Morgunblaðið - 23.07.2002, Blaðsíða 15
VIÐSKIPTI/ATHAFNALÍF
MORGUNBLAÐIÐ ÞRIÐJUDAGUR 23. JÚLÍ 2002 15
Á FYRSTU sex mánuðum ársins
2002 var hagnaður af rekstri
Landsvirkjunar 4.472 milljónir
króna, en á sama tímabili fyrra árs
var halli á rekstri að fjárhæð 1.928
milljónir. Handbært fé frá rekstri
nam 3.793 milljónum króna en var
3.062 milljónir króna á árinu 2001.
Handbært fé frá rekstri eykst
þannig verulega, en það hefur verið
nokkuð stöðugt um árabil þrátt fyr-
ir sveiflur í rekstrarafkomu.
Þetta kemur fram í tilkynningu
frá Landsvirkjun til Kauphallar Ís-
lands. Þar segir ennfremur:
„Meginástæða batnandi afkomu
fyrirtækisins er hagstæð gengis-
þróun. Rekstrartekjur hækkuðu
samtals um 673 milljónir króna eða
10,4%. Tekjur af sölu til almenn-
ingsrafveitna hækkuðu um 3,6% en
tekjur af sölu til stóriðju hækkuðu
um 18,4%. Orkusala til almennings-
rafveitna jókst frá fyrra ári um
0,2% en til stóriðju um 8,9%. Á
sama tíma hækkaði rekstrar- og
viðhaldskostnaður um 124 milljónir
króna. Aukinn rekstrarkostnað má
rekja til almennra kostnaðarhækk-
ana og meiri aðkeyptrar orku en á
fyrra ári. Hækkun afskrifta stafar
að mestu af endurmati eigna á
árinu 2001, en áhrif þess ganga að
verulegu leyti til baka í ár þar sem
endurmatstuðull er neikvæður um
rúm 5% fyrstu sex mánuði ársins.“
Eiginfjárhlutfall 31,8%
Í tilkynningu Landsvirkjunar
kemur fram að reiknaðir raunvext-
ir langtímaskulda séu neikvæðir
um 2,5% fyrstu sex mánuði ársins
2002, en hafi verið 8,7% á sama
tímabili í fyrra. Þá segir í tilkynn-
ingunni:
„Helstu nýframkvæmdir á fyrstu
sex mánuðum ársins tengdust
Vatnsfellsvirkjun, en auk þess var
m.a. áfram unnið við stækkun
Kröflustöðvar, Búrfellsstöðvar og
endurnýjun Sogsstöðva, auk und-
irbúnings og rannsókna við fyrir-
hugaðar virkjanir. Í lok júní námu
heildareignir fyrirtækisins 124,4
milljörðum króna og var eiginfjár-
hlutfall 31,8%.“
Hagnaður Landsvirkjunar um 4,5 milljarðar á fyrstu sex mánuðum ársins
Hagstæð gengisþróun
ástæða batnandi afkomu
Morgunblaðið/Arnaldur
● GENGI á hlutabréfum Flugleiða
lækkaði um 6,3% í 5 viðskiptum í
Kauphöll Íslands í gær. Lokagengi
bréfanna var 2,25 en heildarvelta
dagsins var 831 milljón krónur.
Þessi lækkun á gengi hlutabréfa
Flugleiða þýðir að markaðsvirði fé-
lagsins hafi lækkað um rúmar 300
milljónir króna í gær, úr rúmum 5,5
milljörðum í tæpa 5,2 milljarða.
Gengi á hlutabréfum Flugleiða
var 1,75 í lok síðasta árs og var
lokagengið í gær því um 29%
hærra en þá. Gengið var á bilinu
1,5 til 1,8 fram í júlí er það tók að
hækka og fór hæst í 2,4 í síðustu
viku.
Markaðsvirði
Flugleiða lækkaði
um 300 milljónir
LANDSSÍMI Íslands hf. og Íslands-
banki hafa gert samkomulag um
grunnbankaviðskipti. Brynjólfur
Bjarnason, forstjóri Símans, og Val-
ur Valsson, forstjóri Íslandsbanka,
undirrituðu samning þessa efnis í
gær. Frá þessu var greint í frétta-
tilkynningu í gær.
Í maí síðastliðnum bauð Síminn út
grunnbankaviðskipti félagsins og
var Íslandsbanki einn af fjórum að-
ilum sem buðu í viðskiptin. Niður-
staða útboðsins var að Síminn
óskaði eftir að gengið yrði til
samninga við Íslandsbanka, en bank-
inn hefur verið viðskiptabanki Sím-
ans undanfarin fjögur ár. Samning-
urinn er til tveggja ára og tekur
formlega gildi 1. ágúst næstkomandi.
