Morgunblaðið - 16.09.2003, Qupperneq 14

SÆNSKA lögreglan sagði í gær að
í leitinni að morðingja Önnu Lindh
utanríkisráðherra beindist nú at-
hyglin að manni sem sást á mynd-
bandsupptöku öryggisvélar við
morðstaðinn. Lögreglumenn segj-
ast vera vongóðir um að maðurinn
muni finnast á næstu dögum.
„Við höfum ekki borið kennsl á
manninn,“ sagði Stina Wessling,
talsmaður lögreglunnar, í samtali
við fréttamanna AFP-fréttastof-
unnar en sagði lögregluna vera á
réttri leið. Lífsýni á blárri hafna-
boltahúfu, sem talið er að morðing-
inn hafi kastað frá sér utan við
NK-verslunarmiðstöðina í Stokk-
hólmi, reyndust ekki passa við sýni
í gagnabönkum lögreglunnar.
Þá sagði lögreglan rangt, sem
fullyrt var í sænskum fjölmiðlum á
sunnudag, að blóðblettir hefðu
fundist í verslunarmiðstöðinni og
væru þeir taldir vera úr morðingj-
anum.
Samanburður á
lífsýnum bar engan árangur
Fram kemur á fréttavef Dagens
Nyheter að lögreglan hefði ekki
enn haft upp á hinum grunaða en
myndunum af honum hefur verið
dreift til lögregluembætta í Evr-
ópu. Á fréttamannafundi kom einn-
ig fram að DNA-erfðaefni, sem
fannst á bláu húfunni, hefði verið
borið saman við tvo sænska líf-
sýnabanka en án árangurs.
Annar bankinn inniheldur sýni
úr um 2.000 mönnum sem dæmdir
hafa verið í að minnsta kosti
tveggja ára fangelsi eða eru grun-
aðir um alvarleg afbrot. Í hinum
bankanum eru lífsýni sem safnað
hefur verið á vettvangi í tengslum
við um 400 þúsund afbrot í Svíþjóð.
Lögregla í Svíþjóð sendi norsk-
um starfsbræðrum sínum á sunnu-
dagskvöld ljósmynd af manninum,
sem grunaður er um ódæðið. Um
var að ræða mynd, sem tekin var
þegar maðurinn var handtekinn
fyrir nokkrum árum en með fylgdu
myndirnar sem teknar voru úr ör-
yggismyndavélinni í verslunarmið-
stöðinni á miðvikudag, skömmu
fyrir árásina á Lindh. Norska blað-
ið Adressavisen hefur þó eftir Arne
Huuse, yfirmanni norsku lögregl-
unnar, að ekki hafi fylgt með nafn
mannsins eða aðrar upplýsingar og
hefur lögreglan í Svíþjóð verið beð-
in um að veita þær.
Sagður hafa hrópað
til nærstaddra á sænsku
Sænska blaðið Aftonbladet full-
yrti í gærmorgun, að lögreglan
vissi hver maðurinn á myndunum
úr öryggismyndavélinni væri. Um
væri að ræða mann um þrítugt,
sem hefði verið handtekinn fyrir
liðlega áratug fyrir að ógna fólki
með hnífi. Hann hefði einnig hlotið
dóma fyrir ýmsa minniháttar glæpi
en ekki komið við sögu lögreglu á
síðustu árum.
Á fréttavef Dagens Nyheter í
gær bar Lars Grönskog, upplýs-
ingafulltrúi lögreglunnar, þetta til
baka og sagði að ekki væri búið að
bera kennsl á manninn á myndinni.
Hið sama sagði Agneta Blidberg,
