir „lifecoach" þar mjög að
því að höndla hamingjuna hratt og fyrirhafnarlaust. Þar eru lífs-
þjálfar oft nýttir af þeim sem langar til að ná langt en hafa ekki
náð árangri. Bentley og samstarfsmenn hans lofa engum slík-
um árangri og flestir þeirra sem nýta sér þjónustu hans eru
menn sem þegar hafa náð langt.
„Við getum ekkert gert fyrir þá, sem vilja bara verða betri
og ná langt,“ undirstrikar Bentley. „Viðskiptavinir okkar eru
fólk sem hefur þegar náð langt, hefur afkastað miklu en skort-
ir tilgang og fullnægingu í lífinu. Það má segja að þeir þrái
innra jafnvægi. Áður veitti kirkjan þetta en nú er þessa að leita
annars staðar.“
Vandinn við að ná árangri, ná settu marki, er að þá virðist
einskis frekar að leita. „Þegar þannig er komið finnst fólki það
standa í stað og ekki komast lengra. Ferðin er að baki, segir
Bentley. „En aðalatriðið er að vera, ekki að verða.“ Og það er
þetla sem lífsþjálfinn Bentley og samstarfsmenn hans reyna að
fá viðskiptavinina til að koma auga á. Til þess að geta notið lífs-
ins, einnig þegar takmörkunum hefur verið náð, er nauðsyn-
legt að læra að vera og njóta þess sem er, í stað þess að þurfa
alltaf að vera á leiðinni að einhveiju takmarki.
Nelið er miðlægt Líkt og svo mörg önnur fyrirtæki notar
Charles Bentley Netið. Á vefsíðu sinni, www.lifecoach.co.uk,
kynnir hann bæði hugtakið í stuttu máli, þjónustuna og þá
starfsþjálfun sem fyrirtækið veitir og auk þess notar hann Net-
ið til samskipta við viðskiptavinina, eins og áður er nefnt.
Starfsþjálfunin er viðamikill hluti af starfsemi Bentley's,
eins og sjá má á Netsíðu hans. Fólk getur sett sig í samband,
ef það hefur áhuga á starfsþjálfun. Það kostar ekkert að spyij-
ast fyrir um möguleikana. Ef viðkomandi er álitinn koma til
greina er honum boðið í viðtal sem kostar fimmtíu pund.
Næst tekur við undirbúningur er dreifist á ijögur skipti, alls
sex klukkustundir, sem miðast við að undirbúa viðkomandi
undir þjálfun sem fer fram i hóp. Þetta stig kostar 300 pund.
Síðan tekur við hin eiginlega þjálfun, sem skiptist á þijár helg-
ar með nokkurra vikna millibili. Sú þjálfun, ásamt námsefni,
frekari einstaklingsstuðningi og sambandi í gegnum síma og
Netið, kostar 1750 pund. Fyrir þetta fæst vottorð um að við-
komandi hafi hlotið þjálfun sem lífsþjálfi. Ef viðkomandi hefur
síðan störf sem lífsþjálfi getur hann kosið að greiða 250 pund á
ári fyrir að fá að nota vörumerki Bentley's.
Það var þegar Bentley hóf að nota Netið fyrir nokkrum
árum að hann komst á snoðir um hugtakið „lifecoach", en þá
var hann hann einmitt á höttunum eftir nýjum hugmyndum.
Nú er hann ögn stoltur af að vera lipur að nota Netið. Það eru
einfaldlega ekki margir sem ná því að þróa upp nýja viðskipta-
hugmynd á hans aldri og öðlast einnig færni í notkun nýrrar
tækni. Bentley er því sjálfur gott dæmi um að það er afstaðan
til lífsins sem skiptir máli og að það er aldrei of seint að hug-
leiða nýjungar og þá nýju möguleika sem í þeim felast. B3
Erfitt að höndla hamingjuna
Þeir sem leita á náðir lífsþjálfa eiga það yfirleitt sameiginlegt að vera vel
menntaðir og hafa náð langt, en vera samt að einhverju leyti ekki ánægðir með
sitt hlutskipti, þótt það geti annars virst harla gott í augum annarra. Það kostar
blóð, svita og tár að ná langt í lífinu, en það er ekki síður erfitt að höndla ham-
ingjuna þegar takmarkinu er náð.
49