Samkvæmt fréttatilkynningunni
nær samningur um grunnbankavið-
skipti m.a. til allrar innheimtu á
reikningum Símans, almennra reikn-
ingsviðskipta, s.s. tékkareikninga og
gjaldeyrisreikninga og ávöxtunar
þeirra, greiðslu innlendra og er-
lendra reikninga og beinlínuþjón-
ustu í tengslum við almenn banka-
viðskipti.
Góð reynsla af samstarfi
við Íslandsbanka
Að sögn Brynjólfs Bjarnasonar
felst mikið hagræði í því að hafa öll
grunnbankaviðskipti Símans á ein-
um stað. „Síminn hefur verið í
bankaviðskiptum við Íslandsbanka
og er reynslan af samstarfinu góð,“
segir Brynjólfur. „Samningurinn var
útrunninn og því var efnt til útboðs
að nýju með ágætum árangri. Auk
þess að líta til hagkvæmni við
ákvörðunartöku er mikilvægt að líta
til þjónustu, öryggis og þess trausts
sem bankar á Íslandi almennt njóta.
Eftir mikla skoðun var sú ákvörðun
tekin að ganga til samninga við Ís-
landsbanka að nýju.“
Valur Valsson segir það mjög
ánægjulegt að fá Símann áfram í við-
skipti. „Við höfum átt mjög góð við-
skipti við Símann undanfarin ár og
það er okkur ánægjuefni að félagið
skuli hafa valið okkur enn á ný,“ seg-
ir Valur.
Brynjólfur Bjarnason, forstjóri Símans, og Valur Valsson, forstjóri Íslands-
banka, undirrita samning um grunnbankaviðskipti.
Síminn semur við
Íslandsbanka um
bankaviðskipti
HLUTAFÉ Maritech International
hefur verið aukið um 340 milljónir
króna að markaðsvirði. Stærsti hluti
aukningarinnar kom frá norska fjár-
festingarsjóðnum Four Season
Venture sem kom jafnframt inn sem
nýr hluthafi. Eldri hluthafar tóku
einnig þátt í hlutafjáraukningunni.
Frá því er greint í fréttatilkynn-
ingu að hlutafjáraukningin að þessu
sinni sé þriðja stóra breytingin á
eignaraðild Maritech á rúmu ári en
áður hafi verið tekin ákvörðun um að
hasla fyrirtækinu völl í Noregi með
kaupum og samruna félaga. Þá segir
að stefnt sé að því að skrá félagið á
markað í Noregi.
Í tilkynningunni segir að Four
Season Venture sé norskur fjárfest-
ingasjóður sem sérhæfi sig í fjárfest-
ingum í upplýsingatæknifyrirtækj-
um. Fjárfesting Four Season
Venture í Maritech sé einungis önn-
ur af tveimur fjárfestingum sjóðsins
á þessu ári en hann hafi markvisst
metið tugi fyrirtækja með fjárfest-
ingu í huga á undanförum mánuðum.
Sókn á nýja markaði
Markmiðið með hlutafjáraukning-
unni var að styrkja fjárhagslega
stöðu félagsins og að tryggja áfram-
haldandi vöxt þess. Hinu nýja
hlutafé verður m.a. varið til að
styrkja WiseFish vörulínu fyrirtæk-
isins og til að fjármagna markaðs-
sókn á nýja markaði, m.a. í Chile og
Danmörku.
Hluthafar Maritech eru nú 87 tals-
ins. TölvuMyndir eru stærsti hlut-
hafinn með 38,4% hlut, en fyrir
hlutafjáraukninguna áttu Tölvu-
Myndir 48,1% hlut í félaginu. Four
Season Venture er næststærsti hlut-
hafinn með 21,4% hlut og þar á eftir
koma Microtech, 16,2%, og Telenor
Venture, 9,4%. Aðrir hluthafar eiga
samtals 14,6%.
Maritech hefur verið rekið sem
dótturfélag TölvuMynda en er það
ekki lengur.
Fram kemur í fréttatilkynning-
unni að meginhlutverk TölvuMynda
sé að styðja dótturfyrirtæki sín til
sóknar og nýta samlegðaráhrif sem
felist í að taka með beinum hætti
þátt í rekstri þeirra. Einnig felist í
því það framtíðarhlutverk að fóstra
og koma á legg nýjum viðskiptatæki-
færum á sviði hugbúnaðar og upp-
lýsingatækni. Maritech hafi verið
stofnað árið 2000 og sé félagið fyrst
dótturfyrirtækja TölvuMynda til að
vaxa frá móðurfélaginu með nýjum
fjárfestum.
Leiðandi í hugbúnaði
á sviði sjávarútvegs
Í kjölfar hlutafjáraukningarinnar
tók Thomas Falck frá Four Season
Venture sæti í stjórn Maritech en
fyrir voru Erik Berger frá Telenor
Venture, Endre Sæter frá Cermaq,
og frá TölvuMyndum þeir Friðrik
Sigurðsson og Þorkell Sigurlaugs-
son sem jafnframt er stjórnarfor-
maður.
