Morgunblaðið - 01.09.2001, Blaðsíða 68

MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 LAUGARDAGUR 1. SEPTEMBER 2001 VERÐ Í LAUSASÖLU 190 KR. MEÐ VSK.
SKIPULAGSSTOFNUN hefur fallist á bygg-
ingu álvers og rafskautaverksmiðju í tveimur
áföngum í Reyðarfirði þar sem gert er ráð fyrir
allt að 420.000 tonna álframleiðslu og 233.000
tonna framleiðslu á rafskautum á ári. Hins vegar
setur Skipulagsstofnun tvö skilyrði fyrir fram-
kvæmdum vegna umtalsverðrar mengunar sem
af álverinu og rafskautaverksmiðjunni muni
hljótast.
Skilyrðin eru í fyrsta lagi þau að engin búseta
verði innan ákveðinna marka í kringum álverið
og rafskautaverksmiðjuna og í öðru lagi að fylgst
verði náið með styrk mengandi efna í lofti, á
jörðu og í sjó innan og utan skilgreindra þynn-
ingarsvæða umhverfis álverið.
Að mati Skipulagsstofnunar verða umhverfis-
áhrif álverksmiðju í Reyðarfirði margvísleg en
þyngst vegi þar annars vegar áhrif á loft og sjó
og hins vegar áhrif á samfélagið. Fyrirhuguð raf-
skautaverksmiðja er talin hafa í för með sér um-
talsverða losun mengunarefna en samkvæmt
upplýsingum Reyðaráls hf. er slík verksmiðja
skilyrði fyrir hagkvæmni þess að starfrækja ál-
ver af þeirri stærðargráðu sem um ræðir.
Að mati Skipulagsstofnunar ætti að vera hægt
að uppfylla gildandi kröfur samkvæmt íslenskum
reglugerðum og kröfum Evrópusambandsins
varðandi mengunarviðmið í sjó og andrúmslofti í
Reyðarfirði að því skilyrði uppfylltu að engin bú-
seta verði innan marka þynningarsvæðis verk-
smiðjunnar.
Í úrskurði Skipulagsstofnunar kemur fram að
bygging og rekstur álversins muni hafa jákvæð
áhrif á atvinnulíf á Austurlandi, sem m.a. verða
fólgin í fjölda nýrra starfa við álverið. Gert er ráð
fyrir að um 610 manns vinni í álverinu þegar
seinni hluta framkvæmda lýkur árið 2012. Þá
gerir Skipulagsstofnun ráð fyrir að framkvæmdir
við byggingu og rekstur álversins muni leiða til
samþjöppunar byggðar í Fjarðabyggð og öðrum
sveitarfélögum á Mið-Austurlandi. Það verði hins
vegar hugsanlega á kostnað jaðarsvæða á Aust-
urlandi.
Valgerður Sverrisdóttir, iðnaðar- og viðskipta-
ráðherra, segist gleðjast yfir úrskurði Skipulags-
stofnunar varðandi byggingu álvers í Reyðar-
firði. Hún telur úrskurðinn ekki óeðlilegan og að
skilyrðin séu ekki óyfirstíganleg sem þar eru sett
fram. „Það má segja að það sé komin upp svolítið
sérkennileg staða þegar maður horfir á Noral-
verkefnið sem slíkt. Hvað varðar úrskurð Skipu-
lagsstofnunar þá er álverið jákvætt og höfnin,
línan og vegurinn, en hins vegar virkjunin ekki.
En það er náttúrlega með þennan úrskurð eins
og aðra að það er ekki þar með sagt að þetta sé
niðurstaðan, því nú á eftir að koma í ljós hvort
um kæru verður að ræða og þá er það ráðherra
sem á síðasta orðið,“ sagði Valgerður.
Fallist á álver í Reyðarfirði
með tveimur skilyrðum
 Skilyrði sett/34–35
SALA á nýjustu sólóplötu Bjarkar
Guðmundsdóttur, Vespertine, hef-
ur gengið vel, að sögn Dereks
Birkets, útgefanda Bjarkar hjá út-
gáfufyrirtækinu One Little Indian.
Búið er að selja 1,2 milljónir ein-
taka á heimsvísu, en platan kom út
í Evrópu á miðvikudag. Platan
vermir efstu sæti í Frakklandi og
á Spáni og fjórða sætið í Þýska-
landi. Á miðvikudag var platan í
áttunda sæti breska listans. Sölu-
tölur fyrir Norðurlöndin birtast
ekki fyrr en á mánudag en þess
má geta að síðasta plata Bjarkar,
Homogenic, fór í efsta sæti danska
vinsældalistans þegar hún kom út í
september 1997.