ríkissaksóknari.
Lögregla vill ekki upplýsa hvort
morðinginn og Anna Lindh hafi átt
orðaskipti áður en maðurinn réðst
á hana og stakk margoft með hnífi.
Svenska Dagbladet hefur eftir
heimildarmönnum að morðinginn
hafi hrópað til nærstaddra í versl-
uninni eftir ódæðið og talað
sænsku.
Er morðinginn enn
í Stokkhólmi?
Blaðið segir lögreglu álíta að
maðurinn sé enn í Stokkhólmi og
er verið að afla upplýsinga um
hugsanlega verustaði hans. Segir
blaðið að maðurinn virðist svara
vel til þeirrar sálfræðilegu myndar,
sem sérfræðingar hafa verið að
draga upp af morðingjanum en
þeir telja að hann sé beiskur ein-
fari.
Athyglin bein-
ist að manni á
myndbandi
Sænska lögreglan segir rangt
að blóð úr meintum morðingja
Lindh hafi fundist í versluninni
ERLENT
14 ÞRIÐJUDAGUR 16. SEPTEMBER 2003 MORGUNBLAÐIÐ
LIÐSMENN konunglega riddara-
liðsins í Hollandi sýna færni sína á
æfingu á ströndinni við Scheven-
ingen og hleypa reiðskjótunum í
gegnum þykkan mökk og byssu-
reyk. Reyksprengjur eru notaðar á
æfingum til að líkja eftir táragasi
en mikil hætta er á að hestar fælist
við slíkar aðstæður.
Reuters
Hvergi smeykur
FJÓRIR, hið minnsta, týndu lífi í
gær þegar vöruflutningabíll sprakk í
loft upp við höfuðstöðvar öryggis-
þjónustu Rússlands (FSB) í rúss-
neska lýðveldinu Ingúsetíu.
FSB, sem er arftaki sovésku leyni-
þjónustunnar KGB, hefur stjórnað
aðgerðum Rússa gegn uppreisnar-
mönnum í Tétsníu en innanríkis-
ráðuneyti Rússa hefur nú tekið
stjórnina í sínar hendur.
Allar rúður brotnuðu í bygging-
unni og skemmdist hún mikið þótt
hún standi enn uppi. Í frétt ITAR-
Tass-fréttastofunnar kom fram að
allt að 100 manns hefðu verið inni í
höfuðstöðvunum þegar sprengjan
sprakk. Ekki er vitað hvort tilræð-
ismaðurinn var einn á ferð en hann
framdi sjálfsmorð er hann framdi
ódæðið. Talið er að 300–800 kíló af
sprengiefni hafi verið í bílnum en
hún sprakk í um 15 metra fjarlægð
frá húsinu. Höfuðstöðvarnar voru
teknar í notkun í júlí en þær eru við
embættisbústað forseta Ingúsetíu,
sem er sjálfsstjórnarlýðveldi.
Embættismaður á sviði neyðar-
þjónustu sagði að a.m.k. tveir hefðu
látist og 15 særst, þar af fjórir alvar-
lega. Í frétt ITAR-Tass var síðar
greint frá því að fjórir hefðu látist og
a.m.k. 40 særst.
Síðdegis í gær höfðu engin samtök
lýst yfir ábyrgð á tilræðinu en líklegt
var talið að þar hefðu aðskilnaðar-
sinnar frá Tétsníu verið að verki.
Þeir berjast fyrir stofnun sjálfstæðs
ríkis Tétsena. Rússar hafa boðið
Tétsenum aukna sjálfsstjórn og boð-
að hefur verið til forsetakosninga í
Tétsníu 5. október.
Mannskætt til-
ræði í Ingúsetíu
Moskvu. AFP.
    