Maritech er alþjóðlegt hugbúnað-
arfyrirtæki sem hefur það að meg-
inmarkmiði að verða leiðandi upplýs-
ingatæknifyrirtæki á sviði
sjávarútvegs í heiminum. Í fréttatil-
kynningunni segir að WiseFish upp-
lýsingakerfið sé leiðandi upplýsinga-
kerfi sem nái yfir alla virðiskeðju
sjávarútvegs, frá veiðum og eldi,
gegnum vinnslu til sölu og dreifing-
ar.
Hjá Maritech starfa nú tæplega
200 manns í Kanada, Noregi, Dan-
mörku og á Íslandi. Forstjóri Mari-
tech International er Halldór Lúð-
vígsson.
Stefnt að skráningu Maritech á markað í Noregi
Hlutaféð aukið
um 340 milljónir
UMSKIPTI eru að verða
meðal æðstu stjórnenda
fjölmiðlarisans AOL-Time
Warner. Þriðji valdamesti
maður fyrirtækisins, fram-
kvæmdastjórinn Robert W.
Pittman, sagði af sér í síð-
ustu viku eftir þrýsting frá
stjórn fyrirtækisins, og nú
er talað um að Jeff Bewkes
framkvæmdastjóri HBO,
undirdeildar AOL-Time
Warner, og Don Logan, forstjóri
Time hluta fyrirtækisins, færist ofar
í metorðastiganum.
Þessar fréttir koma í kjölfar
frétta af brottrekstri Jean Marie
Messier, forstjóra Vivendi Univers-
al, fyrr í sumar, og tilrauna þess fyr-
irtækis til að laga fjárhags-
stöðuna, en Vivendi er
einmitt annað stærsta fjöl-
miðlafyrirtæki í heimi á eft-
ir ATW.
Pittman, sem á tímabili
fékk viðurnefnið markaðs-
maður aldarinnar, var tal-
inn vera sá maður sem brú-
að gæti bilið á milli „gamla
og nýja tímans“ í sameinuðu
fyrirtæki America Online
og Time Warner. Í staðinn er hann
nú orðinn persónugervingur þess
sem aflaga fór í samruna netrisans
og fjölmiðlarisans.
Við samrunann talaði Pitmann
manna mest um að AOL yrði sá
hluti sameinaðs fyrirtækis þar sem
aðalvöxturinn myndi eiga sér stað
og tekjurnar yrðu mestar í framtíð-
inni. Það hefur þó ekki komið á dag-
inn, AOL varð sá hluti sem dró verð
á hlutabréfum sameinaðs fyrirtæk-
isins niður úr öllu valdi. Í dag á AOL
langt í land með að mæta áætlunum
um aukinn fjölda áskrifenda og
auknar auglýsingatekjur.
Markaðsvirðið hefur hrapað
Í upphafi samrunans var það hlut-
verk Pittmans að sannfæra menn
um hin stórkostlegu samlegðaráhrif
sem samruni fyrirtækjanna fæli í
sér og sannfæra fjárfesta og starfs-
menn á Wall Street um að fyrirtæk-
ið myndi standa við tekjuáætlanir,
sem margir sérfræðingar á fjár-
málamarkaði töldu reyndar óraun-
hæfar. Síðar kom á daginnn að þær
efasemdir áttu rétt á sér. Bréf AOL-
Time Warner standa nú í 11 Banda-
ríkjadölu en voru nálægt 50 fyrir ári
síðan. Í dag er markaðsvirði fyrir-
tæksins „aðeins“ rúmir 50 milljarðar
dala en var nær fimm sinnum hærra
fyrir ári.
Víst er að eigendur kauprétta í
fyrirtækinu hugsa AOL nú þegjandi
þörfina en fjöldi manna hafði gert
áætlanir um framtíðina byggða á
kaupréttunum og framtíðarhækkun-
um á verði bréfa fyrirtækisins.
Pittman, sem er 48 ára gamall,
átti á sínum tíma meðal annars þátt
í stofnun MTV sjónvarpsstöðvarinn-
ar.
Sviptingar hjá AOL-Time Warner
Robert
Pittman
● HAGNAÐUR bandaríska greiðslu-
kortafyrirtækisins American Ex-
press Co. var 683 milljónir Banda-
ríkjadala á öðrum fjórðungi ársins,
eða 51 sent á hlut, en var 178
milljónir dala eða 13 sent á hlut á
sama tímabili á síðasta ári. Var
þetta ívið betri afkoma en sérfræð-
ingar gerðu ráð fyrir.
Í tilkynningu frá fyrirtækinu kem-
ur fram að það hafi dregið úr
hagnaði á ársfjórðungnum að 78
milljón dala tap varð á skuldabréf-
um bandaríska símafyrirtækisins
WorldCom.
Afkoma American
Express stórbatnar