Morgunblaðið - 06.03.2002, Blaðsíða 4
FRÉTTIR
4 MIÐVIKUDAGUR 6. MARS 2002 MORGUNBLAÐIÐ
EKKI er sjálfgefið að handhafi
löngu útrunnins ökuskírteinis sé
þar með réttindalaus og þurfi því
að greiða sekt fyrir réttindaleysi
við akstur. Talið er að fjöldi út-
runninna ökuskírteina sé í umferð
og er talsvert um að ökumenn hafi
samband við lögreglu vegna slíkra
skírteina án þess að vita að þeir
hafi í raun gild ökuréttindi. Sektir
vegna réttindaleysis eru hins vegar
mjög háar.
Lögreglan á Selfossi stöðvaði
nýlega mann um fimmtugt, við
venjubundið eftirlit, og reyndist
ökuskírteini hans hafa runnið út
árið 1981. Þarf hann að greiða sekt
og taka bílprófið aftur.
Í þeim tilvikum þar sem um rak-
ið réttindaleysi er að ræða liggur
60 þúsund króna sekt við fyrsta
broti. Við annað brot fer sektin í
100 þúsund krónur en upp frá því
má viðkomandi eiga von á ákæru-
meðferð og enn harðari viðurlög-
um vegna ítrekaðra brota, að sögn
Ragnars Þórs Árnasonar, varð-
stjóra hjá umferðardeild lögregl-
unnar í Reykjavík. Ofangreind
dæmi eru af ökumanni með venju-
legt bílpróf, sem stöðvaður er án
þess að nokkurt tjón hafi hlotist af.
Í þeim tilvikum þar sem réttinda-
laus ökumaður veldur tjóni í um-
ferðinni, greiðir viðkomandi trygg-
ingafélag tjónið, enda rýfur
réttindaleysi ekki tryggingaskyldu.
Tryggingafélagið getur hins vegar
sett fram endurkröfu á hendur
ökumanninum eftir umfjöllun end-
urkröfunefndar sem dómsmálaráð-
herra skipar samkvæmt ákvæðum
umferðarlaga. Að sögn Sigmars
Ármannssonar nefndarmanns er
ólíklegt að endurkröfunefnd mæli
fyrir um endurkröfu á hendur
þeim ökumönnum sem eru rétt-
indalausir vegna þess að þeir hafa
ekki endurnýjað skírteini sín, eða
hafa verið sviptir ökuleyfi.
Ef hins vegar er um að ræða
réttindaleysi í þeirri merkingu að
tjónvaldur hefur aldrei öðlast öku-
réttindi er nánast öruggt að mælt
verði fyrir um endurkröfu enda sé
möguleiki á að viðkomandi kunni
ekki að stjórna ökutæki og sýni því
af sér stórkostlegt gáleysi. Sigmar
segir að endurkröfur vegna rétt-
indaleysis séu þó fáar enda eru
langflest endurkröfumál vegna ölv-
unaraksturs. Um háar fjárhæðir
getur verið að ræða, t.d. hljóðaði
hæsta krafa ársins 2000 upp á 2,5
milljónir króna vegna ölvunarakst-
urs.
Taka má annað dæmi af rétt-
indalausum ökumanni sem lendir í
árekstri við ökumann með öll til-
skilin ökuréttindi. Ef sá síðar-
nefndi er í órétti segir Ragnar Þór
Árnason að bótaábyrgð falli á
hann, en sá réttindalausi fær sína
sekt fyrir réttindaleysi við akstur.
Aðspurður segir hann því fjarri
sanni að ökumaður með ökurétt-
indin í lagi, geti að einhverju leyti
hagnast á því að lenda í árekstri
við réttindalausan ökumann, ef sá
réttindalausi á enga sök á tjóninu.
Útrunnið skírteini
en bílprófið í lagi
Hvað snertir þá þversögn sem
virðist felast í því að vera með út-
runnið ökuskírteini án þess að vera
réttindalaus, segir Ragnar að skýr-
inganna sé að leita í breytingum á
umferðarlögum 1. mars 1988. „Þeir
sem höfðu fengið bílpróf og fulln-
aðarskírteini þar að lútandi eftir 1.
mars 1988 voru þar með með
komnir með ökuréttindi til 70 ára
aldurs og dagsetning á gildistíma
skírteina þeirra er rétt,“ segir
hann.
