Morgunblaðið - 28.12.2004, Blaðsíða 21
MORGUNBLAÐIÐ ÞRIÐJUDAGUR 28. DESEMBER 2004 21
MINNSTAÐUR
Munið
að slökkva
á kertunum
❄
❄❄
❄
❄
❄
❄
Ef vatn kemst í vax
útikerta er hætta á
að heitt vaxið
skvettist á fætu og
hendur nálægðra
Slökkvilið
Höfuðborgarsvæðisins
❄
HÖFUÐBORGARSVÆÐIÐ
Reykjavík | Nýtt sorphirðukerfi
verður tekið í notkun í Reykjavík um
áramót, en þá býðst íbúum í sérbýli
(rað-, par-, og einbýlishúsum) að fá
grænar öskutunnur, sem losaðar eru
á tveggja vikna fresti í stað vikulega
eins og nú er. Sorphirðugjöld fyrir
grænar tunnur eru helmingi lægri,
4.850 kr.á ári en eru 9.700 fyrir hefð-
bundnar/svartar tunnur sem áfram
verða í notkun í fjölbýlishúsum og í
sérbýlum sem ekki óska eftir nýju
tunnunum.
Dreift á næstu dögum
Að sögn Guðmundar B. Friðriks-
sonar, deildarstjóra hjá Umhverfis-
og heilbrigðisstofu, höfðu alls um
1.460 grænar tunnur verið pantaðar
á aðfangadag, en áætlanir gera ráð
fyrir að um 20% sérbýla verði komin
með slíkar tunnur á næstu vikum
(um 1.800 tunnur). Hægt er að panta
tunnurnar með því að hringja í stofn-
unina eða senda tölvupóst á sorp-
hirda@reykjavik.is. Að sögn Guð-
mundar getur fólk breytt tunnufjölda
og tíðni losana eftir því hvernig
tunnu það velur, árið um kring.
Sé pöntuð ný tunna er miðað við að
hún sé komin til borgaranna næsta
dag. Einhverjar vikur munu þó líða
þar til tekst að koma fyrstu ösku-
tunnunum til þeirra sem eftir þeim
óskuðu, en fyrstu 400 tunnurnar eru
komnar til landsins og er stefnt að
því að byrja að dreifa þeim til við-
skiptavina á allra næstu dögum. Þær
eru hefðbundnar að stærð og að lög-
un eins og eldri tunnur, en grænar á
lit.
Fólk í fjölbýli getur
fækkað tunnum
Að sögn Guðmundar sjá starfs-
menn borgarinnar einnig um að
fækka tunnum hjá þeim sem þess
óska, bæði í sér- og fjölbýli. Þannig
geti íbúar í fjölbýli einnig lagt sitt af
mörkum og sparað í sorphirðugjöld-
um með því að flokka úrgang og skila
til endurvinnslu.
Frá og með áramótum er einnig
gert ráð fyrir að allt umframsorp
verði í sérmerktum pokum. Með nýj-
um grænum öskutunnum fylgja
fimm pokar á tunnu, en ráðgert er að
hefja sölu á pokunum fljótlega á nýju
ári, en þeir bera sérstakt sorphirðu-
gjald fyrir söfnun og förgun á úr-
ganginum. Þegar pokinn er nýttur og
óskað er losunar er pokinn staðsettur
við hliðina á öskutunnunni. Hann er
eingöngu ætlaður undir heimilissorp
og er óheimilt að setja í hann spilli-
efni eða annan hættulegan úrgang,
timbur, brotamálm og annan grófan
úrgang, garðaúrgang, múrbrot, jarð-
efni eða grjót. Sama á við um ösku-
tunnur. Að sögn Guðmundar ber þó
alltaf eitthvað á því, einkum á sumr-
in, að fólk losi t.d. garðaútgang í
tunnurnar. Beri svo við séu tunnurn-
ar einfaldlega ekki losaðar fyrr en
eigandinn hefur tæmt þær að nýju,
en reynt er að fylgjast með að ekki
fari í tunnurnar hlutir sem þar eiga
ekki heima.
Að sögn Guðmundar er tilgangur-
inn með nýju sorphirðukerfi sá að
bjóða Reykvíkingum að lækka sorp-
hirðugjöld, flokka sorp sitt og fara
tíðari ferðir í grenndarstöðvar með
flokkað rusl, eins og dagblaðapappír,
drykkjarfernur og -umbúðir og nýta
sér ennfremur jarðgerðartunnur
undir lífrænan úrgang. Hægt er að
nálgast upplýsingar um heimajarð-
gerð á heimasíðu Reykjavíkurborg-
ar, www.rvk.is, inni á vef Umhverf-
isstofnunar. Þá spari borgaryfirvöld
um leið fjármuni með færri losunum
á sorpi frá heimahúsum. Að sögn
Guðmundar er það árviss viðburður
um þetta leyti árs, þegar álagning-
arseðlar eru sendir út og sorphirðu-
gjald er tiltekið, að fólk hringi og
spyrjist fyrir um breytt fyrirkomulag
á sorphirðu og óski jafnvel eftir að
fækka tunnum.
Þess má geta að endurnýjun og
viðhald á sorptunnum er í höndum
Reykjavíkurborgar og getur fólk
haft samband við Umhverfis- og heil-
brigðisstofu, telji það að tunnur þurfi
endurnýjunar eða viðhalds við.
Búið að panta 1.500
grænar öskutunnur
Stefnt að því að
nýtt sorphirðu-
kerfi nái til 20%
sérbýla í fyrstu
Morgunblaðið/Árni Sæberg
Pétur Elínarson, starfsmaður Umhverfis- og heilbrigðisstofu Reykjavík-
urborgar, við nýju, skærgrænu öskutunnurnar.
LEIKARINN góðkunni, Kiefer Sutherland, hefur
dvalist á Íslandi undanfarna daga og í gærkvöldi var
hann viðstaddur tónleika á Kofa Tómasar frænda í
miðbæ Reykjavíkur, en þar spilaði vinur hans, Rocco
Deluca, (t.h.) nokkur lög.
Sutherland tók ekkert í gítarinn, en hann hefur
einbeitt sér að leik í kvikmyndum og sjónvarpsþátt-
um. Að undanförnu hefur hann leikið eitt aðal-
hlutverkið í sjónvarpsþáttunum 24, sem sýndir hafa
verið hér á landi.
Ljósmynd/Hörður Sveinsson
Kiefer Sutherland á tónleikum