Morgunblaðið - 03.11.2001, Blaðsíða 49

FRÉTTIR
MORGUNBLAÐIÐ LAUGARDAGUR 3. NÓVEMBER 2001 49
Klapparstíg 44, sími 562 3614
Frábærar
eldhúsvörur

Könnustatív kr. 3700

Eldhúsrúllustatív kr. 2.900

Lóð (messing) kr. 4.900

Vigt frá kr. 9.500

Kokkabókastatív kr. 3.995
Litir: Svart, grátt, blátt og grænt.
ARNAR Gunnarsson tefldi stór-
glæsilega gegn stigahæsta skák-
manni mótsins, Ivan Sokolov, í ní-
undu og næstsíðustu umferð
minningarmótsins um Jóhann Þóri
Jónsson. Auk áhorfenda í skáksal
fylgdust um 200 skákáhugamenn um
allan heim með skákinni á ICC-skák-
þjóninum og var fróðlegt að sjá um-
mæli þeirra um þessa viðureign Dav-
íðs og Golíats eftir því sem skákin
þróaðist. Arnar er um 400 skákstig-
um lægri en Sokolov, sem er einn af
sterkustu skákmönnum heims. Sú
ástæða ein og sér varð líklega til þess
að áhorfendur voru ósparir á gagn-
rýni á leiki Arnars til að byrja með,
ekki síst þegar skákforritin fóru að
meta stöðu hans sífellt verri og nán-
ast tapaða. En Arnar hafði séð lengra
en flestir áhorfendur, hvað þá skák-
forritin og skyndilega fóru einstaka
menn að koma auga á að þrátt fyrir
allt væri staðan ekki töpuð. Þá hafði
Arnar fórnað riddara, sem Sokolov
lagði ekki í að þiggja, og skömmu síð-
ar fórnaði hann biskupi með leik sem
kom Sokolov jafnt sem áhorfendum í
opna skjöldu. Skyndilega gerbreytt-
ist hljóðið í áhorfendum sem voru
orðnir gapandi yfir snilldinni eftir að
þeir gerðu sér grein fyrir að Arnar
var einfaldlega með gerunnið tafl
gegn þessum sterka skákmanni. Í
kjölfarið hrósuðu þeir Arnari í há-
stert og voru búnir að bóka þessa við-
ureign sem „Skák mánaðarins“ í sum
þekktustu skáktímarit heims. Eftir
því sem augu manna opnuðust betur
fóru jafnvel að heyrast enn há-
stemmdari lýsingar á skákinni og
ýmsir voru sammála um að kalla hana
bestu skák sem skákmaður undir
2.300 stigum hefði nokkurn tíma teflt!
Það er sjaldgæft að heyra svona sterk
viðbrögð skákáhugamanna meðan á
skák stendur, jafnvel þegar mestu
snillingar skákheimsins eigast við.
Sokolov gerði sér greinilega grein
fyrir því hvert stefndi og Björn Þor-
finnsson, sem var staddur í skáksal,
sá um að lýsa látbragði hans á Netinu
eftir að hann sá að taflið var tapað og
að skákin mundi væntanlega rata
með eftirminnilegum hætti í skák-
tímarit og skákbækur framtíðarinn-
ar. Í 55. leik gat Arnar síðan fylgt
glæsilegri taflmennsku eftir með því
að leika öflugum, en ekki auðfundn-
um leik, sem væntanlega hefði sam-
stundis leitt til uppgjafar Sokolovs.
Arnar gaf sér hins vegar ekki nægi-
legan tíma til að skoða stöðuna og
valdi leik sem dugði einungis til jafn-
teflis. Sokolov var ekki lengi að koma
auga á það og vopnin voru slíðruð í
framhaldinu.
Sokolov hældi Arnari á hvert reipi
fyrir taflmennskuna eftir skákina og
sagði hann hafa teflt á við bestu skák-
menn heims og átti erfitt með að trúa
að hann væri einungis með 2.289
skákstig. Arnar getur verið stoltur af
þessari skák, og ekki skemmdi fyrir
að jafnteflið tryggði honum annan
áfanga hans að alþjóðlegum meist-
aratitli.
Af öðrum úrslitum í níundu umferð
má nefna, að Friðrik Ólafsson sigraði
Björn Þorsteinsson. Þá vildi svo
óheppilega til að tveir efstu Íslend-
ingarnir fyrir þessa umferð, Helgi
Ólafsson og Hannes Hlífar, tefldu
saman í stað þess að fá að glíma við
einhverja af hinum erlendu meistur-
um. Hannes Hlífar, sem hafði hvítt í
skákinni, sigraði. Jafntefli Arnars við
Sokolov þýðir að Hannes er nú ein-
ungis hálfum vinningi á eftir Sokolov
fyrir lokaumferðina, en þá hefur
Hannes svart gegn Schandorff. Frið-
rik Ólafsson hefur hins vegar svart
gegn Sokolov.
Staðan fyrir síðustu umferðina er
þessi:
1. Ivan Sokolov 7 v.
2.–4. Hannes H. Stefánsson, Jan H.
Timman, Peter Heine Nielsen 6½ v.
5.–6. Jaan Ehlvest, Lars Schan-
dorff 6 v.
7.–13. Arnar Gunnarsson, Helgi
Ólafsson, Murray G. Chandler, Jonny
Hector, Leif Erlend Johannessen,
Friðrik Ólafsson, Stefán Kristjáns-