  
!"
#
 "" %
 !


&!!
'!()* ! 
+ ,+
-!&! .
/
- *  
 + ),)  )  +
- 
   +


./  

 '
 +

0
 


)

$!

 

1 2 3 - 1 4 *
 012
3 1
  1
-5&&6)
" 
BILL Clinton, fyrrverandi Bandaríkjaforseti,
lætur nú til sín taka í auknum mæli vestra en
þar eru flokkarnir teknir að huga að þing- og
forsetakosningunum er
fram fara á næsta ári. Clint-
on hefur á undanliðnum ár-
um verið hundsaður af
flokksmönnum sínum en nú
eru demókratar teknir að
horfa til forsetans fyrrver-
andi á ný í þeirri von að hann
geti orðið þeim að liði í bar-
áttunni við repúblíkana sem
treysta á að vel smurð kosn-
ingavél og miklir fjármunir
muni tryggja þeim sigur í kosningunum, að
sögn fréttamanna AFP-fréttastofunnar.
Á sunnudag var Clinton á ferð í Kaliforníu en
þar berst ríkisstjórinn, Gray Davis, fyrir póli-
tísku lífi sínu eftir að knúnar voru fram nýjar
kosningar með undirskriftasöfnunum. Clinton
sótti messu í hverfi blökkumanna með Davis og
vísaði til reynslu sinnar í ávarpi er hann flutti.
„Ég gafst ekki upp. Ég var ákveðinn í að leyfa
þeim ekki að flæma mig á brott úr heimaríki
mínu. Ég beit því á jaxlinn og hélt áfram og á
endanum fór þetta allt vel,“ sagði Clinton m.a.
og vísaði til reynslu sinnar en margir töldu að
pólitískum ferli hans væri lokið þegar hann náði
ekki endurkjöri í ríkisstjórakosningum í
Arkansas á sínum tíma.
Þessi orð Clintons hefðu á hinn bóginn allt
eins getað verið lýsing á ferli hans eftir að for-
setatíð hans lauk. Demókratar hafa allt til þessa
hundsað forsetann fyrrverandi að mestu. Það
kemur til af hneykslismálunum sem fóru nærri
því að kosta Clinton forsetaembættið. Mikla at-
hygli vakti í forsetakosningunum árið 2000 þeg-
ar Al Gore, frambjóðandi Demókrataflokksins
og varaforseti Clintons, hundsaði forsetann
fyrrverandi með öllu og afþakkaði alla aðstoð
hans.
Efnahagsmálin í brennidepli
En nú sjást þess vaxandi merki að demókrat-
ar séu teknir að horfa til Clintons á ný. Um póli-
tíska hæfileika hans efast fáir. Nú telja margir
demókratar að forsetinn fyrrverandi geti
gagnast flokknum og frambjóðendum hans í
komandi kosningum. Von þeirra er sú að al-
menningur tengi uppganginn í efnahagslífinu á
liðnum áratug við Clinton um leið og alþýða
manna horfi til samdráttarins á þeim þremur
árum sem liðin eru frá því að George W. Bush
var kjörinn forseti. Á þeim tíma hafa milljónir
manna misst atvinnu sína auk þess sem staða
ríkisfjármála er talin heldur slæm.
„Clinton er vinsæll, sérstaklega í Kaliforníu
þar sem menn bera til hans góðan hug,“ sagði
Jerry Brown, fyrrum ríkisstjóri Kaliforníu, í
viðtali við CNN-sjónvarpsstöðina á sunnudag.
Á laugardag var Clinton á ferð í Iowa-ríki í
miðvesturhluta Bandaríkjanna. Iowa gegnir
sérstöku hlutverki í sérhverjum forsetakosn-
ingum þar eð forkosningar þar hafa oftar en
ekki reynst mikilvægt veganesti þeim sem að
lokum hreppir hnossið og gerist húsbóndi í
Hvíta húsinu. Þúsundir manna biðu komu Clint-
ons í bænum Indianola í Iowa þrátt fyrir að veð-
ur væri heldur leiðinlegt. „Velkominn aftur,
Bill. Við söknum þín,“ mátti m.a. sjá letrað á
spjöld sem viðstaddir báru.
Clinton vék að þeim níu mönnum sem ákveðið
hafa að gefa kost á sér í forkosningum Demó-
krataflokksins vegna forsetakosninganna 2004
en stjórnmálaskýrendur ýmsir hafa haldið því
fram að enginn þeirra hafi burði til að sigra
George W. Bush. Clinton sagði þennan mál-
flutning þreytandi. „Þegar einhver segir ykkur
að þeir sem bjóða sig fram til forseta hafi ekki
burði til að sigra er í raun átt við að viðkomandi
séu ekki nógu frægir,“ sagði hann.
En þótt meira beri nú á Clinton en áður í
þeirri stöðugu stjórnmálabaráttu sem fram fer í
Bandaríkjunum eru skoðanir um framgöngu
hans og persónu enn æði skiptar. Og repúblík-
anar hafa iðulega fært sér það í nyt. Í sumum
tilfellum hefur fátt reynst betra en að vísa til
Clinton-áranna þegar leitað er eftir fjárstuðn-
ingi við frambjóðendur repúblíkana.
Frambjóðendur á báðum áttum
Skoðanakannanir leiða einnig í ljós að enn er
þjóðin klofin í afstöðu sinni til Clintons og for-
setatíðar hans. Í könnun sem gerð var í sumar
kváðust 43% þátttakenda þeirrar hyggju að
ástandið í Bandaríkjunum hefði verið betra í
forsetatíð Clintons en nú. En 49% sögðu þessa
lýsingu frekar eiga við um síðustu þrjú árin
undir stjórn George W. Bush. Tölfræðilega er
þessi munur ekki marktækur.
Frambjóðendur sem sækjast eftir því að
verða útnefndir forsetaefni Demókrataflokks-
ins virðast einnig á báðum áttum um hvort
Clinton geti orðið þeim að liði. Á fundinum í
Iowa voru sjö þeirra mættir en aðeins þrír kusu
að koma fram opinberlega með honum. „Hann
er svo þekktur að hættan er sú að sérhver fram-
bjóðandi falli í skuggann af honum,“ sagði How-
ard Dean, fyrrverandi ríkisstjóri Vermont, sem
þykir nú líklegur til að verða útnefndur fram-
bjóðandi demókrata í forsetakosningunum á
næsta ári. „En skoðun mín er samt sú að hann
myndi reynast mikilvægur liðsmaður í kosn-
ingabaráttunni,“ bætti Dean við.
Minnt á hagsæld-
ina í tíð Clintons
Bill Clinton
Demókratar telja að vinsældir fyrrverandi forseta geti komið að gagni í kosningum
’ Velkominn aftur, Bill.Við söknum þín. ‘