Morgunblaðið - 01.09.2001, Blaðsíða 2
FRÉTTIR
2 LAUGARDAGUR 1. SEPTEMBER 2001 MORGUNBLAÐIÐ
VERÐ á bensíni hækkar um 90
aura í dag. Hjá Olíufélaginu og
Olís hækkar verð á 95 oktana
og 98 oktana bensíni um 90
aura, en hjá Skeljungi breytist
einungis verð á 95 oktana bens-
íni.
Eftir hækkunina kostar 95
oktana bensín 99,70 kr. lítrinn
hjá þessum þremur olíufélög-
um. 98 oktana bensín kostar
eftir verðbreytingu 104,40 kr.
hjá Olíufélaginu og Olís. Verð á
öðru eldsneyti, þar á meðal 99
oktana Shell V-Power, breytist
hins vegar ekki, en það kostar
125 kr.
Ofangreint verð er án af-
sláttar sem víða er boðið upp á
á bensínstöðvum. Verð hjá ÓB-
bensíni breytist ekki, en þar
kostar 95 oktana bensín 95,30
kr. Engar breytingar verða á
dísilolíu eða öðrum tegundum
eldsneytis.
Olíufélögin vísa til verð-
hækkana á heimsmarkaði í
rökstuðningi sínum fyrir verð-
breytingunni. Fram kemur í
tilkynningu Olís að gengi
Bandaríkjadollars gagnvart
krónu hafi verið hagstæðara
sem vinni gegn frekari hækk-
un.
Bensínið
hækkar
Fylgstu
með
nýjustu
fréttum
www.mbl.is
Þórsarar í góðum málum
í 1. deildinni / B4
Ætlum að gera Tékkum
lífið leitt / B3
4 SÍÐUR16 SÍÐUR
Sérblöð í dag
Á LAUGARDÖGUM
ÁKVEÐIÐ hefur verið að flýta
flutningi bráðageðdeildar frá
Kleppsspítala á geðsvið Landspítal-
ans við Hringbraut. Jóhannes Gunn-
arsson, lækningaforstjóri á Land-
spítala, segir að ástæðan sé skortur á
starfsfólki. Hann segir einnig að í
vetur sé fyrirhugað að flytja bráða-
geðdeildina í Fossvogi í geðdeildar-
húsið við Hringbraut.
„Það er stefna spítalans að draga
saman þá starfsemi sem saman á.
Það var grundvöllur að sameiningu
spítalanna að gera það. Þetta gildir
um geðsviðið eins og allar aðrar
deildir. Það var tekin um það ákvörð-
un fyrir nokkru að færa bráðamót-
töku geðlækninganna í húsið við
Hringbraut.
Það var ákveðið fyrr í sumar að
deildin í Fossvogi flytti í húsnæði
sem í áraraðir hefur verið notað í
aðra starfsemi í geðdeildarhúsnæð-
inu við Hringbraut. Þessi deild mun
hafa svipað pláss og áður. Á Kleppi
eru bráðadeildir og við viljum flytja
þá bráðastarfsemi inn á Hringbraut,
en okkur þykir að þessi bráðastarf-
semi hafi verið of dreifð. Þessi flutn-
ingur mun gerast fyrr en við upp-
haflega ráðgerðum. Ástæðan er sú
að tvær bráðadeildir á geðsviði eru
núna reknar á hálfum afköstum
vegna mannaflaskorts. Þess vegna
höfum við ákveðið að draga þessa
starfsemi saman á einn stað þannig
að okkur nýtist sá mannafli sem við
höfum sem best. Ein af bráðadeild-
unum á Kleppi verður flutt mjög
fljótlega og deildin í Fossvogi verður
flutt í nóvember eða desember.
Þetta er sú stefna sem við verðum að
fylgja, en hún byggist á því að nýta
mannafla, húsnæði og fé eins vel og
hægt er,“ sagði Jóhannes.
Bráðageðdeildir LSH
fluttar að Hringbraut
BRETI sem handtekinn var með sex
kíló af hassi í farangri sínum á Kefla-
víkurflugvelli 8. júlí sl. var dæmdur í
fimmtán mánaða fangelsi. Maðurinn
neitaði frá upphafi sakargiftum og
sagði að fíkniefnunum hefði verið
komið fyrir í töskunni án vitundar
sinnar.
Í niðurstöðu Héraðsdóms Reykja-
víkur segir að frásögn Bretans sé öll
með ósennileikablæ og losaraleg í at-
riðum sem máli skipta. Ferðamáti
hans og það sem hann segir um til-
gang með ferðum sínum hingað, ann-
arsvegar í maí sl. og svo aftur í júlí,
sé í hæsta máta tortryggilegt.
