Morgunblaðið - 07.07.2002, Blaðsíða 42
42 SUNNUDAGUR 7. JÚLÍ 2002 MORGUNBLAÐIÐ
BRÉF
TIL BLAÐSINS
Kringlunni 1 103 Reykjavík Sími 569 1100
Símbréf 569 1329 Netfang bref@mbl.is
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt t i l að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
ti l birtingar teljast samþykkja þetta, ef ekki fylgir fyrirvari hér að lútandi.
EINS og kunnugt er tók Halldór
Ásgrímsson við embætti utanríkis-
ráðherra á eftir Jóni Baldvini. Ný-
lega birtist í Dagblaðinu grein eða
viðtal við Jón í tilefni af 10 ára af-
mæli EES-samningsins. Fyrirsögn
greinarinnar var: „Tvöfalt stærri en
við undirritun – Á þriðja hundrað
„gerða“ bætist við árlega“. Svo er
mynd af Jóni gleiðbrosandi og neð-
an undir stendur: „Gildur samning-
ur.“ Svo segir: „Það fór gríðarleg
vinna í gerð EES-samnings á sínum
tíma og kom fjöldi embættismanna
og ráðamanna að verkinu undir for-
ustu Jóns Hannibalssonar utanrík-
isráðherra.“ Síðan segir: „Samning-
urinn um evrópska efnahagssvæðið
(EES) hefur tvöfaldast að vöxtum
frá því að hann var undirritaður í
Oporto í Portúgal 2. maí 1992 fyrir
rétt liðlega 10 árum.“ Á vef EFTA
kemur fram að í samningum séu nú
rösklega 3.500 „gerðir“ en þær voru
1.500 við undirritun EES-samnings-
ins. Þetta mun vera einsdæmi meðal
alþjóðasamninga að því leyti að
samningurinn tekur stórum breyt-
ingum á hverju ári. Reglum, tilskip-
unum og ákvörðunum sem teknar
eru á vettvangi ESB eða EFTA. Ég
hélt að þegar aðilar að samningi
hafa báðir undirritað hann þá gæti
ekki annar aðilinn breytt honum
nema með samþykki hins, að öðrum
kosti þyrfti að gera nýjan samning.
Svo er verið að athuga hvort Íslend-
ingar eigi ekki að ganga í ESB. Það
væri ekki gáfulegt að ganga í ESB
ef þau ríki gætu svo breytt þeim
samningum eftir vild án þess að
spyrja Íslendinga nokkuð um hvort
þeir gætu fallist á þær breytingar.
Það gengur alveg fram af mér
hvernig hægt er að láta Alþingi
samþykkja þetta valdaafsal. Ég er
nokkurnveginn viss um að ekki
nema fáir þingmenn hafa gert sér
grein fyrir hvað þessi samþykkt
þýddi fyrir Ísland. Ég trúi ekki að
Alþingi hefði samþykkt þessa vit-
leysu ef þeir hefðu gert sér grein
fyrir því að EES gat breytt þeim
gjörningi hvenær sem þeim sýndist.
Svona samningar finnast mér jaðra
við landráð. Það er kannski réttara
að nefna þetta landsölu eins og
utanríkisráðherra kallaði nýlega
annars vegar landsölumenn og hina
sjálfstæðismenn í sjónvarpsviðtali
ekki alls fyrir löngu.
Nú á þessu kjörtímabili hefur ut-
anríkisráðherra oft viðrað þá hug-
mynd að taka upp könnunarviðræð-
ur við ESB. Forsætisráðherra lýsti
því margoft í byrjun þessa kjör-
tímabils að samningaviðræður við
ESB væru ekki til umræðu á þessu
kjörtímabili. Utanríkisráðherra fór
þó snemma á kjörtímabilinu að
viðra þá hugmynd að taka upp
könnunarviðræður við ESB. Fyrst
fór hann sér hægt með þessar ráða-
gerðir en smám saman herti áróð-
urinn meira og meira, einkum nú á
síðasta misseri þrátt fyrir harðorð
mótmæli forsætisráðherra og nú er
svo komið að þeir kumpánar eru
nánast komnir í hár saman út af
þessum málum. Halldór hagar sér
eins og hann sé tekinn við forsætis-
ráðherraembættinu af Davíð. Hing-
að til hafa forsætisráðherrarnir ver-
ið kallaðir verkstjórar í hverri
ríkisstjórn og ég skil ekki hvernig
þetta stjórnarsamstarf getur staðið
lengi því ef Davíð gefur út einhverj-
ar yfirlýsingar þá svarar Halldór
strax með nýrri yfirlýsingu. Er
hann ekki nú þegar búinn að taka
upp óformlegar könnunarviðræður
við æðstu menn ESB? Hann þarf
a.m.k. að fara oft til Brussel og ann-
arra Evrópuþjóða. Auk þess hafa
margir háttsettir menn frá ESB-
löndunum heimsótt Ísland. Ég spyr
bara, hvað liggur á að fá niðurstöð-
ur í þessu máli fyrr en á næsta kjör-
tímabili? Er ekki réttara að sjá til
hvað mörg Austur-Evrópuríki
ganga í ESB á næsta ári? Þá er
frekar hægt að gera sér grein fyrir
því hve mikill kostnaður fylgir því
að ganga í bandalagið. Þá er eftir að
vita hvort meirihluti þjóðarinnar vill
fórna því sem eftir er af sjálfstæði
hennar eða hvort landsölumenn
hafa betur.
Að lokum langar mig að spyrja
Halldór að því: 1. Hvað margir
starfsmenn eru á vegum Íslendinga
í Belgíu og öðrum Evrópulöndum
vegna EES, EFTA og ESB og hvað
kostar það íslenska ríkið á ári? 2.
Er fyrirhugað að senda sérstakan
hóp manna á þessu ári í svokallaðar
könnunarviðræður vegna hugsan-
legrar inngöngu í ESB? 3. Svar ósk-
ast í Morgunblaðinu í þættinum
Bréf til blaðsins.
SIGURÐUR LÁRUSSON,
Sjúkrahúsinu Egilsstöðum,
Lagarási 17, Egilsstöðum.
Jón Baldvin II
Frá Sigurði Lárussyni:
Vöggusæn
gur
vöggusett
PÓSTSENDUM
Skólavörðustíg 21 sími 551 4050 Reykjavík