Morgunblaðið - 01.09.2001, Blaðsíða 8

FRÉTTIR
8 LAUGARDAGUR 1. SEPTEMBER 2001 MORGUNBLAÐIÐ
Afmælishátíð SKB
Boðnir upp
línudansskór
Ingibjargar
Í DAG verður framhaldið afmælisdagskráStyrktarfélags
krabbameinssjúkra barna
(SKB) sem hófst í gær og
lýkur á morgun. Dagskráin
í dag hefst klukkan 11 í
Fjölskyldugarðinum en þá
munu félagar í Fornbíla-
klúbbi Íslands bjóða félags-
mönnum SKB í ökuferð um
borgina. Rósa Guðbjarts-
dóttir er framkvæmdstjóri
SKB, hún var spurð hvern-
ig starfi félagins hefði mið-
að á þeim tíu árum sem það
hefur starfað.
„Helsta hlutverk þessa
félags hefur verið að styðja
fjárhagslega og félagslega
við bakið á fjölskyldum
þeirra barna sem greinast
með krabbamein, innan
sjúkrahúsa sem utan. Grundvöllur
neyðarsjóðs sem félagið starfrækir
var lagður árið 1993 í stórri lands-
söfnun á Stöð 2. Félagið hefur líka
beitt sér fyrir réttindabaráttu
félagsmanna og það sem hefur
áunnist á þessum árum er að það
hafa verið rýmkaðar reglur um
umönnunarbætur og réttur fjöl-
skyldnanna vegna ferðakostnaður
innanlands sem utanlands hefur
verið bættur. Þetta gildir fyrir fólk
sem t.d. kemur til Reykjavíkur ut-
an af landi með börn sín í meðferð
og þegar leita þarf út fyrir land-
steinanna eftir aukinni læknisað-
stoð. Það er einnig ýmislegt annað
sem við erum að berjast fyrir sem
er styttra á veg komið. Þá er efst í
huga réttur foreldra langveikra
barna til launaðs leyfis vegna veik-
inda krabbameinssjúkra barna –
en nú er rétturinn 7 til 10 dagar og
erum við þar langt á eftir t.d. Norð-
urlöndunum. Einnig er mjög mik-
ilvægt að komið verði á sálrænni
aðstoð inni á spítölunum fyrir börn
og aðstandendur þegar barn grein-
ist með krabbamein. Félagið legg-
ur mikla áherslu á að eftirlit verði
aukið með þeim börnum sem lifa
krabbamein af því að mörgum ár-
um eftir að krabbameinsmeðferð
lýkur geta alls kyns alvarlegar af-
leiðingar komið í ljós, líkamlegar,
andlegar og félagslegar.“
– Hvað gerist á hátíðinni?
„Í gær byrjaði hátíðin á að opn-
uð var afmælissýning í Kringlunni
þar sem saga og starfsemi SKB er
sett upp í máli og myndum og
stendur sú sýning til 9. september.
Einnig eru þar sýndar myndir eftir
börn innan félagsins, þar sem þau
tjá minningar sínar frá sjúkrahúss-
vistinni. Í dag ætla félagsmenn,
auk þess að aka með Fornbíla-
klúbbi, að skemmta sér saman í
Fjölskyldugarðinum. Þangað
munu Solla stirða og Maggi mjói úr
Latabæ koma í heimsókn. Dag-
skránni lýkur á því að SAM-bíóin
bjóða félagsmönnum á nýja fjöl-
skyldumynd. Á morgun ætlum við
að bjóða félagsmönnum og velunn-
urum til kaffisamsætis í Súlnasal
Hótel Sögu klukkan 15,
þar munu forseti Ís-
lands, herra Ólafur
Ragnar Grímsson, séra
Pálmi Matthíasson og
Benedikt Axelsson, for-
maður SKB, flytja
ávörp. Anna Pálína og
Aðalsteinn Ásberg
skemmta börnunum með söng og
gítarspili og klukkan 16.30 hefst
uppboð til styrktar SKB, þar mun
Ingibjörg Pálmadóttir, fyrrver-
andi heilbrigðisráðherra, bjóða
upp línudansskó sína og Selma
Björnsdóttir söngkona skóna sem
hún kom fram í á Evrópusöngva-
keppninni árið 1999. Hörður
Magnússon knattspyrnumaður
býður upp fótboltatreyjuna sína.
