Morgunblaðið - 22.08.2004, Page 3

22.8.2004 | 3
4 Flugan
gerðist flökkukind, flaug í Kópavoginn til
að skoða danska og íslenska hönnun í
Gerðarsafni og mætti síðan í opnunarteiti
í Garðabænum. Ekki lét hún þar við sitja
heldur flakkaði um tímann á ljós-
myndasýningu í miðborginni þar sem hún
trallaði fram á nótt í blíðskaparveðri.
6 Helgi Snær
sem segist vera jafnundarlegur og margur
annar hefur mikinn áhuga á að strand-
blaki kvenna verði meiri sómi sýndur í
íþróttaþáttum sjónvarpsstöðvanna.
6 Lofar góðu
Sigrún Sigurðardóttir les tuttugustu öld-
ina í gegnum ljósmyndir.
8 Þá segistu búa við Válastíg 7
Birna Þórðardóttir hefur síðustu misseri
rekið fyrirtækið Menningarfylgd Birnu og
fer með smáa og stóra hópa íslenskra og
erlendra gesta um miðbæinn.
10 Ævintýri á heimshöfunum
Ásdís Halldórsdóttir líkamsræktarþjálfari
sigldi umhverfis jörðina á hinu fornfræga
skemmtiferðaskipi Queen Elizabeth II.
12 Dýpstu Bjarkar rætur
Hver ný Bjarkar-plata þykir frétt á heims-
vísu. Á þeirri nýjustu, Medúllu, sem senn
kemur út, hvíslar hún inn í rokið og
raddar yfir lognið. Músík fyrir merg og
bein.
18 Töfrar tangósins
Kristín Hauksdóttir gerði stuttmyndina
Past bedtime um litlu augnablikin sem
gera lífið stórt.
20 Einfari í undirheimum Los Angeles
Michael Connelly er ekki aðeins meðal
vinsælustu krimmahöfunda samtímans
heldur einn sá fremsti.
21 Hippar, Villta Vestrið og Hollívúdd-
glamúr
Ómissandi fatnaður og fylgihlutir í fata-
safnið til að tolla í tískunni í haust og vet-
ur.
22 Álitamál
Guðrún Guðlaugsdóttir veltir upp nokkr-
um hliðum á mannlegum málum.
22 Krossgáta
Hvaða fantaskapur er að hætti Sigurðar,
drykkjufélaga Jóns Hreggviðssonar?
Skilafrestur úrlausna krossgátunnar er
næsta föstudag.
23 Pistill
Auður Jónsdóttir eldar kvöldmatinn með-
an fyrirsagnir sprikla í hausnum og reynir
að muna hvað gerðist hvenær.
Tímarit Morgunblaðsins Kringlunni 1, 103 Reykjavík,
sími 5691100, netfang: timarit@mbl.is Útgefandi Árvakur hf.
Umsjón Margrét Sigurðardóttir margret@mbl.is,
Valgerður Þ. Jónsdóttir, vjon@mbl.is
Auglýsingar sími 5691111 netfang augl@mbl.is
Bréfsími 5691110 Prentun Prentsmiðja Árvakurs hf.
ISSN 1670-4428
Forsíðumyndina og mynd á bls. 17 tóku Inez van Lams-
weerde & Vinoodh Matadin í London 28. júní fyrir plötu-
umslag Medúllu.
8
Birna Þórðardóttir
þekkir bakgarða
Reykjavíkur út og inn
og miðlar fróðleiknum.
20
1021
„Já, auðvitað, Björk og Ísland“ – eða „Ísland og Björk“,
segja margir útlendingar hrifnir og líka stoltir yfir vitn-
eskju sinni, þegar þeir hitta fyrir Íslending á erlendri
grund og þeir taka tal saman. Soldið misjafnt hvora orða-
röðina þeir nota, en báðar ótvíræð vísbending um að nafn Bjarkar er orðið samofið landinu og oft
vita útlendingar fátt um Ísland annað en að Björk er íslensk. Umræðuefninu er borgið, a.m.k. þarf
ekki að fara að skeggræða pólitík, viðskipti og viðlíka málefni, sem tröllríða fjölmiðlum dag hvern
og sumum finnst vægast sagt hundleiðinleg. A.m.k. er Björk orðin þreytt á pólitísku argaþrasi, eða
eins og hún orðaði það í samtali við Sigurbjörgu Þrastardóttur í Tímaritinu í tilefni nýrrar plötu
sinnar; Medúllu, sem kemur út í lok mánaðarins: „Mín tillaga er þessi: Það er aðeins fleira á mat-
seðlinum en pólitík; það eru fuglar og tré, fólk að segja brandara, fólk að deyja, fólk í garðyrkju,
fólk á leið í vinnuna ... Stjórnmál eru ekki 95% af lífinu, þau eru kannski 2% og mér fannst bara –
með þessari plötu – að ég þyrfti að styðja fjölbreytileika lífsins. Undirstrika að mannssálin er á lífi
með fullt af góðum hugmyndum og lífsþrótti sem snýst um fleira en að breyta heiminum í svart og
hvítt,“ segir hún. Sjálf hefur Björk lagt drjúgt af mörkum til að mála lífið fjörugri litum. „Stundum
á tónlistin að tala, stundum orðin,“ segir hún og kveðst í eina tíð hafa sungið á bullmáli. En þótt
rödd hennar sé einstök og hún beiti henni snilldarlega, í bland við aðrar mannsraddir, sem hljóð-
færi væri á Medúllu, kann hún líka að nota hana til að tjá skoðanir sínar og lífssýn. Og það gerir
hún ekki á neinu bullmáli, eins og glögglega kemur fram í fyrrnefndu viðtali. Óskandi að rödd
hennar heyrist sem víðast. vjon@mbl.is
22.08.04
L
jó
sm
yn
d:
K
ri
st
in
n
In
gv
ar
ss
on