Morgunblaðið - 18.03.2001, Blaðsíða 2

FRÉTTIR
2 SUNNUDAGUR 18. MARS 2001 MORGUNBLAÐIÐ
MORGUNBLAÐINU í dag
fylgir bæklingur frá Heims-
ferðum.
MORGUNBLAÐINU í dag
utan höfuðborgarsvæðis
fylgir blað frá Kringlunni,
„Kringlukast“.
NÝ þota fraktflugfélagsins Blá-
fugls kom til landsins í gærmorgun
eftir breytingar í Bandaríkjunum.
Fyrsta fraktferðin verður farin
næstkomandi sunnudag til Kölnar.
Fyrirtækið ráðgerir flug milli Ís-
lands, Englands og Þýskalands
fimm sinnum í viku og um helgar
verður einnig flogið til Lúx-
emborgar.
Þota Blá-
fugls komin
til landsins
Morgunblaðið/Jim Smart
TÖLUVERÐ átök urðu á flokks-
þingi Framsóknarflokksins í gær um
sjávarútvegsmál. Unnið var að því að
ná samkomulagi í sjávarútvegsnefnd
þingsins og hefur komið fram tillaga
um að skipuð verði nefnd til að fara
ítarlega ofan í þessi mál innan
flokksins. Magnús Stefánsson, sem
stýrir sjávarútvegshópnum, sagðist
vonast eftir að samkomulag tækist
um þessa málsmeðferð. Það væru
margir á þeirri skoðun að það þyrfti
að skoða miklu betur þær hugmynd-
ir sem fram hefðu komið á þinginu.
Samkvæmt drögum að ályktun um
sjávarútvegsmál sem liggja fyrir
þinginu er lagt til að „að við endur-
skoðun á lögum um stjórn fiskveiða
verði byggt á því samkomulagi sem
náðist í auðlindanefnd. Tekið verði
upp hóflegt gjald fyrir afnotarétt af
aflaheimildum er taki mið af afkomu
sjávarútvegsins. Tekjur af aflaheim-
ildum renni í ríkissjóð“.
Deilt um tillögu Kristins
Kristinn H. Gunnarsson, formað-
ur þingflokks framsóknarmanna,
hefur hins vegar lagt fram tillögu um
að flokksþingið lýsi sig fylgjandi svo-
kallaðri fyrningarleið, en hún geng-
ur út á að ákveðinn hundraðshluti
veiðiheimildanna verði fyrndur
hvert ár þar til allar aflaheimildir
hafa verið innkallaðar. Kristinn
leggur til að fyrndum aflaheimildum
verði ráðstafað til ákveðins tíma með
því að selja þær á markaði eða upp-
boði. Kristinn vill ennfremur að
sveitarfélögum verði fengið forræði
yfir þriðjungi til fjórðungi veiðiheim-
ildanna og þau hafi tekjur af þeim.
Magnús Stefánsson sagði að tekist
hefði verið á um þessar tillögur í
sjávarútvegsnefnd flokksins. Flestir
væru hins vegar sammála um að þörf
væri á að ræða þessi mál betur innan
flokksins. Það lægi t.d. ekki fyrir
hvernig menn vildu útfæra fyrning-
arleiðina og eins lægi ekki fyrir
hvaða afleiðingar gjaldtaka eða fyrn-
ing hefði á sjávarútveginn og byggð-
ir landsins. Þess vegna hefði komið
fram tillaga um að flokkurinn setti á
fót nefnd til að fjalla ítarlega um
þessi mál með hliðstæðum hætti og
gert var í Evrópumálum.
Magnús sagði að ef þetta gengi
eftir yrðu bæði tillaga Kristins og til-
laga um hóflegt auðlindagjald dregn-
ar til baka og færu til nánari skoð-
unar í nefndinni. Hins vegar yrði
lagt til við flokksþingið að það álykt-
aði um að áfram yrði byggt á tví-
skiptu kerfi, aflamarkskerfi annars
vegar og hins vegar smábátakerfi
sem yrði blandað aflamarkskerfi og
sóknarmarkskerfi.
