Morgunblaðið - 23.07.2002, Blaðsíða 14
LANDIÐ
14 ÞRIÐJUDAGUR 23. JÚLÍ 2002 MORGUNBLAÐIÐ
SUÐURNES
ÞEGAR Helgu Ingimundardóttur
ber á góma er það oftast í tengslum
við hvali. Hún stendur í stafni
hvalaskoðunarbátsins Moby Dick
dag hvern og fræðir gesti sína um
þá hvali sem ber fyrir augu. Hún
segist geta lofað því að það séu allt-
af hvalir á svæðinu, en hún getur
hins vegar ekki ábyrgst að þeir
komi upp á yfirborðið. Oftast hafa
gestir Mobys Dicks þó heppnina
með sér, en sjáist enginn hvalur er
gestum boðið í aðra ferð.
Helga er menntaður leiðsögu-
maður og hefur starfað í mörg ár.
Þegar hún fagnaði 40 ára afmæli
sínu fyrir nokkrum árum ákvað hún
að gera það veglega. „Það var þá
sem ég fór að vinna sjálfstætt og
bjóða upp á hvalaskoðunarferðir
um Suðurnes. Fyrirtækið hét þá
Eldeyjarferðir og leigði til þess
bátinn Andreu. Ég komst hins veg-
ar fljótlega að því að sigling að Eld-
ey var ekki góður kostur, þar sem
straumarnir við eyna eru mjög erf-
iðir. Þar er hins vegar frábært að
vera á góðum dögum, en það er
eins og það er, ekki hægt að treysta
á þá,“ sagði Helga í samtali við
blaðamann Morgunblaðsins.
Í fyrstu var alltaf boðið upp á
sjóstangaveiði í hvalaskoðunarferð-
unum, en Helgu lærðist fljótt að
það fór ekki alltaf vel saman. „Er-
lendu ferðamennirnir voru nú ekki
alltaf hrifnir af sjóstangaveiðinni,
þeir voru komnir til að sjá hvali. Ís-
lendingarnir voru hins vegar sólgn-
ir í veiðina og spurðu svo: Jæja og
hvar eru hvalirnir? Nú eru þessar
ferðir algerlega aðskildar og eins
og þá er það landinn sem fer í sjó-
stangaveiðina en erlendir ferða-
menn og varnarliðsmenn í hvala-
skoðun.
Góðar viðtökur við nafninu
Í fyrravor byrjuðum við svo að
nota Moby Dick en bátinn keyptum
við í desember 2000 og fórum jafn-
framt að markaðssetja okkur sem
Ferðaþjónustu Suðurnesja.“ Það er
ekki laust við að nafnið Moby Dick
veki hroll, enda heiti á ókindinni
skæðu sem sjómennirnir börðust
við í samnefndri bók Hermanns
Melvills. Nafnið gæti hrært upp í
einhverjum sem hefur kynnt sér
verkið, eða hvaða reynslu hefur
Helga?
„Ég hef almennt feng-
ið mjög góðar viðtökur
frá farþegum við þessu
nafni og virðast allir vera
meðvitaðir um það.“
Spennandi ferða-
mannastaðir
Ferðaþjónusta Suður-
nesja rekur eina hvala-
skoðunarskipið á Suður-
nesjum og segir Helga að
aðsókn að ferðum sé
nokkuð svipuð og í fyrra.
Flestir gestanna koma
frá höfuðborgarsvæðinu,
en einnig er nokkuð um
að þeir ferðamenn sem
dvelja á svæðinu og varn-
arliðsmenn komi í hvala-
skoðun. „Þeir sem koma
innanað nota gjarnan
ferðina og fara í Bláa lón-
ið í leiðinni. Við bjóðumst
til að keyra okkar far-
þega í lónið og bíða og
hefur það reynst mjög
vinsælt. Auðvitað skiptir
máli að hafa staði eins og
Bláa lónið hér á svæðinu
og við höfum svo marga
spennandi staði hérna sem vert er
að skoða. Ég hef líka trú á því að
þeim eigi eftir að fjölga.“
Einn nýgræðingur fyrir
hvern ferðamann
Frá árinu 1999 hefur Helga látið
Skógræktarfélag Suðurnesja njóta
góðs af hvalaskoðunarferðunum.
