Morgunblaðið - 07.09.2002, Blaðsíða 22
VIÐSKIPTI/ATHAFNALÍF
22 LAUGARDAGUR 7. SEPTEMBER 2002 MORGUNBLAÐIÐ
Tilkynning til hluthafa OZ
To the shareholders of OZ
Aðalfundur OZ Communications, Inc. verður haldinn
þriðjudaginn 17. september, kl. 10:00 að staðartíma á
skrifstofu félagsins, Windsor Station, Suite 150, 1100 de La
Gauchetiére, Montréal, Kanada.
Atkvæðaseðla, dagskrá og önnur gögn vegna fundarins er að
finna á heimasíðu félagsins www.oz.com undir Investor.
Þeir hluthafar, sem óska þess að fá gögnin send í pósti,
vinsamlegast hafi samband við skrifstofu félagsins í síma
+1-514-390-1333 eða með tölvupósti á investor@oz.com.
NOTICE IS HEREBY GIVEN that an Annual Meeting of
Shareholders of OZ COMMUNICATIONS, INC., a California
corporation, will be held on Tuesday, September 17, 2002,
at 10:00 a.m. local time, at the offices of the Company's
subsidiary, Windsor Station, Suite 150, 1100 de La
Gauchetiére, Montréal, Canada.
The proxy statement and materials relating to the meeting
are to be found at the investors section of the Company's
website www.oz.com. Shareholders who wish to have the
documents sent, please contact the offices
by phone +1-514-390-1333, or by e-mail investor@oz.com.
STJÓRN Arcadia mun mæla með
tilboði Philips Green við hluthafa
Arcadia, með fyrirvara um lokafrá-
gang og nánari útlistun hugsanlegs
tilboðs og frágang Taveta Invest-
ments, félags Philips Green, á fjár-
mögnun. Þetta kemur fram í til-
kynningu sem stjórn Arcadia sendi
frá sér í gær. Tilboðið hljóðar upp
á 408 pens á hlut og eftir þessa
niðurstöðu stjórnarinnar hækkuðu
hlutabréf félagsins um 4,2% í við-
skiptum gærdagsins og var loka-
verð 404,25 pens.
Philip Green gerði þann fyrir-
vara við tilboðið að stjórnin myndi
mæla með því við hluthafa. Einnig
hefur verið samþykkt að greiða
aukaarð sem nemur 4 pensum á
hvern hlut fyrir fjárhagsárið, sem
lauk 31. ágúst 2002, og kemur til
greiðslu í febrúar 2003 til hluthafa
sem skráðir eru í hluthafaskrá fé-
lagsins 20. september 2002. Taveta
Investments hefur staðfest að hlut-
hafar halda rétti sínum til arð-
greiðslunnar ef tilboð verður gert í
félagið, að því er fram kemur í til-
kynningunni.
Á fréttavef Reuters kom fram að
með aukaarðinum og kaupréttar-
samningum starfsmanna myndi
Green á endanum greiða 857 millj-
ónir punda fyrir Arcadia, samsvar-
andi 116,5 milljörðum króna. Þar
kemur einnig fram að Green hafi
beðið Stuart Rose að starfa áfram
hjá fyrirtækinu.
Fjármunirnir verða nýttir til
frekari sóknar erlendis
Eftir að stjórn Arcadia hafði
samþykkt tilboðið sendi Baugur
frá sér fréttatilkynningu þar sem
segir að í framhaldi af stjórnar-
samþykktinni bendi allt til að Ar-
cadia verði í eigu Taveta Invest-
ments áður en langt um líður. Hefð
sé fyrir því í Englandi að tilboð
sem hljóti stuðning stjórnar séu
samþykkt, auk þess sem Standard
Life Investments, þriðji stærsti
hluthafinn í Arcadia, hafi lýst yfir
stuðningi við væntanlegt tilboð.
Í tilkynningunni segir ennfrem-
ur að ljóst sé að ávinningur Baugs
af væntanlegri sölu sé mikill. Bók-
fært verð hlutarins hafi verið 11,6
milljarðar króna í lok maí síðastlið-
ins. Hlutdeildarhagnaður tímabils-
ins júní til ágúst sé um 700 millj-
ónir króna, en mikill kostnaður
hafi fallið til vegna undirbúnings
við sameiginlegt tilboð Baugs og
Taveta. Því megi ætla að hagnaður
Baugs vegna sölu bréfanna verði
um 8 milljarðar króna eftir skatta
og annan kostnað sem bókfærist á
þriðja ársfjórðungi.
Þá kemur fram að Baugur
Group hafi fært tveggja milljarða
króna hagnað með hlutdeildarað-
ferð frá því að bréfin í Arcadia
voru keypt.