Valgerður Sverrisdóttir viðskipta-
og iðnaðarráðherra gagnrýndi til-
lögu Kristins á þinginu í gær og
mælti með því að látið yrði reyna á
hvort hún ætti stuðning í atkvæða-
greiðslu. Jóhannes Geir Sigurgeirs-
son, fyrrverandi alþingismaður, var-
aði einnig við afleiðingum af tillögu
Kristins. Tillaga Kristins fékk hins
vegar stuðning frá allmörgum þing-
fulltrúum. M.a. lýsti Einar Skúlason,
formaður Sambands ungra fram-
sóknarmanna, stuðningi við hana.
Sjávarútvegsályktun þingsins
verður afgreidd í dag, á lokadegi
þingsins.
Átök um sjávarútvegsmál á flokksþingi framsóknarmanna
Auðlindagjald og fyrning-
arleið verði skoðuð í nefnd
KJARASAMNINGUR var undirrit-
aður í húsakynnum Ríkissáttasemj-
ara aðfaranótt laugardags milli
samninganefndar ríkisins og Far-
manna- og fiskimannasambands Ís-
lands og Félags matreiðslumanna
vegna starfa hjá Landhelgisgæslu
Íslands.
Í fréttatilkynningu frá Ríkissátta-
semjara segir að samningurinn taki
mið af kjarabreytingum sem orðið
hafa hjá farmönnum og gildir hann
til 31. ágúst 2004.
Fundur hófst kl. 13.30 í gær í deilu
sjómanna og útgerðarmanna en
fundir hafa staðið stíft síðustu daga.
Samið við
sjómenn
hjá Gæsl-
unni
KOSNINGABARÁTTA Framsókn-
arflokksins vegna alþingiskosning-
anna 1999 kostaði flokkinn 34,4 millj-
ónir króna. Þetta kom fram í skýrslu
Unnar Stefánsdóttur, gjaldkera
flokksins, á flokksþingi Framsókn-
arflokksins. Hún sagði að fjárhags-
staða flokksins hefði oft verið verri
en brýnt væri að lækka skuldir
flokksins sem væru ekki síst komar
til vegna kosningabaráttunnar.
Á flokksþinginu voru reikningar
vegna áranna 1998–2000 afgreiddir.
Samtals námu rekstrartekjur á
þessum árum 140,9 milljónum.
Rekstrargjöld námu 152,8 milljónum
og þess vegna var rekstrartap þess-
ara þriggja ára 11,9 milljónir.
Stærsti einstaki tekjuliðurinn var 90
milljóna króna framlag frá þing-
flokki framsóknarmanna. Vaxta-
gjöld námu 11,2 milljónum. Fram
kom í máli Unnar að langtímaskuldir
Framsóknarflokksins næmu sam-
kvæmt þessu uppgjöri 30 milljónum
og skammtímaskuldir 25 milljónum.
Hún tók fram að á fyrstu mánuðum
þessa árs hefði tekist að lækka
skuldir flokksins og mikilvægt væri
að halda því áfram.
Kosninga-
baráttan
kostaði 34
milljónir
MYNDAVÉLUM, myndbandsupp-
tökuvélum og linsum fyrir milljónir
króna var stolið í innbroti í verslun
Hans Petersens við Laugaveg að-
faranótt laugardags. Þrír menn voru
að verki en komust undan. Fulltrúi
fyrirtækisins segir að svo virðist sem
ránið hafi verið þaulskipulagt en
ræningjarnir voru flúnir 27 sekúnd-
um eftir að hafa brotið rúðu á fram-
hlið verslunarinnar. Að sögn lögregl-
unnar var innbrotið tilkynnt klukkan
5:19 á laugardagsmorgun.
Eftirlitsmyndavélar námu inn-
brotið og athafnir mannanna þriggja
inni í versluninni en þeir voru allir
grímuklæddir. Létu þeir viðvörunar-
bjöllur, sem fóru í gang við innbrotið,
ekki aftra sér. Er þetta þriðja inn-
brotið í verslunina á skömmum tíma.