Öðru máli gildir hins vegar um
þá sem fengu fullnaðarskírteini
fyrir 1. mars. 1988. Fyrir þann
tíma voru gefin út fullnaðarskír-
teini til 10 ára í senn. Þau skírteini
sem ekki voru útrunnin fyrir 1.
mars 1988 veita handhöfum sínum
ökuréttindi til sjötugs. Samkvæmt
þessu þurfa því ekki allir hand-
hafar gömlu 10 ára skírteinanna að
endurnýja. „Það hringja margir í
okkur vegna útrunninna skírteina
sinna en síðan kemur í ljós að það
er allt í lagi með bílprófin þeirra,“
segir Ragnar Þór.
Í þeim hópi sem hringja í lög-
regluna í óvissu um bílprófið sitt
eru ökumenn sem fengu útgefið
skírteini til 10 ára fyrir 1. mars
1988. Þannig má taka dæmi af
manni fæddum 1965 sem fékk 10
ára skírteini árið 1983. Þótt skír-
teini hans gildi til 1993 eru öku-
réttindin í lagi, enda hefur hann
þau til ársins 2035 þótt skírteinið
hafi runnið út 1993.
Tekið skal fram að hér að fram-
an var miðað við B-ökuréttindi,
þ.e. bílpróf á fólksbifreið til einka-
nota.
Staða réttindalausra ökumanna
í umferðinni
Fjöldi útrunn-
inna ökuskír-
teina í umferð
GENGI hlutabréfa í deCode Gen-
etics var 6,33 dalir við lok viðskipta í
gær og var það 0,5% hækkun frá
lokagengi mánudagsins. Verð hluta-
bréfanna nam 10,2 Bandaríkjadölum
í upphafi árs og hefur lækkað jafnt
og þétt síðan. Lækkunin frá áramót-
um til dagsins í gær nemur 38%.
Strax í byrjun janúar fór gengi
bréfanna undir tíu dali, tæpum
þremur vikum seinna var það komið
undir níu dali og hálfum mánuði þar
á eftir fór gengið undir átta dali.
Eftir aðrar tvær vikur, í lok febrúar,
fór gengið undir sjö dollara. Viku
síðar, sem var síðastliðinn fimmtu-
dag, náði það lágmarki og fór í 5,85
dali, sem er 43% lækkun frá áramót-
um.
Gengi de-
Code hefur
lækkað um
38% frá ára-
mótum
ÖSSUR Skarphéðinsson, formaður
Samfylkingarinnar, sendi þeim Jó-
hannesi Jónssyni, stjórnarmanni í
Baugi, og Jóni Scheving Thor-
steinssyni, framkvæmdastjóra
verslunar- og þjónustusviðs Baugs,
bréf í gær vegna tölvubréfsins sem
hann sendi sömu mönnum þar sem
hann mótmælti mjög harðlega
uppsögn á samningi við ræstinga-
fyrirtæki bróður síns.
Jóhannes Jónsson segir bréf Öss-
urar vera trúnaðarmál og hann geti
því ekki upplýst um innihald þess en
staðfestir þó að um afsökunarbréf sé
að ræða. Menn sætti sig við þær
skýringar sem fram komi í bréfi Öss-
urar. Með þessu sé málinu í reynd
lokið af hálfu beggja aðila og engra
eftirmála að vænta.
Össur sendir
afsökunarbeiðni
BORGARRÁÐ samþykkti í gær til-
lögu borgarverkfræðings um að
fara eftir teikningum Ara Más
Lúðvíkssonar að nýrri yfirbyggðri
sundlaug í Laugardal sem á að
taka í notkun árið 2004. Bygg-
ingin er 5.580 fermetrar og hljóð-
ar kostnaðaráætlun upp á rúman
milljarð króna fyrir fullfrágengið
hús með lausum innréttingum og
búnaði. Gert er ráð fyrir fær-
anlegri brú og lyftanlegum botni
að hluta.