Þá hafi dómari skoðað ferða-
töskuna gaumgæfilega. Farangur
mannsins var hafður í töskunni og
þyngd, sem samsvaraði hassinu, var
bætt í. Dómarinn handfjatlaði
töskuna með og án þyngdaraukans
og komst að þeirri niðurstöðu að um-
búnaður fíkniefnanna, svo og þyngd
þeirra, útiloki að ákærði hafi ekki
vitað af þeim. Þá verði að telja það
algerlega fráleitt að ætla að aðrir
reyni á þennan hátt að flytja efnin til
landsins án vitneskju og samþykkis
ákærða. Engin skynsamlega ástæða
væri til að efast um að Bretinn hefði
vísvitandi flutt hassið hingað til
lands.
Auk refsingarinnar var Bretinn
dæmdur til greiðslu málsvarnar-
launa verjanda sína, Sveins Andra
Sveinssonar, hrl.
Pétur Guðgeirsson kvað upp dóm-
inn en Svavar Pálsson sótti málið
fyrir hönd ákæruvaldsins.
Breti dæmdur í 15 mánaða fangelsi fyrir smygl á sex kílóum af hassi
Frásögnin talin
vera losaraleg
Í JÚLÍMÁNUÐI voru fluttar út
vörur fyrir 15,5 milljarða króna og
inn fyrir 17,2 milljarða króna og voru
vöruskiptin í júlí því óhagstæð um
1,7 milljarða króna, en í júlí í fyrra
voru þau óhagstæð um 4,0 milljarða
á föstu gengi.
Halli var á vöruskiptunum við út-
lönd fyrstu sjö mánuðina, nam 11,5
milljörðum króna en á sama tíma ár-
ið áður voru þau óhagstæð um 24,3
milljarða á föstu gengi. Fyrstu sjö
mánuði ársins var vöruskiptajöfnuð-
urinn því 12,8 milljörðum króna hag-
stæðari en á sama tíma í fyrra.
Verðmæti vöruútflutnings fyrstu
sjö mánuði ársins var 7,5 milljörðum
eða 8% meira á föstu gengi en á sama
tíma árið áður. Aukningin stafar að
stórum hluta af útflutningi á áli og
auknum skipaútflutningi. Sjávaraf-
urðir voru 63% alls útflutnings og
var verðmæti þeirra 1% meira en á
sama tíma árið áður. Aukningu sjáv-
arafurða má einna helst rekja til
aukins útflutnings á fiskimjöli.
Verðmæti vöruinnflutnings fyrstu
sjö mánuði ársins var 5,2 milljörðum
eða 4% minna á föstu gengi en á
sama tíma árið áður. Mestur sam-
dráttur hefur orðið í innflutningi á
flutningatækjum
!"#$%
'
!
"!#
! " # !
$
$!
%
$%
"
$
&
'
$
&! ' (
() *+,)
, (+)-
),,,
( ..,+
,, ++./
,)-,
( 0+)/
) .+01
0 1/++
. */**
. -+*.
. /,//
,, /()+
, ,-.-
, .-.0
( --*,
.* +*11
,/01
, .(/)
0 1/(,
+ (*((
, *1,.
( 1((*
) +0/*
!"
2,(,3
4((03
"
41.3
2(-13
4-.3
2(,(3
2+.3
4-+,3
4-,13
4+++3
2-,(3
#$%&'
()
*
+
),#*-
& "
!% !
%'
Halli á vöruskipt-
um 11,5 milljarðar
ÞAU tímamót urðu í sögu Lands-
síma Íslands í gær, að síðasti hlut-
hafafundur fyrirtækisins sem rík-
isfyrirtækis var haldinn. Fundinn
sat m.a. eini hluthafi fyrirtæk-
isins, Sturla Böðvarsson sam-
gönguráðherra.
Á fundinum var verið að ganga
frá ýmsum breytingum á sam-
þykktum sem taldar voru nauð-
synlegar í aðdraganda einkavæð-
ingar fyrirtækisins.
Á fundinum bar eini hluthafi
hlutafélagsins, samgönguráð-
herra, upp tillögu um breytingar
á samþykktum hlutafélagsins.
Skemmst er frá því að segja að
tillagan var samþykkt af ráð-
herra.
Á myndinni eru frá vinstri: Sig-
urgeir H. Sigurgeisson fundarrit-
ari, Jakob Falur Garðarsson, að-
stoðarmaður samgönguráðherra,
Ragnhildur Hjaltadóttir, skrif-
stofustjóri samgönguráðuneytis,
Jón Birgir Jónsson ráðuneytis-
stjóri, Sturla Böðvarsson sam-
gönguráðherra, Friðrik Pálsson,
stjórnarformaður Landssímans,
Þórarinn V. Þórarinsson, forstjóri
Landssímans og Andri Árnason,
lögmaður Landssímans.
Morgunblaðið/Sverrir
Síðasti hluthafa-
fundur Landssímans
Blaðinu í
dag fylgir rit
Leikfélags
Reykjavíkur,
„Málgagn“.