Í umfjöllun um plötuna sem
birtist á síðum Lesbókar í dag
segir meðal annars: „Vespertine er
vitnisburður um að Björk hefur
ekki staðnað sem tónlistarmaður,
heldur stigið ákveðið skref í til-
tekna átt.“
Plata Bjarkar, Vespertine, komin í efsta sæti á Spáni
1,2 milljónir seldar
 Sagan af/C4–6
NÝTT fiskveiðiár hefst í dag, 1.
september, í skugga gildistöku
laga um veiðistjórn krókabáta
sem skiptar skoðanir eru um.
Þeir Skarphéðinn Gíslason og
Einar Guðmundsson, á krókaafla-
marksbátnum Jóni Emil ÍS, lönd-
uðu síðasta afla gamla fiskveiði-
ársins á Suðureyri í gær. Þeir
segja að mikil óvissa ríki um
framtíð smábátaútgerðar á Vest-
fjörðum og að öllu óbreyttu legg-
ist línuútgerð þeirra nánast af.
Morgunblaðið/Halldór Sveinbjörn
Fiskveiðiáramót gengin í garð
 Erum að berjast/22-23
LYFJAVERSLUN Íslands hf. hefur
falið lögmanni að gera nauðsynlegar
ráðstafanir til að ganga frá því með
formlegum hætti að Jóhann Óli Guð-
mundsson skili 170 milljónum króna
af nafnverði hlutafjár í Lyfjaverslun
sem honum höfðu verið afhentar sem
greiðsla upp í kaupverð á Frumafli.
Þetta kemur fram í tilkynningu frá
Lyfjaverslun í tengslum við hálfs-
ársuppgjör félagsins sem birt var í
gær.
Hæstiréttur komst að þeirri niður-
stöðu í júlí síðastliðnum að ákvörðun
meirihluta fyrri stjórnar Lyfjaversl-
unar um kaup á Frumafli hafi verið
ólögmæt.
Tap af rekstri félagsins
Rekstrarniðurstaða Lyfjaverslun-
ar á fyrstu sex mánuðum þessa árs
var neikvæð um 32 milljónir króna en
á sama tíma í fyrra var hins vegar
hagnaður upp á 32 milljónir.
„Lyfjaverslun Íslands er að reyna
aðbeina athyglinni frá lélegum
rekstrarárangri að hlutum, sem ekki
hafa neitt með þann árangur að
gera,“ sagði Hannes Guðmundsson,
framkvæmdastjóri Frumafls, inntur
eftir viðbrögðum sínum við umræddri
ákvörðun Lyfjaverslunar Íslands.
Lögmanni
falið að
innheimta
hlutafé
 Gengistap ástæða/24
Enn deilt um Frumafl
innan Lyfjaverslunar
LÖGREGLAN í Árnessýslu hand-
tók einn mann og lagði hald á 165
lítra af landa og um 900 lítra af
gambra, auk suðutækja og annars
búnaðar til landaframleiðslu við hús-
leit í grennd við Flúðir í gær.
Landinn var á milli 40 og 45% að
styrkleika og gambrinn á mismun-
andi framleiðslustigi en styrkleiki
hans var á bilinu 3–10%.
Maðurinn, sem var handtekinn,
viðurkenndi að hafa staðið að fram-
leiðslunni og að hann væri einn við-
riðinn málið. Engin skýring fékkst
hjá honum á því magni landa og
gambra sem hjá honum fannst. Lög-
reglan í Árnessýslu hafði haft grun
um starfsemina og hafði haft málið
til rannsóknar uns látið var til skarar
skríða.
Hald lagt
á hundruð
lítra
af bruggi
HJÖRTUR Jónsson og Ísak
Guðjónsson, keppendur í al-
þjóðlega rallinu Rally Reykja-
vík, féllu úr keppni í gær er
þeir veltu bifreið sinni tvisvar,
í fyrra skiptið á sérleið um
Gunnarsholt, þar sem þessi
mynd var tekin. Þeim tókst að
gera við bifreiðina í hádegis-
hléi en för þeirra endaði ekki
vel á Lyngdalsheiðinni þegar
þeir veltu bifreið sinni í annað
sinn og urðu þar með að hætta
keppni.
Feðgarnir Rúnar Jónsson
og Jón Ragnarsson á Subaru
Impreza bættu við forskot sitt
í rallinu í gær og hafa nú rúm-
lega þriggja og hálfrar mínútu
forskot á Sigurð Braga Guð-
mundsson og Rögnvald
Pálmason á MG Metro.
Morgunblaðið/Gunnlaugur
Úr leik
eftir veltu
 Hjörtur og /B4