Í fréttatilkynningunni, sem birt
var í Kauphöll Íslands, segir jafn-
framt að skuldir vegna bréfanna í
Arcadia séu um 3,6 milljarðar
króna og því muni lausafjárstaða
Baugs styrkjast verulega, eða um
18 milljarða króna. Félagið hafi
ekki tekið ákvörðun um hvernig
þessum fjármunum verði varið á
annan hátt en þann að efla félagið
enn frekar í sókn á erlendum vett-
vangi. Þá er ítrekað það sem fram
kom í tilkynningu Taveta Invest-
ments og greint hefur verið frá, að
Taveta muni upplýsa Baug þegar
búið sé að skilja vörumerkin, sem
voru tilefni samningaviðræðna
Baugs og Taveta, frá öðrum
rekstri Arcadia. Taveta verði á
þeim tíma, án nokkurra skuldbind-
inga, tilbúið til að ræða við Baug
um hugsanleg kaup félagsins á
þeim vörumerkjum, en eins og
fram hefur komið er talið að þar sé
um að ræða verslunarkeðjurnar
Top Shop, Top Man og Miss
Selfridge.
„Stjórnendur Baugs Group telja
þessa niðurstöðu viðunandi í ljósi
þeirra atburða sem dundu á félag-
inu í síðustu viku,“ segir í tilkynn-
ingunni, en þá var gerð húsleit hjá
félaginu.
Frá ritara Stuart Rose, forstjóra
Arcadia, fengust í gær þær upplýs-
ingar að hann myndi ekki ræða
málefni félagsins við fjölmiðla þann
daginn. Ekki náðist heldur sam-
band við Philip Green.
Kvalræði, loftárás
og eyðing skóga
Breskir fjölmiðlar fjölluðu tölu-
vert um niðurstöðu samningavið-
ræðna Baugs Group og Philips
Green í gær. Green lýsir viðræðun-
um sem hreinu kvalræði í samtali
við The Daily Telegraph. Erfitt
reyndist að ná samningum um að
Baugur keypti Top Shop, Top Man
og Miss Selfridge verslanakeðjurn-
ar, þar sem allar keðjur Arcadia
eru tengdar og flókið að skilja þær
í sundur, að því er Telegraph
greinir frá. Green hefur ekki
ákveðið hvort hann muni selja
Baugi keðjurnar Top Shop, Top
Man og Miss Selfridge. „Ég mun
taka afstöðu til þess þegar ég hef
eignast þær,“ segir hann.
„Þetta hefur verið hreint kval-
ræði,“ segir Green. „Ég er ör-
þreyttur. Hef sofið í fimm tíma á
þremur dögum, og það kom í ljós í
lokin að við náðum ekki saman.
Tuttugu til þrjátíu lögfræðingar
hafa verið á skrifstofum mínum í
Marylebone í marga daga. Þeir
hljóta að hafa eytt átján skógum
með öllum þessum pappír. Skrif-
stofan leit út eins og eftir loftárás
og við festumst sífellt í einhverju
sem skrifað hafði verið niður en
enginn skildi. Svo var það eftir
tveggja stunda svefn í gærmorgun
[fyrradag] að ég vafði köldu hand-
klæði um höfuðið á mér og varð
ljóst að þetta gengi ekki. Ég sagði
við Baugsmenn: „Látið okkur fá
óafturkræfan samning eða farið
aftur til Íslands og haldið ykkar
hlut.““
Stærst í dömufatnaði
Ef kaup Green á Arcadia ganga
eftir eins og allar líkur eru á, verð-
ur fyrirtækið önnur stærsta fata-
verslunarkeðja Bretlands og sú
stærsta í dömufatnaði með 45 þús-
und manns í vinnu. Green á keðj-
una Bhs fyrir og miðast þetta við
félögin sameinuð. Fyrirtækið hefði
12% hlutdeild á dömufatamarkaði,
meira en Marks & Spencer, eins og
Guardian greinir frá.
Green, sem er 13. ríkasti maður
Bretlands, á nú eftir að ganga end-
anlega frá fjármögnun, en segir
það ekki verða vandamál. Stærri
hluthafar í Arcadia eins og
Barclays og Standard Life höfðu
áður þagað eða sagt væntanlegt til-
boð of lágt en í gær lýstu báðir að-
ilar yfir stuðningi við það.
Stjórn Arcadia
mælir með
tilboði Green
Baugur telur niðurstöðuna viðunandi
miðað við atburði síðustu viku
Morgunblaðið/Þorkell
Ætla má að hagnaður Baugs vegna sölu bréfanna í Arcadia verði um 8 milljarðar eftir skatta og annan kostnað.