Morgunblaðið - 16.09.2003, Side 8
FRÉTTIR
8 ÞRIÐJUDAGUR 16. SEPTEMBER 2003 MORGUNBLAÐIÐ
Það er aldrei of varlega farið með litlu krílin á þessum línuívilnunartímum.
Samhæfð markaðssamskipti
Að vinna með
öll tæki og tól
Almannatengsla-félag Íslands ogÍmark gangast
fyrir ráðstefnu á Nordica-
hóteli nk. fimmtudag 18.
september frá 11.30 til
16.30. Yfirskriftin er:
„Samhæfð markaðssam-
skipti: almannatengsl,
orðstír og árangur.“ Morg-
unblaðið lagði nokkrar
spurningar fyrir Áslaugu
Pálsdóttur, varaformann
Almannatengslafélags Ís-
lands, að þessu gefna til-
efni.
Hvað eru annars sam-
hæfð markaðssamskipti?
„Samhæfð markaðs-
skipti snúast um að vinna
með öll þau tæki og tól
sem markaðsfræðin hefur
uppá að bjóða, almanna-
tengsl, auglýsingar, viðburða-
stjórnun og fleira, allt eftir eðli og
umfangi verkefnis hverju sinni og
til hverra á að ná til. Aðalfyrirles-
arinn, John Sanders, er þeirrar
skoðunar að það þurfi líka að
horfa á markaðssamskipti sem
hluta af almannatengslum, frem-
ur en öfugt, af því að almanna-
tengsl snúast ekki um sölu-
mennsku heldur orðspor fyrir-
tækisins. Það verður áhugavert
að heyra hvaða skoðun ráðstefnu-
gestir og aðrir frummmælendur
hafa um þetta að segja.“
Hvers vegna að halda ráðstefnu
um samhæfð markaðssamskipti?
„Þörfin er til staðar, en æ fleiri
fyrirtæki eru farin að nota ólíkar
aðferðir markaðsfræðinnar til að
ná settum markmiðum. Þau hafa
séð að það getur skilað betri ár-
angri að ná beint til skilgreinds
markhóps í stað þess að ná til
allra í gegnum beinar auglýsing-
ar. Fyrirtæki eru einnig í auknum
mæli farin að gera sér grein fyrir
mikilvægi þess að eiga tvíhliða
samskipti við hlutaðeigandi hópa
fyrirtækisins, þ.e. starfsmenn,
viðskiptavini, hluthafa o.fl., í stað
einhliða samskipta áður.“
Hverjum gagnast samhæfð
markaðssamskipti?
„Fyrirtækjum sem vilja gera
betur í markaðsmálum og upplýs-
ingagjöf og stuðla að betra flæði,
bæði innan fyrirtækja og utan
þeirra.“
Hver er dagskrá ráðstefnunn-
ar?
„Aðalræðumaður dagsins er
John Saunders, framkvæmda-
stjóri Fleishman-Hillard á Ír-
landi. Hann býr yfir áratuga
reynslu á sviði almannatengsla og
mun erindi hans fjalla um samspil
markaðssetningar og almanna-
tengsla. Saunders hefur sérhæft
sig í innri og ytri samskiptum fyr-
irtækja og „krísu“-stjórnunnar.
Undir hans stjórn hefur Fleish-
man-Hillard orðið eitt stærsta
fyrirtæki Írlands á sviði almanna-
tengsla og hefur unnið til fleiri
verðlauna fyrir almannatengsl en
nokkurt annað fyrirtæki á Írlandi.
Fleishman-Hillard fyrirtækið er
eitt af stærstu almannatengsla-
fyrirtækjum heims
með 83 skrifstofur í 21
landi.
Meðal annarra fyrir-
lesara verða þau Óskar
Magnússon, forstjóri
Og Vodafone, yfirskrift
hans fyrirlesturs er: „Að svara
símanum – aðstæður nýttar til
trúverðugra almannatengsla.