„Þetta er skelfileg þróun og
glæpamennirnir virðast ekki láta sig
öflugar varnir neinu skipta. Við
sjáum ekki önnur ráð úr þessu en
hafa vaktmenn í verslununum á nótt-
unni,“ sagði fulltrúi Hans Petersen
við Morgunblaðið.
„Þetta hefur verið þrælhugsað
innbrot og glæpamennirnir virðast
vita nákvæmlega hvað þeir vilja.“
Innbrot hjá Hans Petersen
Milljónaverð-
mætum stolið
Morgunblaðið/Kristinn
Glerbrot og auðar hillur mættu starfsfólki Hans Petersen á laugardags-
morgun eftir að innbrotsþjófar höfðu látið greipar sópa um verslunina.
SÍMINN mun næsta sumar gera
áskrifendum GSM-þjónustu kleift
að fá 64 kílóbita SIM-kort sem í er
fólgin rafræn undirskrift. Með
þessum hætti hyggst Síminn
tryggja að GSM-notendur geti
stundað viðskipti eða verslað með
símum sínum í gegnum Netið með
öruggum hætti.
Magnús Salberg Óskarsson,
verkefnisstjóri hjá Símanum, sagði
að fyrirtækið væri meðal fyrstu
símafyrirtækja í heimi til þess að
hefja miðlun rafrænna undirskrifta
í SIM-kort til notenda GSM-þjón-
ustu en hægt verður að nota debet-
kortareikninga eða kreditkort með
þessari tækni. Hann sagði að
ástæða þess að nýjum kortum væri
skipt út fyrir þau gömlu, sem voru
16 eða 32 kílóbita kort, væri sú að
nú væri hægt að tryggja öryggi
með svokölluðum PKI-staðli, sem
er hin eiginlega rafræna undir-
skrift, og WIM-staðli, sem tryggir
að notandi með WAP-síma geti
nálgast rafrænu undirskriftina í
símanum sjálfum en þurfi ekki að
fá hana senda með SMS-skilaboða-
þjónustu.
„Bankarnir hér á landi fóru á sín-
um tíma af stað með WAP-þjónustu
fyrir viðskiptavini sína en vegna
þess að ekki náðist sátt um þá ör-
yggisstaðla sem voru til staðar
komst þessi þjónusta aldrei á flug.
Með nýjum kortum getur hins veg-
ar sá sem veitir ákveðna þjónustu
orðið þess fullviss að viðskiptavin-
urinn sé sá sem hann segist vera en
ekki einhver sem hefur fengið upp-
lýsingar um kortanúmer á óheið-
arlegan hátt. Þá getur viðskiptavin-
ur haft fullvissu fyrir því að engar
fleiri færslur fari fram án hans
samþykkis en sérstakur kóði mun
tryggja öryggi viðskipta hjá báðum
aðilum. Með öðrum orðum fær
GSM-notandi sitt eigið auðkenni
sem tryggir öryggi í hvívetna.“
Gert er ráð fyrir að hægt verði
að dreifa kortunum í júní eða júlí
en Magnús taldi víst að þau mundu
opna fyrir ýmiss konar nýja þjón-
ustu eins og greiðslumiðlun í gegn-
um GSM-síma, aðgengi að innri
upplýsingakerfum fyrirtækja eða
að gagnasöfnum opinberra aðila
eins og hjá skattayfirvöldum og
heilbrigðisstofnunum. Hann benti
jafnframt á að Ísland væri tilvalið
til þess að gera tilraunir með
greiðslumiðlun í gegnum GSM-
síma því hjá Reiknistofu bankanna
væri hægt að komast að sameig-
inlegu miðlægu kerfi allra banka í
landinu. „Með góðri lausn er hægt
að fá aðgengi að öllum reikningum
landsmanna í gegnum GSM-síma.“
Hjá Símanum eru um 130 þúsund
viðskiptavinir í GSM-áskrift en
Magnús sagði ekki ljóst hvort þeir
mundu bera einhvern kostnað af
því að skipta út sínu SIM-korti fyr-
ir nýtt. Hann vildi ekki gefa upp
hvaða kostnað Síminn bæri af því
að kaupa ný SIM-kort fyrir not-
endur.
Rafræn undir-
skrift í GSM-síma