Öllum er frjálst að koma og bjóða í
þessa hluti, félaginu til styrktar.
Dagskránni lýkur með því að Jó-
hann Örn dansari skemmtir börn-
um á öllum aldri.“
– Eru margir félagsmenn í
SKB?
„Það eru fjölskyldur um 170
barna sem greinst hafa með
krabbamein. Auk þeirrar aðstoðar
sem félagið leggur til á meðan
meðferð barna stendur yfir er tals-
vert félagslíf í gangi. Má þar nefna
opin hús í húsnæði SKB á Suður-
landsbraut 6, en félagið er að flytja
á næstunni að Hlíðarsmára 14. Við
höfum einnig haldið útihátíð á
hverju ári í Vatnsdal í Húnavatns-
sýslu. Einnig eru jólasamkomur og
ýmislegt annað gert til að reyna að
gleðja börnin. Unglingahópur er
starfandi og Angi, hópur foreldra
sem misst hafa börn úr krabba-
meini. Félagið hefur greitt undan-
farin ár fyrir tíu börn í sumarbúðir
Paul Newman á Írlandi, sem eru
fyrir langveik börn.“
– Hvernig gengur að halda úti
þessum rekstri félagsins?
„Það tekst með dyggri aðstoð
einstaklinga og fyrirtækja en
félagið er algjörlega sjálfstæð ein-
ing. Félagið á tvær íbúðir í Reykja-
vík sem nýtast foreldrum allra
langveikra barna og
rekur einnig hvíldar-
heimili á Flúðum.
„Við fáum reglulega
til okkar lækna til að
skýra frá því nýjasta
sem er að gerast á
þessu sviði og stundum
hafa komið til okkar
félagsráðgjafar, sálfræðingar og
prestar sem hafa flutt fróðleg er-
indi. Fólk heldur mikilli tryggð við
þetta félag, líka þeir sem misst
hafa börn. Fólki finnst gott að
koma saman og hittast, bæði til að
gera sér glaðan dag og ræða þessa
sameiginlegu reynslu.“
Rósa Guðbjartsdóttir

Rósa Guðbjartsdóttir fæddist
29. nóvember 1965 í Reykjavík.
Hún tók stúdentspróf frá Flens-
borgarskóla í Hafnarfirði og
BA-próf í sjórnmála- og fjöl-
miðlafræði frá Háskóla Íslands.
Hún stundaði nám í almanna-
tengslum við háskólann í Tampa
í Flórída og hefur starfað við
blaðamennsku við DV og frétta-
mennsku á fréttastofu Stöðvar 2
og Bylgjunnar. Nú er hún fram-
kvæmdastjóri Styrktarfélags
krabbameinssjúkra barna. Rósa
er gift Jónasi Sigurgeirssyni og
eiga þau tvo syni.
Helsta hlut-
verkið að
styðja félags-
menn fjár-
hagslega og
félagslega.
GJALD fyrir talningu á íslenskri
smámynt í bönkum er mismunandi
eftir bankastofnunum og ekki gilda
skýrar reglur um hvenær gjald er
tekið af fólki sem kemur með upp-
safnaða smámynt og óskar eftir að fá
henni skipt í seðla heldur er það met-
ið eftir magni hverju sinni. Í öllum
bönkunum fá viðskiptavinir viðkom-
andi banka þjónustuna frítt.
Samkvæmt upplýsingum frá Ís-
landsbanka fer gjaldtaka fyrir taln-
ingu myntar mjög eftir aðstæðum.
Jafnan sé ekki tekið gjald fyrir taln-
ingu myntar þegar um er að ræða
einstaklinga með minni háttar fjár-
hæðir. Hins vegar er gjald tekið fyrir
talningu myntar fyrir verslanir og
fyrirtæki enda séu þau ekki að öðru
leyti í viðskiptum við bankann og er
útseld vinna bankamanns að lág-
marki 600 krónur en talning myntar
fellur undir lágmarksgjald. Bankinn
segir ástæðuna fyrir þessari gjald-
töku vera þá að bankinn leggi til
starfsmann, rekstur véla og umbúðir
sé myntin hólkuð á staðnum. Auk
þess komi til kostnaður vegna send-
ingar myntar til Seðlabanka Íslands.
