Morgunblaðið - 16.09.2003, Side 2
FRÉTTIR
2 ÞRIÐJUDAGUR 16. SEPTEMBER 2003 MORGUNBLAÐIÐ
BYLTING Í BORUN
Með djúpborunum mætti fá fimm-
til tífalt meira gufuafl úr hverri bor-
holu. Hugmyndin felst í að bora
fimm km djúpar holur eftir 400–600
gráða heitum jarðhita en hag-
kvæmniathuganir sýna að þetta er
gerlegt. Kostnaður vegna einnar
holu er um 1,6 milljarðar króna og
verður hægt að hefja framkvæmdir
eftir tvö ár verði ráðist í fram-
kvæmdina í haust.
Skipverjum bjargað
Hrannari Péturssyni og Sverri
Jónssyni var bjargað þegar fiskibát-
urinn Lukki-Láki sökk skammt und-
an Sandgerði. Hrannar og Sverrir
höfðu verið í um klukkutíma á reki í
björgunarbát áður en fiskibáturinn
Svala Dís kom þeim til bjargar.
Lukku-Láki hafði tvívegis áður lent í
óhappi á þessu ári.
Mikil spurn eftir húsbréfum
Aðeins vantar rúma þrjá milljarða
upp á að útgáfa húsbréfa fyrstu átta
mánuði ársins sé jafnmikil og allt ár-
ið í fyrra en það var metár í útgáfu
húsbréfa. Endurskoðuð áætlun
Íbúðalánasjóðs í júlí í sumar um út-
gáfu húsbréfa í ár er sprungin en
nýrrar áætlunar um húsbréfaútgáf-
una í ár er ekki að vænta fyrr en í
næsta mánuði í tengslum við fjárlög.
Línuívilnun á næsta ári
Sjávarútvegsráðherra segir að
línuívilnun verði tekin upp en þó
ekki fyrr en við upphaf næsta fisk-
veiðiárs. Elding, félag smábátaeig-
enda á norðanverðum Vestfjörðum,
skoraði á Alþingi að tryggja að íviln-
unin kæmi til framkvæmda eigi síð-
ar en 1. nóvember.
Sænska lögreglan vongóð
Búið er að yfirheyra nokkurn hóp
fólks í tengslum við rannsóknina á
morðinu á Önnu Lindh, utanríkis-
ráðherra Svíþjóðar, en öllum hefur
verið sleppt á ný. Lögreglan segist
binda vonir við vísbendingar frá al-
menningi eftir að myndum úr örygg-
ismyndavél var dreift af manni sem
svarar til lýsingar vitna á morðingj-
anum.
Powell heimsækir Halabdja
Colin Powell, utanríkisráðherra
Bandaríkjanna, átti í Íraksheimsókn
sinni í gær viðdvöl í bænum Hal-
abdja í Kúrdahéruðunum nyrst í
landinu, þar sem hann hitti ættingja
fórnarlamba alræmdrar eiturgas-
árásar sem Íraksher gerði á bæinn í
marz 1988. Hlaut hann þar hlýjar
móttökur.
Y f i r l i t
Í dag
Sigmund 8 Forystugrein 24
Viðskipti 12 Viðhorf 28
Erlent 13/14 Minningar 28/32
Höfuðborgin 15 Bréf 34
Akureyri 16 Skák 35
Suðurnes 17 Dagbók 36/37
Austurland 18 Íþróttir 38/41
Landið 19 Fólk 42/45
Neytendur 20 Bíó 42/45
Listir 21/22 Ljósvakar 46
Umræðan 23 Veður 47
* * *
„ÞAÐ eru vonandi bjartir tímar framundan. Allt
er þegar þrennt er,“ sagði Hrannar Pétursson,
skipverji á fiskibátnum Lukku-Láka, sem sökk
skammt undan Sandgerði í gær. Tvívegis áður
hefur Lukku-Láki lent í
óhappi á árinu, þó ekki eins
alvarlegu og nú. Hrannar
bjargaðist um borð í gúm-
björgunarbát ásamt skip-
stjóranum Sverri Jónssyni,
og þaðan var þeim bjargað
um borð í fiskibátinn Svölu
Dís eftir klukkustundar
rek í björgunarbátnum.
„Hún var ekkert spes,“
sagði Hrannar um dvölina í
björgunarbátnum. „Manni
varð bumbult af að rugga í
bátnum og það var fínt
þegar Svala Dís birtist.“
Flugvél Flugmálastjórnar fann skipbrots-
mennina á reki í björgunarbátnum 6 sjómílur
norðvestur af Sandgerði kl. 13.08 og var þeim
bjargað um borð í Svölu Dís 15 mínútum síðar.
Upphaflega var það flugvél frá flugfélaginu
Lufthansa sem var í 33 þúsund feta hæð og 25
sjómílur SV af Keflavík sem nam sendingar frá
neyðarsendi frá skipbrotsmönnunum kl. 12:25.
Gerði hún Flugmálastjórn viðvart. Skömmu síð-
ar var það vél frá KLM-flugfélaginu á svipuðum
slóðum sem einnig heyrði neyðarsendingarnar.
Flugvél Flugmálastjórnar var kölluð út kl. 12:39
og var komin í loftið 5 mínútum síðar. Kl. 13:08
fann hún gúmbjörgunarbátinn og hringsólaði yf-
ir honum uns Svala Dís kom á staðinn og bjarg-
aði þeim Sverri og Hrannari. Skammt frá maraði
Lukku-Láki í hálfu kafi.
„Við vorum bara að draga þegar drapst á vél-
inni,“ sagði Hrannar. „Við héldum að við hefðum
fengið í skrúfuna en þegar málið var kannað kom
í ljós að það var kominn sjór yfir vélina. Hann
flæddi yfir hana og sífellt hækkaði yfirborðið.