Jafnframt samþykkti borgarráð
að óska eftir viðræðum við
menntamálaráðuneytið um þátt-
töku ríkisins í kostnaði við bygg-
ingu laugarinnar. Er það í sam-
ræmi við íþróttalög nr. 64/1998
um samstarf ríkis og sveitarfé-
laga. Í ársbyrjun 2003 er stefnt að
því að ljúka ytri frágangi svo unnt
verði að taka húsið í notkun með
öllu árið 2004.
Mynd/Onno ehf.
Nýja laugin verður yfirbyggð með færanlegri brú.
Stefnt að opnun nýju laugarinnar árið 2004
HAGASKÓLI sigraði Seljaskóla
með 38 stigum gegn 31 stigi í gær í
keppni til úrslita í spurningakeppn-
inni „Nema hvað?“ sem Íþrótta- og
tómstundaráð Reykjavíkur stendur
að en þetta er í fyrsta sinn sem
spurningakeppni fyrir grunn-
skólana er haldin með þessu sniði.
Þá fór einnig fram stutt ræðukeppni
milli skólanna en þar snerist taflið
við og sigraði Seljaskóli Hagaskóla
með fimm stigum gegn fjórum.
Nemendur tuttugu og fjögurra
grunnskóla kepptu í útsláttar-
keppni þar sem skólar í hverjum
borgarhluta kepptu sín á milli. Sig-
urvegarar í borgarhlutunum fjórum
kepptu svo í undanúrslitum. Mikill
áhugi var meðal nemenda og kenn-
ara skólanna og var úrslitakeppn-
inni útvarpað beint á Rás tvö.
Stefán Pálsson, einn liðsmanna úr
hinu sigursæla liði MR, var spyrill
keppninnar en Steinunn Valdís Ósk-
arsdóttir, formaður ÍTR, veitti
sigurvegurunum verðlaun.
Steinunn Valdís Óskarsdóttir afhendir sigurliði Hagaskóla verðlauna-
bikarinn í spurningakeppni grunnskólanna.
Hagaskóli sterkastur
í spurningakeppni
♦ ♦ ♦
HARÐUR árekstur varð á Reykja-
nesbraut laust eftir klukkan níu í
gærkvöldi. Tveir voru fluttir á slysa-
deild vegna meiðsla á fótum og baki.
Bílarnir skullu saman á gatnamótum
Reykjanesbrautar og Stekkjar-
bakka og eru þeir báðir stór-
skemmdir.
Þá varð þriggja bíla árekstur
norðan við Hvalfjarðargöngin um
klukkan 18.25 í gær. Einn maður var
fluttur á sjúkrahús en hann fékk að
fara heim að lokinni skoðun. Tveir
bílanna voru dregnir af vettvangi en
slysið varð er ökumaður eins bílsins
hægði á sér til að beygja út af veg-
inum.
Árekstur
á Reykja-
nesbraut
ÁRNI Þór Sigurðsson mun skipa
fyrsta sæti R-listans í komandi borg-
arstjórnarkosningum og Björk Vil-
helmsdóttir það sjötta.
Á fundi Vinstri hreyfingarinnar –
græns framboðs í gærkvöldi bauð
Álfheiður Ingadóttur sig fram á móti
Árna í fyrsta sætið. Úrslit lágu fyrir
á miðnætti og hlaut Árni yfirgnæf-
andi kosningu í fyrsta sæti. Björk
Vilhelmsdóttir var sjálfkjörin í ann-
að sæti og mun hún því taka sjötta
sæti R-listans.
Kolbeinn Óttarsson Proppé hlaut
kosningu í þriðja sæti og tekur hann
11. sætið á R-listanum og er jafn-
framt fyrsti varamaður Árna og
Bjarkar. Í fjórða sæti var sjálfkjörin
Steinunn Birna Ragnarsdóttir
píanóleikari.
Árni og Björk í
fyrstu sætum VG