son 5½ v.
14.–18. Henrik Danielsen, Tomi
Nyback, Ingvar Þór Jóhannesson,
Þröstur Þórhallsson, Björn Þorfinns-
son 5 v.
19.–22. Jón Viktor Gunnarsson,
Magnús Örn Úlfarsson, Bragi Þor-
finnsson, Björn Þorsteinsson 4½ v.
Atkvöld á mánudag hjá Helli
Taflfélagið Hellir heldur eitt af sín-
um vinsælu atkvöldum mánudaginn
5. nóvember og hefst mótið kl. 20.
Fyrst eru tefldar 3 hraðskákir þar
sem hvor keppandi hefur 5 mínútur
til að ljúka skákinni og síðan þrjár at-
skákir, með tuttugu mínútna um-
hugsun.
Sigurvegarinn fær verðlaun, mat
fyrir tvo frá Domino’s pizzum. Þá
verður annar keppandi dreginn út af
handahófi, sem einnig fær máltíð fyr-
ir tvo hjá Domino’s pizzum. Þar eiga
allir jafna möguleika, án tillits til ár-
angurs á mótinu.
Þátttökugjald er 300 kr. fyrir fé-
lagsmenn (200 kr. fyrir 15 ára og
yngri) og 500 kr. fyrir aðra (300 kr.
fyrir 15 ára og yngri). Allir velkomn-
ir.
Skákmót á næstunni
3.11. SÍ. Íslandsmót drengja og
stúlkna
4.11. Hellir. Bikarmót Striksins á
ICC
Arnar tryggði sér AM-áfanga
með glæsilegri taflmennsku
Arnar Gunnarsson tefldi snilldarlega gegn Ivan Sokolov.
SKÁK
R á ð h ú s
R e y k j a v í k u r
MINNINGARMÓT UM
JÓHANN ÞÓRI JÓNSSON
23.10.–1.11. 2001
SKÁK
Daði Örn Jónsson
Níunda umferð
1 Arnar Gunnarss. - Ivan Sokolov ½-½
2 Jaan Ehlvest - Peter Heine Nielsen ½-½
3 Jan H. Timman - Lars Schandorff ½-½
4 Hannes H. Stefánss. - Helgi Ólafss. 1-0
5 Jonny Hector - Henrik Danielsen ½-½
6 Murray G. Chandler - Bragi Þorfinnss. 1-0
7 Friðrik Ólafss. - Björn Þorsteinss. 1-0
8 Þröstur Þórh.ss. - Ingvar Þ. Jóhanness. ½-½
9 L. Johannessen - Jón V. Gunnarss. 1-0
10 Stefán Kristjánss. - Kristján Eðvarðss. 1-0
11 Gylfi Þórhallss. - Tomi Nyback 0-1
12 Björn Þorfinnss. - Jón Árni Halldórss. 1-0
13 Ingvar Ásmundss. - Áskell Ö. Káras. ½-½
14 Róbert Harðars. - Tómas Björnss. ½-½
15 Guðmundur Gíslas. - Guðm. Pálmas. ½-½
16 Magnús Örn Úlfarss. - Páll A. Þórarinss. 1-0
17 Guðm. Kjartanss. - Olavur Simonsen 0-1
18 Davíð Kjartanss. - Sævar Bjarnas. 1-0
19 Lenka Ptacnikova - Dagur Arngrímss. 1-0
20 Sig. P. Steindórss. - Guðj. H. Valgarðss. 1-0
21 Halldór Halldórss. - Hrannar Baldurss. 1-0
Á AÐALFUNDI Foreldra- og
styrktarfélags Greiningarstöðvar
sem haldinn var 24. október síðast-
liðinn var svohljóðandi ályktun sam-
þykkt.
„Fundurinn lýsir yfir þungum
áhyggjum vegna þeirrar skerðingar
sem orðið hefur á þjónustu Grein-
ingar- og ráðgjafarstöðvar ríkisins
vegna langvarandi fjárhagsvanda
hennar. Greiningar- og ráðgjafar-
stöð ríkisins er eina stöðin á landinu
sem sinnir greiningu barna með al-
varleg þroskafrávik. Nákvæm
greining á styrkleikum og veikleik-
um barna með fötlun er nauðsyn-
legur undanfari ráðgjafar til for-
eldra sem og annarra sem vinna
með börnunum. Ráðgjöf sérhæfðs
starfsfólks Greiningarstöðvar til
annara fagaðila er ein af forsendum
þess að börnum með fötlun vegni
vel í almennu þjónustukerfi. Ná-
kvæm greining á vanda þeirra og
snemmtæk íhlutun hefur það að
markmiði að draga úr áhrifum fötl-
unar, auka sjálfstæði og bæta líðan.
Það ætti öllum að vera ljóst að ár-
angursríkast er að takast á við
vandann strax. Það er mjög erfitt
fyrir foreldra og börn þeirra að bíða
eftir greiningu og viðeigandi úrræð-
um, auk þess sem það er dýrara
fyrir þjóðfélagið að velta vandanum
á undan sér.
Gæði þess starfs sem unnið er á
Greiningarstöð felast í góðri mennt-
un, starfsreynslu og hæfni þeirra
sérfræðinga sem þar starfa. Sú
staðreynd að launakjör þessara sér-
fræðinga eru lakari en gengur og
gerist á öðrum stofnunum er því
foreldrum mikið áhyggjuefni. Fund-
urinn skorar því á yfirvöld félags-
og fjármála á Íslandi að finna hið
fyrsta lausn á fjárhagsvanda Grein-
ingar- og ráðgjafarstöðvar ríkisins
svo að hún geti sinnt hlutverki sínu
með sóma og komið verði í veg fyrir
fyrirsjáanlegan atgervisflótta frá
stöðinni.
Ályktun vegna stöðu Grein-
ingar- og ráðgjafarstöðvar