Eftir að hafa séð alla auðnina á nes-
inu í ferðum sínum umhverfis það
ákvað hún að framvegis skyldi hún
gefa félaginu andvirði eins nýgræð-
ings fyrir hvern ferðamann. „Fyrst
um sinn var peningunum varið í
gróðursetningu, en í fyrra ákvað ég
að eyrnamerkja upphæðina fyrir
aðra starfsemi og í vor var ráðinn
starfsmaður til félagsins. Auðvitað
þyrfti að vera starfsmaður á laun-
um allt árið, en þetta er a.m.k. okk-
ar framlag til aukinnar skógræktar
og fegrunar á svæðinu,“ sagði
Helga Ingimundardóttir að lokum,
full af hugmyndum um hvernig
bæta megi ferðaþjónustu á svæð-
inu.
Moby Dick eini hvalaskoðunarbáturinn á Suðurnesjum
Gestum boðið í aðra ferð
ef þeir sjá ekki hval
Farþegar skipsins
Moby Dick líta athug-
ulum augum yfir borð-
stokkinn og bíða þess að
eitthvert sjávarspen-
dýrið láti vita af sér með
viðeigandi buslugangi.
Leiðsögumaðurinn
Helga Ingimundardóttir
stendur í stafni skipsins
og fræðir farþega um
það sem fyrir augu ber.
Stund milli stríða hjá Helgu Ingimundar-
dóttur um borð í Moby Dick.
Keflavík
Morgunblaðið/Svanhildur Eiríksdóttir
HUNDARNIR fimm sem lögreglan
í Keflavík handsamaði í Höfnum í
síðustu viku með aðstoð hundaeft-
irlitsmanns eru komnir á ný í hend-
ur eiganda síns. Öll tilskilin leyfi
fyrir þeim hafa verið veitt.
Lögreglan hafði áður þurft að
hafa afskipti af hundunum og fengið
kvartanir vegna lausagöngu þeirra.
Fékk lögreglan tilkynningu um að
hundarnir gengju lausir við býli
skammt fyrir utan Hafnir sl. mið-
vikudag. Ásamt hundaeftirlitsmanni
fór lögreglan á vettvang og færði
hundana í geymslu en þeir höfðu
sloppið út fyrir girðinguna á bæn-
um.
Samkvæmt upplýsingum Val-
gerðar Sigurvinsdóttur hjá Heil-
brigðisstofnun Suðurnesja fékk eig-
andi þeirra öll tilskilin leyfi fyrir
hundunum strax sl. föstudag og tók
þá hundana aftur í sína vörslu. „Það
er nú búið að skrá þá og leysa þá
út,“ sagði Valgerður. „Eigandinn
var ekki með lögheimili hér en er nú
búinn að færa það og skrá
hundana.“
Með skráningu eru hundarnir
tryggðir og segir Valgerður að eig-
andinn sé búinn að lagfæra girðingu
svo þeir eigi ekki að sleppa aftur.
Ekkert skráningargjald er fyrir
hunda á Suðurnesjum en leyfis-
gjaldið er 10 þúsund krónur á ári
fyrir fyrsta hund og hálft gjald fyrir
alla hunda umfram einn.
Morgunblaðið/Hilmar Bragi
Lögreglan í Keflavík og hundaeft-
irlitsmaður handsömuðu hundana
sem eru af Stóra Dan-kyni við
Hafnir í síðustu viku. Þeir hafa nú
verið leystir út og eru aftur komn-
ir í umsjón eiganda síns.
Búið að skrá hundana og tryggja
Hafnir
Hundarnir
komnir til
eiganda síns GRINDAVÍKURBÆR mun
taka upp viðræður við Nýsi hf.
um athugun á því hvort hag-
kvæmt sé og skynsamlegt að
stækka leikskólann við Stamp-
hólsveg.
Bæjaryfirvöld hafa unnið að
undirbúningi byggingar nýs
leikskóla við Dalbraut í stað
leikskóla sem þar er fyrir og
talin er þörf á að endurnýja.
Nefnd embættismanna bæjar-
ins hefur lagt til að byggður
verði fjögurra deilda leikskóli
á þessum stað.
Nýsir ehf. byggði fyrir fá-
einum árum nýjan fjögurra
deilda leikskóla fyrir Grinda-
víkurbæ í einkaframkvæmd og
hann er einkarekinn. Fyrir-
tækið hefur nú lagt fyrir bæj-
arráð hugmyndir um að
byggja þriggja deilda skóla við
þann leikskóla, í stað þess að
ráðast í uppbyggingu við Dal-
braut, og hefur bæjarráð falið
nefnd að taka upp viðræður
við fyrirtækið um þessa hug-
mynd.