Við vorum orðnir hálfhræddir og fórum því í
galla, skutum upp neyðarblysi og fórum í björg-
unarbátinn. Báturinn [Lukku-Láki] hékk í hálf-
tíma með rassgatið rétt upp úr áður en hann fór
niður kl. tíu mínútur í þrjú. Það var blíðskap-
arveður og engin skelfing sem greip um sig.“
Þetta er í þriðja skiptið á árinu sem Lukku
Láki kemst í fréttir vegna óhappa. Hinn 20. mars
komst hann í hann krappan, varð aflvana og
strandaði við innsiglinguna í smábátahöfnina í
Grófinni í Keflavík. Mun betur fór en á horfðist
þar sem Sunna Líf KE-7 var skammt frá og náði
Lukku-Láka í tog.
Nokkrum dögum seinna var Lukku-Láki á
siglingu á Breiðafirði þegar drauganet kom í
skrúfuna. Drapst skyndilega á vélinni og þótt
tekist hefði að koma henni í gang á ný hristist
allt og skalf og báturinn gekk aðeins um eina
mílu. Var því leitað eftir aðstoð báta í grenndinni
og dró netabáturinn Jói á Nesi SH Lukku-Láka
til hafnar í Ólafsvík.
Skipbrotsmenn af Lukku-Láka komust lífs af eftir skipskaða undan Sandgerði
„Við vorum orðnir hálfhræddir“
Ljósmynd/Hilmar Bragi Bárðarson
Skipstjórinn á Lukku-Láka, Sverrir Jónsson, faðmar hér móður sína eftir að honum hafði verið
bjargað í land með fiskibátnum Svölu Dís. Lukku-Láki sökk er reynt var að draga hann að landi.
Þriðja óhapp fiski-
bátsins á þessu ári
GÓÐ stemmning var á Hótel Sögu í gærkvöldi á tísku-
sýningu sem Prjónablaðið Ýr stóð fyrir. Sýnd var nýj-
asta hönnunin í handprjóni, meðal annars mátti sjá þar
þæfðar flíkur. Til sýningarinnar var boðið 7.400
manns. Prjónaðar flíkur úr prjónablaðinu Ýri eru ár-
lega um 20.000 og í þær fara um 15 tonn af garni.
Nýjasta hönnun í handprjóni
Morgunblaðið/Árni Sæberg
VERÐ á minkaskinnum var 25% hærra á nýaf-
stöðnu skinnauppboði í Kaupmannahöfn en verið
hefur síðustu mánuði. Um var að ræða fimmta og
síðasta skinnauppboð sölutímabilsins sem stendur
frá desember fram í september.
Hækkunin felur í sér töluverða búbót fyrir þá
íslensku bændur sem seldu þar skinn en þó ber að
hafa í huga að einungis 15–20% af íslensku fram-
leiðslunni seldust á uppboðinu nú, hitt var búið að
selja fyrr á árinu þegar verð var lægra, að sögn
Einars E. Einarssonar, loðdýraræktarráðunautar
hjá Bændasamtökum Íslands. Hann segir þó
gleðiefni að verðið hafi hækkað, staðan hafi verið
erfið í greininni undanfarið en þetta gefi von um að
hægt verði að halda ræktun áfram hér á landi.
„Jákvæðast er að hækkunin undirstrikar hvað
mikill áhugi er á skinnum í heiminum en Grikkir
og Kínverjar voru stærstu kaupendurnir núna.“
Um 7% verðhækkunarinnar má rekja beint til
lækkunar dollarans gagnvart dönsku krónunni og
því er raunhækkunin 18%, að sögn Einars. Hann
bendir á að refaskinn hafi einnig hækkað í verði en
þó einungis sem nemi gengisbreytingum.
Aðspurður hvers vegna hann telji að verðið hafi
hækkað segir hann að eftirspurn hafi aukist, hún
ráði verðinu. „Skinn hafa verið „inn“ í tískuheim-
inum undanfarin ár og verið vinsæl meðal allra
frægustu hönnuða í heiminum.“ Hann bendir á að
sú neikvæða umræða sem átt hefur sér stað gagn-
vart loðdýrarækt hafi mikið gengið til baka. „Loð-
dýrarækt stendur núna sterk gagnvart gagnrýn-
inni umræðu enda hefur dýrahald breyst mikið á
undanförnum árum og meiri rannsóknir verið
gerðar.“
Verð á minkaskinni hækkar um 25%
BROTIST var inn í veitingastað-
inn Hafið bláa við Óseyrarbrú við
Eyrarbakka um helgina og stolið
þar áfengi og skemmdir unnar á
húsnæðinu. Lögreglu bárust vís-
bendingar um meintan brotamann
og fór heim til hans þar sem hluti
þýfisins fannst í bifreið á vegum
hans.
Auk innbrotsins er maðurinn
grunaður um að hafa ekið bifreið-
inni undir áfengisáhrifum og svipt-
ur ökuréttindum. Hann var hand-
tekinn og færður í fangageymslu.
Hann hefur nokkuð oft komið við
sögu hjá lögreglu.
Handtek-
inn fyrir
innbrot
BÍLL valt á Nesvegi, austan við
Saltverksmiðjuna á Reykjanesi, í
gær, en lögreglunni í Keflavík barst
tilkynning um slysið á ellefta tíman-
um. Einn maður var í bifreiðinni sem
fór margar veltur og er gjörónýt.
Ökumaðurinn var fluttur til aðhlynn-
ingar á Heilbrigðisstofnun Suður-
nesja.
Bílvelta á
Reykjanesi
♦ ♦ ♦