Sjálf flyt ég fyrirlestur með yf-
irskriftinni: „Eru almannatengsl
vannýtt vopn við markaðssetn-
ingu vöru og þjónustu?“ Thomas
Möller, formaður Iceland Nat-
urally og framkvæmdastjóri
Thorarensen Lyfja, flytur erindi
sem hann nefnir: „Markaðssetn-
ing á Íslandi og í Bandaríkjunum,
hvernig hefur Iceland Naturally
nýtt sér almannatengsl í mark-
aðssetningu sinni sl. 4 ár og hver
er árangurinn?“ Þorlákur Karls-
son, framkvæmdastjóri rann-
sókna- og upplýsingasviðs IMG,
flytur okkur tölu sem hann nefnir:
„Eru árangursmælingar nauð-
synlegar í markaðsstarfi?“ Ráð-
stefnugestum gefst kostur á að
taka þátt í fyrirspurnum og al-
mennum umræðum um erindin.
Fundarstjóri er Þór Sigfússon,
framkvæmdastjóri Verslunarráðs
Íslands.“
Hverjar verða helstu áhersl-
urnar á ráðstefnunni og hver eru
helstu markmið hennar?
„Markmið ráðstefnunnar er að
ræða samspil markaðssetningar
og almannatengsla. Saunders
leggur mikla áherslu á að al-
mannatengsl snúist fyrst og
fremst um orðspor en ekki
„spunalækningar“. Hann telur að
sá tími sé liðinn að fyrirtæki geti
bætt ímynd sína með því að ráðast
í auglýsingaherferðir sem byggj-
ast eingöngu á því að sýna glans-
mynd af starfsemi fyrirtækisins.
Hann segir að almenningur sé það
vel upplýstur að hann sjái í gegn-
um slíkar glansmyndir og því
þurfi fyrirtæki og samtök að
hegða sér í samræmi við þá ímynd
sem þau vilja skapa sér. Saunders
mun benda á dæmi, sem hann
þekkir af eigin reynslu, um fyr-
irtæki og samtök sem
hafa áttað sig á þessari
staðreynd.“
Fyrir hvaða hóp er
þessi ráðstefna?
„Ráðstefnan er ætl-
uð öllum þeim sem
starfa við markaðsmál, stjórnend-
um og öðrum áhugasömum, en
ráðstefnan er öllum opin. Við telj-
um reyndar að ráðstefnan henti
stjórnendum fyrirtæka einkar vel
því þeir þurfa að geta gert sér
grein fyrir því hvaða möguleikar
felast í almannatengslum og sam-
spili þeirra við markaðssetningu
fyrirtækisins.
Áslaug Pálsdóttir
Áslaug Pálsdóttir er varafor-
maður Almannatengslafélags Ís-
lands og framkvæmdastjóri AP
Almannatengsla. Lauk meistara-
gráðu í almannatengslum frá
Boston University Collage of
Communication 2001 með
áherslu á innri og ytri samskipti
fyrirtækja. BA-próf í stjórn-
málafræði frá HÍ 1997. Hefur
starfað sem ráðgjafi í almanna-
tengslum fyrir ýmis fyrirtæki og
stofnanir frá 1996 og var áður
upplýsinga- og markaðsstjóri
Tölvumynda hf. Maki er Þórir
Kjartansson verkfræðingur, sem
á einn son, Kjartan.
Almenningur
sjái í gegnum
slíkar glans-
myndir
ÍBÚI í austurbæ Reykjavíkur til-
kynnti lögreglunni á sunnudag að
ruslatunnan hans hefði horfið um
morguninn en hann hafi fundið
hana seinna um daginn út við götu
og þá hafi hún verið full af verk-
færum og fleiru, hugsanlega þýfi
að hann taldi.
Svo reyndist þó ekki vera en eft-
ir eftirgrennslan kom í ljós að þar
hafði nágranninn verið að taka til í
bílskúrnum sínum og hafði fyllt
tunnuna af allra handa bílskúrs-
dóti.
Var honum vinsamlegast bent á
að slíkt sorp flokkaðist ekki undir
heimilissorp og betur færi að losa
sig við það með öðrum hætti.
Hélt að þýfi væri í ruslatunnunni
lif
u
n
Auglýsendur!
Hafðu samband í síma 569 1111 eða
í gegnum netfangið lifunaugl@mbl.is
Tímaritið Lifun fylgir Morgunblaðinu
miðvikudaginn 24. september