Viðræður
um stækkun
leikskóla
Grindavík
ÞRJÚ ár eru liðin frá því að hjónin
Kristberg Jónsson og Sigrún Ingi-
björg Tómasdóttir keyptu söluskál-
ann Bauluna í Norðurárdal, en þá
hafði reksturinn legið niðri í 9 mán-
uði.
Kristberg, sem var áður sjómaður
í Grundarfirði, segir að það hafi
auðvitað verið talsverð áhætta að
hella sér í sjoppureksturinn einkum
þar sem þau hafi þurft að breyta
ýmsu til að bæta þjónustuna. Byrjað
var á að stækka húsnæðið og hefur
nú sætum fyrir gesti fjölgað úr 8 í
40. Byggt var eldhús, sett upp grill
og fengið leyfi til að selja léttvín og
bjór. Hægt er að taka á móti litlum
hópum í mat ef pantað er með fyr-
irvara. Í Baulunni er einnig verslun
með matvöru og ýmislegt smálegt,
auk bensínsölu. Á veggjum er mál-
verkasýning með myndum eftir
Margréti Báru Sigmundsdóttur.
Nýjast er svo alveg lokaður garður
með leiktækjum fyrir börnin. ,,Þetta
kann fjölskyldufólk vel að meta, það
stoppar og getur verið alveg rólegt
meðan börnin leika sér örugg,“ seg-
ir Kristberg. Gengið er út í garðinn
úr Baulunni og þar eru borð og stól-
ar ef fólk vill sitja úti. Steyptir kant-
ar voru til staðar þannig að einungis
þurfti að sníða til timbrið í girð-
inguna. Leiktækin eru öll ný, ýmist
keypt að sunnan eða hönnuð í sveit-
inni. Til viðbótar við þessar fram-
kvæmdir er verið að stækka planið
fyrir framan Bauluna og bæta við
ljósastaurum. Kristberg segir að
viðskiptin blómstri og því þakkar
hann ekki síst góðu starfsfólki sem
allt er heimafólk.
Morgunblaðið/Guðrún Vala Elísdóttir
Kristberg Jónsson með Skarðsheiðina í bakið.
Lokaður garður við
Bauluna með leiktækjum
Borgarnes
LANDGRÆÐSLA ríkisins opnaði
nýtt héraðssetur fyrir Austurland á
dögunum. Þetta er sjötta héraðsset-
ur Landgræðslunnar, en hin eru
staðsett í Árnesi í Árnessýslu, á
Hvanneyri í Borgarfirði, Hólum í
Hjaltadal, Húsavík og Kirkjubæjar-
klaustri. Starfssvæði hins nýja set-
urs er Múlasýslur og er skrifstofa
þess á Egilsstöðum, í sama húsnæði
og Skógrækt ríkisins, Búnaðarsam-
band Austurlands og Héraðsskógar,
en virkt samstarf er á milli þessara
stofnana.
Í fréttatilkynningu frá Land-
græðslunni segir að tilgangur hér-
aðssetranna sé m.a. að flytja land-
græðsluverkefni heim í héruð og að
auka frumkvæði landeigenda, land-
notenda, sveitarstjórna og annarra
hagsmunaaðila í mótun, framkvæmd
og fjármögnun landgræðsluverk-
efna. Þá eigi setrin að stuðla að auk-
inni þátttöku almennings í land-
græðslustarfi.
Héraðsfulltrúar sinna tengslum
við heimamenn, hafa eftirlit og um-
sjón með landgræðsluverkefnum og
veita upplýsingar, ráðgjöf og fræðslu
um landgræðslu, gróðurvernd og
landnýtingu. Héraðsfulltrúi Land-
græðslunnar á Austurlandi er Guð-
rún Schmidt. Hún hefur starfað hjá
Landgræðslunni í Gunnarsholti í
þrjú ár og er búfræðikandídat frá
Búnaðarháskólanum á Hvanneyri.
Morgunblaðið/Steinunn Ásmundsdóttir
Landgræðsla ríkisins opnaði nýverið héraðssetur á Austurlandi. F.v.
Jón Loftsson skógræktarstjóri, Andrés Arnalds frá Landgræðslunni og
Guðrún Schmidt, héraðsfulltrúi Landgræðslunnar á Austurlandi.
Landgræðslan
opnar héraðsset-
ur á Austurlandi
Egilsstaðir