Í Landsbanka fengust þær upplýs-
ingar að gjaldtaka fyrir talningu á
smámynt fari eftir því hversu mikið
magn er um að ræða og hve mikill
tími fer í að telja peningana. Komi
fólk með nokkurt magn af mynt og
tíma taki að telja hana sé gjald tekið
fyrir það samkvæmt útseldri vinnu en
lágmarksgjald er 500 krónur, en
bankinn skoði þetta eftir því magni
sem fólk kemur með hverju sinni.
Samkvæmt upplýsingum frá
Sparisjóði Reykjavíkur og nágrennis
er tekið 1.650 króna gjald fyrir taln-
ingu á smámynt en almennt séð gildi
þetta þó einungis um verslunareig-
endur og fólk í fyrirtækjarekstri sem
kemur reglulega með smámynt til
skipta í bankanum. Bankinn hafi ekki
tekið gjald af almenningi í þessum er-
indagjörðum.
Í Búnaðarbanka er hins vegar eng-
in gjaldtaka fyrir talningu smámynt-
ar og gildir þá engu hvort um er að
ræða viðskiptavini bankans eða ekki.
Magn og tími ræður gjaldtöku
vegna talningar á smámynt
HLUTA af skipsflaki hefur rekið á
fjöru við útfall Höfðakvíslar á
Mýrdalssandi. Talið er víst að hér
sé um að ræða hluta af tvíbytnu
Philips-liðsins sem fékk á sig
brotsjó um 1300 kílómetra vestur
af Írlandi 10. desember í fyrra.
Talsverð leit var gerð að skútunni
á sínum tíma en hún var metin á
um 600 milljónir íslenskra króna.
Áhöfnin yfirgaf skútuna er hún
varð fyrir skemmdum í óveðri.
Tvíbytnan var í reynslusiglingu en
ætlunin var að hún tæki þátt í
kappsiglingu kringum hnöttinn
sem hófst í Barcelona á Spáni um
síðustu áramót. Hönnun skútunnar
þótti byltingarkennd og var hún
stærsta tvíbytna sem smíðuð hafði
verið til keppnissiglinga. Skips-
skrokkarnir voru hvor um sig tæp-
ir 40 metrar á lengd.
Í lok maí í fyrra fann Lóðsinn í
Vestmannaeyjum stórt rekald
austur af eyjunum og reyndist það
vera annar hluti tvíbytnu Philips-
liðsins. Var flakið dregið inn til
hafnar í Vestmannaeyjum. Þá
fannst um 15 metra langur hlutur,
sem talinn er vera úr kili skút-
unnar, út af Hornafjarðarósi í vor.
Hluturinn var dreginn inn til
Hafnar í Hornafirði.
Síðastliðinn sunnudag fannst
10– 15 metra langur hluti úr flaki
skútunnar. Að sögn lögreglunnar í
Vík gerði ferðamaður lögreglu
viðvart um að hlutur væri á reki
við Höfðafjöru. Lögregla taldi
fyrst að um flugvélarvæng væri að
ræða. Þyrla frá Landhelgisgæsl-
unni var kölluð á staðinn og stað-
festi Thorben Lund, sigmaður á
TF SIF, að menn teldu þetta hluta
af flaki tvíbytnunnar sem fórst
vestur af Írlandi. Thorben sagðist
fyrst hafa komið auga á flakið 8.
júní s.l. þar sem það rak á svip-
uðum slóðum.
Hann sagði flakið merkt auglýs-
endum en að öðru leyti væri erfitt
að átta sig á hvaða hluta skipsins
væri um að ræða. Líklegast þykir
að þetta sé hluti af kilinum eða
mastri. Að sögn lögreglunnar í Vík
hefur ekki verið tekin ákvörðun
um hvort flakið verður fjarlægt.
Hluta flaks Philips-liðsins
rak á land á Höfðafjöru
Morgunblaðið/Jónas Erlendsson
Brakið sem rak á land við útfall Höfðakvíslar á Mýrdalssandi reyndist 72 feta langt. Í baksýn er Hjörleifshöfði.